نوارة نجم : تصريح القوات المسلحة في التلفزيون

**osoliman88** · 27-02-2011 10:52 AM

أراهنكم أن البت دي محدش هيعرف يلمها وهتفضل تقول كلام اهبل وغير مفهوم حتى لو تحقق كل مطالبها اللى مصدعة دماغنا بيها ، وتقريبا كده هنفكر في الإنتحار علشان نرتاح منها، يعني أنا مش فاهم هي زانقة نفسها ليه في الكتابة السياسية مع أنها لا اسلوب ولا فكر ولاتنظيم للافكار ، يالله نصيبنا لحد لما النتيجة تتطلع ويبقى في ديمقراطية وبعد كده اللى هيفتح بقه ............

**تامر.محمد** · 27-02-2011 10:53 AM

السلااااااااااااااااااام عليكم
:))))))))

المشاركة الأصلية كتبت بواسطة human12

فى العموم هيه بتقول رأيها و هيه حره فيه طبعا
بس احنا لينا نختلف فى الرأى و فى الاسلوب

انا باقول كده من اول يوم

بصراحه اسلوبها مستفز و يا ريت تبطل تكتب و نبطل نشوف اسمها و تقريبا كل اللى تعرفه فى السياسه ان اللى راح بيرجع تانى رغم ان الناس عارفه ان اللى راح راح و مضى بس احنا عايزين نجيبه نحطه فى الصندوق عشان نتفرج عليه و ناخد منه فلوسه
انا حاسس ان حد ممكن يعايرنى و يقولى ان قريت تدوينه لنواره نجم فى يوم من الايام

انا مش عارف بتفتح هنا بس ولا لأ , لو ده الوضع يبقى انا عاذرك بالتأكيد , انما الواقع العام لأ خالصو بالعكس تماما

و مش عارف ليه العزيز tlrsiap مصمم يتحفنا ليها كل شويه فى المنتدى
انا ابتديت افكر ان هيا رئيسه مجلس الثورة
هو الكلام الكتير اللى مكتوب مافهوش اى حاجه تنفع غير الكلمتين بتوع الجدول اللى طرحهم بلال فضل قبل كده
غير كده ظلم كبير للفضاء السيبرى يبقى فيه كلام من نوعيه مقموصة.. اه.. زعلانة.. زعلانة زعلانة زعلانة وحاسة ان كل حاجة بتضيع و ضاع العم يا ولدى و ليلالى العمر معدوده يا احمد و ارجوك اعطنى هذا الدواء فيه سمون قاتل و علمنى العوم يا احمد

انا برده بدأت احس ان فيه ناس بيتهيأ لها كده, لكن القصة و ما فيها ان مضمون كلامها باتفق مع نسبة كبيرة منه , و بالاقي فيه اللي بالاقيه في تجميعة مقالات كتيرة , كمان لازم ناخد بالنا من حاجة مهمة ان دي تدوينات مش مقالات , و التدوينة اللي بيكتب بيبقى واخد راحته فيها اوي , مش زي لما يكون بيكتب مقال مثلا , انا اصلا فيه نقط بابقى مختلف معاها فيها , بس ما اقدرش انكر ان المضمون ما ينفعش تعدي عليه و ترميه الا نادرا , ده غير حاجة مهمة جدا من وجهة نظري انها بتنقل في تدويناتها نبض الثورة كأنك معايشها و دي حاجة مهمة
انا شخصيا باختلف مع اسلوبها تماما , و ممتنع من فترة عن التعليق في مدونتها بسبب الأسلوب ده , لكن ده ما يمنعش في رأيي ان المضمون يستحق

tlrsiap لو بتروح تقعد مع نواره نجم مش رايح معاك
ههههههههههههههههههه هي مش سبة ولا حاجة اخجل منها بس انا عمري ما شفتها على ارض الواقع ولا سعيت لده

**تامر.محمد** · 27-02-2011 11:00 AM

يا اخواننا باختصار و عشان الكلام يبقى موضوعي , اللي مش عاجبه كتاباتها ببساطة ما يقراش اي حاجة هي بتكتبها , الموضوع بيبقى اسمها مكتوب في عنوانه عادةً او على اقصى تقدير في اول سطر , مش اجباري ان حد يفتح اللينك يعني او يقرا الكلام للآخر , اللي عايز يناقش اي افكار في تدوينة من دول يتفضل مشكورا يناقشها

يا ريت نلتزم الموضوعية و طالما قلنا رأينا في الكاتبة مرة و اتنين و عشرة ما ندخلش كل موضوع و نشتم فيها تاني و تالت و رابع و عاشر , طالما مش عاجبنا يبقى ما ندخلوش و نحترم حق اللي عاجبهم الكلام او اللي ناويين يناقشوه بموضوعية في ده , مش نلغوش عليهم و خلاص

اللي عايز يجيب لنا مقالات لممتاز القط يتفضل ينقل و مش هادخل اقول له ايه المنافق اللي بتنقل له ده , انا عن نفسي نقلت مقالاته مرة لواحدة من جروبات الفيس بوك

**alhaytham** · 28-02-2011 08:47 AM

نوارة نجم دي من العشرة المبشرين بالجنة؟
أكدب جيشي واصدقها واسلم دماغي ليها ليه؟
في حد قالها مش فاكره بس ماحدش عايز يقتنع
الجيش فاصل بين اللي احنا فيه وجهنم
الصبر

**samcar** · 04-03-2011 02:41 AM

المشاركة الأصلية كتبت بواسطة dr-mohamed

لما عضو يغلط في اعضاء مخالفين له في الراي وانا منهم ويسبهم بدليل انه اتوقف وانت توافقه على كلامه باسلوب مستفز جدا يبقي الرد يشملك ويشمله وبالتالي الرد عام على الكلام وليس على اشخاص
وانا اكتب اي مشاركة تعجبني في اي موضوع ولو شفت ان فيه مخالفة لقوانين المنتدي فيه ساحة شكاوي ارجع لها

حصل - وشكرا للمنتدى -
اكتب اللى يعجبك من غير توجيه كلامك لشخص بعينه - خصوصا ان فى مداخله سابقه وجهت لى نفس الكلام اللى بتلومنى عليه دلوقت
وقلت لى انا ماعرفكش تهزر معيا ليه - رغم ان كلامى كان برضه عام