نيوبيرا..بولينيز...رفقاً بأبنائى ساعدونى

**hazem_khidr** · 08-04-2008 03:31 AM

عموما استخير ربنا
لان كلام احنا ركبنا في 128 مكيفات و عادي دا يقلق.
و بعدين الحمل علي الموتور حيبقي جامد مش حكايه شخص زياده ابدا
و لو الردياتير حديد غيره بواحد نحاس 3 ماسوره أأمن لان التكييف حيزود الحراره.
و ربنا معاك

**fahd_628** · 08-04-2008 05:11 AM

انا رأى من رأى الأخ كريم منير انك تجيب عربية مكيفة مثل الريجاتا مثلا و محركها مصمم لكى يتحمل تكييف و هية بتنزل بتكييف منغير اى تعديلات

و بالنسبة للبولونيز بصراحة مقدرش افيدك اوى فى الموضوع دة بس الى اقدر اقولهولك ان بلاش حد يلعب فى العربية كدة لأن عمر الى حيعملوة حيطلع مظبوط 100 %

و صحيح فية حاجة لازم تاخد بالك منها ان العربية يبقى العزل بتاعها كويس علشان التكييف يشتغل كويس لأن لو العربية عزلها مش كويس ( هواء كتيير بيخش على الكابينة ) التكييف حيبقى اكنة مش شغال

**abdinsemred** · 10-04-2008 12:36 PM

ألف شكر ياجماعة للردود ...وإنشاء الله نجاملكم فى الأفراح

اليوم ..أخذت العربية لنزينة شل بجوار نادى السكة الحديد بالأتوستراد بغرض الكشف عن حالة الموتور قبل تركيب التكييف, وكانت النتائج كالآتى :-

-قام الفنى بتركيب probe فى الشكمان وطرفف من الجهاز حول سلك البوجية للسلندر الأول , ثم أعمل جهاز الإختبار

-الجهاز يقوم بتسجيل الأر بى إم الخاصة بكل سلندرعلى شاشته ( مع أن السيارة واقفة وسلك الجهاز على طرف بوجيه واحد), كانت الأر بى إم كلآتى:
البستم الأول من ناحيية الردياتور 192 أر بى إم
البستم الثانى .................128

البستم الثالث................86
البستم الرابع .............100

- افاد الفنى أن الموتور بصفة عامة يحتمل تركيب تكييف معع ضرورة تعلية البنزين قليلاً عند تشغيل التكييف ودلك من خلال الوحدة الخاصة من ملحقات التكييف( أدفانس)أو من خلال شد الشفاط من الداخل قليلا

-العادم به القليل جداً من حرق الزيت .ولديهم زيت الشنبر إس تى بى يزيد من لزوجة الزيت العامل فى الموتور ( الزيت عامل 200 كيلو فقط) ويمنع الإحتكاك بالإسطوانة وبصفة عامة يطيل عمر الموتور , وتم شرائه وإضافته للموتور

- رقمياً .. حاله الموتور تمثل حوالى 75% من حاله الموتور وهو زيرو

- قد يحتاج ا الموتور إلى طقم شنبر بعد رحوالى سنة ونصف من تركيب وتشغيل التكييف

والآن الأخوة الأفاضل الخبراء ..رجاءاً النصيحة . وإبداء الراى الدى احترمة جداً فى قراءات جهاز الإختبار ورأى هداا الفنى ...

علماً أننى كنت على الأتستراد بالسيارة على سرعة تقريباً 120 والسيارة فى منتهى الإتزان والثبات والحرارة حوالى 60 والسحب فى المطالع رائع , حتى أننى تدكرت العزيزة النيوبيرا خلال الأيام القلائل التى كانت فيها معنا

وطبعاً لكم كل الشكر مقدماً على مساهماتكم والمشورة التى أتمناها منكم كخبراء

**Xpert** · 12-04-2008 12:03 AM

نصيحه .. بيع البولونيز و خليك ورا دوجان 95-97 فول اوبشن بيجي فيها تكيف .. صيانه التكيف اسهل من انك تركب واحد في عربيتك .. الموضوع مش بس موضوع الموتور يستحمل ولا لاء .. انت محتاج موتور يستحمل - مكان في الحوض - مكان تحت التابلوه و غير كده كمان مشاكل كتيره ... نصيحه لوجه الله شوف دوجان فول اوبشن .. 1.6l SLX

**abdinsemred** · 13-04-2008 10:13 PM

الأخوة الأفاضل ....بصراحة أنا مش عارف اشكركم إزاى على صدقكم فى النصح والإرشاد وسعة الصدر ..وفقكم الله لما يحب ويرضاه...

مش ممكن بعد كل النصح ده من خبراء كبار زيكم ..أصر على تركيب التكييف.!!!!؟؟؟...ساوصم نفسى بالغباء....

كمان بعد قياس كبس الموتور ( معبراً عنه بالآر بى إم ) وبيان أن كبس البستم الثالث من ناحية الريلتور منخفض بالمقارنه بباقى البساتم

أشكرم جداً إخوانى الخبراء ..وربنا يعينا ونستحمل البولينيز خلال الصيف , وغالباً هانهى عقد إيجار النيوبيرا فى شهر 9 الحالى .ثم أبيع البولينيز وتبقى معنا النيوبيرا.....والله المستعان..وأكرر شكرى وتقديرى للجميع

**ahmed_su** · 10-05-2008 08:27 PM

المشاركة الأصلية كتبت بواسطة abdinsemred

الأخوة الأفاضل ....بصراحة أنا مش عارف اشكركم إزاى على صدقكم فى النصح والإرشاد وسعة الصدر ..وفقكم الله لما يحب ويرضاه...

مش ممكن بعد كل النصح ده من خبراء كبار زيكم ..أصر على تركيب التكييف.!!!!؟؟؟...ساوصم نفسى بالغباء....

كمان بعد قياس كبس الموتور ( معبراً عنه بالآر بى إم ) وبيان أن كبس البستم الثالث من ناحية الريلتور منخفض بالمقارنه بباقى البساتم

أشكرم جداً إخوانى الخبراء ..وربنا يعينا ونستحمل البولينيز خلال الصيف , وغالباً هانهى عقد إيجار النيوبيرا فى شهر 9 الحالى .ثم أبيع البولينيز وتبقى معنا النيوبيرا.....والله المستعان..وأكرر شكرى وتقديرى للجميع

عين العـــــــقل