بتسيب العربية على P و لا N

**ahmedfd** · 06-04-2008 11:28 AM

لأصحاب الأوتوماتيك حبيت أعرف بتعملوا إيه لما بتركنوا عربياتكم حتى لو تحت البيت... هل بتسيبوا الفتيس على P و ده الطبيعي و لا بتعملوا زيي و تخلوها على N خوفاً من أي حد يريح عليها أو يزق قدام شوية و لا ورا شوية علشان يوسع لنفسه و تبقى مشكلة...

**دموع الثلج** · 06-04-2008 11:59 AM

انت المفروض بتسيبها على p لما تركن عربيتك

لكن لو هتسيبها على المور n يبقى سايبها لحد هيقدر يزوقها ويغير مكانها ومنزل فرامل اليد
بس الافضل انك تركن عربيتك ركنه مظبوطه وتحطها على P بدل ما حد يزوقها ويخبطها لا قدر الله

**fahd_628** · 06-04-2008 12:06 PM

انا معنديش عربية اوتوماتيك بس المفروض تسيبها على P و تشد فرامل اليد

بس لو انت قلقان ان حد يزقها خليها على N و شد فرامل اليد

**ahmedfd** · 06-04-2008 12:09 PM

المشاركة الأصلية كتبت بواسطة دموع الثلج

انت المفروض بتسيبها على p لما تركن عربيتك

لكن لو هتسيبها على المور n يبقى سايبها لحد هيقدر يزوقها ويغير مكانها ومنزل فرامل اليد
بس الافضل انك تركن عربيتك ركنه مظبوطه وتحطها على P بدل ما حد يزوقها ويخبطها لا قدر الله

شكراً على ردك... أنا قصدي طبعاً إني بجيب الفتيس على N و أشد فرامل اليد عادي... هي الفكرة إن حركة العربية و الفتيس على P غالباً ممكن تكون النتائج كارثية و ممكن الفتيس يطير لإن P بتعمل lock ميكانيكي لصندوق التروس.
و طبعاً إنتي عارفة إن في مصر عادي جداً حتى لو العربية واقفة كويس ممكن أي حد يريح عليها و يزقها علشان يوسع لنفسه في ركنة.
و شكراً مرة أخرى

**ahmedfd** · 06-04-2008 12:17 PM

المشاركة الأصلية كتبت بواسطة fahd_628

انا معنديش عربية اوتوماتيك بس المفروض تسيبها على P و تشد فرامل اليد

بس لو انت قلقان ان حد يزقها خليها على N و شد فرامل اليد

شكراً يا فهد باشا .. أنا عارف طبعاً إن ده الوضع المثالي.. لكن أنا بتكلم عن اللي بيحصل في شوارعنا و اللي إحنا مضطرين نتعامل معاه..

**دموع الثلج** · 06-04-2008 12:17 PM

المشاركة الأصلية كتبت بواسطة ahmedfd

شكراً على ردك... أنا قصدي طبعاً إني بجيب الفتيس على N و أشد فرامل اليد عادي... هي الفكرة إن حركة العربية و الفتيس على P غالباً ممكن تكون النتائج كارثية و ممكن الفتيس يطير لإن P بتعمل lock ميكانيكي لصندوق التروس.
و طبعاً إنتي عارفة إن في مصر عادي جداً حتى لو العربية واقفة كويس ممكن أي حد يريح عليها و يزقها علشان يوسع لنفسه في ركنة.
و شكراً مرة أخرى

بص انا عربيتى اتوماتيك بس مجربتش اسيبها على المور واشد فرامل اليد مش المفروض الفرامل مش هتخليها تتحرك ؟؟

انا لما بمور بسيبها على ان وانزل فرامل اليد كده اى حد يزوقها عادى

لكن على ا البى والفرامل مشدوده مستحيل تتحرك

**limo** · 06-04-2008 12:29 PM

على حسب المكان الى بركن فيه
لو راكن عمودى للرصيف بحط الفتيس على p واشد قرامل اليد
لو راكن موازى للرصيف وامامى وخلفى عربيات بحط على ال N مع شد فرامل اليد