الموضوع: الفيديو الكامل لمدير امن البحيرة

منا بجد مستغرب ربنا يهدي الناس دي

والله يا جماعه مفيش حاجة صعبة على ربتا

ربنا قادر على تغيير نفوسهم ده ربنا يا جماعه لازم ندعيلهم ماهما ضالين ولازم ندعيلهم انا كنت الاول فعلا بكرههم بس هما فعلا يصعبو على الواحد حالتهم يرثى لها لأنهم لو ظلمو بيظلمو نفسهم



وحتى لو فيهم طيش شباب برده ينفع نعدلهم اكيييييييييييييييد مش صعب كله بالتدريب والدعاء وهكررها الدعااااااااااااااااااااا اااااااااااااااء

المفروض ان الشرطه بكامل كيانها تحترم نفسها وتحترم المواطن اللي بتتعامل معاه
انا شفت ظباط بيتكلمو مع الناس بكامل الاحترام وبيسمعوا كل الشكاوى اللي بتجيلهم وبيحلوها بتوجيهات الناس وده كان في مقر المرور
ودي حاجه كويسه واجبه عليه
علشان مكانه وسط الناس يحفظ امنهم ويحل مشاكلهم في نطاق عمله مش في مكتبه
العمل الميداني هو الاساس للشرطه المدنيه بجانب حفظ الامن وضبط الخارجين عن القانون

اما بقى اما يطلع مدير امن يقول الكلام ده في الاول وليه معنى واحد انهم اسيادنا واننا بنعيط وخلافه وهما مش موجودين وفجأه يقسم كلامه لمعنيين عشان الكاميرا
اعتقد ان ده غير مشرف اطلاقا لشخصه

الاحترام والمعامله الكويسه وسيله للتواصل بيننا كمدنييين وبينهم

هما حطوا نفسهم في مأزق وانا براهن انهم دلوقتي بيعيشوا حاله من الاحباط والاكتئاب بسبب الكره اللي ظهر
برغم انه كان موجود لكن كان مختفي

واللي عملوه مع الناس في 25,26,27,28 محدش هينساه ليهم وهيفضل عار عليهم ابد الدهر
والناس مبتنساش ومبتسامحش

الحل انهم يطلعو نفسهم من المأزق ده وميحاولوش يستعطفوا الناس بكلام فارغ من عينة احنا مظلومين احنا مغصوبين احنا منكم احنا من الشعب وعمليا زي ما طلعو مظاهرات كدا

لازم يسود مبدأ الاحترام من عندهم الاول واللي مبيعرفش بتعامل منهم باحترام يخليه مع المجرمين وميحتكش بالمواطن الشريف
ويتعامل معانا ناس متأهله نفسيا بتعرف تتعامل مع المدني بدون كبر او تعالي
لان محدش ابدا هيرضى ان كرامته تتهان من اي شخص مهما بلغ من مناصب

احترمني احترمك مش هتحترمني بالجزمه والشلوت
زي بالظبط ما كانو بيعملو في الناس

وبعدين سيبو الناس تاخد حقها منهم ويشوفو الاهانه اللي كانو بيوروها للناس شكلها ايه علشان يعرفو ان الكرامه حاجه غاليه اوي

يا دكتور بص على كلامه و نفصله و لاحظ نفس الاسلوب و الكلام
اولا نظرية المؤامرة لاخذ السلطة منهم و السيطرة على البلد
ثانيا الباشا بيقول ان محاسبة السادة مساعدى وزير الداخلية اشاعة و لا يمكن تحصل يعنى سيادتهم فوق القانون و ان لم تستحى افعل ما شئت
ثالثا البشوات دول ابطال و ده طبعا بحق انهم كانوا بيضربوا و يموتوا فى الشعب
رابعا البشوات دول اسيادنا و معاهم التصريح بالضرب بالجزمة مين اللى اداهم التصريح ده اللى يغلط يحاسب بالقانون و هما مش مسؤلين عن الحساب فى نيابة و قضاء
خامسا من السيد المهرج اللى جانبه مرة يقولوا احنا ابطال و مرة يخليه يعدل فى كلامه و مرة سعادته بيتعلم من مدير الامن و الاحلى ان سعادة مدير الامن رجل البر و التقوى و كاننا داخلين انتخابات
يعنى سعادة مدير الامن ليس شخصية قيادية و لكنه شخصية تابعة و لا جديد فى قيادات وزارة الداخلية اللى فوق المحاسبة
يا دكتور بالله عليك لا تدافع عن الشرطة عن طريق اخذ جزء من الكلام الحلو لانه باين انهم كدابيين خايبين و هما بيقولوه و ذلك لضعف شخصياتهم و ثقافتهم و لازم نكون متاكدين ان التغيير لن يحدث بين ليلة و ضحاها بس للاسف هما لسه لم يبداءوا فى التغيير و علشان نكون صادقين مع نفسنا القيادات الحالية لن تستطيع ان تقود هذا التغيير لأن فاقد الشئ لا يعطيه ازاى هيعطيك التغيير و هو قضى اكثر من 30 سنة من عمره على نفس الافكار ومن شب على شئ شاب عليه