عملت فرش للساجا عند جينز كار

**sayed911** · 26-02-2011 10:03 PM

بسم الله الرحمن الرحيم

السلام عليكم ورحمة الله وبركاته

اولا :
الفكرة طقت في دماغي من حوالي يوم الخميس بالضبط صحيت الساعة 6 الصبح على خير اللهم اجعله خير قال انا راكب عربية Mercedes سترلينج موس واللي متابع موضوعاتي في الإجتماعي ها يعرف انا بتكلم عن ايه وايه اللي حصل معايا في الفترة اللي فاتت لما سافرت .. المهم صحت وانا مقرر اني ها اعمل فرش جلد في عربيتي وبفكر اعمل فيميه كمان اول درجة ولكن ده ما يزال في الخطة ان شاء الله .. المهم صحيت ونزلت على جينز كار وقرت اعمل فرش جلد للعربية بعد ما شفت العروض اللي عاملها الزميل العزيز الأستاذ ايمن في القسم هنا وشدت انتباهي انه المهندس عبدالرحمن كمان شفت صور لعربيتهم همة الإتنين شدت انتباهي جدا وشجعني اكتر اني من مالكي بروتون عشان كده لميت نفسي ونزلت على مدينة نصر ورحت واستنيت لحد ما كلت الأستاذ احمد مشعل وعرفت منه المواعيد و روحت هناك ولقيت الأستاذ عبد الفتاح وكان الأستاذ احمد مشعل راح مشوار عشان كده قعدت مع الأستاذ عبد الفتاح وقمنا بإختيار الخامات وتقرر اني ها اعمل الفرش ان شاء الله من احد انواع الخامات اللي اختارتها ولأني لي زوق ردئ جدا في اختيار الألوان ولله الحمد فتركت للأستاذ عبد الفتاح فكرة اختيار الألوان ولكن الخامات دي بقى كانت تبعي انا :D و للأسف مكنش فيه فكرة عمل طارات جلد ولكن الأستاذ احمد مشعل وشحلي انه ده بسبب الضغط الشديد عندهم وانه الموضوع بياخد وقت وده مش وقتوا لأنهم عندهم ضغط عمل كبير جدا الحقيقة .. وكما ذكر الأستاذ ايمن في احد المواضيع بأن هناك عرض كالتالي . (للبروتوناوية فقط )

العرض الاول بــ(850) جنيه :- بدلا من (1050)
----------------------------------------------------

- فرش جلد المانى من اعلى الفئات (2 نوع جلد أو جلد & قمـاش) .

- لونين (حسب اختيارك) للكراسى والكنبه .

- مدة التركيب : 3 ساعات .

- ضمان : 4 سنوات ضد اى فك للخياطه او قطع للجلد .

وهوة بصراحة شدني للغاية جدا وكلمت الأستاذ احمد مشعل عشان استفسر هل ما يزال العرض قائما ام لا وقام بالتأكيد بأن العرض ما يزال قائما ففعلا اخذت القرار بأني اتوجه ليهم وها اخد العرض ده .. ولكن بصراحة لما وصلت هناك وبدأت اتفرج على الخامات اخترت خامة اعلى شوية ونسيت اسئل عن العرض نهائيا :D او بمعنى اصح نسيت استفسر انا كنت جي ليه :D يعني انا كنت جي عشان حاجة ولكن بصراحة لقيت حاجة تانية اعجبتني نهائيا هية الفكرة زي لما تكون حاطط سقف انك راصد ميزانية للموضوع بكذى ولكن الموضوع عجبني وعليت سقف الميزانية وانا في قمة السعادة ونسيت حتى آخد الخصم الخاص بنايل موتورز وبقسم بروتون :D اصل ملاك بروتون مش زي اي ملاك :D
المهم انا كترت عليكم في الرغي بصراحة فها اسيبكم مع الصور وحضراتكم تتفرجوا وتشوفوا ..

اعذروني لأن الكام بتاعت الموبايل عقيمة للغاية ولا تؤدي الغرض نهائيا + ان ظروف التصوير لا تساعد بالمرة في واحدة واقفة فوقي على طول عمالة ترمي مية ولكن يالله كله يهون عشان كده ان شاء الله لو فيه فرصة تانية ها اصور الشغل بطريقة افضل شوية ولكن التحية كل التحية لـ
الأستاذ احمد مشعل
الأستاذ عبد الفتاح
الأستاذ ايمن
المهندس عبد الرحمن
وتم عمل التركيب وكل شئ بالضبط في تقدير زمني وقدره ساعتان ونصف الساعة بالضبط وتم العمل بحرفية شديدة وسريعة ولله الحمد ...

**amr.elsayed** · 26-02-2011 10:52 PM

ما شاء الله .. جميل جدا وشغل نضيف .. ربنا يباركلك فيه وفى عربيتك

**Raul_7** · 26-02-2011 10:57 PM

زي الفل يا سيد, ألف مبروك عليك.

**spiderloking** · 26-02-2011 11:02 PM

الف مبروك يا سيد بجد روعه والله تعيش و تجيب يا ابو السيد الف الف الف مبروك و عقبال ما تعمل الارضيه جلد و الطاره و الفيتيس و الابواب و الهاند بريك

**ykdl** · 26-02-2011 11:07 PM

ما شاء الله يا أستاذ سيد جميل اوى
على فكرة نفس اللون اللى انا عملته عندى بس انا جبت كسوة فيها اللونين دول
ربنا يباركلك فيه يا رب

**shakshak2011** · 26-02-2011 11:40 PM

ما شاء الله ... ممتاز جداُ .. كلفتك كام تقريباً يا غالى

**sayed911** · 27-02-2011 12:10 AM

ما شاء الله .. جميل جدا وشغل نضيف .. ربنا يباركلك فيه وفى عربيتك

ربنا يخليك يا اخي وربنا يكفيك ويكفينا اجميعن شر الطريق ويجعلنا في سياراتنا الخير يا رب ..

زي الفل يا سيد, ألف مبروك عليك.

الله يبارك فيك يا معالي الباشا :d :d :d :d الله يبارك فيك يا اخي ..

الف مبروك يا سيد بجد روعه والله تعيش و تجيب يا ابو السيد الف الف الف مبروك و عقبال ما تعمل الارضيه جلد و الطاره و الفيتيس و الابواب و الهاند بريك

ههههه لبيد باشا الكبير :d :d حبة حبة امال احنا طلبة والفرش ده اتعمل بالقعدة شهر في البيد :b4_388: يعني لو يطولوا مدة الإحتجاج كمان شوية حلوين نعمل الأرضية والفتيس والهاند بريك كمان :d :d

ما شاء الله يا أستاذ سيد جميل اوى
على فكرة نفس اللون اللى انا عملته عندى بس انا جبت كسوة فيها اللونين دول
ربنا يباركلك فيه يا رب

الله يبارك في حضرتك يا اخي وصدقني فعلا الموضوع فعلا يستاهل الكراسي فرقت وتنجيدها فرق كتيـــــــــــــر عن الأول بمراحل وواضح اننا اخترنا الون الفاتح زي بعض عشان لون القوايم :d