الموضوع: استفسار عن شراء iphone4

المشاركة الأصلية كتبت بواسطة Karim_Monir

كمال دخل الموضوع يبقي هاتشتري ايفون :-)
يا عمرو مش هاقولك غير كلمه واحدة بس عشان كمال بياخد نسبة من ايفون لدرجة ان مديرة في الشغل كتبلة يافطة ممنوع الكلام عن الايفون في الشغل :-)
مستخدمين الايفون بينزلو اندرويد على الايفون دلوقتي
يبقي انهي اوبريتنج سيستم اقوي

انا اللي كاتب الورقة أصلا

مستخدمي ايفون مين يا حبيبي اللي بينزلوا اندرويد؟؟؟؟ دول قلة مندسة !!

و بعدين ده عالايفون ثري جي بس

و على فكرة iOS أقوى ميت مرة لانه مبني على UNIX مش LINUX زي الاندرويد

غير انه بيتم اختباره على عدد محدود من الاجهزة قبل اصداره (3 موديلات ايفون + موديلين تلاتة ايبود تاتش) و خلاص

مش ميغة و خمسميت جهاز زي اندرويد و صباح مشاكل عدم التوافق بين الهاردوير و السوفتوير اللي بتظهر

المشاركة الأصلية كتبت بواسطة Karim_Monir

ده انت بتعمل سنكورنايز على حسابك على جي ميل لو الموبيال ضاع ولا راح في داهية واخد نسخة من الكونتاكت والايميل وكل حاجة

نفس الشئ موجود في ايفون من ايام عام الفيل

المشاركة الأصلية كتبت بواسطة Karim_Monir

والابلكيشن بتاعت اندرويد اكتر بكتير

سوري هنا بقى دي أوت منك .... حاليا عدد الابلكيشنز للاندرويد لا يتجاوز الربع لنظيره في الايفون و دي نقطة تفوق الأيفون حاليا

المشاركة الأصلية كتبت بواسطة Karim_Monir

والهاردوير اقوى بكتير

لا طبعا ..... هاردوير ابل و البروسسور ال A4 و الضهر الجوريلا جلاس انضف ميت مرة من الجالاكسي البلاستيك !!

المشاركة الأصلية كتبت بواسطة Karim_Monir

يا راجل موبايل ب 4500 مفيهوش راديو
لازم اركبله اكسيسوري ب 300 ولا 400 عشان يكون في راديو
ايه الخنقة دي
ده الموبيالات الصيني ام 150 جنيه وخطين فيها راديو :-)
بتكلم عن الهاردوير مش راديو انترنت

و الله مفيش حاجة كاملة .... و الراديو ده انا شخصيا ما باسمعوش و ناس كتير مش محتاجاه .... لو حابكة معاك اوي الراديو بلاها ايفون :)

المشاركة الأصلية كتبت بواسطة Karim_Monir

والاي تونز هايعقدك في عيشتك :-)
والبلوتوث كارثة :-)
وبيسقط شبكة ولازم تركبله فريم عشان تقوي الشبكة
فريم ب 400 جنيه :-) بيسموه اسم عيب شوية مقدر اقوله لاتوقف :-)

اي تونز ابن حلال خالص بالذات الفيرجنز الجديدة انت بس بقالك سنين ما استعملتوش

و البلوتووث كارثة ليه؟ جيلبريك و نزل iBluenova مجانا و عيش حياتك

و مفيش تسقيط شبكة ولا حاجة الشبكة بتضعف ضعف بسيط ..... و ده العيب الوحيد

و العيب على فكرة اسمه مش قليل الادب اسمه Death Grip أو "قبضة أو مسكة الموت"

المشاركة الأصلية كتبت بواسطة Karim_Monir

واذا كان على ضهر الموبايل الجلاكسي فالبلاستيك بتاعه نضيف ومصقول جدا جدا لدرجة انك لو مسكته من غير جراب يتزحلق من ايدك لو عرقانة شوية

برضه مش في نضافة و لا مسكة ال gorilla glass ابدا ابدا ابدا .....

المشاركة الأصلية كتبت بواسطة Karim_Monir

مش اجيب موبايل لو بطاريتة باظت معرفش اغيرها غير التوكيل شووف بكام بقى
وامشي بدبوس عشان اشيل السيم كارد
اجيب موبايل يشلني :-)

مش لازم ممكن تغيرها في بيتكم ..... مسمارين بيتفكوا و خلصت و فيه فيديوهات بالعبيط عاليوتيوب

و على فكرة فيه ناس بقالها 3 و 4 سنين معاها ايفونات و البطارية ما باظتش

عشان ابل == جودة عالية جدا و قيمة لفلوسك فعلا

و معلش انت بتشيل السيم كارد كام مرة من الموبايل؟؟؟؟؟ و ممكن اي دبوس ان شالله دبوس طرحة او دباسة او دبوس مكتب بيشيل السيم .......