اتحداكم انكم تقولولى على شخصية واحدة فى البلد تتفقوا عليها

**Sharky** · 26-02-2011 08:41 PM

وبعدين البيان رقم 2 جه في مرحلة معينه وهي ان الثوار مش مصدقين كلام مبارك وتفويضه لعمر سليمان باجراء تعديلات دستورية كانوا عايزين الجيش ضامن
فجاء البيان رقم 2 لتأكيد هذا الضمان

يعنى من كلامك ان الجيش كان ضامن لكلام مبارك !
و برضه ليه عمر سليمان قال ان مبارك ترك السلطة للجيش
و ليه الثوار لما يطالبه ان يمسك الجيش السلطة و كان طلبهم ام يكون فيه مجلس رئاسى انتقالى !

و على العموم دا النص الكامل للخطاب
نظرا للتطورات المتلاحقة وما تطور من تفويض السيد نائب رئيس الجمهورية من التخصصات وأمانا من مسئولياتنا امن الوطن وسلامتة

قرر المجلس ضمان تنفيذ الاجراءات الاتية
ااولا
انهاء حالة الطوارى فور الانتهاء من الظروف الحالية
الفصل فى الطعون الانتخابية وما يرد بشانها من اجراءات
اجراء التعديلات التشريعية اللازمة
اجراء انتخابات رئاسية حره و نزيهه فى ضوء ما تقرر من تعديلات دستورية

ثانيا
تلتزم القوات المسلحة المصرية برعاية مطالب الشعب المشروعة والسعى لتحقيقة من خلال متابعة تنفيذ هذة الاجراءات وفقا للتوقيتات المحددة بكل دقة وحزم حتى تمام الانتقال السلمى للسلطة وصولا للمجتمع الديمقراطى الحر وما يريدة الشعب

ثالثا
تؤكد القوات المسلحة المصرية على عدم الملاحقة الامنية للشرفاء الذين لم يقبلوا الفساد وطالبوا بالاصلاح
وتحذر من المساس بأمن الوطن والمؤاطنين كما تؤكد على دورة انتظام العمل فى مرافق الدولة وعودة الحياة العامة الطبيعية على مصالح وممتلكات المواطنين

حمى الله الوطن والمواطنين

المصدر : بيان رقم 2 للقوات المسلحة - 100fm6.com

لاحظ الجملة الاولى و هى تفويض نائب رئيس الجمهورية
يعنى التأكيد على وجود مبارك و موافقتهم على التفويض :)

**Sharky** · 26-02-2011 08:49 PM

شفيق يا راجل اتدخل عشان يقطع اعاده برنامج ل براهيم عيسى فى دريم و الكلام مؤكد من رئيس قسم هناك فى دريم صاحبى يعنى الموضوع مش فبركه فى جرايد لا واقع و حقيقى

ايه الدليل على انه حقيقى ؟؟؟؟
و لو هو واصل كده ماوقفش البرنامج ليه يوم الخميس لما كان مباشر ؟؟؟

احاسبه ازاى؟؟؟ تانى رجعنا لقفل التليفزيون و احساس خادع بالحريه و كمان التدخل فى عمل قنوات خاصه زى الاول بالظبط غير طبعا رفض ظهور القرضاوى على اى تليفزيون مصرى

هو مش القرضاوى ظهر فى خطبة الجمعة و محدش قاله حاجة ؟؟؟

ده معناه ان لسه قواعد اللعبه مطبقه اللى فرق بس ان السقف ارتفع

انا مش شايف ان اى مخلوق محتاج دليل عشان يعاقف صفوت الشريف و يمنع جمال من السفر و يحقق مع سيد قراره الموضوع مش محتاج لا دليل ولا اى حاجه عشان دول هما البابيتيرز اللى بيحركوا المابيتس اللى هما مسكوهم

دليل على صفوت الشريف؟؟؟ صفوت الشريف هو اللى معاه دليل على كل واحد و هو بتاع الابتزاز كله و بعدين تقولى اقنعنى

اقنعنى انت ان صفوت الشريف بريئ و انه حمامه فى وسط الصقور

احنا بقينا بنرفض نشوف حقائق واضحه زى الشمس و عمالين نضيع فى مجهودنا فى مجادله اقنعنى

معاك تماما فى محاكمة صفوت الشريف
لكن نروح نوديه الادلة للنائب العام مش نعمل مظاهرات

هل شفيق يا راجل جاى عشان اى نوع من الاصلاح او الديموقراطيه لأ
هل مصر لا تستطيع ان تعوض انه يروح بيتهم؟؟ اكيد

قعدوا يقولوا مش هننفع من غير مبارك و اهو مبارك راحل و ابنه و الحزب و الصف التالت
ة مصر موجوده

لأ طبعا مصر ممكن تعوضه اكيد لكن مش دى الطريقة كل يوم يطلع لينا واحد دا مش عاجبنى مشوه والا اطلع على التحرير و واوقف حال البلد

دى اسمها فوضى و عدم احترام لأراء الناس اللى ماسكين البلد و بنثق فيهم دلوقتى و هما الجيش

**Col. Eng. Khaled** · 26-02-2011 08:49 PM

المشاركة الأصلية كتبت بواسطة human12

انا مش شايف ان اى مخلوق محتاج دليل عشان يعاقف صفوت الشريف و يمنع جمال من السفر و يحقق مع سيد قراره الموضوع مش محتاج لا دليل ولا اى حاجه عشان دول هما البابيتيرز اللى بيحركوا المابيتس اللى هما مسكوهم

دليل على صفوت الشريف؟؟؟ صفوت الشريف هو اللى معاه دليل على كل واحد و هو بتاع الابتزاز كله و بعدين تقولى اقنعنى

اقنعنى انت ان صفوت الشريف بريئ و انه حمامه فى وسط الصقور

احنا بقينا بنرفض نشوف حقائق واضحه زى الشمس و عمالين نضيع فى مجهودنا فى مجادله اقنعنى و اقنعك

هل شفيق يا راجل جاى عشان اى نوع من الاصلاح او الديموقراطيه لأ
هل مصر لا تستطيع ان تعوض انه يروح بيتهم؟؟ اكيد

قعدوا يقولوا مش هننفع من غير مبارك و اهو مبارك رحل و ابنه و الحزب و الصف التالت
و مصر موجوده

بلاغات للأمن القومي

**Sharky** · 26-02-2011 08:56 PM

حلاص انزل اعمل مظاهرة تطالب بنقل السلطة من الجيش الى مجلس رئاسى

بس تفتكر مين اللى حيختار المجلس دا و مين اللى حيختاروهم ؟؟

**SkyBird** · 26-02-2011 09:04 PM

المشاركة الأصلية كتبت بواسطة sharky

يعنى من كلامك ان الجيش كان ضامن لكلام مبارك !
و برضه ليه عمر سليمان قال ان مبارك ترك السلطة للجيش
و ليه الثوار لما يطالبه ان يمسك الجيش السلطة و كان طلبهم ام يكون فيه مجلس رئاسى انتقالى !

و على العموم دا النص الكامل للخطاب
نظرا للتطورات المتلاحقة وما تطور من تفويض السيد نائب رئيس الجمهورية من التخصصات وأمانا من مسئولياتنا امن الوطن وسلامتة

...........
...........
لاحظ الجملة الاولى و هى تفويض نائب رئيس الجمهورية
يعنى التأكيد على وجود مبارك و موافقتهم على التفويض :)

واضح ان انا اتكلم في وادي وحضرتك في وادي اخر
انا اتكلم عن انحياز الجيش لمطالب الشعب
هل ده مش واضح في بيانات الجيش ؟

و ليه الثوار لما يطالبه ان يمسك الجيش السلطة و كان طلبهم ام يكون فيه مجلس رئاسى انتقالى !

لان ده الصح
وده مطلب اي ثورة انها تمسك الحكم ومش منطقي تقوم ثورة طويلة عريضة علشان تسلم الجيش السلطه
يعني الثوار هما اللي صابرين على الجيش وليس العكس كما يصور البعض
ولن تنجح هذه الثورة حتى يتكون مجلس رئاسي من اثنين مدنيين وعسكري تكون السلطة فيه للثورة حتى تحقق مطالبها بالانتقال الكامل لدولة حرة مدنية ديمقراطية ذات مؤسسات ذاتية الدفع
راجع مشاركتي السابقة

**dr-mohamed** · 26-02-2011 09:07 PM

المشاركة الأصلية كتبت بواسطة skybird

وقادة الثورة هما اللي يشكلوا المجلس الرئاسي وحكومة انتقالية منهم ودستور جديد وبعد كده انتخابات رئاسية وتشريعية

اللي هما مين تحديدا قادة الثورة اللى ممكن يقوموا بالعمل ده ؟
اذا كان كل ما واحد يتكلم في التليفزيون ويقول انا بمثل شباب الثورة يطلع له عشرين واحد يقولوا بيمثل نفسه بس