اتحداكم انكم تقولولى على شخصية واحدة فى البلد تتفقوا عليها

**SkyBird** · 26-02-2011 09:24 PM

المشاركة الأصلية كتبت بواسطة dr-mohamed

اللي هما مين تحديدا قادة الثورة اللى ممكن يقوموا بالعمل ده ؟
اذا كان كل ما واحد يتكلم في التليفزيون ويقول انا بمثل شباب الثورة يطلع له عشرين واحد يقولوا بيمثل نفسه بس

انا عمري ما سمعت حد بيقول انا بمثل شباب الثورة وحضرتك مطالب بالدليل على صحة قولك
اما اختيار المجلس الرئاسي سهل جدا يتعمل في مؤتمر وطني والمصريين رجالة ويقدروا يعملوا اي حاجه في سبيل وطنهم
وعلى العموم الاسمين المطروحين كحل سريع بدون الدخول في مؤتمرات هما رئيس المحكمة الدستورية العليا ورئيس محكمة النقض والجيش يختار واحد من 19 اللي في المجلس الرئاسي

رده ماردتيش على سؤالى فى المشاركة السابقة !!!!!!!!!!!!
مين من الثوار اللى حيختار المجلس الرئاسى ؟؟؟؟؟؟؟؟؟؟
و مين اللى حيكون فى المجلس الرئاسى ؟؟؟؟؟؟؟؟؟؟؟؟

اما اختيار المجلس الرئاسي سهل جدا يتعمل في مؤتمر وطني والمصريين رجالة ويقدروا يعملوا اي حاجه في سبيل وطنهم
وعلى العموم الاسمين المطروحين كحل سريع بدون الدخول في مؤتمرات هما رئيس المحكمة الدستورية العليا ورئيس محكمة النقض والجيش يختار واحد من 19 اللي في المجلس الرئاسي

**Sharky** · 26-02-2011 09:29 PM

وعلى العموم الاسمين المطروحين كحل سريع بدون الدخول في مؤتمرات هما رئيس المحكمة الدستورية العليا ورئيس محكمة النقض والجيش يختار واحد من 19 اللي في المجلس الرئاسي

وهل حضرتك متأكد ان المصريين :
1- موافقين على نقل السلطة من الجيش حاليا .
2- متفقين على الاسمين اللى حضرتك اقترحتهم

**SkyBird** · 26-02-2011 09:31 PM

وهل حضرتك متأكد ان المصريين :
1- موافقين على نقل السلطة من الجيش حاليا .
2- متفقين على الاسمين اللى حضرتك اقترحتهم

انت نفسك اللي قولت ان ده مطلب الثوار
وهو فعلا كده
راجع بياناتهم

العملية مش محتاجة عند وجدال على فكرة الموضوع والله الموضوع واضح وضوح الشمس !

**dr-mohamed** · 26-02-2011 09:33 PM

المشاركة الأصلية كتبت بواسطة skybird

انا عمري ما سمعت حد بيقول انا بمثل شباب الثورة وحضرتك مطالب بالدليل على صحة قولك

هو حضرتك مش بتتابع الاخبار او البرامج في التليفزيون ؟؟؟؟؟؟؟
والله من كتر اللى استضافوهم وقالوا انهم بيمثلوا شباب 25 يناير مبقتش اعرفهم من بعض
راجع حضرتك برامج دريم والمحور والحياة وشوف كام واحد طلعوا فيهم قالوا انهم بيمثلوا شباب 25 يناير

اما اختيار المجلس الرئاسي سهل جدا يتعمل في مؤتمر وطني والمصريين رجالة ويقدروا يعملوا اي حاجه في سبيل وطنهم
وعلى العموم الاسمين المطروحين كحل سريع بدون الدخول في مؤتمرات هما رئيس المحكمة الدستورية العليا ورئيس محكمة النقض والجيش يختار واحد من 19 اللي في المجلس الرئاسي

ناس تانية هاتعترض لان الاسمين اللي حضرتك اقترحهم اللى عينهم مبارك زي ما عين وزير العدل اللى هم معترضين عليه وغيره من المسئولين

المشاركة الأصلية كتبت بواسطة sharky

وهل حضرتك متأكد ان المصريين :
1- موافقين على نقل السلطة من الجيش حاليا .
2- متفقين على الاسمين اللى حضرتك اقترحتهم

1- مش موافق
2- بردو ناس كتير مش هاتوافق

**SkyBird** · 26-02-2011 09:40 PM

المشاركة الأصلية كتبت بواسطة col. Eng. Khaled

egynews.net | ط§ظ„ظ…ط¬ظ„ط³ ط§ظ„ط§ط¹ظ„ظ‰ ظ„ظ„ظ‚ظˆط§طھ ط§ظ„ظ…ط³ظ„ط.ط© ظٹط¤ظƒط¯ ط§ظ†ظ‡ ظ„ظٹط³ ط¨ط¯ظٹظ„ط§ ط¹ظ† ط§ظ„ط´ط±ط¹ظٹط©

أعتقد الناس دول أرفع عن أن يغيروا الوعد .

EGYNews.net | ط§ظ„ظ…ط¬ظ„ط³ ط§ظ„ط£ط¹ظ„ظ‰ ظ„ظ„ظ‚ظˆط§طھ ط§ظ„ظ…ط³ظ„ط.ط©: ط´ط±ظ… ط§ظ„ط´ظٹط® ظ„ظٹط³طھ ط¨ط¤ط±ط© ط£ط®ط±ظ‰ ظ„ظ„ط.ظƒظ…

شكرا يا كولونيل على الروابط
واسمح لي اقتبس فقرة من الخبر في الرابط التاني

ونفى الأعضاء حدوث إنشقاق بين المجلس الأعلى وبين الرئيس السابق محمد حسني مبارك طوال فترة الثورة لكن ماحدث هو صراع بين مبارك بإعتباره القائد الأعلى للقوات المسلحة وبين مطالب الشعب المشروعة التي تستحق الإحترام والتقدير فأيدتها القوات المسلحة.

علشان شاركي يعرف ان الجيش انحاز لمطالب الشعب ضد حسني مبارك

**Sharky** · 26-02-2011 09:45 PM

الكلام دا بعد ما تنحى مبارك و نقل السلطة ليهم يا باشا

الكلام دا اتقال من عمر سليمان مش من بيان للقوات المسلحة يا باشا :)

لكن قبل كده دور الجيش كان ضامن للطلبات اللى قال مبارك انه حينفذها و اللى برده طلبها الشعب :)

حضرتك اقرأ بداية البيان رقم 3 و انت تتأكد
من المجلس الاعلى للقوات المسلحة أيها المواطنون في هذه اللحظة التاريخية الفارقة من تاريخ مصر وبصدور قرار الرئيس محمد حسني مبارك بالتخلي عن منصب رئيس الجمهورية وتكليف المجلس الاعلى للقوات المسلحة بادارة شئون البلاد .

يعنى قبل التنحى الجيش مكنش حينفذ طلب الشعب
هو دا الفرق

ثم احنا بنبعد ليه عن الحوار الاساسى

الكلام كان ان الثوار هما اللى اختاروا الجيش علشان يمسك الحكم ؟
الاجابة لأ طبعا
و اللى اختارهم و كلفهم بذلك هو مبارك و دا واضح فى خطاب عمر سليمان و البيان رقم 3 للجيش

اظن دا واضح جدا و مش حتاج كلام بعده

**SkyBird** · 26-02-2011 10:21 PM

المشاركة الأصلية كتبت بواسطة dr-mohamed

ناس تانية هاتعترض لان الاسمين اللي حضرتك اقترحهم اللى عينهم مبارك زي ما عين وزير العدل اللى هم معترضين عليه وغيره من المسئولين

رديت على الجزئية دي
ومبارك برضو هو اللي عين طنطاوي وعين المجلس الرئاسي وراضيين بيه مؤقتا
القضية مش مبارك بس
القضية هل هم مع الثورة ام ضدها
اللي ينضم للثورة ينال الشرعية حتى لو عينه مبارك
يا ريت تكون النقطة دي وضحت
وبعدين القضاء مستقل

ممكن حضرتك تجيب لينا بيانتهم اللى بيطالبوا بيها بنقل السلطة من الجبش حاليا الى مجلس رئاسى و من اللى عايزينهم فى المجلس الرئاسى

اولا نعرف مين ائتلاف شباب ثورة 25 يناير
الائتلاف يتكون من من خمسة مجموعات سياسية هي: "6 ابريل، والعدالة والحرية،
وحملة دعم البرادعي ومطالب التغيير / معا سنغير، وشباب الأخوان المسلمين، وشباب حزب الجبهة الديمقراطية بالإضافة إلى شباب الجمعية الوطنية للتغيير وبعض المدونين والمستقلين
وحسب جريدة اليوم السابع بتاريخ 17 فبراير انضم شباب 4 أحزاب سياسية هما "الوفد" و"التجمع" و"الغد" و"الكرامة" إلى الائتلاف

اما البيانات فموجودة بكثرة على الانترنت وكانوا يقرأوها ايام التظاهرات
وعلى العموم مطالب الثورة اصبحت معروفة ومكررة لدرجة الحفظ
اسمح لي اقتبس لك من جريدة الغد عدد 13/2/2011

وتتمثل مطالب الثورة في الإلغاء الفوري لحالة الطوارئ والإفراج عن كافة المعتقلين السياسيين، وإلغاء الدستور الحالي وتعديلاته وحل مجلسي الشعب والشورى والمجالس المحلية، وإنشاء مجلس حكم رئاسي انتقالي يضم خمسة أعضاء بينهم شخصية عسكرية وأربعة رموز مدنية على ألا يحق لأي عضو منهم الترشح لأول انتخابات رئاسية قادمة.
وتشمل المطالب أيضا تشكيل حكومة كفاءات وطنية مستقلة تهيئ لإجراء انتخابات حرة ونزيهة في نهاية الفترة الانتقالية في مدة لا تزيد عن تسعة أشهر. ولا يجوز لهم الترشح لأول انتخابات رئاسية أو برلمانية.
كما تحوي تشكيل جمعية تأسيسية لوضع دستور ديمقراطي جديد، وإطلاق حرية تكوين الأحزاب على أسس مدنية وديمقراطية وسلمية وإطلاق حرية الإعلام وتداول المعلومات وإطلاق حرية التنظيم النقابي وتكوين منظمات المجتمع المدني وإلغاء كافة المحاكم العسكرية والاستثنائية وكل الأحكام التي صدرت بحق مدنيين من خلال هذه المحاكم.

**frhateg** · 27-02-2011 12:16 AM

طيب يا جماعه انا في راسي وش جامد من الموضوع ده "المستشار / جودت الملط سبق و ان قدم للنائب العام من مدد سابقه تقارير تفيد بفساد وزراء و رجال اعمال بمستندات مؤكده و لم يتخذ بشانئها اي اجراء . بمعني هل سياده المستشار النائب العام لم يكن يعلم بالفساد الذي كانت رائحته تزكم الأنوف و الذي يقال انه للركب و لم يحرك ساكنا . هناك علامات استفهام كثيره بهذا الشأن ؟ "

**John_Samy_1** · 27-02-2011 01:40 AM

طب أنا كان ليَّ شوية اسئلة وخواطر كده في دماغي لمؤيدي استمرار التظاهرات ومؤيدي البناء وكفاية تحرير كده احنا لينا بيوت وشركة تلمنا.
دلوقتي الثورة أول يوم مكنتش عايزة تسقط مبارك بس تمسكوا بالطلب ده بعد احداث 28 يناير المؤسفة. بعد تطور الاحداث اتغيرت المطالب. وكل الشباب بيقولوا المطالب بتتغير بناء علي الظروف. طب امتي الثورة هترضي عنا. هل بعد حل الحكومة المعينة بالكامل. طب ومجلس الشعب مش هيكونوا عايزين يضمنوا نزاهته بعد كده. طب وانتخبات الرئاسة. ماهو احنا كلنا عارفين إن دوام الحل من المحال والظروف كل يومين بتتغير في الأيام ديه.
طب افرض من ال10 مليون ( أنا كنت بسمع كده رغم إني متأكد إننا كنا 2 مليون بالكتير ) اللي كانوا بينزلوا التحرير فيه 500 ألف بس لسة مش موافقين وعايزين زيادة فورية في الاجور و PlayStation لكل مواطن, مش من حقهم يستمروا في الاعتصام؟ ماهو دول برضه هيملوا ميدان التحرير وهيعملوا خيم؟ طب وبعدين هيكونوا برضه اغلبية وهيقولوا تسقط شرعية كل حاجة؟ طب ليه ميدان التحرير بالذات ليه مش مكان اخر نعبر فيه عن رأينا بدون وقف لعجلة العمل. علي الاقل اللي عايز يشتغل لبلده يكمل والمصلحين يكملوا من غير وقف لحال بعض. ليه الاصرار علي واقف الحال ل كل البلد؟
مش ده برده نوع من أنواع لوي الدراع والبلطجة اللي احنا كلنا رفضناها؟ ولا هما عشان وقفوا حال البلد يبقوا هما الشرعية؟ وكل مليون في البلد يطلع يعمل شرعية.
أنا حاليا مبقتش فاهم الثورة نجحت ولا لسة وفاضلها إيه؟ مش عارف امتي نبتدي نبني البلد ونتقضي علي الفساد اللي فينا ولحد امتى هيفضل فيه رموز فساد؟ طب ماهو كل موظفين الحكومة المرتشين رموز ليه مقلناش عايزينهم يمشوا هما كمان؟ مش الدرج المفتوح ده برده رمز للفساد ليه مطالبناش إن المكتب مايكونش فيها ادراج؟ ولا هي إيه الرموز وه اللي مش رموز؟
أنا اصبح همي إن شركتي متقفلش وتقفل باب رزق أكتر من 800 عائلة بس مش عارف ده صح ولا ايه؟ ولا أحسن تقفل وانا اقعد في البيت بس نكون رفدنا الحكومة اللي بتستجيب لمطالبنا لحد دلوقتي وجبنا ناس تكنوقراط يمكن يبقوا مش متفهمين مع بعض؟
ماهو ممكن نجيب زويل ( مش نجيب محفوظ ) كوزير تعليم أو بحث علمي يكون عايز يعمل حاجات ماتتفقش مع الميزانية اللي هايخدها ولا مع طموح وزير الصناعة مثلا. ومايكونش هما الجوز متفقين مع اللي فاروق الباز عايز يعمله. ماهو كل واحد فيهم طومحاته عايزة ميزانية البلد 3 سنين علي الاقل. هي مش الحكومة لازم يكونلها سياسة محددة؟
إيه هي المعاير أو المقياس الفعلي اللي ممكن نقول كده نجحنا؟

الموضوع: اتحداكم انكم تقولولى على شخصية واحدة فى البلد تتفقوا عليها

LinkBack

أدوات الموضوع

عرض

-

-

-

-

-

-

-

المواضيع المتشابهه

هي عشان واحدة ست تقوم تيجي عليها ...!!!

فيه واحد بينتحل شخصية الشيخ وجدي غنيم و عايز يخرب البلد !

المنتدى بقى غريب شويه تتفقوا معايا ولا لأ؟

اتحداكم جميعا

الكلمات الدلالية لهذا الموضوع

المفضلات

المفضلات

ضوابط المشاركة