الله يخرب بيت كده

**تامر.محمد** · 26-02-2011 01:55 PM

الناس اللي كانوا في التحرير نضفوا الميدان (و كانوا بينضفوه يوميا) و دهنوا الارصفة بعد تخلي مبارك و اخلاء الميدان و كانوا قبل الاعتصام الكامل بعد رحيل الشرطة بينظموا المرور و لحد امبارح كان اي حد بيرمي ورقة في الأرض بيلاقي اللي يقول له ما تعملش كده (امبارح فيه واحدة ست دخلت مشادة مع بياع جائل لأنه رمى ورق في الأرض و لما قالت له ما ترميش رد عليها بقلة أدب)
و قدام مجلس الوزرا كان اي حد بيرمي ورق في الأرض يا كان بيلاقي اللي يقول له ما تعملش كده يا كان بيلاقي اللي بيشيلها فورا
و لما كانت المجموعة الصغيرة متحاصرة بكردونات الجيش كانت المجموعة اللي برة بيحدفوا لهم شيكولاتة و زجاجات مياه معدنية
و لو سألتم اي حد من اصحاب التصرفات اللي معترضين عليها دي عن احداث ميدان التحرير هاتلاقوه ولا يعرف حاجة الا من وسائل الاعلام او يا دوب راح في الكرنفال

ازاي تنسبوا افعال ناس مالهمش في المظاهرات اصلا للناس اللي في المظاهرات و هما بيعملوا عكسه بالظبط ؟؟؟؟؟

**wael17** · 26-02-2011 02:11 PM

المشاركة الأصلية كتبت بواسطة tlrsiap

الناس اللي كانوا في التحرير نضفوا الميدان (و كانوا بينضفوه يوميا) و دهنوا الارصفة بعد تخلي مبارك و اخلاء الميدان و كانوا قبل الاعتصام الكامل بعد رحيل الشرطة بينظموا المرور و لحد امبارح كان اي حد بيرمي ورقة في الأرض بيلاقي اللي يقول له ما تعملش كده (امبارح فيه واحدة ست دخلت مشادة مع بياع جائل لأنه رمى ورق في الأرض و لما قالت له ما ترميش رد عليها بقلة أدب)

مع احترامي لكلام حضرتك بس ده الوجه الجميل و من العدل عدم تجاهل الجانب السيء
Lara Logan Sexually Attacked in Egypt During Protesters' Celebration - ABC News

**تامر.محمد** · 26-02-2011 02:45 PM

المشاركة الأصلية كتبت بواسطة wael17

مع احترامي لكلام حضرتك بس ده الوجه الجميل و من العدل عدم تجاهل الجانب السيء
Lara Logan Sexually Attacked in Egypt During Protesters' Celebration - ABC News

لا داعي للتصديق قبل التحقق منعا لظلم الناس
الخبر اهو
Lara Logan Suffered 'Brutal' Sexual Assault In Egypt

On Friday February 11, the day Egyptian president Hosni Mubarak stepped down, CBS correspondent Lara Logan was covering the jubilation in Tahrir Square for a 60 MINUTES story when she and her team and their security were surrounded by a dangerous element amidst the celebration. It was a mob of more than 200 people whipped into frenzy. In the crush of the mob, she was separated from her crew. She was surrounded and suffered a brutal and sustained sexual assault and beating before being saved by a group of women and an estimated 20 Egyptian soldiers. She reconnected with the CBS team, returned to her hotel and returned to the United States on the first flight the next morning. She is currently in the hospital recovering.

previously been detained by Egyptian authorities while attempting to enter Cairo.

**wael17** · 26-02-2011 04:54 PM

المشاركة الأصلية كتبت بواسطة tlrsiap

لا داعي للتصديق قبل التحقق منعا لظلم الناس
الخبر اهو
Lara Logan Suffered 'Brutal' Sexual Assault In Egypt

طب ما هو نفس الخبر اللي أنا جبته
Lara Logan Sexually Attacked in Egypt During Protesters' Celebration - ABC News

و اكيد الي عملوا كده مش هم المحترمين الي كانوا بينضفوا الميدان...اللي انا عايز أقوله ان لازم يكون في واقعية و عقلانية في الحكم علي الأمور....مش تبقي كل حاجة محكومة بالعواطف...اللي حصل في ميدان التحرير كان حاجة جميلة العالم كله اتكلم عنها و نجحت في اسقاط طاغية حكم 30 سنة...لكن ممكن كمان اللي حصل يؤدي لفوضي و يشوهه صورة الثورة الجميلة
ما ينفعش لما انا و غيري نقول الرأي ده يتم اتهامنا اننا حزب وطني و أعداء الثورة....لما واحد يقول لازم نتعاون مع الشرطة و ما ينفعش الناس تبقي ماشية في الشوارع متحفزة و مستنية اي احتكاك عشان تهاجم ظباط الشرطة و يتم الاعتداء بصورة حيوانية و همجية لا يوجد مثيل لها في العالم بحجة الثورة و اصل هما لازم يدوقوا اللي عملوه في الناس...تخيل الظابط الي استشهد في سجن الفيوم عشان رفض يسيب المساجين يهربوا...تخيل انه ماكانش مات و كان ماشي بلبسه المدني في المعادي وقت الحادث و حته عيل صايع بتاع ميكروباص ماشي بسنجه وقفه و عرف انه ظابط و الناس اتلمت عليه و قتلته...يرضي من ده؟

و بعدين سؤال للناس اللي معترضة علي حكومة شفيق لمجرد ان اللي جابه حسني مبارك...طيب ما هو طنطاوي الحاكم الفعلي للبلد جاء في عهد مبارك و من سنين طويلة...علي الاقل شفيق رأس الحكومة اسبوعين بس في عهد مبارك و جاء لارضاء المتظاهرين ...هاتقولي طنطاوي جيش و الجيش نظيف...طب ما هو شفيق جيش برده و لما ساب الجيش مسك وزارة الطيران المدني و ما سمعناش حاجة وحشة عنه...طب ما الجنزوري مسك سنين في عهد مبارك ده برده مش عاجب؟...
ليه لما باقول الراي ده اللي ناس كتير قوي موافقة عليه بيتم اتهامنا باننا حزب وطني و بنخون الثورة....هو حرام اقول رأي اللي انا مقتنع بيه..هي دي الديموقراطية و هي دي مبادئ الثورة
و نوعيه الردود اللي من العينة دي بتمثل الثورة:
-الي بيقول ماننزلش مظاهرات تاني يخرس
- في ناس بتعارض المظاهرات...ما حدش يرد عليهم..و اعمل نفسك مش شايفهم
- انت شكلك حزب وطني و بتوع الوطني دول يستاهلوا ابادة جماعية

اصحاب الردود دي هم الثوار و دول اللي بيمثلوا الشعب المصري؟؟؟؟؟؟؟؟؟؟؟
لو ده حقيقي...يبقي فعلا مفيش فايدة!!!