الموضوع: حقيقة اللى حصل أمبارح فى ميدان التحرير - شاهد عيان ومشاهد من الميدان

المشاركة الأصلية كتبت بواسطة wawoo

يعنى الناس تحتفل كدة و تبقى فى حلها اهلا بيهم انما تطالب بمطالب محددة و تعترض حتى تنفيذها يبقى بنشل الدنيا و الموضوع بقى اوفر ..اية المنطق دة

لمعلوماتك المجموعة اللى كانت عاوزة تعتصم فى الميدان كانت حتعتصم فى جزء صغيرفى حديقة فى الميدان ..و مهما كان حيعملو اية دة لا يبرر استخدام الشرطة العسكرية للقوة فى التعامل مع المعتصمين باى حال من الاحول ..

مافيش حاجة اسمها استخدم القوة ضد افراد عزل من السلاح ..البلطجة لمجرد انة بيحمل سلاح وانا لا دة غير مقبول باى شكل من الاشكال هذا التعامل ..احنا عملنا ثورة كاملة عشان نتخلص من هذا الاسلوب الهمجى فى التعامل

يبقى نتعامل باحترام او الحل الاخر ان الجيش يتنحى هو كمان بقى لو بيفكر يتعامل بنفس منطق امن الدولة السابق

كفاية خنوع و زل بقى من اى حد مهما كان داخلية ,امن دولة , شرطة عسكرية او غيرهم مش حنتعامل بالطريقة الهمجية دى تانى

و لازم كل افراد الشرطة العسكرية يفهمو كدة و فكرة البلطجة بااستخدام السلاح دة غير مقبول على اى مستوى

اولا انت ما قرأتش كلامي كله علي بعضه , انا ما قلتش ان الناس تتجمع عشان تحتفل و يخبطوا راسهم في الحيط بعد كده و احنا اللي عايزيين نعمله هنعمله , انا بقول ان السياده دلوقتي في ايد الشعب و ده في حد ذاته مكسب لوحده , ثانيا لو انت عندك مطالب يبقي تطالب بيها و تنزل الشارع و تؤكد عليها و يبقي عندك الحجه لاقناع الآخريين بها , لكن انك تفرض رأيك بالقوه و يا كده يا اما اقعد , و اخالف القانون و اقف عند مجلس الوزراء و امنع الناس تدخل , و لما الجيش يمنعني احدفه بالطوب و ارجع اشتكي ؟؟؟ لأ يا عزيزي يبقي انت كده ضيعت حقك و اتحولت من مظلوم لظالم ووضعت نفسك تحت طائله القانون و يبقي لا طلت فوق ولا تحت .

المشاركة الأصلية كتبت بواسطة wawoo

طيب دى شاهد عيان تاكد كلامى اهة ..اية رايوكو بقى فى ما حدث امس ..على فكرة الموضوع اكبر بكتير من فكرة حظر تجول ..

YouTube - ‫ظ†ظˆط§ط±ظ‡ ظ†ط¬ظ… ظ†ط§ط´ط·ط© طھظ‚ظˆظ„ ط§ظ„ط¬ظٹط´ ظٹط·ط§ط±ط¯ ط§ظ„ظ…طھط¸ط§ظ‡ط±ظٹظ† ط¨ط§ظ„ط¶ط±ط¨‬‎

ويعنى نوارة نجم الهة وهى بتتكلم فى الجزيرة نصدقها
طيب مفى ناس تانية بترد بالعكس
وبعدين انا لو ظابط جيش وحد قاعد يستفز فيا طول الوقت ومستغل انى مش حعمله حاجة فى وقت حنفجر فيه وحخرج عن شعوى واكيد فى تجاوزات حصلت من الجيش والجيش اعتذر طيب خلاص في ايه تانى..يعنى لما الجيش يطلع يعتذر دى خطوة مهمة ومعناها انه مش بيتعامل على انهم شوية عيال


استاذ wawoo
المطالب كانت نشيل مبارك اتشال..قلنا مش عايزين الوزرا القدام اتشالوا كلهم .لا نشيل شفيق..واحد امبارح بيقولك فى التلفزيون نشيل كل المسئولين من اول المحليات الى ما فوق!!!!يعنى نستورد شعب جديد نمسكه الحكم علشان ميبقاش فى ريحة مبارك.كلام غير مسئول وغير عقلانى وعايزين نفرضه بالعافية..ولو شالوا شفيق وجابوا حد تانى حيطلع شوية يقولوا مش عاجبنا لانك للاسف مبتتكلمش على فئة واحد وكيان واحد ليه قيادة وخط واضح تقدر تتكلم وتتفاوض معاه

المشاركة الأصلية كتبت بواسطة wawoo

لا والله ..يعنى الثورة بتتلكك مثلا , و لا اية ..
انا معرفش حضرتك مع مين بالضبط لكن فى ثورة شعبية حصلت فى مصر كلها و لازم طلبتها كلها تحترم لانها مطالب معظم الشعب ..

لما الثورة تقول مش عوزين احمد شفيق يبقى يغور احمد شفيق
لما الثورة تقول عاوزين محاسبة جهاز امن الدول يبقى جهاز امن الدول يتوقف نشاطة و يتحاسب على جرائمة
و غيرها من المطالب

احنا مش بنستجدى حاجة من حد .. الثورة قدمت مئات الشهداء و الاف المصابين ثمنا لهذة المطالب ..و مش كل سنة الشعب حيعمل ثورة

اللى فتحو السجون لازم يتحسبو و اللى هربو من مواقعهم لازم يتحسبو واللى زورو الانتخابات لازم يتحسبو

و اى مطالب جديد تتنفذ فورا ..انما سياسة طيب و حنشوف و بعدين دى معنها اننا بنلعب بقى و فى ايدى خفية مازلت تحكم من خلف الجيش و المجلس العسكرى

أى مطالب جديده تتنفذ فورا !!!!!!!!!
أيه المنطق الغريب ده

المشاركة الأصلية كتبت بواسطة adelseliem

وليه حضرتك بتطالب بالأحترام ومش عايز تطالب المتظاهرين بأحترام حظر التجوال
والناس اللى مشيت بدرى معتبرهم خانوا القضيه ولا ضد الثوره
مش علشان الجيش بيطبق حظر التجوال بمنتهى الحنيه يبقى نسوق فيها

بدليل أن الجيش كان بينظم الدخول وجايب ضباط أناث لتفتيش السيدات
هو الجيش عايز يجس النبض برضه طب ليه
ما يسيبهم عادى وبعد الساعه 12 يقبض عليهم ومحدش فى البلد يقدر يقول أنه غلطان
يعنى تقصد القوى المتربصه من الجيش

سؤال : هو حضرتك شفت بنفسك اللى حصل ولا سمعت
وكلامك عكس كاتب المقال ليه
أرجو الأجابه



معلش كلامك ده مش منطقى
لو عندك دليل قوله , لو أنت ضابط جيش وشايف كده يبقى توضحه
لكن كلام فى الهوا وخلاص ده أسمه تهريج غير مسئول
وأنا بعتبر حضرتك بتثير الفتنه بين الشعب والجيش لغاية ما تجيب أثبات لكلامك

أنا مؤيد للكلام السابق ومنتظر الرد