السبب وراء عدم ظهور محمود سعد انهارده

**greenday** · 27-02-2011 04:34 AM

المشاركة الأصلية كتبت بواسطة dr-mohamed

عندك حق فلتت الحسبة في اخر رقم
طيب على اساس ان الحلقة الواحدة اعلاناتها في المتوسط 800 الف جنيه * 104 حلقة في السنة = 83 مليون جنيه
ايه راي حضرتك ان اعلانات التليفزيون كلها طوال سنة 2010 شامل طبعا شهر رمضان وحضرتك عارف الاعلانات فيه بتكون اد ايه لم تصل الى 380 مليون جنيه صوت القاهرة تعترف بفشلها في تحقيق 380 مليوناً من إعلانات التليفزيون

هل كل البرامج والمسلسلات بتعمل اعلانات ب300 مليون ومحمود سعد لوحده بيعمل اعلانات ب83 مليون ؟؟؟؟؟؟
فيه فساد واهدار مال عام وتربح وتسهيل لااستيلاء علي المال العام
يضاف للقائمة

اعلانات 2008 برنامج محمود سعد البيت بيتك الراعي الرئيسي حديد عز والجائزة كل يوم شقتين وطن حديد ل30 الف من المستحقين لابني بيتك واحلى دعاية من محمود سعد لاحمد عز اللى بيهاجمه دلوقت

هو تهم زى الفساد واهدار مال عام وتربح وتسهيل لااستيلاء علي المال العام تتوجه لمحمود سعد ولا المسئولين عن التليفزيون لو حد عرض عليك مليون جنيه فى الشهر هتقله لا او هتقله ادى زمايلى زى مانا باخد ماظنش وبالنسبة لبرنامج محمود سعد اللى كان فى رمضان كان دعاية لاحمد عز فمحمود سعد قال انه قبل البرنامج عشان بيساعد الشباب ويوفر شقق للشباب للمساعدة فى الزواج لكن هو مبيحبش أحمد عز كشخص والواحد لازم يبقى عنده حسن ظن ولا حسن الظن ميبقاش غيرلحكومة أحمد شفيق

**dr-mohamed** · 27-02-2011 04:53 AM

المشاركة الأصلية كتبت بواسطة greenday

هو تهم زى الفساد واهدار مال عام وتربح وتسهيل لااستيلاء علي المال العام تتوجه لمحمود سعد ولا المسئولين عن التليفزيون لو حد عرض عليك مليون جنيه فى الشهر هتقله لا او هتقله ادى زمايلى زى مانا باخد ماظنش وبالنسبة لبرنامج محمود سعد اللى كان فى رمضان كان دعاية لاحمد عز فمحمود سعد قال انه قبل البرنامج عشان بيساعد الشباب ويوفر شقق للشباب للمساعدة فى الزواج لكن هو مبيحبش أحمد عز كشخص والواحد لازم يبقى عنده حسن ظن ولا حسن الظن ميبقاش غيرلحكومة أحمد شفيق

تتوجه للمذكورين وللمسئولين عن التليفزيون كلهم بدليل ان احمد عز اول قضية بيتحاكم عليها هي الحصول على رخصتين لمصنعين حديد بدون دفع الترخيص
واحنا دلوقت بتتفتح ملفات الفساد للكل يبقي يتفتح ملفات الاجور المبالغ فيها لمحمود سعد وغيره من مقدمي البرامج اللى بيحصلوا على اموالهم من خزانة الدولة
ولو مشينا بمنطق حضرتك يبقي التهم توجه لمن منحه الرخصتين ولا توجه له
صح ولا انا غلطان ؟
وحكاية انه قدم برنامج دعاية لغز مساعدة للشباب دي واسعة اوي ومن باب اولي كان قابل احمد شفيق واحرجه وبين فشله علي الهواء وكدة يبقي ريح كل رافضي شفيق من اجل الرفض
ودلوقت فيه سوء ظن من جانب الكثيرين يبقي يطبق على الكل شفيق ومحمود سعد وغيرهم واللى يقبت عليه اي تهمة يتسجن عليها لكن نطبق سوء الظن علي شفيق ولاسباب غير مقنعة زي كل المحاولات التي تمت الايام الماضية ولم نخرج منها باسباب لرفضه الا ان مبارك اللى عينه وانه بيلبس بلوفر وفي المقابل يتم منح صكوك الغفران مقدما لمن على هوي بعض الاشخاص امر مرفوض
القاعدة الواحدة تطبق على الجميع

**greenday** · 27-02-2011 05:05 AM

المشاركة الأصلية كتبت بواسطة dr-mohamed

تتوجه للمذكورين وللمسئولين عن التليفزيون كلهم بدليل ان احمد عز اول قضية بيتحاكم عليها هي الحصول على رخصتين لمصنعين حديد بدون دفع الترخيص
واحنا دلوقت بتتفتح ملفات الفساد للكل يبقي يتفتح ملفات الاجور المبالغ فيها لمحمود سعد وغيره من مقدمي البرامج اللى بيحصلوا على اموالهم من خزانة الدولة
ولو مشينا بمنطق حضرتك يبقي التهم توجه لمن منحه الرخصتين ولا توجه له
صح ولا انا غلطان ؟
وحكاية انه قدم برنامج دعاية لغز مساعدة للشباب دي واسعة اوي ومن باب اولي كان قابل احمد شفيق واحرجه وبين فشله علي الهواء وكدة يبقي ريح كل رافضي شفيق من اجل الرفض
ودلوقت فيه سوء ظن من جانب الكثيرين يبقي يطبق على الكل شفيق ومحمود سعد وغيرهم واللى يقبت عليه اي تهمة يتسجن عليها لكن نطبق سوء الظن علي شفيق ولاسباب غير مقنعة زي كل المحاولات التي تمت الايام الماضية ولم نخرج منها باسباب لرفضه الا ان مبارك اللى عينه وانه بيلبس بلوفر وفي المقابل يتم منح صكوك الغفران مقدما لمن على هوي بعض الاشخاص امر مرفوض
القاعدة الواحدة تطبق على الجميع

انا مع حضرتك فى حاجة واحدة عدم مهنية محمود سعد لرفضه لقاء أحمد شفيق لانه كان لازم يفصل نفسه كاعلامى عن اتجهاته الشخصية بس تشبيه أحمد عز بمحمود سعد غير عادل أحمد عز اللى كان بيعمله مخالفة للقانون واضحة جدا بيستغل فيها سلطاته وبيدفع رشاوى وعمولات للحصول على شئ مش من حقه لكن محمود سعد اتعرض عليه مبلغ معين لتقديم برنامج تليفزيونى اى كان المبلغ فدى مش مشكلة محمود سعد نهائيا ولو الموضوع كده المفروض جميع الفنانين اللى بيعملوا مسلسلات وبيتقاضوا عنها ملايين يتحاسبوا وكذلاك لاعبى الكرة اللى بياخدوا مبالغ خرافية مش كده صح

**dr-mohamed** · 27-02-2011 05:27 AM

المشاركة الأصلية كتبت بواسطة greenday

انا مع حضرتك فى حاجة واحدة عدم مهنية محمود سعد لرفضه لقاء أحمد شفيق لانه كان لازم يفصل نفسه كاعلامى عن اتجهاته الشخصية بس تشبيه أحمد عز بمحمود سعد غير عادل أحمد عز اللى كان بيعمله مخالفة للقانون واضحة جدا بيستغل فيها سلطاته وبيدفع رشاوى وعمولات للحصول على شئ مش من حقه لكن محمود سعد اتعرض عليه مبلغ معين لتقديم برنامج تليفزيونى اى كان المبلغ فدى مش مشكلة محمود سعد نهائيا ولو الموضوع كده المفروض جميع الفنانين اللى بيعملوا مسلسلات وبيتقاضوا عنها ملايين يتحاسبوا وكذلاك لاعبى الكرة اللى بياخدوا مبالغ خرافية مش كده صح

صح طبعا ط
تتفتح الملفات كلها واي مخلوق حصل على قرش واحد من الدولة بدون وجه حق وفيه تربح او اهدار للمال العام يتحاكم ما دام عايزين البلد تنضف فعلا

**heshamzaky** · 27-02-2011 05:46 AM

خبر منقول .......................

رفض الإعلامي محمود سعد الظهور في حلقة السبت من برنامج مصر النهاردة، والتي يحل فيها د.أحمد شفيق رئيس الوزراء ضيفا، وهو الأمر الذي وضع التليفزيون المصري في مأزق، بسبب أن باقي مقدمي البرنامج غير متواجدين بالقاهرة، فتامر أمين متواجد في شرم الشيخ، فيما سافر خيري رمضان إلى ألمانيا.

وفي مداخلة هاتفية مع برنامج العاشرة مساء، أكد الإعلامي محمود سعد أنه رفض استضافة الفريق أحمد شفيق رئيس الوزراء لأن الشعب نفسه يرفضه في هذا المنصب وهو واحد من هذا الشعب لذا لا يمكنه استضافته بهذا الشكل مضيفا أنه قد يأتي يوم ويكون فيه الفريق أحمد شفيق في منصب آخر عندها يستضيفه ويحتفي به ويحاوره مؤكدا أنه لا يحمل أي شيئ تجاه الفريق أحمد شفيق لكنه لا يقبل أن يحاوره من منطلق كونه رئيسا للوزراء.

وأضاف سعد أنه "زهق من التعليمات الأمنية والتحكمات" والتي كان آخرها طلب إدارة البرنامج بأن يكون حواره مع عبد المنعم أبو الفتوح عضو الإخوان المسلمين مسجلا وليس على الهواء مباشرة، رغم أن أحد أعضاء الجماعة في لجنة التعديلات الدستورية.

فأضافت منى الشاذلي أن د. صبحي صالح عضو الإخوان والمشارك في لجنة التعديلات الدستورية سيكون معها في حلقة السبت على الهواء مباشرة فسألها محمود مستنكرا "يبقى ليه سمحوا لك انت ورفضوني انا؟"!

وعندما سألته منى الشاذلي عما إذا كان انسحابه هذا قد يحرم الجمهور من إعلامي بحجمه، قال سعد إن انسحابه ليس من ساحة الإعلام العربي وإنما هو انسحاب من التليفزيون المصري فقط لكن الساحة الإعلامية العربية مفتوحة مؤكدا أنه أصيب بالكثير من الأمراض نتيجة تعرضه لضغوط كثيرة في السابق عندما كان ينتقد الحكومة أو الحزب الحاكم مضيفا "أنا مش صغير أنا كبرت عندي 57 سنة وماعدتش مستحمل ده.. بلدنا فيه ثورة جميلة مخلياني أعيش أجمل أيام حياتي" قبل أن يعلن انفصاله عن الشركة المعلنة المنتجة لبرنامج مصر النهارده الذي يذاع على التليفزيون.

بعدها قام رئيس الوزراء أحمد شفيق بمداخلة هاتفية مع منى الشاذلي في البرنامج نفسه، قائلا إنه لم يفرض نفسه ضيفا على برنامج مصر النهارده لكن مكتبه تلقى طلبا من البرنامج باستضافته بالرد على بعض التساؤلات لكنه بعدها تلقى اتصالا آخر من البرنامج يطالب بتأجيل الحلقة إثر اعتذار محمود سعد.

وحاول رئيس الوزير تبرير اعتذار محمود سعد عن الحلقة بأنه يعود لأسباب مالية لأن إدارة البرنامج حاولت تقليل راتب محمود سعد من 9 مليون جنيه سنويا إلى مليون ونصف جنيه

**enas75** · 27-02-2011 08:08 AM

ياجماعه بكل بساطه .....السبب واضح مش فرض احمد شفيق ولا حاجه .... اولا البرنامج ليه معدين هما اللي بيقولو مين يجي
والمذيع مهمته انه يحاورهم ...احنا المفروض في عصر ثوره يبقي احاور اي واحد الجدل عليه احمد شفيق ...احمد عز حتي
ولا الحريه اني اختار اللي علي مزاجي
ثانيا ..لو السبب منع عضو الاخوان من الظهور كان متعينش اصلا في لجنه الدستور وماكنش حيظهر مع مني الشاذلي علي الهواء مباشره.....
ولو قلتم في تحكم في الاعلام ومنعو عمرو الليثي واعاده الحلقه بتاعت ابراهيم عيسي ...ما بيمنعوش مني الشاذلي ليه ...ماهي بتجيب الكل
..........................
خلاصه الموضوع ...امبارح اتعين رئيس للتلفزيون لواء جيش ..واول حاجه اكيد عملها اعاده النظر في المرتبات وقلل طبعا المرتب
المدفوع لمحمود سعد ....وده السبب الرئيسي ..لان محمود سعد ينهي التعاقد
...................................
الناس اللي بتقارن مرتبات الاعلاميين ببعض ا...اي اعلامي بياخد مرتبه من قنا خاصه ميفرقش معايا صاحب القناه حر يدفع اللي هو عايزه
لكن برنامج في تلفزيون حكومي ...لا والف لا
واللي بيطالب بالعداله الاجتماعيه لازم يبقي قدها....
لو هو فعلا رجل مواقف ...ميفرقش مين حييجي البرنامج بالعكس ده انا لو مكانه كنت طلبت بنفسي احمد شفيق واسال بقه كل الاسئله علي الهوا....
لكن بصراحه بدات احس انه من الناس اللي هايصه في الهيصه ...بس ساعه محد يقرب منها يضرب بكل شئ عرض الحائط

**korkor** · 27-02-2011 08:29 AM

لكل الناس اللى عماله بتقول اصل مش عارف مين يباخد من حصيله الاعلانات واحنا مالناش دعوه واحنا مش بنضر والراجل ماشى زى الفل , رجاء التركيز والعلم بان اموال الاعلانات دى المعلنين بيجبوها منين يعنى من جيوبنا احنا ومباشره احنا اللى بندفع تمن الاعلانات واحنا اللى بندفع مرتبات البهوات اللى بتقبض بالملايين , هتقولوا ما كده كده الشركات لازم تعمل دعايه واعلانات هرد واقول ان ممكن بدل مايعملوا دعايه مباشره بمثلا 10 مليون فى السنه يخفضوا القيمه دى ل 2 مليون والفرق ده يبقى دعايه غير مباشره فى صوره عروض على المنتجات وتخفيض على الاسعار لمدد متفاوته كده هما استفادوا واحنا كمستهلكين استفدنا بدل الهبل والعبط اللى احنا عايشين فى بس للاسف محمود سعد وامثاله هما اللى هيخسروا علشان فقدوا نسبه كبيره من دخلهم , بس مش مشكله ممكن يبقوا يحسنوا دخلهم ويشتغلوا بعد الظهر ولا حاجه علشان يعرفوا يعيشوا

**human** · 27-02-2011 09:42 AM

لو كان عايز يعمل بطل او يعمل نفسه ثورجى

كان استرجل و جاب شفيق يا راجل فى البرنامج و فضحه

و واجهه ان المفروض اللى ييجوا كان ناس تانيه و هو اتفرض

و كان واجهه ان الناس مش عايزاه و كان احرجه بالاسئله اللى الثوار بيسألوها

بس البيه ابو 9 لم يتصرف بمهنيه و لم يتصرف لصالح احد غير نفسه

-

-

الموضوع: السبب وراء عدم ظهور محمود سعد انهارده

LinkBack

أدوات الموضوع

عرض

-

-

-

المواضيع المتشابهه

حجزت جين 2 انهارده

عملت حادثه انهارده

السبب وراء نشوفية الفرامل؟

حاله الجو انهارده

الكلمات الدلالية لهذا الموضوع

المفضلات

المفضلات

ضوابط المشاركة