صح جدا الكلام دا
هو دا الكلام من الاخر
سيبوا الجيش بقى يكمل مهمته للأخر و كفاية ضغط عليه
لو حد عاوز يكون فيه اتفاق على شخص معين يبقى بيحلم
يا أخي ده الانبياء عليهم السلام لم يتفق الناس عليهم منهم من آمن بهم ومنهم من لم يؤمن
فما بالك بالناس العاديين اللي بتكلم عليهم
....
هو فيه حاجة اسمها اتفاق على حد ؟؟؟؟؟.......اي حد ح يترشح اكيد لازم يكون فيه ناس عاوزاه وناس مش طايقاه .... لأننا بشر .... ولأنه هو كمان بشر
......
رأيي الشخصي المتواضع
انا اوافق على اي شخص .....لكن يكون من خلال انتخاب حر نزيه ..... أي شخص حتى لو كانت رقاصة لامؤاخذة ...... لكن تيجي بانتخاب حر نزية
لأن لو فيه انتخاب حر نزية يبقى اللي ييجي لو طلع مش كويس ح يمشي وييجي غيره
اللي انا متخوف منه .... هو احنا ..... الشعب
للأسف احنا معندناش ثقافة الاختلاف
يعني لو مثلا جاء رئيس مثل عمرو موسى او البرادعي او زويل او اي حد
الرئيس ده مثلا حصل على 60% من الاصوات ..... يعني اغلبية
هل بقى ال40% اللي مش عاوزينه ح يتقبلوه علشان الاغلبية اختارته ؟؟؟؟؟؟؟؟
اللي خايف منه انهم بقى كل يوم يعملو اعتصام ومظاهرة علشان مش عاوزينه .... برغم ان الاغلبية اختارته
...
شوفو كوت ديفوار حصل فيها ايه ؟؟؟؟؟؟؟؟؟
..
كان مرة عمر سليمان قال اننا شعب لسة مش مؤهلين للديموقراطية .... وبعدين اعتذر وقال ان كلامه اتفهم غلط ....
انا خايف يكون كلامه صح :majd(4):
ان عاوز كل واحد مننا يتخيل ان الرئيس المرشح اللي هو بيكرهه وشايف انه حرامي وعميل وخاين .....لو حصل على الاغلبية وبقى رئيس ..... هل ح يتقبله ؟؟؟؟؟؟؟
بالظبط كده
وياريت نسأل نفسنا سؤال هل أهدافنا الأصلاح ولا التحدي والأملاءات وفرد عضلات المتظاهرين على القوات المسلحة
لو التحدي يبقى مافيش فايدة مين مننا وطني يريد كسر أرادة قواتنا المسلحة والتشكيك في وطنيتهم وأختياراتهم لمن يستعينو بهم في المرحلة الأنتقالية!!
يا جماعه هنالك شىء قد يكون غريبا بعض الشئ و هو تشبث أحمد شفيق بالسلطه و فى ظل هذه الاجواء من التحقيقات مع مسئولين سابقين , قد يكون ينظر انه طالما بقى فى الحكومه فهو فى مأمن من المسأله. قد لا تكون عندنا معرفه بكامل أوضاع وزاره الطيران المدنى تحت رئاسته و لكنه بعد ان اصبح رئيسا للوزراء فان موقعه الجمل التى اعتذر عنها وقعت فى عدهه ولم يتم محاسبه احدا عنها , فهل تأجيل التحقيق لطمس معالم الجريمه لانه مسئول عنها حتى لو لم يكن يشارك فيها , مع العلم انه انتظر اكثر من عشر ساعات ليقدم اعتذاره
اعتقد ان الرجل لو لديه ادنى حس بالمسئوليه لقدم استقالته فورا للمجلس العسكرى , وسيستطيع المجلس العسكرى ايجاد مسئولا احسن منه بكثير , كما استطاع ان يختار المستشار / طارق البشرى ليرأس لجنه تعديل الدستور
للأسف يدا أحمد شفيق ملوثه بدماء الشهداء ولا يمكن الوثوق فيه , وتظهر الايام انه لم يزيح وزراء سابقين من التشكيله الجديده لحكومه تصريف الاعمال , كما انه اتى ببعض الوجوه الجديده المشكوك فيها
ولكننا كما عهدنا معظم مسئولى الحكم السابق فانهم لن يستقيلوا الا ان يقالوا , لذا المطلوب من المجلس الاعلى للقوات المسلحه القيام بهذا الخطوه فورا ودون اى ابطاء
عُذرا للسيد صاحب الموضوع
مفهوم "بوتقة الحرية" عند البعض :
[youtube]http://www.youtube.com/watch?v=iyZwtqBdQOg&feature=related[/youtube]
:ilikeit:
+111
أ / احمد
العقيد / خالد
أ/ شاركى
أ / اوتيفا
د / محمد
ريحوا نفسكوا مفيش فايدة , الحمد لله مصر الان 85 مليون محلل سياسي وعميل مخابرات وكل شئ بالادلة
" حاسبوا انفسكم قبل ان تحاسبوا "
الناس المؤيدة لاستمرار المظاهرات هل حاسبت نفسها ؟ هل ادت عملها بما يرضى الله ؟ , هل اتقت ربنا فى اهلها ؟ , هل كل واحد راجع نفسه واخلاقة ليحسن من نفسة ؟
للأسف كله بيقول فلان كذا وعلان كذا محدش قال انا كذا وبعمل كذا
فرحانين ان الشباب نزل ينضف الشوارع ويدهن الارصفة .. جمييل .. طيب الاخلاق بصفة عامة هى هى , الشوارع هى هى , تصرف الناس مع بعضها هى هى
الناس عمالة تشكك وخلاص لدرجة ان الناس بقت تشك فى نفسها , مش مقتنعين بنظرية المؤامرة الخارجية ولكن على يقين بنسبة 100 % من المؤامرة الداخلية ومرعوبين منها
مفيش انسان مقبول من الناس 100% حتى لو ملاك طيب اية الحل ؟؟ , الانتخابات ؟ ... طيب الناس اللى مش موافقة على الشخص اللى نجح بالانتخابات تعمل اية ؟ .. تنزل تقطع الشارع ولا تعمل اعتصام ولا تطلع مستندات ادانة
كل واحد يبص جواة هل هو مقبول من الناس كلها ؟؟ يحط نفسة مكان المسئول
مصر كلها بقت اعتصامات ومظاهرات وناس مش عاجبها اى حاجة ومش متفقة على حاجة الشئ الوحيد اللى متفقين علية هو التخوييييين اى حد مش هيعملى اللى انا عايزة يبقى خاين وعميل ولازم يتشال من مكانة .. هو مش قاعد فى مكانة علشان يحققلى احلامى !!!
منين الناس زهقت من حكم الجيش وطلعت تطالب بالتغيير ومن اول يوم بينادوا الجيش فين وعايزينة جنبهم وبعد كدة طالبوا الجيش انة يبقى المراقب لتحقيق طلباتهم باعتبارة اخر من يثقوا بة ومنين شاكين فية دلوقتى وترجعوا تهسصولة وتحلفوا بحياتة وحياة ضباطة ولو ضابط جيش اترشح للرئاسة الدنيا هتولع والناس هتقول تاااااااااااااانى !!!!
بلاش شفيق اللى معينة مبارك وطنطاوى اللى عينة مبارك اللى هو نفسة عين عز والعادلى وصفوت الشريف ونظيف و .......................... طيب منين واثقين فى طنطاوى ومش واثقين فى شفيق ؟؟ طيب مش طنطاوى اللى واثقين فية هو اللى عين شفيق لفترة مؤقتة منين بقى واثقين فى طنطاوى وشفيق لأ , هو مش طنطاوى دلوقتى السلطة معاة وشفيق شغال تحتة يعنى لو شفيق مش كويس يبقى طنطاوى مش كويس ولا هيشيل شفيق لو شاف منة حاجة مش كويسة
بلاش عمرو موسى ... مش الناس كلها كانت بتحلف بحياتة دلوقتى فى ناس بتشكك فية وكان فى نظام مبارك
بلاش مش الكفراوى كان وزير اسكان فى عهد مبارك طيب ازاى واثقين فية مش المفروض انة اتنقلة الفيروس خلاص ولا اتعالج فى الفترة اللى فاتت
والجنزورى مش كان رئيس وزرا فى عهد مبارك يعنى الفيروس عندة هو كمان
عمر سليمان فى الانتخابات اللى فاتت الناس كانت هتموت علية ايام ماكان ماسك المخابرات ولما اتعين نائب للرئيس الناس قالت لأ مينفعش اصل مبارك اللى كان معينة .. هو كان ماسك المخابرات غصب عن الرئيس ماهو برضة اللى معينة !!!
ازاى ؟!!!!
كانوا بيقولوا مبارك فى الحكم وراجع تانى !!! .. لية ماتحاكمش؟؟
لما صدر قرار النائب العام بتجميد حساباتة وعائلتة الكل نسى مبارك وبيدور على صفوت الشريف وغيرة
هو المفروض الناس دى تبقى ناقلة كل كلمة وكل اجتماع لايف علشان الناس تهدى ولا الناس تهدى وتشوف مع الوقت النتايج , يقولك لأ لازم مظاهرات مليونية للتذكرة اصل الجيش بطئ وشكلة متواطئ !!!!!!!!
نفس نظرية الزراير , المفروض ندوس على زرار ننسف القديم وندوس على زرار تانى كل حاجة تقوم على نضافة
او نرمى قنبلة على البلد كلها نهدها ونبنيها على نضافة من اول وجديد
اية رأيكم نسيب الناس تشوف شغلها ونشوف احنا كمان شغلنا ويبقى عندنا شوية ثقة فى نفسنا اننا هنفضل زى ماحنا وميدان التحرير هيفضل وصناديق الانتخابات هتبقى موجودة فى مكانة والا مرحبا بنا فى تونس جديدة ومش هتقوملنا قومة تانى ... المسألة مسألة وقت نصبر ونشوف
يعنى شفيق متمسك بالكرسى دلوقتى علشان يفلت من الحساب
كلها 6 شهور ويمكن اقل وهيمشى ويسيب الكرسى وساعتها نحاكمة براحتنا !!!!
والله يا سادة إحنا مش محتاجين نتفق على حد علشان الأمور تستقر والمظاهرات تقف
فقط كل مطالبنا هو إقالة أحمد شفيق وحكومته وتعيين وجوه جديدة نهائيا للفترة الإنتقالية
وجوه جديدة لم تتملك مناصب رسمية في عهد النظام الفائت ........... أعتقد هذا حل يرضي الجميع
لكن بقاء أحمد شفيق وحكومته ما هو إلا امتداد للنظام السابق
وأنا برضه أحب أوضح لحضرتك أن إجتماع المجلس بدون مبارك وإجتماع دائم معناه أنه أعلن أنه ليس معه ولا يأتمر بأمره كرئيس أو كقائد أعلى للقوات المسلحه وأنه مع الشعب وبمثابة إنذار له وهذا ما أدى إلى تنحيه وأأكد لك أن مبارك ذهب لشارم الشيخ بعد أن تأكد أن الجيش لم يصبح معه وفي نفس يوم البيان الأول وليس يوم إعلان التنحي
:x1[1]::x1[1]::x1[1]::x1[1]::x1[1]: فعلا بلط.. الحرية ههههههههههه
لا ونظرية المؤامرة .....الراجل ده قريب الأنسة ألي جنبي هههههههه
يجب أن يستنشقو هواء نظيف ..........ياتبنلهم شقق ياتعمللهم شقق عيش وحلاوة هههههه
جامد جدااااااااااا أنا با أموت في الفيلم ده مع أنه بيستعبط بس كلام السيناريو في الجوووووون:ilikeit:
(((((اية رأيكم نسيب الناس تشوف شغلها ونشوف احنا كمان شغلنا ويبقى عندنا شوية ثقة فى نفسنا اننا هنفضل زى ماحنا وميدان التحرير هيفضل وصناديق الانتخابات هتبقى موجودة فى مكانة والا مرحبا بنا فى تونس جديدة ومش هتقوملنا قومة تانى ... المسألة مسألة وقت نصبر ونشوف))))
+1
تحياتي مهندس أحمد
أسمحلي مافيش حاجة في قوانين وأعراف السياسة الدولية أسمها تكهنات في حاجة أسمها قرارات رسمية واضحة ومحددة
موضوع دول كان يقصدو كذا ده تحليلات مش أكتر
أنما رسميا الجيش أستلم السلطة بناءا على أستقالة حسني وتسليم مهامه للقوات المسلحة.................وأنا عن نفسي معجب بالأسلوب ألي أتبعه الجيش في نقل السلطة له كمرحلة أنتقالية ولا يهمني أن كان تنحى أو أستقال المهم الأصلاحات القادمة بأذن الله
أريد ان احيي الجميع علي المشاركة الهادفة أول مشاركة ميكونش فيها اتهام بالعمالة أو التخوين تحياتي إلي الجميع.
بعد مناقشات طويلة على شفيق هنا في المنتدي لم يتبقي سوي تهمتين له الاولى ان الذي عينه مبارك والثانية انه يرتدي بلوفر وشكله مش عاجب الناس
ابحث حضرتك عن اسم طلعت حماد على النت
وابحث عن مشروعات الجنزوري بعد ذلك
للاسف كلامك كله صحيح يا حاج عاطف
للاسف بردو حضرتك صح في كل كلمة
حاجه تسد النفس بصراحه
انا لا عايز اقنع حد ولا عايز اعرف مين بيفكر فى ايه
انا مريحانى دماغى
عايزين نخرج
يا طارق بيه
لو كلامك صح و معاه ادلة تؤكد صحته الكل حيقتنع بيه
او على الأقل محدش حيقدر يرد عليك و يوقل لك كلامك غلط :)
لكن ازاى تقنع غيرك برأيك و انت معندكش ادلة على صحة كلامك ؟؟
ماتزعلش من كلامى بس دى حقيقة
هو مين قال ان الجيش مهمته تنحية مبارك ؟
تنحية مبارك مهمة الثورة والجيش اعلن صراحة انه مع مطالب الشعب المشروعة وعقد اجتماع مفتوح بدون رئيسه مبارك يعني دي تنحية لمبارك من القوات المسلحة ومش من الرئاسة لان التنحية من الرئاسة مهمة الشعب وليس الجيش والا يبقى انقلاب
وبعدين البيان رقم 2 جه في مرحلة معينه وهي ان الثوار مش مصدقين كلام مبارك وتفويضه لعمر سليمان باجراء تعديلات دستورية كانوا عايزين الجيش ضامن
فجاء البيان رقم 2 لتأكيد هذا الضمان
ده حتى في البيان رقم 2 مجبوش سيرة مبارك لو تلاحظ
نص البيان
نظرا للتطورات المتلاحقة وما تطور من تفويض السيد نائب رئيس الجمهورية من التخصصات وأمانا من مسئولياتنا امن الوطن وسلامتة
قرر المجلس ضمان تنفيذ الاجراءات الاتية
ااولا
انهاء حالة الطوارى فور الانتهاء من الظروف الحالية
الفصل فى الطعون الانتخابية وما يرد بشانها من اجراءات
اجراء التعديلات التشريعية اللازمة
اجراء انتخابات رئاسية حره و نزيهه فى ضوء ما تقرر من تعديلات دستورية
ثانيا
تلتزم القوات المسلحة المصرية برعاية مطالب الشعب المشروعة والسعى لتحقيقة من خلال متابعة تنفيذ هذة الاجراءات وفقا للتوقيتات المحددة بكل دقة وحزم حتى تمام الانتقال السلمى للسلطة وصولا للمجتمع الديمقراطى الحر وما يريدة الشعب
ثالثا
تؤكد القوات المسلحة المصرية على عدم الملاحقة الامنية للشرفاء الذين لم يقبلوا الفساد وطالبوا بالاصلاح
وتحذر من المساس بأمن الوطن والمؤاطنين كما تؤكد على دورة انتظام العمل فى مرافق الدولة وعودة الحياة العامة الطبيعية على مصالح وممتلكات المواطنين
حمى الله الوطن والمواطنين
ماعنديش ادله ايه؟؟
الخبر بتاع وزير البترول الجديد موجود فى كل حته و ده مش سر و مش محتاج انى اوضحه
الدليل موجود وواضح و الناس بتختار ماتشفش
منير فخرى عبد النور موجود فى الوزاره ليه؟؟ و ليه وزير السياحه محتاج اعرف اسس التعيين على الاقل ممكن اقتنع بس يجيبوا وفدى فى منصب مالوش فيه و يطلع يقول انا مش بمثل الحزب فى الوزاره يبقى كلام بيستخفوا بيه الناس و فيه حاجه مش مظبوطه
ايه هيه مش عارف بس الكلام لا يستقيم و مش انا اللى عامل المشكله اللى معينهم اللى عامل المشكله
ايه المشكله ان شفيق يا راجل يمشى؟؟؟؟ مش بنقول حكومه مؤقته؟؟؟ طيب ما يريحوا الناس
اصلا واخدين لسته بييجى 50 بديل ممكن ييجوا و برضه بيدوروا على اللى يثير حفيظه الناس
شفيق يا راجل اتدخل عشان يقطع اعاده برنامج ل براهيم عيسى فى دريم و الكلام مؤكد من رئيس قسم هناك فى دريم صاحبى يعنى الموضوع مش فبركه فى جرايد لا واقع و حقيقى
اللواء اللى عينوه من الشئون المعنويه انا بابا كان شئون معنويه فى انشاص لفتره محترمه و عارف يعنى ايه شئون معنويه كويس و عارف بيعملوا ايه
بساطه شديده اللى مسك التليفوين واحد من الجيش - قوللى ممكن نهاجمه ازاى انه زايع كرتون و التحرير غرقان ناس فى مظاهره غير الاحداث الساخنه لغايه باليل
احاسبه ازاى؟؟؟ تانى رجعنا لقفل التليفزيون و احساس خادع بالحريه و كمان التدخل فى عمل قنوات خاصه زى الاول بالظبط غير طبعا رفض ظهور القرضاوى على اى تليفزيون مصرى
ده معناه ان لسه قواعد اللعبه مطبقه اللى فرق بس ان السقف ارتفع
انا مش شايف ان اى مخلوق محتاج دليل عشان يعاقف صفوت الشريف و يمنع جمال من السفر و يحقق مع سيد قراره الموضوع مش محتاج لا دليل ولا اى حاجه عشان دول هما البابيتيرز اللى بيحركوا المابيتس اللى هما مسكوهم
دليل على صفوت الشريف؟؟؟ صفوت الشريف هو اللى معاه دليل على كل واحد و هو بتاع الابتزاز كله و بعدين تقولى اقنعنى
اقنعنى انت ان صفوت الشريف بريئ و انه حمامه فى وسط الصقور
احنا بقينا بنرفض نشوف حقائق واضحه زى الشمس و عمالين نضيع فى مجهودنا فى مجادله اقنعنى و اقنعك
هل شفيق يا راجل جاى عشان اى نوع من الاصلاح او الديموقراطيه لأ
هل مصر لا تستطيع ان تعوض انه يروح بيتهم؟؟ اكيد
قعدوا يقولوا مش هننفع من غير مبارك و اهو مبارك رحل و ابنه و الحزب و الصف التالت
و مصر موجوده
ديه اخر مداخله ليا فى جدال من نوع اقنعنى بعد كده اى مداخله هقول رأيى و بس
انا زى ما قلت لا عايز اقنع ولا عايز اعرف مين بيفكر عكسى فى ايه
انا و الحمد لله وغيرى كتير عارفين و شايفين و الحمد لله ان اللى بنقوله هو اللى بيحصل و الحمد لله ان احنا واثقين و ليس عندنا شك فى قوة الايمان بالقدره على التغيير و الاصرار عليه و هنفضل كده
اللى عايز ينضم اهلا وسهلا
اللى مش عايز خليه قاعد يجادل -- بس انا مش هجادل تانى
عارفين انى بحبكوا جدا طبعا مش محتاج اشرح
ده رأيى و انا بحترم الجميع
بس فعلا تعبت
فيه خطر طبعا (انا نفسى حذرت منه) بس مش معناه اننا نخاف و نسكت معناه المزيد من العمل
مش عارف ارد على ايه و لا ايه و الموضوع سهل جدا و بسيط اوى فى فهمه.
يا جماعة اللى بيسال مالها حكومة شفيق و عايزين مستندات يقروا الجرايد كل يوم و هما هيعرفوا كل حاجة و اخرهم فضيحة وزير البترول الجديد مش بس انه عضو مجلس ادارة الشركة اللى بتصدر بترول لاسرائيل حسب المصرى اليوم , شوفوا عمل ايه بالمخالفة للقانون حسب جريدة الدستور انهردة و خصص ايه لمين قبل ما يبقى وزير (دستور رضا ادورد انهردة) , مش هتكلم على وزير الداخلية بتاع المندسين و الاجانب اللى فوق العمارات و لا هتكلم على وزير السياحة (كان مكتوب عنه فى الدستور من كام يوم برده) و لا هتكلم عن وزير العدل (كفاية حديث وزير المالية ايام الجنزورى) و تحكمه فى القضاء و كدا الفترة اللى فاتت و التصميم عليهم رغم معارضة الشعب و لا ابو الغيط اللى مش محتاج تعليق على كلامه .
اللى بيسال شفيق ماله مش هو اللى عرض على رشيد الوزارة؟ ازاى يعرضها مش بيجيلوا تقارير على الناس اللى بيعرض عليها الوزارة؟ بلاش رشيد طيب الناس اللى مكتوبين فوق كلهم و غيرهم من المعروفين دا غير ما خفى كان اعظم مش بيجيله تقارير الرقابة عنهم؟؟؟
طيب مش شفيق حلف بشرفه محدش هيتاذى فى التحرير و تانى يوم ناس ماتت و ناس اتعوت جامد؟ لو انا شخص له اولاد وثقت فى كلامه و نزلت ابنى و مات مش هو اللى مسئول؟ حد هيقولى و هو ماله ينزل يحمى الناس بنفسه؟ لا بس عنده وزير الدفاع و الداخلية تحتيه هما المسئولين عن حماية الناس هو اللى يقولهم امنعوا الكلام دا مش اللى حصل يومها ان الاعتداء استمر لحد بليل و اللى اوقفه المتظاهرين و ازاى الجيش سمح للجمال و الخيول توصل من نزلة السمان لميدان التحرير و كان فى كماين فى كل حتة وقتها؟؟؟؟
مش فاهم الناس بتتكلم بتقول ايه!!!!
ازاى لحد النهردة المحافظين لسه باقيين (عارف انهم هيغيروا معظمهم بس مش كلهم) و مديرين الامن مش اتفصلوا لا بدلوا من مكان للتانى يعنى مسكوا محفظات تانية؟؟؟؟
انا عارف ان فى تغييرات محتاجة وقت بس فى حاجات لازم تحصل فورية و ساعتها المظاهرات تبقى مرة كل شهر يوم جمعة لحد ما كل حاجة تتحقق!!!!
اخر حاجة للناس اللى صدقوا قرار التحفظ على اموال مبارك , هل منعوه من السفر؟ انا افهم ان التحفظ على الاموال يبقى لازم قرار منع من السفر معاه؟؟
ارجوكو فوقوا و اللى يقول خلى البلد تمشى مش عارف اقول عليه ايه , يعنى بدل ما تنزل من يوم 25 علشان تشارك فى ثورة علشان مصلحتك و مصلحة بلدك قاعد فى بيتك بتتفرج على التليفزيون و تتريق على الناس اللى هتعمل مستقبل ليك و لاولادك بدل ما البلد كانت بتتوزع على شوية ناس و انتشر الفساد و الظلم و دلوقتى لما الناس اللى عملت الثورة و نجحت بيحاولوا يحافظوا عليها و يضمنوا ان مفيش حاجة تحصل غلط نعد نتهمهم و نقول موقفين حالنا؟؟؟؟
انا كنت مع ان المظاهرات تبقى مرة كل شهر بس بعد ما شفت حلقة القوات المسلحة مع انها فى الاغلب بتخاطب القلب مش العقل و الناس متنزلش امبارح حتى بس غيرت رايى بعد ما شوفت كذا حاجة مش مطمئنة , اللى عايز يعمل حاجة (علشان نستناها و نشوفها ) لازم اول خطوات تكون واضحة و صريحة و مظبوطة مش غلط من الاول , يعنى اول خطوة غلط يبقى اللى بعد كدا هيكون ايه؟
ليه تعيين ناس عليهم علامات استفهام كتير؟؟؟؟؟؟؟؟ الناس دى بيبقى ليها تقارير من جهات رقابية مكتوب فيها حاجات كتير مش مثلا شفيق بيفتح الجرنال يلاقى فضيحة للوزير كدا بالمستندات!!!!!!!!
حاجة كمان هل تعتقد ان لولا المظاهرات كان شفيق غير كل الوزراء دول؟؟؟ دا كان قال تغيير محدود فى الاول !!! لولا المظاهرات كان مبارك مشى؟ لولا المظاهرات كانت اى حاجة حصلت؟؟؟ المظهرات لازم تقف لما نحس ان الطلبات المتفق عليها بتتنفذ منغير مقاومة معنى ان فى مقاومة اى فى حاجة بتحصلى فى السر
فى ناس كتير اوى مكروهين و معروفين بفسادهم لم يتم التحقيق معهم اساسا؟؟ ليه ميبقاش الناس دول اولوية عند النائب العام علشان يهدى الناس؟؟؟
لولا المظاهرات كانوا صادروا اموال مبارك (بعد ما صحف اجنبية قالت انها اتهربت السعودية و الامارات)!!!!
ازاى حسب الدستور الاصلى شفيق يكلم برنامج و يطلب انهم ميزعوش الاعادة و يقطعوها و ازاى القناة توافق؟؟؟؟؟ هل دى الديموقراطية؟؟؟ يقدر اى رئيس فى اى دولة محترمة مش رئيس وزراء يكلم برنامج و يقولهم امنعوا الاعادة؟؟؟؟؟؟؟؟؟
انا كمان ضد المظاهرات الفئوية 100% دى هى اللى بتعطل البلد و تسبب المشاكل .
فى حلول فورييييية يعنى مثلا اللى بياخد مرتب مليون جنيه لما تتوزع على 1000 واحد بيشتغل فى المؤسسة دى 1000 واحد كل واحد فيهم هياخد 1000 جنيه!!!!
انا رايى يطلعوا قانون فورى بحد اقصى 100 و لا 200 الف جنيه لاى موظف حكومى مهما كانت وظيفته و يطبق فورا علشان ايقاف النزيف ساعتها هيقدروا يزودوا المرتبات الحكومية فورا و يوقفوا المظاهرات الفئوية
فى حاجات كتير ممكن تتعمل تهدى الناس خالص و تحسسهم بان فى حركة لصالح الشعب بتحصل فى البلد فعلا , ليه اللجنة الاكترونية لسه شغالة و قاعدة توقع الناس فى بعض و انهردة اعلنوا حلها رسمى مع انى مش مصدق؟؟
ارجوكو اللى مش فاهم او مضرور من المظاهرات او غيره و عايزها تقف علشان مصلحته الشخصية مش بسبب انه شايفها غلط (فى قناعة نفسة مش الكلام اللى بيضحك بيه على حد او على نفسه) يبقى من فضله يحتفظ برايه لنفسه , اما اللى مش مقتنع بالمظاهرات من جواه فعلا فساعتها لازم يبقى فى نقاش علشان يا اما يقتنع يا اما يقنع غيره!!
يعنى من كلامك ان الجيش كان ضامن لكلام مبارك !اقتباس:
وبعدين البيان رقم 2 جه في مرحلة معينه وهي ان الثوار مش مصدقين كلام مبارك وتفويضه لعمر سليمان باجراء تعديلات دستورية كانوا عايزين الجيش ضامن
فجاء البيان رقم 2 لتأكيد هذا الضمان
و برضه ليه عمر سليمان قال ان مبارك ترك السلطة للجيش
و ليه الثوار لما يطالبه ان يمسك الجيش السلطة و كان طلبهم ام يكون فيه مجلس رئاسى انتقالى !
و على العموم دا النص الكامل للخطاب
نظرا للتطورات المتلاحقة وما تطور من تفويض السيد نائب رئيس الجمهورية من التخصصات وأمانا من مسئولياتنا امن الوطن وسلامتة
قرر المجلس ضمان تنفيذ الاجراءات الاتية
ااولا
انهاء حالة الطوارى فور الانتهاء من الظروف الحالية
الفصل فى الطعون الانتخابية وما يرد بشانها من اجراءات
اجراء التعديلات التشريعية اللازمة
اجراء انتخابات رئاسية حره و نزيهه فى ضوء ما تقرر من تعديلات دستورية
ثانيا
تلتزم القوات المسلحة المصرية برعاية مطالب الشعب المشروعة والسعى لتحقيقة من خلال متابعة تنفيذ هذة الاجراءات وفقا للتوقيتات المحددة بكل دقة وحزم حتى تمام الانتقال السلمى للسلطة وصولا للمجتمع الديمقراطى الحر وما يريدة الشعب
ثالثا
تؤكد القوات المسلحة المصرية على عدم الملاحقة الامنية للشرفاء الذين لم يقبلوا الفساد وطالبوا بالاصلاح
وتحذر من المساس بأمن الوطن والمؤاطنين كما تؤكد على دورة انتظام العمل فى مرافق الدولة وعودة الحياة العامة الطبيعية على مصالح وممتلكات المواطنين
حمى الله الوطن والمواطنينالمصدر : بيان رقم 2 للقوات المسلحة - 100fm6.com
لاحظ الجملة الاولى و هى تفويض نائب رئيس الجمهورية
يعنى التأكيد على وجود مبارك و موافقتهم على التفويض :)
ايه الدليل على انه حقيقى ؟؟؟؟اقتباس:
شفيق يا راجل اتدخل عشان يقطع اعاده برنامج ل براهيم عيسى فى دريم و الكلام مؤكد من رئيس قسم هناك فى دريم صاحبى يعنى الموضوع مش فبركه فى جرايد لا واقع و حقيقى
و لو هو واصل كده ماوقفش البرنامج ليه يوم الخميس لما كان مباشر ؟؟؟
اقتباس:
احاسبه ازاى؟؟؟ تانى رجعنا لقفل التليفزيون و احساس خادع بالحريه و كمان التدخل فى عمل قنوات خاصه زى الاول بالظبط غير طبعا رفض ظهور القرضاوى على اى تليفزيون مصرى
هو مش القرضاوى ظهر فى خطبة الجمعة و محدش قاله حاجة ؟؟؟
معاك تماما فى محاكمة صفوت الشريفاقتباس:
ده معناه ان لسه قواعد اللعبه مطبقه اللى فرق بس ان السقف ارتفع
انا مش شايف ان اى مخلوق محتاج دليل عشان يعاقف صفوت الشريف و يمنع جمال من السفر و يحقق مع سيد قراره الموضوع مش محتاج لا دليل ولا اى حاجه عشان دول هما البابيتيرز اللى بيحركوا المابيتس اللى هما مسكوهم
دليل على صفوت الشريف؟؟؟ صفوت الشريف هو اللى معاه دليل على كل واحد و هو بتاع الابتزاز كله و بعدين تقولى اقنعنى
اقنعنى انت ان صفوت الشريف بريئ و انه حمامه فى وسط الصقور
احنا بقينا بنرفض نشوف حقائق واضحه زى الشمس و عمالين نضيع فى مجهودنا فى مجادله اقنعنى
لكن نروح نوديه الادلة للنائب العام مش نعمل مظاهرات
لأ طبعا مصر ممكن تعوضه اكيد لكن مش دى الطريقة كل يوم يطلع لينا واحد دا مش عاجبنى مشوه والا اطلع على التحرير و واوقف حال البلداقتباس:
هل شفيق يا راجل جاى عشان اى نوع من الاصلاح او الديموقراطيه لأ
هل مصر لا تستطيع ان تعوض انه يروح بيتهم؟؟ اكيد
قعدوا يقولوا مش هننفع من غير مبارك و اهو مبارك راحل و ابنه و الحزب و الصف التالت
ة مصر موجوده
دى اسمها فوضى و عدم احترام لأراء الناس اللى ماسكين البلد و بنثق فيهم دلوقتى و هما الجيش
في حاجة غلط في ادارة الثورة
اللي يقول لولا الجيش ما نجحت الثورة
اللي يقول نصبر على الجيش ونشوف هيعمل ايه
اللي يقول ان الجيش صابر على الشعب وهيزهق
يا اخواني
في كل الثورات اللي تحصل الثورة هي اللي تحكم وتفرض شروطها على الجميع وعلى الجيش نفسه
لكن طريقة التفكير دي هتضيع الثورة لان فيه احساس ان الجيش اقوى من ثورة الشعب وان الجيش لازم ياخدنا بحلمه
ده غلط
المفروض الجيش برة الموضوع خالص ويفضل على الحياد عينه على الحدود والمنشئات الحيوية
وقادة الثورة هما اللي يشكلوا المجلس الرئاسي وحكومة انتقالية منهم ودستور جديد وبعد كده انتخابات رئاسية وتشريعية
ودور الجيش حماية العملية دي من بعيد فقط
طيب احنا شعب طيب قمنا بثورة عظيمة وبدل ما نعمل اللي كل الثورات بتعمله وتمسك الحكم قمنا بالسكوت والرضا على تسلم الجيش الحكم يبقى المفروض على اقل تقدير واضعف الايمان ان الجيش ينفذ مطالب الثوار دون تردد مطلب مطلب ويكون امين على هذه المطالب
المصيبة ان ده كمان مش عاجب البعض وشايف ان الثوار ملهمش حق يتكلموا وعليهم ان يخرسوا ويسيبوا الجيش يشتغل
والله دي مصيبة فكرية عقلية
والجيش عايش في الدور وبيماطل في الامانة ويفقع في مرارتنا
لازم تصحيح المسار
الثورة يبقى هدفها من الان تسلم الحكم وتبدأ فورا في تكوين مجلس رئاسي وممكن يتنازلوا ويخلوا عسكري معاهم في المجلس
الشرعية يمنحها الشعب ياعالم وليس الجيش
حلاص انزل اعمل مظاهرة تطالب بنقل السلطة من الجيش الى مجلس رئاسى
بس تفتكر مين اللى حيختار المجلس دا و مين اللى حيختاروهم ؟؟
واضح ان انا اتكلم في وادي وحضرتك في وادي اخر
انا اتكلم عن انحياز الجيش لمطالب الشعب
هل ده مش واضح في بيانات الجيش ؟
لان ده الصحاقتباس:
و ليه الثوار لما يطالبه ان يمسك الجيش السلطة و كان طلبهم ام يكون فيه مجلس رئاسى انتقالى !
وده مطلب اي ثورة انها تمسك الحكم ومش منطقي تقوم ثورة طويلة عريضة علشان تسلم الجيش السلطه
يعني الثوار هما اللي صابرين على الجيش وليس العكس كما يصور البعض
ولن تنجح هذه الثورة حتى يتكون مجلس رئاسي من اثنين مدنيين وعسكري تكون السلطة فيه للثورة حتى تحقق مطالبها بالانتقال الكامل لدولة حرة مدنية ديمقراطية ذات مؤسسات ذاتية الدفع
راجع مشاركتي السابقة
انا برده اللى واد تانى !!!
حضرتك الطلبات اللى الجيش قال عليها مبارك قال انه حيعملها و كل اللى الجيش قاله انه حيكون الضامن لها فقط و الثوار ماكنش بيطالبوا بكده اصلا
الثوار كان بيطالبوا بتنحيه مبارك و دا المطلب الاساسى وقتها
فين بقى كلام الجيش فى البيان رقم 1 و 2 عن اننا حنحقق مطالب الثوار و قرر نتنحية مبارك !!!!!!!!!!!!!!!
يا راجل دا مبارك هو اللى نقلهم السلطة اصلا
يعنى مش الثوار اللى طالبوا بكده :)
العملية مش محتاجة عند وجدال على فكرة الموضوع والله الموضوع واضح وضوح الشمس !
برده ماردتيش على سؤالى فى المشاركة السابقة !!!!!!!!!!!!
مين من الثوار اللى حيختار المجلس الرئاسى ؟؟؟؟؟؟؟؟؟؟
و مين اللى حيكون فى المجلس الرئاسى ؟؟؟؟؟؟؟؟؟؟؟؟
انا عمري ما سمعت حد بيقول انا بمثل شباب الثورة وحضرتك مطالب بالدليل على صحة قولك
اما اختيار المجلس الرئاسي سهل جدا يتعمل في مؤتمر وطني والمصريين رجالة ويقدروا يعملوا اي حاجه في سبيل وطنهم
وعلى العموم الاسمين المطروحين كحل سريع بدون الدخول في مؤتمرات هما رئيس المحكمة الدستورية العليا ورئيس محكمة النقض والجيش يختار واحد من 19 اللي في المجلس الرئاسي
اما اختيار المجلس الرئاسي سهل جدا يتعمل في مؤتمر وطني والمصريين رجالة ويقدروا يعملوا اي حاجه في سبيل وطنهماقتباس:
رده ماردتيش على سؤالى فى المشاركة السابقة !!!!!!!!!!!!
مين من الثوار اللى حيختار المجلس الرئاسى ؟؟؟؟؟؟؟؟؟؟
و مين اللى حيكون فى المجلس الرئاسى ؟؟؟؟؟؟؟؟؟؟؟؟
وعلى العموم الاسمين المطروحين كحل سريع بدون الدخول في مؤتمرات هما رئيس المحكمة الدستورية العليا ورئيس محكمة النقض والجيش يختار واحد من 19 اللي في المجلس الرئاسي
وهل حضرتك متأكد ان المصريين :اقتباس:
وعلى العموم الاسمين المطروحين كحل سريع بدون الدخول في مؤتمرات هما رئيس المحكمة الدستورية العليا ورئيس محكمة النقض والجيش يختار واحد من 19 اللي في المجلس الرئاسي
1- موافقين على نقل السلطة من الجيش حاليا .
2- متفقين على الاسمين اللى حضرتك اقترحتهم
انت نفسك اللي قولت ان ده مطلب الثواراقتباس:
وهل حضرتك متأكد ان المصريين :
1- موافقين على نقل السلطة من الجيش حاليا .
2- متفقين على الاسمين اللى حضرتك اقترحتهم
وهو فعلا كده
راجع بياناتهم
اقتباس:
العملية مش محتاجة عند وجدال على فكرة الموضوع والله الموضوع واضح وضوح الشمس !
انا مقلتش ان الثوار عايزين الجيش يسيب السلطة حاليا
راجع مشاركاتى جيدا
حتلاقى ان قلت الثوار لم يطلبوا ان الجيش يمسك السلطة لكن لما مسكها على غير طلبهم لم يعترضوا !
ممكن حضرتك تجيب لينا بيانتهم اللى بيطالبوا بيها بنقل السلطة من الجبش حاليا الى مجلس رئاسى و من اللى عايزينهم فى المجلس الرئاسى
الله يفتح عليكاقتباس:
ناس تانية هاتعترض لان الاسمين اللي حضرتك اقترحهم اللى عينهم مبارك زي ما عين وزير العدل اللى هم معترضين عليه وغيره من المسئولين
الفكرة بقت غير دلوقتى و بعد كده نعترض تانى لنفس السبب !
شكرا يا كولونيل على الروابط
واسمح لي اقتبس فقرة من الخبر في الرابط التاني
علشان شاركي يعرف ان الجيش انحاز لمطالب الشعب ضد حسني مباركاقتباس:
ونفى الأعضاء حدوث إنشقاق بين المجلس الأعلى وبين الرئيس السابق محمد حسني مبارك طوال فترة الثورة لكن ماحدث هو صراع بين مبارك بإعتباره القائد الأعلى للقوات المسلحة وبين مطالب الشعب المشروعة التي تستحق الإحترام والتقدير فأيدتها القوات المسلحة.
الكلام دا بعد ما تنحى مبارك و نقل السلطة ليهم يا باشا
الكلام دا اتقال من عمر سليمان مش من بيان للقوات المسلحة يا باشا :)
لكن قبل كده دور الجيش كان ضامن للطلبات اللى قال مبارك انه حينفذها و اللى برده طلبها الشعب :)
حضرتك اقرأ بداية البيان رقم 3 و انت تتأكد
من المجلس الاعلى للقوات المسلحة أيها المواطنون في هذه اللحظة التاريخية الفارقة من تاريخ مصر وبصدور قرار الرئيس محمد حسني مبارك بالتخلي عن منصب رئيس الجمهورية وتكليف المجلس الاعلى للقوات المسلحة بادارة شئون البلاد .
يعنى قبل التنحى الجيش مكنش حينفذ طلب الشعب
هو دا الفرق
ثم احنا بنبعد ليه عن الحوار الاساسى
الكلام كان ان الثوار هما اللى اختاروا الجيش علشان يمسك الحكم ؟
الاجابة لأ طبعا
و اللى اختارهم و كلفهم بذلك هو مبارك و دا واضح فى خطاب عمر سليمان و البيان رقم 3 للجيش
اظن دا واضح جدا و مش حتاج كلام بعده
رديت على الجزئية دي
ومبارك برضو هو اللي عين طنطاوي وعين المجلس الرئاسي وراضيين بيه مؤقتا
القضية مش مبارك بس
القضية هل هم مع الثورة ام ضدها
اللي ينضم للثورة ينال الشرعية حتى لو عينه مبارك
يا ريت تكون النقطة دي وضحت
وبعدين القضاء مستقل
اولا نعرف مين ائتلاف شباب ثورة 25 ينايراقتباس:
ممكن حضرتك تجيب لينا بيانتهم اللى بيطالبوا بيها بنقل السلطة من الجبش حاليا الى مجلس رئاسى و من اللى عايزينهم فى المجلس الرئاسى
الائتلاف يتكون من من خمسة مجموعات سياسية هي: "6 ابريل، والعدالة والحرية،
وحملة دعم البرادعي ومطالب التغيير / معا سنغير، وشباب الأخوان المسلمين، وشباب حزب الجبهة الديمقراطية بالإضافة إلى شباب الجمعية الوطنية للتغيير وبعض المدونين والمستقلين
وحسب جريدة اليوم السابع بتاريخ 17 فبراير انضم شباب 4 أحزاب سياسية هما "الوفد" و"التجمع" و"الغد" و"الكرامة" إلى الائتلاف
اما البيانات فموجودة بكثرة على الانترنت وكانوا يقرأوها ايام التظاهرات
وعلى العموم مطالب الثورة اصبحت معروفة ومكررة لدرجة الحفظ
اسمح لي اقتبس لك من جريدة الغد عدد 13/2/2011
اقتباس:
وتتمثل مطالب الثورة في الإلغاء الفوري لحالة الطوارئ والإفراج عن كافة المعتقلين السياسيين، وإلغاء الدستور الحالي وتعديلاته وحل مجلسي الشعب والشورى والمجالس المحلية، وإنشاء مجلس حكم رئاسي انتقالي يضم خمسة أعضاء بينهم شخصية عسكرية وأربعة رموز مدنية على ألا يحق لأي عضو منهم الترشح لأول انتخابات رئاسية قادمة.
وتشمل المطالب أيضا تشكيل حكومة كفاءات وطنية مستقلة تهيئ لإجراء انتخابات حرة ونزيهة في نهاية الفترة الانتقالية في مدة لا تزيد عن تسعة أشهر. ولا يجوز لهم الترشح لأول انتخابات رئاسية أو برلمانية.
كما تحوي تشكيل جمعية تأسيسية لوضع دستور ديمقراطي جديد، وإطلاق حرية تكوين الأحزاب على أسس مدنية وديمقراطية وسلمية وإطلاق حرية الإعلام وتداول المعلومات وإطلاق حرية التنظيم النقابي وتكوين منظمات المجتمع المدني وإلغاء كافة المحاكم العسكرية والاستثنائية وكل الأحكام التي صدرت بحق مدنيين من خلال هذه المحاكم.
طيب يا جماعه انا في راسي وش جامد من الموضوع ده "المستشار / جودت الملط سبق و ان قدم للنائب العام من مدد سابقه تقارير تفيد بفساد وزراء و رجال اعمال بمستندات مؤكده و لم يتخذ بشانئها اي اجراء . بمعني هل سياده المستشار النائب العام لم يكن يعلم بالفساد الذي كانت رائحته تزكم الأنوف و الذي يقال انه للركب و لم يحرك ساكنا . هناك علامات استفهام كثيره بهذا الشأن ؟ "
طب أنا كان ليَّ شوية اسئلة وخواطر كده في دماغي لمؤيدي استمرار التظاهرات ومؤيدي البناء وكفاية تحرير كده احنا لينا بيوت وشركة تلمنا.
دلوقتي الثورة أول يوم مكنتش عايزة تسقط مبارك بس تمسكوا بالطلب ده بعد احداث 28 يناير المؤسفة. بعد تطور الاحداث اتغيرت المطالب. وكل الشباب بيقولوا المطالب بتتغير بناء علي الظروف. طب امتي الثورة هترضي عنا. هل بعد حل الحكومة المعينة بالكامل. طب ومجلس الشعب مش هيكونوا عايزين يضمنوا نزاهته بعد كده. طب وانتخبات الرئاسة. ماهو احنا كلنا عارفين إن دوام الحل من المحال والظروف كل يومين بتتغير في الأيام ديه.
طب افرض من ال10 مليون ( أنا كنت بسمع كده رغم إني متأكد إننا كنا 2 مليون بالكتير ) اللي كانوا بينزلوا التحرير فيه 500 ألف بس لسة مش موافقين وعايزين زيادة فورية في الاجور و PlayStation لكل مواطن, مش من حقهم يستمروا في الاعتصام؟ ماهو دول برضه هيملوا ميدان التحرير وهيعملوا خيم؟ طب وبعدين هيكونوا برضه اغلبية وهيقولوا تسقط شرعية كل حاجة؟ طب ليه ميدان التحرير بالذات ليه مش مكان اخر نعبر فيه عن رأينا بدون وقف لعجلة العمل. علي الاقل اللي عايز يشتغل لبلده يكمل والمصلحين يكملوا من غير وقف لحال بعض. ليه الاصرار علي واقف الحال ل كل البلد؟
مش ده برده نوع من أنواع لوي الدراع والبلطجة اللي احنا كلنا رفضناها؟ ولا هما عشان وقفوا حال البلد يبقوا هما الشرعية؟ وكل مليون في البلد يطلع يعمل شرعية.
أنا حاليا مبقتش فاهم الثورة نجحت ولا لسة وفاضلها إيه؟ مش عارف امتي نبتدي نبني البلد ونتقضي علي الفساد اللي فينا ولحد امتى هيفضل فيه رموز فساد؟ طب ماهو كل موظفين الحكومة المرتشين رموز ليه مقلناش عايزينهم يمشوا هما كمان؟ مش الدرج المفتوح ده برده رمز للفساد ليه مطالبناش إن المكتب مايكونش فيها ادراج؟ ولا هي إيه الرموز وه اللي مش رموز؟
أنا اصبح همي إن شركتي متقفلش وتقفل باب رزق أكتر من 800 عائلة بس مش عارف ده صح ولا ايه؟ ولا أحسن تقفل وانا اقعد في البيت بس نكون رفدنا الحكومة اللي بتستجيب لمطالبنا لحد دلوقتي وجبنا ناس تكنوقراط يمكن يبقوا مش متفهمين مع بعض؟
ماهو ممكن نجيب زويل ( مش نجيب محفوظ ) كوزير تعليم أو بحث علمي يكون عايز يعمل حاجات ماتتفقش مع الميزانية اللي هايخدها ولا مع طموح وزير الصناعة مثلا. ومايكونش هما الجوز متفقين مع اللي فاروق الباز عايز يعمله. ماهو كل واحد فيهم طومحاته عايزة ميزانية البلد 3 سنين علي الاقل. هي مش الحكومة لازم يكونلها سياسة محددة؟
إيه هي المعاير أو المقياس الفعلي اللي ممكن نقول كده نجحنا؟