الموضوع: اتحداكم انكم تقولولى على شخصية واحدة فى البلد تتفقوا عليها

المشاركة الأصلية كتبت بواسطة dr-mohamed

اخونا الكبير العقيد خالد عمل القصة دي في موضوع وفعلا احنا في مشكلة جحا
وزي ما قلت في موضوع اخويا الكبير خالد بيه المشكلة ان جحا وابنه يبداوا يختلفوا مع بعض هاتيجي على عين اهل البلد


طارق لت لك قبل كدة ايه هي المطالب المحددة دي
ومرة واحدة وبدون تغيير فيها بعد كدة
لو المطلب عزل حكومة شفيق - حتي لو انا مش مقتنع- هخرج معاك اول واحد بس بشرط الناس ترجع بيوتها وتبدا الحياة شبه الطبيعية في العودة مرة اخري
اي مطالب ممكن تتنفذ انا معاك فيها بسرط يبقي فيه امكانية لتنفيذها والناس كلها توافق عليها لكن حتي اللى بيقولوا انهم من زعماء الثورة مش متفقين على مطالب محددة زي ما انت ما بتقول
وبنفس الطريقة فيه ناس ايه اللى يضمنا ان الجيش ينفذ التزاماته انا كمان بقول وايه اللى يضمن ان لو اتفقوا على مطااب محددة واتنفذت كلها انهم هما كمان - كلهم- هايلتزموا بالعمل الحقيقي وعدم التظاهر مرة اخري ؟؟؟؟؟؟؟؟؟؟
وفيه راي ليك من شوية انا علقت عليه انه ممكن يجعل البعض يضمك لخانة اعداء الثورة اللى يبتخيلوها في عقولهم لانك بتخالفهم في الراي

الشعب يريد اسقاط النظام
حسنى مشى ولسه شفيق وممدوح مرعى وابو الغيط وؤوساء تحرير الجرائد القوميه ورؤساء مجلس إدراتها وغيرهم كثير
من النظام السابق ومازالوا ماسكين مناصب لا يستهان بها
مصر ولاده واى واحد يتشال فيه الف غيره جاهزين وفى منتهى الكفاءه

الفراش كمان دي أحلوت قوي هههههههههه
المشكلة يادكترة نسبة لايستهان بها من الناس في العالم مش مصر بس فاكرين أن فيه حاجة أسمها ديمقراطية بمعناها المثالي وما فيش ليها أساسيات وأتجاهات ثابتة لا يمكن المساس بها وتختلف من دولة للتانية .........خطوط عريضة حتى داخل أسرائيل نفسها المثال باهر النجاح في الديمقراطية.

المشاركة الأصلية كتبت بواسطة dr-mohamed

بالراحة بس يا زكرالله معايا
حسني بالسلامة
شفيق هما شهرين وبالسلامة ولو هو المطلب وبعد كدة الناس تشتغل معاكم بشرط تضمن الناس ترجع تشتغل وتبطل الفوضي
مرعي وابو الغيط ميفرقوش معايا في اي احجة ومعاهم بتوع الجرائد القومية علشان انا متغلظ منهم واكتر حاجة بكرهها المنافقين
انما غيرهم كتير من النظام السابق وماسكين مناصب لا يستهان بها لا
حدد لي هاتوصل لغاية فين والا لو تركنا العملية مفتوحة يبقي الفراش بتاع القسم عندي ماسك منصب والطلبة متغاظين منه لانه في اوقات كتير مش بيفتح المدرج الا قبل المحاضرة بوقت بسيط
يعني لازم عملية التنقية تبقي بالعقل وتاخد وقتها لان كدة بتتكلم عن الكادر الاداري للدولة كله وطبعا انا مش موافق عليه
يا راجل امبارح فيه طلبة مدارس عملوا مظاهرات لعزل النظار بتوع المدارس واستجيب لهم تخيل ممكن توصل لغاية فين بعد كدة

يا دكتور المطلب ده هو نفسه من يوم 28/1/2011 حتى الان لم يتحقق
اسقاط النظام .
الناس خايفه يكون النظام بيجمع انصاره تانى وبيحاول يعمل طابور خامس خاصة ان نسبه قليله هى الى بيتحقق معاهم والباقى موجودين احرار وخايفيين فى الكام شهر ده تحصل حاجات مش هى
طيب سؤال مباشر ليك
لو كان القرار فى ايدك تشيل شفيق ومرعى وابو الغيط ولا تخليهم
السؤال التانى المهم برضه
فى اعتقادك ليه الجيش متمسك بيهم ؟

المشاركة الأصلية كتبت بواسطة sharky

و لسه برده طنطاوى وزير الدفاع
و لا دا لا يعتبر من النظام

اللى المتظاهرين كانوا بيقولوا الشعب يريد اسقاط النظام مش بعض النظام
و رغم كده دلوقتى بيطالبوا ببعض النظام مش كله

قمة التناقض !!!



طب و ايه اللى يخلى الوزراء الجداد ينضموا للثورة علشان ينالوا الشرعية برده :)
سؤال اخر هو حضرتك راضى ليه على ان القوات المسلحة تمسك الحكم حاليا ؟؟؟
و من هم من القوات المسلخة فى المجلس الرئاسى دا ؟؟؟

و لو القضاء مستقل رغم تعينه من مبارك يبقى احمد شفيق دلوقتى مستقل من مبارك
لإن مبارك اصلا مشى :)


انا عايز اعر ف اشخاص مش اسماء حركات و احزاب علشان اقدر احكم الناس دى تصلح ان افوضها تختار مجلس رئاسى و لا لأ
ياريت حضرتك تقول لينا اسماء الناس دى ؟؟؟

طنطاوى والاركان والجيش المصرى كله اختار الانحياز للشعب والانشقاق والانفصال عن النظام السياسى
اثبت بما لا يدع مجال للشك انه منشق على النظام وضده وانه منضم للثوره
اظن ده واضح لاى منصف
واى حزء من النظام كان هينشق عليه اثناء الثوره وينضم للثوره مش معقول اننا نفضل نقول عليه جزء من النظام
على هذا الاساس لا يمكن اعتبار الجيش مازال جزء من النظام لانه بالفعل بقى جزء اصيل من الثوره لانحيازه وتدعيمه ليها

يعنى فى ليبا الانشقاقات الى فى الجيش وبتنضم للثوار
الثوار فى ليبيا هتقولهم لأ ... انتم جزء من نظام القذافى ... يلأ امشوا

الشعب يريد اسقاط النظام لكن الجيش المصرى اصبح جزء من الثوره مش جزء من النظام

المشاركة الأصلية كتبت بواسطة col. Eng. Khaled

حضرتك يا باشمهندس طارق قريت موضوعي عن القصة دي و شرفتني بالتعليق فيه

إحترامي لحضرتك يمنعني من الرد عليك حتى و لو بيني و بينك و لا حتى بالعتاب

لكن مجبر إني أبقى على إحترامي لك لمواقف سابقة

و أخيرا عاجز عن الشكر لذوقك و تعميم تسطيح الرأي المخالف لرأيك و كأن حضرتك متطلع على خفايا القلوب .

و انا احترمك احتراما جما و بحبك فى الله و مش محتاج اقول

والله مكان مقصود اى تسطيح ولا اى نقصان من لا يريد التغيير

اى كلمه تغيير تطلق دلوقتى اكيد مش مقصود بيها ابدا التغيير الكبير اللى هو بعد الخلع

اللى مختلفين عليه دلوقتى التغيير الحالى يعنى لما اقول

ده رأى الناس اللى مش عايزه الحال يتغير

ده لا ينتقص الدكتور محمد ولا حضرتك ولا عطيفه و جميع من يشاركون هذا الرأى

انا فاهم المربع ده كويس و نفسى حادثتنى فلنكتفى بهذا التغيير الان و نستنى على شفيق يا راجل بس تتابع الاحداث اجبرنى على الانخراط مجددا و اللى مش شايف اللى انا شايفه زى مانا قلت و حضرتك برضه قلته قبل كده كل واحد مريحاه دماغه

الرد اللى انا قلته فى الموضوع التابع لحضرتك كان قبل مايخلع مبارك و بذلك ردى هناك فى فاصل زمنى مختلف

عندما استخدم دكتور محمد الموضوع استخدمه فى فاصل زمنى مغاير و المضمون ينصب على الوضع الحالى و لذلك رأيى ان استخدام مثل هذا الموضوع (و الذى اعجبنى و اعجبنى ذكائك المعهود فيه) هو استخدام فى غير سكه التغيير الحالى اللى بنطالب بيه

فعندما اقول ان ده رأى الناس اللى مش عايزه الحال يتغير فده وصف لا ينتقص احدا ولا يسطح امرا بل هو وصف دقيق مبنى على القصه المستخدمه و التخوف من شيلوا ده و هاتوا ده لا ده مش عاجبنى انا عايز ابو سكسوكه لا هاتولى واحد بشرطه و هكذا

مفهوم التخوف و مفهوم مين اللى عايز الحال مايتغيرشى فى المدى ده و مفهوم ليه زى ماهو مفهوم برضه انى مش شايف ان ده الطريق الانسب

و بعدبن انا اخوك الصغير ممكن تعاتبنى و ممكن اجيلك تنزلنى 6 استعد :) او اورنيك ذنب صغير كده

و بعدين مش عايزين نقول بقى انا سألت فى التحرير و قالولى كل الدبابات و المدرعات اللى انكتب عليها هتعمل سمكره و دوكو عند حضرتك :)