جيتا

**eldeplomasy** · 06-04-2008 03:48 AM

يا جماعه انا مقدم على شراء جيتا هاي لاين 2008

هل في حد هنا معاه جيتا او يعرف حد معاه جيتا وظهر فيها اي مشاكل

ياريت اعرف لو في مشاكل ظهرت فيها علشان الحق اغير رايي قبل ما اتدبس فيها

وشكرا جزيلا

**Ahmed Samy** · 06-04-2008 04:07 AM

تدبس ؟؟؟؟؟
لا يا عزيزي ...اطمئن تمام الاطمئنان
ناس كتير شاريين العربية
و كل يوم بيزيد انتشارها لدرجة ملفته (لي أنا شخصيا على الأقل)
و ده معناه انها بلا مشاكل
و أنا اعرف 5 6 معاهم العربية بلا اي مشاكل ماعدا واحد كمبريسور التكييف بتاعة ضرب و غيره (بس مش حاجة منتشرة خالص - نصيبه كده).

توكل على الله

**eldeplomasy** · 06-04-2008 04:13 AM

ضرب ازاي احكيلي علشان لما اروح اجيب اتنطط عليهم يمكن ينزلوا في ثمنها

هههههههههههه

ثم قالقني جدا موضوع التقفيل انها تقفيل مكسيكي او برازيلي مش فاكر

طيب مفيش منها تقفيل الماني؟؟؟

**mohamad** · 06-04-2008 12:49 PM

مفيش حاجه اسمها كمبرسور يضرب, في حاجه في الكباس اسمها shaft seal هو ده الي بيضرب و ده لو موجود بيتغير و لو مش موجود بيتغير الكباس كله, ال shaft seal اضعف حاجه في دائره التبريد و لما ضغط الفريون يزيد نتيجه ان العربيه واخده شحنه فريون زياده او السربنتينه مش نضيفه بيضرب الshaft seal

**Ahmed Samy** · 06-04-2008 04:06 PM

المشاركة الأصلية كتبت بواسطة mohamad

مفيش حاجه اسمها كمبرسور يضرب, في حاجه في الكباس اسمها shaft seal هو ده الي بيضرب و ده لو موجود بيتغير و لو مش موجود بيتغير الكباس كله, ال shaft seal اضعف حاجه في دائره التبريد و لما ضغط الفريون يزيد نتيجه ان العربيه واخده شحنه فريون زياده او السربنتينه مش نضيفه بيضرب الshaft seal

كلام حضرتك لا غبار عليه طبعا
بس هوا قاللي زي ما قولتلكو و كمان قالولو في التوكيل ان الكمبرسور بتاع الجولف موجود بس بتاع الجيتا هايتأخر كام أسبوع.

**mohamed ibiza** · 06-04-2008 04:24 PM

الجيتا عربية ممتازة اتوكل علي الله لا شكاوي من الجيتا حتي الان بس نصيحة انا اعرف ناس فكوا فتيس الباسات في الحرفيين made in china تصميم الماني تصنيع صيني بس الجيتا لحد دلوقتي مسمعتش عنها اي شكاوي بس خليك براحة علي الفتيس لان ممكن يكون صيني زي الباسات يمكن لكن مش اكيد....................

IBIIIIIIIIIIIIIIIIIIIIIIIIIIIIIIIIIIIZZZZZZZZZZZZZ ZZZZZAAAAAAAAAAAAAAAAAAAAAA FOR EVER

**mohamed ibiza** · 06-04-2008 09:14 PM

و نسيت اقولك كمان ان عذاب كفار مكة للمسلمين زمان ارحم من عذاب توكيل فولكس اللي رافع شعار (لسوء توكيل فيكي يا بلد)..........

Ibiiiiiiiiiiiiiiiiiiiiiiiiiiiiiiiiiiiizzzzzzzzzzzz zzzzzzzzzzzzzzzaaaaaaaaaaa For Ever

**eng_mkhalaf** · 06-04-2008 09:22 PM

نسيت اقولك كمان ان عذاب كفار مكة للمسلمين زمان ارحم من عذاب توكيل فولكس

جامد قوى الربع دة :)

فكوا فتيس الباسات في الحرفيين made in china تصميم الماني تصنيع صيني

ومالة الصينى - دة كدة كدة جولف وأنا مش شايفة عيب

**Sharky** · 06-04-2008 10:12 PM

أنا بصراحة معجب جدا بالعربية دى
بس بصراحة سمعت من واحد صاحبى إن فتيس الجيتا و الباسات بيتكسرالقواعد بتاعته من الإستعمال الكتير
حتقولى بيتكسر إزاى أقولك ماعرفش دا إللى سمعته من صاحبى دا و قالى إن فيه مشاكل فى الفتيس و الكهرباء بتاعتها بس طبعا دى كلها ممكن تطلع إشاعات
أنا لو منك أطلع على توكيل فولكس و أسأل الناس إللى معاها العربية دى هما دول أكتر ناس حيقوللك العربية عاملة إيه معاهم و عن تجربة

**dr_3eshoo** · 06-04-2008 11:41 PM

لو كده يجيبها مانول انا شفت عربيات بسات جديده في الحرفيين مفكوك الفتيس بتاعها و بيتصلح و كمان الميكانيكي قالي بلاش البسات الجديده مش هتستحملك
لو كده شوف الجولف

الموضوع: جيتا

LinkBack

أدوات الموضوع

عرض

-

-

-

-

المواضيع المتشابهه

اشتري جيتا 2010 ولا فانتازيا 2011اشتري جيتا 2010 ولا فانتازيا 2011

جيتا

أشترى جيتا 2010 ام أنتظر جيتا 2011

قبل ما تشتري جيتا 2010 خش وشوف صور جيتا 2011 اللي نازله شهر مايو عشان ما تندمش

جيتا مو 90 gl

الكلمات الدلالية لهذا الموضوع

المفضلات

المفضلات

ضوابط المشاركة