مصر محتجاك يا بشمهندس d:
رقم العضوية : 39817
تاريخ التسجيل : 07May2009
المشاركات : 2,093
النوع : ذكر
الاقامة : 7adayek El Ahram
السيارة: Isa) civic Sir)
السيارة[2]: Daewoo Nubira 2
دراجة بخارية: ...............
الحالة :
انا ضهرى اتقطم ومش قادر بجد افتح عينى بقالى 7 ساعات بقرا فى الموضوع ووصلت لصفحه 64 بجد اسلوبك هايل انا مكمل فى بقيت الصفحات لحد ماتنزل الحلقه الجديده كلنا وراك ياباشمهندس
koshary
رقم العضوية : 53767
تاريخ التسجيل : 23Nov2009
المشاركات : 1,794
النوع : ذكر
الاقامة : Egypt
السيارة: لا يوجد
السيارة[2]: لا يوجد
دراجة بخارية: لا يوجد
الحالة :
رقم العضوية : 77660
تاريخ التسجيل : 14Aug2010
المشاركات : 4,054
النوع : ذكر
الاقامة : EL_HARAM__MISR
السيارة: HE
السيارة[2]: HM
دراجة بخارية: No
الحالة :
كان الله في العون يا هندسه ... و اللي إنت فيه ده لا يتحمله بشر
لكن ربنا يوفقك
حلقه حلوه و في إنتظار التكمله
وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ
رقم العضوية : 61617
تاريخ التسجيل : 10Feb2010
المشاركات : 716
النوع : ذكر
الاقامة : مصر
السيارة: مفيش
السيارة[2]: Lancer Booma 1300 M
دراجة بخارية: مفيش
الحالة :
الواحد حيلاقيها منك ولا من باسم
حتموتونا من الضحك حرام عليكم
رقم العضوية : 89201
تاريخ التسجيل : 21Feb2011
المشاركات : 1,850
النوع : ذكر
الاقامة : القاهره
السيارة: لما اجيب الاولانيه
السيارة[2]: معنديش
دراجة بخارية: مفيش
الحالة :
اخيرا هارجع افطس من الضحك تانى
انا مصمم علي بلوغ الهدف ...اما ان انجح واما ان انجح
رقم العضوية : 6461
تاريخ التسجيل : 26Feb2008
المشاركات : 4,573
النوع : ذكر
الاقامة : Nasr City
السيارة: الحمد لله
السيارة[2]: Verna
دراجة بخارية: لا يوجد
الحالة :
فين الباقى يا هندسه
سبحان الله و بحمده سبحان الله العظيم
رقم العضوية : 32723
تاريخ التسجيل : 12Feb2009
المشاركات : 7,095
النوع : ذكر
الاقامة : Kuwait- Naser city
السيارة: Renault Fluence 11- Outlander 08- Murano 06- BMW X5 10 - BMW 740Li 06
السيارة[2]: Mitsubishi Pajero 10
دراجة بخارية: non
الحالة :
رقم العضوية : 77660
تاريخ التسجيل : 14Aug2010
المشاركات : 4,054
النوع : ذكر
الاقامة : EL_HARAM__MISR
السيارة: HE
السيارة[2]: HM
دراجة بخارية: No
الحالة :
الراجل يا جماعة وراه مشروع ريحته تنسي الدنيا و اللي فيها فأكيد بينسانا :)
فانحاول نعذره
وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ
رقم العضوية : 69176
تاريخ التسجيل : 29Apr2010
المشاركات : 2,145
النوع : ذكر
الاقامة : cairo
السيارة: .Lancer EX 2008 F\O A\T
السيارة[2]: Proton Saga 2010 A\T
الحالة :
[justify]
وصلت للكباس اكتشفت انه ما هو الا عربية نقل كبيرة بيترمي فيها الزبالة من ورا ! وتنضغط عشان نقلل الحجم بتاعها ! وناخد زبالة اكتر ! اتعرفت على السواق بتاع الكباس وعرفوني انه هوة اللي ها يطلع معايا ركبت جنب السواق وانا قاعد ساكت بدأنا نتحرك ! وطبعا مش متخيلين ريحة الكباس ده عاملة ازاي ! الريحة كأني فاتح تربة او مقبرة واقعد جواها سألت السواقاسطى : هوة الكباس ده بيعدي على On The Run ?هو : "بصة من تحت لفوق " حضرتك قولتلي بتعمل ايه يا استاذ صحيحانا : بعمل دراسة كده عن فكرة فصل الزبالة من المنبع !هو : ودي ها تنفع ازاي يا دكتور ؟انا :"في سري - ! دكتور ! دكتور ايه يا عم بقولك مهندس ! يالله دكتور دكتور ! " بص يا معلم هيا فكرة الزبالة كلها اننا نستغنى عن الزبالة وتيجي شركات تشتري الزبالة من البيوت بالوزن وهكذا لازم نعرف قيمة الحاجة اللي احنا بنرميها ديهو : يعني الدبلومة دي عن التجارة ؟!انا : في عقل بالي " لا بقى ده انتا دماغك دي متربسة ! وافقه على اي حاجة و خلاص يا عم بدال وجع القلب والدماغ ده " اه يا كبير زي ما انتا قولت انما انتا بسم الله ما شاء الله شكلك سابق سنكهو : اه منى الحمد لله بقالي 10 سنين شغال في الزبالة لحد ما بقيت اصحى الصبح بلاقي نفسي مقريف من ريحة البرفان فبروح ادفس دماغي في جردل الزبالة اللي في المطبخ ويا سلام لو كان مرمي فيه طبيخ ! ريحة الزبالة يا دكتور بقت بتفتح نفسي الصبح !اانا : دهيا تسد نفسك زي ما قلبت بطني على الصبح !لقيته بعد كده بيفتح كيس وبيطلع سندوتشات وبيعزم عليا ! وبيقولي اتفضلانا : لا متشكر مش جعان لسة واكل من شويةهو : يا عم كل عشان يبقى عيش وملح متخافش احنا زبالين اه بس نضافانا : يا عم عيب اللي بتقوله ده وربنا مش جعان والله J بالهنا والشفا عليك يا حجهو : بدماغك ياباانا : انما مقولتليش انتا بتطلع بالكباس كام مرة في اليومهو : انا بطلع حوالي 5 طلعات يا دكتورانا : يعني بتطلعلك في اليوم كمية قد ايههو : بص الرحاب تقريبا بتطلع في اليوم حوالي 10 طن زبالةانا : ما شاء الله 10 طن !لمعلومة عند حضراتكم بس ! طن الزبالة بعد الفرز والترتيب بتاع الحاجات اللي جواه وتاخدها تبيعها يعني لما تجيب طن الزبالة وتفنطه الورق لوحده والكياس لوحدها وهكذا ! الطن ممكن تكسب منه حوالي 4000 جنيه ! تخيل الزبال بيجيله 10 طن من الرحاب يعني حوالي 40 الف جنيه في اليوم مكسب ! وبنقول عليه زبال ! انا كنت حاسس اني انا اللي زبال وانا رايح اصلا !سألت الراجل ويا ترى بقى يا كبير الرحاب بتاخد كام من الزبال ده مقابل انها تديله الزبالة بتاعتنا !تاخد مين يا دكتور ده فوق الـ 10 طن اللي بياخدهم في اليوم الرحاب بتدفعله في الشهر 20 الف جنيه كمان عشان يخلصهم من الزبالة !انا : عمو عمو ممكن تشغلني معاه ؟هو : هاهاها وعهد الله والختمة الشريفة قولتله ورفض يشغلني صبي حتى عنده !طلعنا من الرحاب وفضلنا نخرم في شوارع التجمع لحد ما لقيت نفسي بقدرة قادر عند اكاديمية مبارك للأمن ! كسرنا الشارع وعدينا ! ووقفنا في الإشارة لأول مرة احس اني وانا راكب في الكباس احساس اللي سايق وشايف كل العربيات حوالين مننا عمالة بتقفل في الإزاز بتاعها ! وبتسد مناخيرها ! يااااه احساس العكننة على الناس احساس حلو جدا !لحد ما طلعنا الدائري !لأول مرة احس انه طول ما احنا ماشيين السواق عمال يدي في غيارات ! بسأله ايه يا عم انتا بتسلي نفسك بالغيارات ولا ايه ! اكدلي انه الكباس الفتيس بتاعه 14 نقلة ! عشان كده طول مهوة ماشي حاسس انه عمال يدي في نقلات نقلات !وماشيين على جنب الدائري والراجل ماشي اصلا 60 وانا حاسس انه كده بيجري ومعرفش ليه ! الحد ما وصلنا لمحور طنطاوي "الـ NA سابقا"دخل من محور الـ NA وخلصه لحد ما وصلنا الحي السابع ولقيته دخل يمين تاني في حتة كده اسمها "الطوب الرملي" كل معلوماتي عن المكان ده انه ايام الثورة لما قوة من الجيش حاولت تقتحم المكان ده كان عندها خساير كبيرة جدا لأنه العرباوية هناك مدججين بالسلاح !انا طلعت الموبايل وبدأت اصور عشان من هنا حسيت التريسينج !بدأت اصور لحد ما لقيت اخر العماير اختفى من 10 دقايق وتقريبا بقينا في وسط صحرا ! لحد ما لقيت نفسي بين جبلين ! وفيه ناس قاعدة على قمة الجبل اللي على اليمين ! لسة ها اطلع الموبايل وها اصور لقيت السواق بيقولي بتعمل ايه يا مجنون نزل الموبايل حالا ولا ها نتنش !انا : ليه يا عمهو : يا عم دول تجار مخدرات ودول الناضورجية بتوعهم لو شافوك بتصور المكان ها يفتكروا انك بوليس ولا مباحث وها نتاوى هنا ومش ها تقوملنا قومةانا : يا عم انتا بتهرج قومة ايه وبتاع ايه انتا بتهرج صح ؟!هو : وغلاوتك عندي ما بهرج ومتبصلهمش كتير وبص قدامك عشان نطلع سلام من المكان ده"المكان انا صورته صورة خطف بالموبايل ها احطها في اخر الموضوع "لحد ما طلعنا لقيت مطلع جبل كده !ولقيته داخل في المطلع ده ومطلع غشيم يعني مطلع ارتفاعه غريب !وببص لقيت عشة على ايدي اليمين وفيه حوالي 5 – 7 رجالة قاعدين بجوزة على باب العشةانا في سري " يا ميلة بختك يا ميار ! يا مرارك الطافح يا ميار " هيا كانت ناقصة الغام !انا : كمال ! مين دول ؟هو : دول صحاب الجبل يا عم دكتور !انا : ليه هوة الجبل فيه حاجة عشان يمتلكوه ده شوية رمل وزلط يمتلكوا ايههو : طيب اصبر وها تشوفانا ها اختصلكم انا فهمت ايه من الأخردول ناس بيتملكوا جبل !والجبل ده فيه مثلا بتاع حوالي 10 – 15 مقلب زبالة ! كل مقلب من دول بيمتلكه شخص !زي مثلا الراجل اللي احنا رايحينله اسمه ابو يوسف ابو يوسف ده بيمتلك مقلب من ضمن الـ 15 مقلب اللي في الجبل ! وهوة مأجر المقلب ده من صحاب الجبل فهمتوا ؟لما مشينا شوية في وسط الجبل اول مرة اشوف في حياتي طريق جوة الجبل يا جدعان ممرات ! ومداخل ومخارج ! كله ها يبان في الصور !وطريق كاملة جوة الجبل وعشش واماكن كاملة !لحد ما وصلنا بعد حوالي 30 دقيقة مشي جوة الجبل لمقلب ابو يوسف ولكن ان تتخيلوا المنظرحوالي 4 عربيات نص نقل الجامبو واقفين على جنبحوالي 400-500 متر مربع مسطح بالكامل مليان زبالة ! اكياس متفتحة !اللي فهمته بيعملوا ايه بياخدوا زبالة البيوت يفتحوا الكياس وينقضوها الكانز يتحط لوحده الورق الفويل يتحط لوحده وهكذايا جدعا انا اتعرض عليا كوتشي اديداس هناك بـ 15 "بلبل" على حد تعبيره هناك ! بس المشكلة انه كان فردة واحدة بس !والزبال يقولي يا بيه اي حاجة تحتاجها انا تحت امرك عايز بدلة زابط اجيبلك بدلة لواء اجيبلك عايز كنبة سرير دولاب اي حاجة نفسك فيها اجيبهالك ! ومتخافش اسعاري حنينة ! وعشان اول مرة تجيلنا ها نعمل معاك الواجب ! كمال سواق الكباس نبه عليا مهما حصل مصورش حاجة لأنه الله واعلم الناس هناك تفكيرهم ماشي ازاي وممكن يفهموا ايه بس مكانش ينفع اسيب مكان زي ده من غير ما اصوره كان لزم اخد صورتين للذكرى !المكان فيه بتاع 20 عامل بينقضوا الزبالة وعندهم العشش بتاعتهم وفيها تلفزيون ودش وكل حاجة ! كل حاجة بمعنى كل حاجة !رفعنا الكباس وقلبنا الزبالة وجريوا الناس عشان يفرتكوا الأكياس معلنين عن بدأ حرب شعوا ضد الأكياس !خلصنا خلاص يالله بينا يا عم كمال قالك لقيت صندل حلو للبت بنتي استنى اما ادور على الفردة التانية ! يا عم كمال يالله الله لا يسيقك !وانا عمال اتحرك دوست على كيس زبالة مش عايز اوصف محتواه ومش عايز افتكره اصلا ولكن يكفي اني اقول انه ريحة الجزمة فضلت بعدها لمدة 3 ايام لا تطاق حتى بعد الغسل بالكلور والديتور والنقع في الشمس ! بس ما علينا برضوا !ركبنا الكباس ولسة بندور العربية دارت وخارجين من المقلب عشان نمشي في دهاليز الجبل واحنا بنخرج من المقلب عارفين صوت العربيات القديمة لما يبقى السير بيصفر فيها ! الصوت ده حصل ! انا افتكرته زي العربيات القديمة لما تبقى باردة كمال راح مزود بنزين عشان السير يسكت مسكتش بالعكس صوته علي راح نازل ودالق عليه مياه ومزود بنزين سكت ! اتحركنا بتاع 5 متر ! والصوت رجع ورجع اعلى من الأول بس المرة دي ! رجع بدخان ! رجع بريحة شياط جامدة جدا !انا : اركن يا كمال الكباس بيولعهو : يا خبر اسود ومهبب انزل يا داكتور هات طفاية الحريق المكبس بيولع !انا : طفاية ايه انفد بجلدك الكباس ها ينفجراتاري حسب ما فهمت منه بعد كدهانه الدينامو ده فيه سير بيلف عليه ! والدينامو مدايق "قفش" فالسير بيلف على حاجة مبتلفش معاه فالسير اتحرق وريحة الشياط دي كانت منه !طيب والعمل ؟!قالي اقلع وتعالا !انا : هوة مشروع نحس ودكتور ربنا ينتقم منه ! اشوفك والع في ميدان رمسيس وواقف مطافي مصر كلها المياه قاطعة عندها يا ..... يا ابن الـ ....ياللي كنت السبب !هيا كانت ناقصة ! رفعنا كابينة الكباس ! عايز ايه يا عم كمالكمال : اخلع قميصك عشان متتبهدلش واطلع في الكابينة ناولني مفتاح 11- 14 – 18انا : انا معرفش الأرقام دي شكلها عامل ازايهو : يا دكتور فتح مخك معايا شوية ها تلاقي مكتوب عليها !انا : فطن قوي انتا كده يعني ! متقول ها تلاقي مكتوب عليها من الأول !يادي المرار الطافح ! وفي تلك اللحظة وانا ريحة الزبالة عمالة تهف عليا ! والزيت والشحم زروطوا وشي وانا عمال احاول اوصل للدينامو بحجة انه ايدي اصغر من ايد الباشا اللي معايا ! حشرت ايدي تحت سير دينامو العربية عشان اوصله وايدي كلها بقت زيت ! لحد ما لقيت سعد بيتصلانا : الوسعد : انتا فين يا زفتانا : الحقيقة انا في المول في محل Faces بشم برفانات وباخد تان سيبني في اللي انا فيه ابوس ايدكهو : ايوا بقى يا عم الناس اللي مقضياها ووالعة بقولك ايه متيجي انا قاعد في تيفولي متيجي عايزك في حوارانا : انا ممكن اجيلك معنديش مانع بس مضمنش انك ها تحب تقعد معايا باللي انا فيه دلوقتي دههو : انتا شكلك كده معاك حاجة طرية وخارج وشايف نفسك وتلاقيك قاعد بتتغدى في تشيلز وولعانة معاكانا : تصدق وتأمن بالله ! انا ممكن اخسرك واخسر نفسي دلوقتي !كمال مقاطعا ( ناولني مفتاح 10 يا سيد ونبي )سعد : مفتاح ايه !! هوة اللي انا سمعته ده صح !؟انا : مش بقولك انتا متعرفش حاجة غور يا عم دلوقتي سلاملحد ما وانا بناول كمال المفتاح وقع في الأرضاتنيلت نزلت تحت الكباس ادور عليهطبعا اطنان من الزبالة عمالة اقلب فيها عشان الاقي ام المفتاح لحد ما عيني كانت بتدمع من كتر الريحة يا جدعان !كل ده كوم واللي حصل دلوقتي كوم تانيفجأة واحنا واقفين واحد من العرباويةهو : سلام عليكمانا : وعليكم السلامهو : واقفين هنا ليه يا رجالة ؟انا : اصل واحنا مروحين لقينا كوستا زحمة فقولنا نقف عندكم نشرب كابتشينو ! العربية عطلت وبنحاول نصلحها :Dهو : طيب اي خدمة اقدر اقدمهالكم وراح ناطط فوق الكباس وبيبص بنفسه على الدينامو "بيتأكد اننا فعلا عطلانين مش بنحور عليه "وهوة بيبص في الكباس والله العظيم والله العظيم والله العظيم كمان مرة انا شايف بودرة بيضا على فتحة مناخيره !! يا حلاوة يا ولاد ! بودرة بيضا ! وعلى مناخيره ! هيييييه هيا كانت ناقصة الغام ! سبته بيتكلم مع كمال وانا ركبي بقت بتخبط على بعض !نزل من على الكباس وراح قايل اعلم يا ابن عمي انك معك حتى الدنيا تليل انتا في اماني ! لو الدنيا ليلت عليك ولا بعرفك !كمال : لا ان شاء الله مش نطول قوي كده !بعد ما مشي !انا : كمال اتصرف ومشيني من هنا ! انا لو مشيت على رجلي مش ها اكمل 100 متر وها ادفن مكان منا واقف روحني واتصرف !كمال : يا دكتور صلي على النبي انا ها افهمك هوة كان هنا ليهتعالا بص !فاكر العشة اللي شفناها واحنا طالعينكل مقلب هنا في الجبل ليه عربياته اللي بتدخله ! كل عربية وهيا داخلة المقلب بتاعها بتدخل ! لكن وهيا خارجة بتدفع اتاوة في العشة ديبياخدوا على العربية القل 5 جنيه وعلى الـ نص نقل 3 جنيه وعلى الكارو جنيه !فهوة بس بيتأكد اننا مش بنزوغ وكده يعني !انا : انا مليش دعوة الريحة مستحيلة وانا مش طايق روحني يا عم !هو : حظك وحش احنا عطلانين جنب مقلب مراد !وده اسوء مقلب في الجبل بحالهانا : اشمعنا ؟هو : اصل هنا بييجوا يرموا الطرنشات اللي نزحوها وهوة بيجففها في الشمس عشان يبيعها بعد كده على انها سماد !انا : طرنشات ! سماد ! بحاول امسك موبايلي واكلم اي حد اعرفه يجيلي !هو : ريح نفسك يا دكتور حتى لو وصفتله دخلة الطوب الرملي العرباوية اللي في اول الجبل مش ها يخلوا عربية غريبة تدخل ! ويا ها يتثبت ويتسرق يا اما ها يتوهوه جوة الجبل ويوصفولوا غلط مش ها يصدقوا انه جي لحد !لو حد مش عارف منطقة الطوب الرملي دي قد ايه منيلة بستين نيلة ممكن يقرأ الموضوع ده ويعرف عشان يتخيلطيب والعمل يا كمال ؟هو : همتك معايا نلحق نفك الدينامو ونشوف البلية انا معايا واحدة احتياطي ! ها نفك دي ونركب دي في ثواني اصلا !انا : طيب قولي اناولك ايه !هو : ناولني بفالتةانا : يا عم اتنيل قول الحاجة بالعربي ايه اللي انتا بتقولها دي كمان ؟هو : هات العصاية الطويلة اللي هناك دي ؟انا : متقول عصاية يا عم ! عرفنا انك بتعرف تتنيل تتكلم فرنساوي !وفضلنا هات وخد لحد مل تقريبا الليل دخل علينا !وبدأت اسمع صوت حاجات بتخرفش في الأكياس البلاستيك اسأل كمال يقولي متحوطش في بالك دي زواحف اليفة !لحد ما فجأة !!نكمل الحلقة القادمة ان شاء الله Jاتمنى تكو الحلقات بترقى لمستوى حضراتكم J[/justify]
الصور مرتبة حسب وقوع الأحداث
[rmade]http://i94.photobucket.com/albums/l108/sayed911/alex-1.jpg[/rmade]
To Follow me on Twitter "Sayed_K_H
رقم العضوية : 77660
تاريخ التسجيل : 14Aug2010
المشاركات : 4,054
النوع : ذكر
الاقامة : EL_HARAM__MISR
السيارة: HE
السيارة[2]: HM
دراجة بخارية: No
الحالة :
كان الله في العون يا هندسه بجد لو بيحصل مع الواحد 1/10 من اللي بيحصل معاك ده كنت عايط و صدقني إنت فيك حاجه جميله ..بتاخد الظروف الصعبه بشكل كوميدي
ربنا يعوض تعبك ده خير
وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ
المفضلات