السبب وراء عدم ظهور محمود سعد انهارده

**نور القمر** · 27-02-2011 01:16 AM

مليون ونص في السنة يعني 125 الف في الشهر يعملوا ايه في الظروف دي والغلاء ده
هو يروح يشوف له عقد عمل في دولة خليجية احسن

**greenday** · 27-02-2011 01:17 AM

اكتر حاجة عجبنى ان اكتر الناس بتقول ان محمود سعد بيدعى البطولة كانه كان ساكت قبل الثورة وفجاءة لقيناه بيتكلم محمود سعد كان مؤيد للثورة من اول يوم ليها لو هو بتاع مصلحته كان ينافق الحكومة والرئيس المخلوع زى فنانين واعلاميين كتير عملوا كده ياريت نفكر شوية قبل ما نتهم الناس

**otefa** · 27-02-2011 01:24 AM

المشاركة الأصلية كتبت بواسطة greenday

اكتر حاجة عجبنى ان اكتر الناس بتقول ان محمود سعد بيدعى البطولة كانه كان ساكت قبل الثورة وفجاءة لقيناه بيتكلم محمود سعد كان مؤيد للثورة من اول يوم ليها لو هو بتاع مصلحته كان ينافق الحكومة والرئيس المخلوع زى فنانين واعلاميين كتير عملوا كده ياريت نفكر شوية قبل ما نتهم الناس

تصحيح مهم جدا
هو لم يؤيد من أول يوم كل ألي عمله أمتنع عن أنه يبقى ضدها والله أعلم بنيته هل حسبها بمنتهى الذكاء(الدهاء) لغاية ماتتضح الصورة وده ألي بميل ليه
ولا تأيد فعلي الله أعلم...........بس ده بياخد 9 مليوووووووووون في السنة ثورة أيه ألي هايأيدها لو حس أنها هاتخسر

**greenday** · 27-02-2011 01:26 AM

المشاركة الأصلية كتبت بواسطة ahmed_su

اللواء التهامى الذى عينه المجلس الاعلى اليوم

فى منصب رئيس اتحاد الاذاعة والتلفزيون مؤقتا

عدل حاجات كثيرة جدا فى الرواتب العملاقة لبعض الشخصيات

ومنها محمود سعد والذى اصبح مليون ونصف بدلا من تسعة

واحتمال مسائلته عن ذمته المالية

وبعدين ده راجل حيادى يعنى المفروض بما انه راجل ثورجى

كان استضافه واحرجه بالاسئلة وخاصة انه على الهواء....

لكن تاتى الرياح بما لا تشتهى السفن

فحب يضرب عصفورين بحجر ويخلع بشياكة ويعمل موقف انه مع الثورة

محمود سعد مش محتاج يعمل موقف مع الثورة لانه عمل وخلاص الراجل كان مؤيد للثورة من وقت حدوثها وكان بيطالب بخلع مبارك مكنش خايف يحصله ايه وبالنسبة انه مش عاجبه انه نزلوا تعاقده افتكر ليه حق لانه كان فى عقد ومحدش ضربهم على ايدهم عشان يوافقوا عليه وياريت نعرف الناس اللى بيشتغلوا فى قنوات خاصة فى برامج رياضية بياخدوا كام والأمثلة كتير شوبير وخالد الغندور ومدحت شلبى وغيرهم

**greenday** · 27-02-2011 01:29 AM

المشاركة الأصلية كتبت بواسطة otefa

تصحيح مهم جدا
هو لم يؤيد من أول يوم كل ألي عمله أمتنع عن أنه يبقى ضدها والله أعلم بنيته هل حسبها بمنتهى الذكاء(الدهاء) لغاية ماتتضح الصورة وده ألي بميل ليه
ولا تأيد فعلي الله أعلم...........بس ده بياخد 9 مليوووووووووون في السنة ثورة أيه ألي هايأيدها لو حس أنها هاتخسر

انا اصحح المعلومة لانى متاكد منها محمود سعد كان مؤيد للثورة بشكل فعلى وراح ميدان التحرير وعمل مداخلات فى قنوات عربية وطلب بتنحى مبارك ده غير انهم اقعدوا فى البيت بسبب موقفه ده وبالنسبة للفلوس اللى بيبقضها حضرتك تعرف شوبير ومدحت شليى وغيرهم بياخدوا كام لو تعرف مش هتستغرب من المبلغ ده ابدا

**misoalex** · 27-02-2011 01:30 AM

المشاركة الأصلية كتبت بواسطة otefa

متناقض وكا لعادة شكراااااااااااااا
مش شايف أنك أنت ألي مصمم أن أحمد شفيق مش كويس وبتحكم أحكامك من هذه الزاوية الضيقة
لو بصتلها من الأتجاه أن أحمد شفيق راجل محترم ونتوسم فيه الصلاح هاتلاقي كلامي مظبوط 100%
بمعنى أيهم الأوقع أصدق صلاح الفريق/أحمد شفيق .ذو العمل البناء بالوطن ولا أ.محمود سعد الأعلامي ألي تاريخه الفني كلنا عارفينه

متزعلش منى يا باشا انا قولت رأى بصراحه فى اغلب مشاركات حضرتك

كتير منها بشوف حضرتك وسط الكلام بتحط جمله او سطر يبوظ مضمون كلامك

وانا فى الاول عملت زى محضرتك قولت وتوسمت فيه الخير
لكن تعودت دائما بأن لااثق فى احد كل الثقه
وطلع ظنى صح

مش شفيق يا فندم الى الشعب يثق فيه

ومحمود سعد فى ستين داهيه لو هو فاسد ويتحاكم لو فى اثبات على كده

وانا مش مع حد من الاعلامين ولا متحيز لاى احد
بس انا بتكلم على المواقف

لما يبقى واحد ثابت على موقفه فى الايام السوده الى احنا فيها يبقى كتر الف خيره

حتى لو ماضيه الاعلامى مش ولا بد

**waelfarid** · 27-02-2011 01:32 AM

أجر المذيع

وإن كان الوضع بالنسبة للقنوات الحكومية مختلف نوعا ما

المرتبة الاولى : محمود سعد عن برنامجه مصر النهاردة حيث يتقاضى راتب شهريا يبلغ 600 ألف جنيه مصرى

المرتبة الثانية : مدحت شلبى مقدم البرامج الرياضية على قنوات مودرن سبورت براتب شهرى

سنوى يتجاوز 6 مليون جنيه بجانب نسبة من إعلانات برامجه وبهذا قد يكون دخل مدحت شلبى

يتعدى 8 ملايين جنيه سنويا من خلال تقديم برامج على مودرن سبورت

المركز الثالث :أحمد شوبير مقدم البرامج الرياضية على قنوات مودرن سبورت حيث يحصل على أجر شهرى 450 ألف جنيه

المركز الرابع : الاعلامية منى الشاذلى مقدمة برنامج العاشرة مساء حيث تتقاضى أجر شهرى يصل الى 350 ألف جنيه
المركز الخامس :الاعلامى عمرو أديب مقدم برنامج القاهرة اليوم على قناة اليوم التابعة

لشبكة أوربت شوتايم حيث يتقاضى أجر شهرى 250 ألف جنيه بجانب نسبة من إعلانات القناة حيث

يصل إجمالى راتبه السنوى الى 4 مليون جنيه

المركز السادس :معتز الدمرداش مقدم برنامج 90 دقيقة على قناة المحور باجر شهرى 200 ألف جنيه
المركز السابع:لاميس الحديد مقدمة برنامج من قلب مصر على قناة نايل لايف بأجر شهرى 200 ألف جنيه
المركز الثامن:طاهر ابو زيد مقدم برنامج ستاد النيل على قنوات نايل سبورت حيث يتقاضى 200 الف جنيه شهريا

المركز التاسع: تامر امين مقدم برنامج مصر النهاردة باجر شهرى 175 ألف جنيه
المركز

المركز العاشر:الاعلامى خيرى رمضان أحد مقدمى برنامج مصر النهاردة على التليفزيون المصرى بأجر شهرى 150 ألف جنيه مصريا

منقووووووول

**ahmed_su** · 27-02-2011 01:33 AM

YouTube - ‫ط´ظپظٹظ‚ ط±ط¯ط§ ط¹ظ„ظ‰ ط³ط¹ط¯ ظ„ط§ ط£ظپط±ط¶ ظ†ظپط³ظٹ ط¹ظ„ظ‰ ط£ظٹ ط¨ط±ظ†ط§ظ…ط¬‬&lrm;

**medo_2060** · 27-02-2011 01:35 AM

شفيق فعلا فرض نفسه .. محمود سعد قال بيحضر للحلقه دى بقاله يومين يعنى اكيد شفيق عارف من الى كلمه .. لو كدا كان خاد معاد قدام.... وبيعمل نفس حركه انس الفقى لما بيلعب على حته الراتب عشان يرد له الصاع صاعين.. ولاسف فى ناس كلتها برضه...
محمود سعد مش موظف زيه زى عمرو اديب ومنى الشاذلى شغال بعقد.. عمرو اديب بعد الثوره طلع يومين فى الحياه وسابهم ورجع برنامجه القديم فى اليوم.... دا غير ان محمود سعد كان معروض عليه من ام بى سى اكتر من 9 مليون اصلا.. يعنى كل الى بيقول عامل عالفلوس بيضحك على نفسه.. دا اعلامى كبير واراهن انه مضى عقد النهارده قبل بكره بالراتب الى هو عايزه كمان...
والشغل بتاع شفيق وحكومته الى خلوه يجيب هيكل وبتاع دا شغل تخدير كله والدليل :
حلقه ابراهيم عيسى مع محمود سعد اتاجلت فتره... النهارده قال جاله تعليمات ميطلعش اخوان معاه وكان قصده عالراجل بتاع الدستور ومرضوش يوافقوا على ظهوره..
برنامج واحد من الناس الى اتوقفت الحلقه واتوقف البرنامج كله اصلا..... دا الكلام دا مكانش بيحصل قبل الثوره
ونعم الحريه والديمقراطيه.. كله شغل تخدير ومقدروش يكملوا التمثيليه كتير

-

الموضوع: السبب وراء عدم ظهور محمود سعد انهارده

LinkBack

أدوات الموضوع

عرض

-

-

-

-

-

المواضيع المتشابهه

حجزت جين 2 انهارده

عملت حادثه انهارده

السبب وراء نشوفية الفرامل؟

حاله الجو انهارده

الكلمات الدلالية لهذا الموضوع

المفضلات

المفضلات

ضوابط المشاركة