الموضوع: سقوط علامة بروتون الجزء الرابع (سلسلة مواقف كوميدية)

والله مكتوبة وجاهزة ولكن الجهاز ادايق شويتين وانا في نص رسمة برسمها واطريت ازبطه ولكن ان شاء الله ها تصحوا بكرة الصبح ها تلاقوها موجودة :d :d ده وعد يا اختي ان شاء الله ...

عدنــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــا

معلش يا جماعة والله انا آسف اني محطتش الحلقة النهاردة ولكن الواحد بقا بيتلبش من يوم الجمعة مع اني واحد قاعد بيرسم بقالوا 16 ساعة متواصلة وخلصت رسمة تسليح كاملة وقاعد على الاب اقوم وارجع الاقي اللاب مات !!!!!!!!!!!!!!!!!!!!!!!!!! يولع الاب الرسمة اهم من كل حاجة دي فيها الحسابات وكل البهاريز ولكن يالله اهو الواحد سمع كلمتين وزبط اللاب والعملية رجعت تاني الحمد لله ولكن كتبت الحلقة تاني ومعلش عندي المرادي يا جماعة نعوضهالكم ان شاء الله بأي حاجة تطلبوها كل واحد له طلب واحد بس ..

المهم احنا كنا وقفنا عند اني دورت العربية ونسيت اقول اني جاني من اصدقاء من حولي اكثر من 6 مصاحف عندي في السيارة اللهم صلي على النبي يعني ايه الواد يعني ايــــــــــــــــــــــه وقرأت كل انواع الذكر اللي ممكن تخطر لكم على بال واللي متخطرش كمان وشغلت جمع التلاوات القرأنية من اول الشيخ عبدالباسط عبد الصمد لحد الحصري والسديس ... وتوكلت على الله ..

ماشي محترم العربية فيها سلاسة وماشي بإحترام وقافل شبابيكي ولابس حزامي ونضارتي على عنيا والأمن مستتب .. مشغلتش بالي اني آخد بالي انا ماشي على كام طالما انا ماشي بالراحة يبقى الوضع منتهي :d :d :d

لحد ما وصلت على صلاح سالم ..

عربيات كتير

هجوم من كل حتة

سواقين التاكسي الحقيقة يشكروا

او ما بيشوفوا حد متردد او عربية لسة جديدة الحق يقال مش بيتوانوا عن انهم يهنوك بيها تهنئة من القلب للرفرف الحقيقة ..

وصلت لحد اول البانوراما اللي على صلاح سالم واللي بالمناسبة ها اموت واشوف فيها ايه جوة ..

وفجأة تلفوني بيرن ..

وانا حاطط 3 نغمات على الموبايل

1- نغمة للناس المهمين جدا (الحج – الشغل )

2- الناس الأي كلام (صحابي – واي حد تاني )

3- نغمة الحقيقة دي بقا اكيد الكل عارفها من غير ما اتكلم عنها ...

المهم لقيتها النغمة الأولى .. يا ترى مين بيطلبني الساعة 6.30 الصبح ..

وانا حاطط في دماغي القاعدة رقم واحد لا تتحدث في التلفون بطريقة تشتت تركيزك او انتباهم بالمرة ونهائيا ..

التلفون زن زن زن زن بطريقة تخرجك عن شعورك ..

المهم في جنوا كان القانون بيقول عايز تتكلم في التلفون اركن على جنب واتكلم :d :d :d طيب انا على صلاح سالم اركن فين هههههههههههه لقيت قدامي بنزينة التعاون قولت مصلحة ادخل احط بنزين واتكلم في التلفون واتكل على الله ..

دخلت المحطة بالراحة وفتحت فتحة التانك وجاهز ووقفت قدام المضخة بالضبط ونزلت الزجاج وقولت للراجل فول ( دي اول مرة بس لحسن لا قدر الله تحسبوني من اللي بيفولوا على طول ) وحطيت العربية على الـ n وطفيت المحرك وخطيت سماعات التلفون في وداني وبتصل باللي طلبني لاقيته الحج ..

انا:صباح الخير يا حاج

هو:صباح الخير يا ابن الـ....

(نسيت انها عندهم حوالي 9 بليل صباح ايه اللي خير صحيح )

انا:اهو انتا كده على طول مضطهدني ومزعزعلي ثقتي في نفسي .....

ومرة واحدة سمعت من بعيد كلمة حاسب حاسب حاسب حاسب

وابص حواليا العربية بترجع لورا !!!!!!!!!!!!!!!!!!!!!!!!!!!!!!!!!!! نسيت اشد فرامل اليد :d :d اهلا وسهلا .................

رحت دايس على الفرامل بسرعة !!!!!!!!!!!!!!

لقيت واحد عمال بيصرخ آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآه

لفيت براسي وببص مفيش حاجة العامل واقف عادي ولكن ما زلت سامع صوت حد عمال بيزعق آآآآآآآآآآآآآآآآآآآآآآآآآ آه ابص حواليا الله مفيش حاجة الصوت جي منين بقااااااااااااااااااا

لحد ما واحد شاورلي قالي "رجل الراجل يا ...."

اتاريني دست فرامل والعربية واقفة فوق دماغ العامل المسكين :d :d :d

يا مسكين الفرزات بتاعت الكاوتش علمت على الجزمة من فوق :d :d :d

وكل ده وانا سايب الحج على التلفون

انا:ايوا يا حج

هو:فيه ايه يا ابن الـ....

ملاحظة:متفتكروش انه الحج زعلان مني في حاجة هوة الحقيقة بيعزني قوي وعمري ما اوعى انه ندهلي بإسمي هوة بيجد لذة غريبة في ندهي بأسماء جميع الحيوانات اللي خلقها ربنا .. عارفين لو ندهلي بإسمي اقلق يبقى فيه حاجة مش مزبوطة لكن طول ماهوة بيشتم انا مطمئن انه محدش لعب في السييتم بتاعوا

انا: ابدا يا حج واحد غبي كان دايس على رجل واحد في البنزينة ..

هو:انا عارف البهايم دول بيتعلموا السواقة فين (حوش قوي يعني هوة اللي اللهم صلي على النبي شوماخر)

انا:معلش يا والدي اهي اخطاء وبتحصل لينا كلنا

هو:لا يا ..... طالما الواحد تحمل مسؤولية صفيحة متحركة(سيارة)يبقى قدها ويقدر انه فيه ناس حواليه مسلماه ارواحها

انا:بقولك ايه يا حج انتا طالبني ليه فيه حاجة مهمة عشان انا متأخر على محاضرتي ..

هو:دلوقتي بقيت محاضرتك ..قولي يا ..... عملت اللي قولتلك عليه ...

انا:آه (مع اني مش عارف هوة بيسأل على ايه لكن اهو بريح الراجل :d اصل احنا واخدين على كده على طول )

هو:طيب يا خويا .. نفسي الائيلاك حاجة فالح فيها غير الرد ... (بذمتكوا حد شافني اتكلمت حتى ههه هوة اضطهاد )

انا: متشكرين قوي يا حج على سؤالك والله ومش عارفين من غيرك كنا ها نعمل ايه ..

تيت تيت تيت تيت تيت

(قفل السكة في وشي :d والله والله والله والله كمان مرة انا عمري ما سمعت الحج في السماعة بيقولي مع السلامة على طول اول ما اللي هوة عايزوا مني يخلص تسمع صوت احلى سكة في ودنك ! تيت تيت تيت ...)

وساعتها سبحان الله لقيت العامل جي وزي العادة واكيد كلكم عشتم في اللحظة دي ...

الف مبروك يا باشا .. الف مبروك يا بيه (انا كنت شغال الأول في معرض وكل ما اروح البنزينة رايح بعربية زيرو ونفس العامل كل مرة يشوفني بعربية شكل يقولي الف مبروك )

بصيت على الحساب لقيتوا عامل بالضبط 40 جنيه بالتمام والكمال ..رجت مديه 50 جنيه وانا اصلا شايف العامل ناقصلوا كمان موقف مني وتقريبا حاجة من اتنين يا ها يطلع المسدس في المضخة ويرش على العربية وعليا ويولع فيا وفي العربية وفي نفسه وفي صلاح سالم كله يا اما ها ... في وشي :d

المهم راح مرجعلي 10 جنيه كالتالي ..

5 جنيه جامدة

5 جنيه جنيهات معدنية ..

انا بتهكم .. يااااااااااااااه كل دي فكة يالله اهي بتنفع ههههههههههههههههههه

ورحت مديله اللي فيه النصيب واعتذرتلوا على اني مأخدتش بالي من الفرامل والكلام ده قعد يقولي يا سيدي عادي حصلت ولكن محدش ثبت فوق رجلي قبل كده بصراحة ..

تأسفت له واللذي منه وتحركت ولله الحمد ..

لسة ها امسك صلاح سالك لقيت عربية مرسيدس e200 ماشية في وشي ووراها عربية جيب شيروكي من نوع ليبرتي داخلة فيا مواجهة وفيها بتاع 4 ثيران طالعين من الشبابيك وكلهم بيشاورولي اني ارجع ... ولا انا فاهم اي حاجة !!!! عديتهم ورحت طالع وراهم عادي جدا .

والطريق مرة واحدة وقف رحت ناطط على الحارة الللي على شمالي بعد ان تاكدت من ان الطريق خالية من المراية .. والأمر كالتالي ..

بقيت الجيب على شمالي و المرسيدس امامها مباشرة.. حارتي اتحركت شوية وحارتهم لسة واقفة .. لسة ها اتقدم لقيت الجيب راح رامي بوزو في نص حارتي وفيه ثور (مش شتيمة والله ولكن ملقتش وصف عشان اوصف حجم الراجل كان عامل ازاي ) وراح مشاورلي وهوة تقريبا نصوا طالع من الشباك وشايل رشاش من نوع حاجة شبه الـ m16 ولكن على صغير والحقيقة هوة طالع من الشباك بصعوبة شديدة .. مش ممكن يكن الراجل ده كان بيرضع زينا واحنا صغيرين .... ده اكيد كان بيرضع من ديناصور .. !!!! مش ممكن حجمه ضخم جدا .. يعني الراجل مضروب x17

المهم احترمت طريقة طلبه المؤدبة جدا الحقيقة وسيبتهم يعدوا (قولت مبدهاش خناق من اول يوم "خدوني على قد عقلي ولا كنت ها اتخانق ولا ها انيل بس بوهم نفسي") المهم

عشان اختصر عليكم الموضوع .... محاضرتي بتبتدي 8.30 وكانت محاضرة احمال خرسانية ..

وانا نازل من بيتنا 6 وانا سكن في العباسية والكلية في مساكن شيراتون !!!!!!!!!! ساعتين ونص لم يكونوا كافيين لي اني اوصل الكلية .... وصلت الكلية على 8.45 .. قولت اركن في البارك ... البارك في الكلية كالتالي .. شمال للطلبة يمين للدكاترة والمعيدين . وميزة اليمين انه اقرب للمبنى .. ببص كده ملقيتش الأمن واقف كالعادة .. روحت عامل فيها هندي البنهاوي ودخلت على مكان ركن الدكاترة والمعيدين .. وايــــــــــــــــــــــ ـــــــــه شوف الجبروت كمان :d :d مفيش بادج الكلية هههههههه ولكن يالله .

ركنت واخدت العدة بتاعتي وطلعت جري على المحاضرة الحقها ....

انا :بخبط على الباب وبمد دماغي بكل ادب واحتراااااااااااااااااااا اااااااااااااااااااااااام

ممكن ادخل يا دكتر من فضلك ..

هو:اسمك ايه يبني واتأخرت ليه ..

انا:اسمي سيد يا دك وتأخرت عشان فيه ثور كان موقفني ..

هو:نعم

انا:اه والله يا دكتور ده واحد كده بتاع 9 x12 وكان عمال يزعق ويقول اوقف يا ملاكي ..

هو: (مقاطعا) انتا ها تحكيلي تاريخ حياتك ... انا مالي مين وقفك ومين موقفكش ..

انا: يا دك مش حضرتك اللي سألتني اتأخرت ليه ..

هو: طيب اسمك ايه عشان ها تحضر بس مش ها تاخد غياب .

انا : اسمي سيد يا دك والغياب مش مشكلة المهم اني ادخل انا جي للعلم (حبة محلسة+ انا عمري ما اتحطيت في الموقف ده قبل كده)

هو: يبني انتا كل مرة تقولي كده !!!!!!!

انا: ايـــــــــــــــــــــــ ـــــــــــــــــــــــــ ـــــــــه !! يا دك اذا كانت دي 3 محاضرة والإتنين اللي فاتوا كنت ببقى موجود من قبل ما حضرتك بتيجي ..

هو:انتا ها تضيعلي وقت المحاضرة .خش اترزي في اي نيلة تاخدك ان فلحتم ابقوا تعالوا قابلوني ده اللي بناخده منكم (وشوية موشحات اكيــــــــــــــــــــد كلكم سبقتوني بيها )

انا: آسف يا دكتور وآخر مرة ان شاء الله مش ها تتكرر ..

وادور على كرسي مفيش ..

يا جدعان كرسي لله

مفيش

كلو عمل فيها من تايوان مرة واحدة

قولت احط حاجتي واروح اجيب كرسي من القاعة اللي جنبنا ..

وخارج من القاعة .. والحقيقة مرضيدتش بقا اخنقوا تاني يا دكتور انا رايح ومش رايح الراجل في نص شرح مسألة مهمة وانا اقولوا عايز كرسي فخرجت بهدوء ..

وجبت كرسي وحطيتوا قدام الباب وبخبط وانا داخل ..

هو : انتا مين يا ابني

انا:انا سيد يا دكتور اللي لسة حضرتك مدخلني ..

هو:وحاجتك فين يا سي سيد ..

انا:مهي جوة يا دك

هو :حاجتك جوة هية اللي ها تحضرتك يعني مش معنى انك جبت حاجتك ورحت تصيع برة يبقى يديك الحق تدخل المحاضرة في اي وقت .

انا:يا دك انا لسة داخل مفيش من 50 ثانية وحضرتك مرضيتش تاخدني حضور يا جدعان ما حد ينطق ولا كلو عامل فيها رأفت الهجان ساعت لما (ام سيد )بتحقق معاه ..

هو:امشي اطلع برة طالب مستهتر ممعكش حاجة وجي عايز تقعد على كرسي وتبقى شبهو ..

انا: يا دك حاجتي كلها جوة والله وقربت يعني ابوس ايدو انه يبص وراه ويشوف حاجتي على الأرض ..

اصل مش ممكن يكون نسيني وانا لسة داخل مبقاليش دقيقة ..

هو: جيل بايظ وراح رازع الباب في وشي .. انا احترمت وجهة نظروا وقولت معاه حق صحيح انا كان المفروض استأذن منوا ..

يا ربي انا اصطبحت بوش مين النهاردة ..

رحت رجعت الكرسي ..

وشكرت الدكتور اللي في القاعة اللي اخدت منها الكرسي ..

ورحت على القاعة بتاعتي تاني ادخل آخد حاجتي بقا

انا بخبط

هو:مين في اليوم اللي مش فايت ده ..

انا في بالي 13 سنة في التعليم عمري في حياتي ما شفت حد بيخبط على باب فصل ولا محاضرة ولا حتى اي حاجة واللي جوة بيقول مين مين غير ما يقول ادخل ..

انا:انا سيد يا دك ممكن آخد حاجتي بعد اذن حضرتك ..

هو:حاجة ايه يا ابني ..

يا نهار اسود ده نسيني تاني !!!!!!!!!! هوة احنا في حفلة تنكرية انتا مالك يا عم الحج اش حال اذا مكنتش لابس نفس الهدوم ومغيرتش اي حاجة في خلقتي !!! انات عامل ايه مع اولادك يا حج .. يا حج انتا مكانك مش هنا !!!

كل ده في بالي ..

انا: يا دك انا اللي حضرتك لسة مدخلو وبعدين طردتوا فجي عشان آخد حاجتي ..

هو:طيب ولما انا طردتك خرجت من غير حاجتك وجي تفتكرها دلوقتي تاني بتشربواايه يبني مخليكم ماشيين مش عارفين انتم فين كده ليه يبني ..

انا في بالي .. انا برضوا اللي مش عارف انا فين ..

انا:معلش بقا يا دك شباب بقا ها نعمل ايه وبعدين يا دك اصل اللي حصل ايه اني جيت من برة حضرتك سألتني انتا مين قولتلك انا سيد قولتلي وجي متأخر ليه يا سيد .. قولتلك يا دك عشان الثور .. راح شاخط فيا انتا ها تحكيلي تاريخ حياتك ....

(مش ممكن الراجل ده بيدي احمال خرسانية ما هو يا اما الكوسة في البلد وصلت الموضوع لكده يا اما انا مكاني مكان الدكتور احمد زويل بقا مدام انا بفتكر الناس كلها .. )

امشي اطلع برة وخلي حد من الصيع بتوعك يجيبلك حاجتك معاه ..

يا دك انا معرفش حد من الصيع دول كلهم )الطلبة كلها بتدحك مع اني والله ولا مهرج ولا مفتعل مشاكل وانا بكره جدا النوع ده من الطلبة اللي بتستظرف )

ولكن حطوا نفسكم مكاني والله ما اقصد حاجة ولكن انا فعلا محوط في موقف موتر اعصابي كلها + اول مرة اتحط في موقف زي ده ...

هو: مليش فيه واي حد يا ولاد يبقى ياخد للمريض ده حاجتوا بدال ما هوة ماشي مسطول على نفسه كده !!! يادي النيلة !!!!!!!!!!!!!

انا طول عمري مؤمن بأن الإنطباع الأول هوة اللي بيبقى عند الإنسان يبقى الإنطباع الأول لزملاء دفعتي عني اني مسطول ومفتعل مشاكل وكمان بتاع خناق وبجر شكل الدكاترة !!!!!!!!!!!!!!!

يا رب!!!!!!!!!!!!!!!!!!!!!!!!!!!!!!!!!!!!!!!!!!!!!!

مشيت واليأس يملئني وطبعا صحابي كلهم في محاضرات ..

تعمل ايه يا واد يا سيد

اجري عند سعاد ..

سعاد ده الإسم الحركي لعربيتي بس لحسن حد يفهمني غلط واللي متابع الموسوعة من الأول ها يعرف انها اسمها سعاد :d واللي مسمي عربيتوا بأسماء زيي كده ياريت يشاركنا بيها ..

المهم لسة واصل عند سعاد لقيت !!!!!!!!!!!!!!!!!!!!!!!!!!!!!!!!!!!!!!!!!!!

ايه ده !!!!!!!!!!!!!!!!!!!!!!!!!!!!!!!!!!!!!!!!

ونكمل بقا بكرة ان شاء الله تعالا عشان انا كده زهقتكم لطول الحلقة النهاردة

ومرة تانية بتأسف جدا يا جماعة ولكن والله دي بقا مش غلطتتي انا دي غلطة الاب .....

وفي انتظار تعليقاتكم ..

السلام عليكم .. ازيك يا سيد المسلسل بتاعك بقى فعلا عامل زى مسلسل الساعة سابعة اليومى و الكل متابعة هههههه

على فكرة من الحلقة قبل الأخيرة أقدر أقولك إن سبب مشكلة فى الحياة إنك متغرب طول عمرك برا مصر

لما تأخد على الثقافة المصرية و تختلط بالناس هتتحل كل مشاكلك إن شاء الله :: مسألة وقت يعنى

حاول بقى تصاحب ناس ولاد بلد و تنزل أماكن مصرية صميمة و استحمل بقى كل ما ستقابلة هههههههههه

و تابع كل ما هو قديم من أعمال فنية أو ثقافية و أعمال فكرية ( دى الحاجات اللى المصريين أتربوا عليها ...)

و لو تقرأ قصص العربى بتاعت المدرسة حتى هتلاقيها عند أصحابك أكيد أو أخواتهم الصغيرين

عشان تكون حصيلة ثقافية تسهل لك التواصل مع الناس و تفهمك أزى بيفكروا و يتصرفوا و أيه مدلول كلامهم

انا عربيتى اسمها بكيزه

ههههههههههههه والله اسم حركي حلو جدا ويثير الشبهات عليها كمان :d :d انما ايه الدلع ده كله بكيزه ؟؟طيب سؤال خارج النص ؟ لما بتدلعها بتقولها ايه !!!!!!!!! اصلي بقالي ساعة بفكر مش قادر اوصل لحل ..

السلام عليكم .. ازيك يا سيد المسلسل بتاعك بقى فعلا عامل زى مسلسل الساعة سابعة اليومى و الكل متابعة هههههه

على فكرة من الحلقة قبل الأخيرة أقدر أقولك إن سبب مشكلة فى الحياة إنك متغرب طول عمرك برا مصر

لما تأخد على الثقافة المصرية و تختلط بالناس هتتحل كل مشاكلك إن شاء الله :: مسألة وقت يعنى

حاول بقى تصاحب ناس ولاد بلد و تنزل أماكن مصرية صميمة و استحمل بقى كل ما ستقابلة هههههههههه

و تابع كل ما هو قديم من أعمال فنية أو ثقافية و أعمال فكرية ( دى الحاجات اللى المصريين أتربوا عليها ...)

و لو تقرأ قصص العربى بتاعت المدرسة حتى هتلاقيها عند أصحابك أكيد أو أخواتهم الصغيرين

عشان تكون حصيلة ثقافية تسهل لك التواصل مع الناس و تفهمك أزى بيفكروا و يتصرفوا و أيه مدلول كلامهم

وعليكم السلام ورحمة والله وبركاته يا اخت زينة ..
هههههههههه اهو المسلسل بتاع الساعة السابعة ده انا عمري ما شوفته ولكن كويس انه اتنقل على هنا بقا الواحد يتفرج بمزاج :d :d
هوة بصي المشكلة الرئيسية اني كنت عايش برة مصر طول عمري وراسم لمصر في خيالي انها دولة من الشرق للغرب :d مفيش خيال يجيب حدودها من طلوع الشمس لغروبها وانها بلد وي وي وي الى ان اصطدمت بالواقع (انا مش بقول انها زيمبابوي ولا سمح الله ولكن مكانتش زي ما هية في خيالي ) + اني نزلت اعتمد على اختلاطي بالناس ومكنش فيه حد يشرحلي طرق التفكير اللي لحد دلوقتي وقف العلم عاجزا امامها عن التفسير :d
ولكن انا فعلا عامل اللي حضرتك بتقولي عليه بالضبط اني بأندمج بحياة الشارع بشكل اكبر وصحابي كلهم مصريين فعلا وبالنسبة للأعمال الفنية الشئ الوحيد اللي بيمنعني من اني اتابعها هو شئ واحد :d
اني مش فاهمها اصلا ههههههه يعني اكثرية افلام الشاشة الذهبية (الأبيض والأسود) افلام فيها سذاجة تدل على حاجة من اتنين انه العقلية المصرية كانت زمان كده وطغا عليها مؤثر خارجي او انه الممثلين زمان كانو من هاواي ..
ههههههههه واعتقد حضرتك شفتي ايه اللي حصل لما اتفرجت على فلم دعاء الكروان :d :d لسة فيه صراع في الوادي والكرنك و العار افلام فعلا تستاهل انه الواحد يفهمها وفي حالتي يجيب حد كبير جنبوا واقعد اشرح يا مولانا :d :d
انا متشكر جدا لحضرتك يا اخت زينة على المتابعة وياريت رأيك بقا في الحلقة القادمة عشان انا متأكد انها ها تعجبك ومستني نصايح اكثر من حضرتك ...

المشاركة الأصلية كتبت بواسطة sayed911

وعليكم السلام ورحمة والله وبركاته يا اخت زينة ..
هههههههههه اهو المسلسل بتاع الساعة السابعة ده انا عمري ما شوفته ولكن كويس انه اتنقل على هنا بقا الواحد يتفرج بمزاج :d :d
هوة بصي المشكلة الرئيسية اني كنت عايش برة مصر طول عمري وراسم لمصر في خيالي انها دولة من الشرق للغرب :d مفيش خيال يجيب حدودها من طلوع الشمس لغروبها وانها بلد وي وي وي الى ان اصطدمت بالواقع (انا مش بقول انها زيمبابوي ولا سمح الله ولكن مكانتش زي ما هية في خيالي ) + اني نزلت اعتمد على اختلاطي بالناس ومكنش فيه حد يشرحلي طرق التفكير اللي لحد دلوقتي وقف العلم عاجزا امامها عن التفسير :d
ولكن انا فعلا عامل اللي حضرتك بتقولي عليه بالضبط اني بأندمج بحياة الشارع بشكل اكبر وصحابي كلهم مصريين فعلا وبالنسبة للأعمال الفنية الشئ الوحيد اللي بيمنعني من اني اتابعها هو شئ واحد :d
اني مش فاهمها اصلا ههههههه يعني اكثرية افلام الشاشة الذهبية (الأبيض والأسود) افلام فيها سذاجة تدل على حاجة من اتنين انه العقلية المصرية كانت زمان كده وطغا عليها مؤثر خارجي او انه الممثلين زمان كانو من هاواي ..
ههههههههه واعتقد حضرتك شفتي ايه اللي حصل لما اتفرجت على فلم دعاء الكروان :d :d لسة فيه صراع في الوادي والكرنك و العار افلام فعلا تستاهل انه الواحد يفهمها وفي حالتي يجيب حد كبير جنبوا واقعد اشرح يا مولانا :d :d
انا متشكر جدا لحضرتك يا اخت زينة على المتابعة وياريت رأيك بقا في الحلقة القادمة عشان انا متأكد انها ها تعجبك ومستني نصايح اكثر من حضرتك ...

على فكرة فى أفلام كتير من القديمة أنا نفسى مش فهماها أو مش مقتنعة إن هى دى مصر ..و مش هى دى مصر
المقصود إنك هتعرف إيه اللى لخبط الناس كدا ههههههههههه

بص أيام أفلام الأبيض و أسود من الثلاثينات و حتى ثورة 1952 كان المثقفين متأثرين بالثقافات الغربية نظرا لوجود الإحتلال البريطانى

والعديد من الجاليات الأجنبية وخاصة الأوربية - اليونانين و الايطالين و الفرنسيين فى مدن القناة و اسكندرية

و كان تأثيرهم فى اللبس و وسائل المعيشة و الثقافة إلا الأرياف كانت محتفظة بثقافتها زى الفيديو فى آخر المشاركة

حتلاقى الفلاحات بالجلابية أو الملس و بيوت بسيطة و بنت الباشا بالفستان و السرايا .. و الفوارق الطبقية و رأس مالية و اقطاع

بعد الثورة هتلاقى الثقافة قلبت على مبادئ اشتراكية و عدالة اجتماعية و قومية عربية و افلام الثورة و الجيش و غيرها

ثم عهد الانفتاح أيام السادات وبعده و افلام و قصص المخدرات و الفساد و الكاو بوى و عادل إمام

عموما حاول تقرأ فى التاريخ لأنك أكيد ما درستش تاريخ مصر فى الخارج و الثقافة المصرية تغيرت كثيرا و تأثرت بالأحداث التاريخية

[youtube]http://www.youtube.com/watch?v=2fUp3PoRtGI[/youtube]

اللــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــه يطمنك

على فكرة فى أفلام كتير من القديمة أنا نفسى مش فهماها أو مش مقتنعة إن هى دى مصر ..و مش هى دى مصر
المقصود إنك هتعرف إيه اللى لخبط الناس كدا ههههههههههه

كده انا اطمأنيت !!!!!!!!!!!!!!!!!! انا كنت ببقى حاسس اني خايف وانا قاعد قدام الفلم زي الكرسي بالزبط ولا افرق عنه حاجة وكل شوية اقول يمكن سقطت منه حتة عشان كده مش مجمعوا وسبحان الله في افلام مش بتقبلها وحاولت اربط نفسي قدامها اكثر من الف مرة مش قادر ابلعها بحس اني جسمي بينمل وبدخل على دور يا اما ازمة قلبية يا اما شبه جلطة زي فلم رد قلبي وبين الأطلال و حاجة يا حبيب العمر والشموع السوداء واخيرا وليس آخرا فلم شكري سرحان لما كان زابط في الجيش وكان الوان الفلم لوحدها غريبة اصلا انا لحد دلوقتي مش قادر افتكر اسم الفلم حتى عشان افتكر الفلم نفسه يا ربي ..

بص أيام أفلام الأبيض و أسود من الثلاثينات و حتى ثورة 1952 كان المثقفين متأثرين بالثقافات الغربية نظرا لوجود الإحتلال البريطانى

هوة انا لاحظت فعلا الكلام وبالذات في الجو بتاع نروح النادي والبايب اللي كان منتشر والإقطاعيين ولكن انا اصلا مش عارف ثورة 52 مين اللي قام بيها وقام بيها ليه اصلا :D :D انا اصلا مش عارف ولا اي ثورة في التاريخ المصري غير بالأرقام يعني ثورة 19 وثورة يوليو وثورة 52 وحاولت اقرء عنها على النت ولكن بحس إني مش قادر افهم الناس دية الميثالية كانت قتلاهم كده ازاي !!!!!!!! يعني لما تيجي مثلا تتفرجي على فلم صباح او فاتن حمامة او زبيدة ثروت او هند رستم مش ممكن كم الضحك اللي بيبقى في الفلم مع انه فيلم اكشن ولا دراما انا ببقى مش قادر امسك نفسي من الدحك على اللي بيحصلهم طريقة كلامهم لبسهم اكلهم حركتهم ومشيتهم !!!!! يالله اهو الحمد لله اننا تخلصنا من الفترات دي

حتلاقى الفلاحات بالجلابية أو الملس و بيوت بسيطة و بنت الباشا بالفستان و السرايا .. و الفوارق الطبقية و رأس مالية و اقطاع

اهو انا مثلا مش قادر اتخيل انا قرأت الرد بتاع حضرتك من ثلث ساعة مثلا قعدت افكر احنا لو كنا في الزمن ده وانا كنت ابن الباشا كنت عملت ايه :D :D :D مش عارف حسيت انه الشيطان اللي بيفكر مش سيد !!! شايف نفسي عامل زي فلم الأرض كلب الباشا يا عمدة كلب الباشا يا عمدة !!!!!! وجو هات الكورباج يا عوصمان والجو الرخيص ده ولو كنت ابن فلاح حاسس اني كنت ها ابقى عامل زي احمد زكي في فلم بتاع الناي اللي مش فاكر اسمه (للأسف انا بأتمتع بذاكرة الى اسوء الحدوووووووووووووووود تقريبا انا كتر خير الدنيا اني بعرف اروح لحد دلوقتي انا مش بفتكر لا اسامي ممثيل ولا افلام ولا حتى اسمي !!!!!!!!! هية عوامل السن الدكتور قالي كده !!!! يالله هوة احنا ها ناخد زمنا وزمن غيرنا !!! ايـــــــــــــــــــــه دنيا ) "انا مش فاهم ايه فكرة اني ابقى بأتكلم في موضوع وفجأة تلاقيني نقلت على موضوع تاني :S :S :S غالبا فيه حاجة مش مزبوطة في السيستم عندي ..

و الله يا سيد أنا عندي مشكلة زي عندك بس
هو انا يا دوب كنت عايش بس لبرا لمدة 5 سنين بس
بس مش عارف اتعامل مع المجتمع المصري
يعني لدرجة اني لو رحت اشتري حاجة و لقيت حد واقف بيشري ببعد خطوتين كدة و بستناه لحد ما يخلص و يجي دوري
المهم الاقيلك واحد دخل و لزق في الراجل اللي قدامي و بيطلب ( طيب يعني مأخدتش بالك من ال .... اللي واقف اللي هو انا)

و حاجات تانية كتير

ههههههه والله انا ها ادحكك بقا انا بخرج مع صحابي كثير مثلا نفطر كلهم حرموااااااااا يدوني فلوس مثلا ويقولولي ادخل هات مثلا 10 طعمية يبقى مش ها نخلص في يومنا وها افضل جوة المحل مش اقل من 6 ساعات وغالبا بيزهقوا من الوقفة وبيمشوا والمصيبة انه العينات اللي اتا بتتكلم عليها كثيرة جدا جدا جدا يعني تيجي مثلا تلاقي واحد و انتا واقف في السوبر ماركت وراح داخل قدامك مفيش حتى استإذان ولما تيجي تكلمه يقولك الله معلش (ده لو كان محترم ) ولو مش محترم غالبا ها تنتهي بمصيبة :D :D عشان كده انا من الناس اللي بعشق وقفة الطوابير :D :D :D بس صدقني احنا عندنا طوابير كثيرة جدا هنا في مصر بس لو منظمين ها تخلص في ثواني تعالا كده مثلا مثلا جرب واقف في طابور دفع فواتير اي حاااااااااااااااااااجة تلاقي الناس بتطلع غل الفلوس في اللي واقفين معاهم وجو بتاع الأطفال والصريخ والصوات والروايح والشمس كل ده يخليك تقول حقي برقبتي ....ولكن احنا بعد 25 يناير قررنا اننا مش ها نبقى سلبين بقا كفاية بقا اللي ياخد مكانك في الطابور سيبه ياخده هههههه وارفع ايدك لـ السما ومش ها اوصيك بقا دعوة المظلوم ليس بينها وبين الله حجاب :D :D :D :D

أحمد ربنا إنك ما قبلتش فى الجيش لأن الجيش فى حد ذاته صدمة و أنت أساسا مصطدم بالمجتمع الغريب عنك

مهش المشكلة يا اخت زينة اني اتعلمت عل ثقافة انك انتا اللي لازم ترفش الشئ مش هوة اللي يرفضك يعني انا لحد دلوقتي عمال اقنع نفسي إنه الجيش كان مش ليا وانا مكاني مش في الجيش والمبدعين (بدحك على نفسي) اللي زيي مكانهم في القيادات ولكن انا ما زلت لأحلم اني كان لازم ادخل انا الجيش وانا اللي انسحب منه بإرادتي هوة ده الصح مش هوة اللي يرفضني وقنع نفسي بالصح :D :D :D "ادي اللي اخدناه من ورا الثاقافات الغربية وسنينها"

و كان هيسببلك ضغوط رهيبة مع وجودك وحيد بدون أهلك و على رأى الأستاذ قمحاوى :

" يا اللى اتحرمتوا من التعليم الفرصة لسة قدامكم :-)"

مع ان الإصرار اللي حضرتك كان لازم تشوفيه في والدي وهوة بيوصيني اني لازم ابذل كل غالي ونفيس من اجل دخول الجيش لأنه عل حد تعبيره "امثالي الجيش هوة اللي ها يمشيهم على العجين ميلخبطوهوش"(انا نفسي افهم مرة الراجل ده انا اذيتوا في ايه هههه) هوة شايف انه انا مثال قائم وحي لإنعدام المسؤولية وطيش الشباب "مش فاهم فين همة الشباب دول " واحساسي بأنه ما عنديش حاجة منتظرها من حد ولا حاجة اقدمها لحد انه احساس سئ مع انه والله احساس اكثر من رائع احساس الفراغ ده احساس ملوش مثيل والله يا جدعان انك تبقى قاعد فاضي مش عارف تضيع وقتك ازاي ده قمة الروعة والحقيقة انا موصليش الإحساس ده الا لما جيت البلد دي :D :D ربنا يخليهلنا .. واللي هوة كان دائما مصمم انه حياة الإنضباط والعسكرية ها تمحوا مني كل الأثار السلبية اللي انا واخد عليها زي الامبالاة والفلسفة الزايدة وغيروا وغيروا وغيروا :D :D

ممكن بعد ما تخلص الهندسة تقدم فى الدراسات العسكرية لما الجيش يطلب ضباط متخصصين

لأ ما هو انا داخل الجيش داخله الحج عمال بيحسبهالي اني ها اتخرج قبل ما هوة يتم الستين وعندي اخ ومش العائل الوحيد وي وي وي وانه القيادات العسكرية بتبقى بتبقبل على خريجي طب وهندسة مدنية وميكاترونكس وكليات معينة لأنهم همة الذخيرة لحية للجيش " الكلمتين دول منقولين من تويتر " ولكن انا عمال افكر انا اصلا اكبر من دفعتي بسنة ولسة يا عالم ها نتخرج من الكلية في معادها ولا احتمال يحبوني ويعملولي عقد عمل ويمدولي المدة نظرا لحسن سيري وسلوكي ولسة كمان جيش اتخرج شاب على اواخر العشرينات ادور بقا على طريق الصفر عشان ابتدي من عندوا ده اذا فلحت اني الاقي الصفر قبل ما ادخل في الثلاثينات :D :D :D
المستقبل مبهر ومشرق تماما يا سيدي الرئيس :D :D

شوف أنت ممكن تعمل موضوع منفصل و تسميه " ساعد سيد يعرف بلده " و كل يدلوا بدلوه و بخبرته لمساعدتك هههههههههه

هوة الحملة قائمة بالفعل انا بقضي كل يوم اجازة مع اصحابي في احد المناطق للتعرف عليها اكثر زي صقارة- الهرم-كنج مريوط (نفسي افهم عمل ايه الإسم ده ) - المعادي - وهكذا عشان اتعرف بشكل اكثر على الثقافات ولكن معنديش حاجات كتير جدا زي ثقافة الفصال دي الحقيقة مفيش واللي نفسي اتعلمها لأني دائما بحس انه بيندحك عليا :D :D وغيروا وغيروا ولكن حضرتك تقبلي بقا بتدريسي مادة التاريخ وياريت بقا شرح قوي جدا للمصطلحات السابق ذكرها والتي ستذكر بعد اليوم :D :D انا جبت الكشكول والقلم ومنتظر ....
يستطيع الإنسان ان يفي بحق رجل اسدى له معروفا ولكن لا يستطيع ان يسدد حق من علمه حقا ...
اجيب كشكول مربعات ولا وش وش ولا ايه بالزبط ؟ هوة التاريخ محتاج كشكول من اساسوا ؟

المشاركة الأصلية كتبت بواسطة sayed911

تم يا معالي البيه :d :d تحت امر حضرتك وبعدين هوة انا نافع اني اهرب هههههههه انا مش نافع في اي حاجة خالص متقلقش لن ابرح مكاني وطلباتك يا فندم كلها مجابة ..

أستغفر الله العظيم
معالي بيه مين بس ياعم سيد
ياأخي أنا إسمي مصطفي ومن مواليد 89 يعني أكبر منك بمفيش أصلآ
بلاش باشا ومعاليك دي وحياة الحاج إحنا قد بعض

المشاركة الأصلية كتبت بواسطة زينة الله

السلام عليكم .. ازيك يا سيد المسلسل بتاعك بقى فعلا عامل زى مسلسل الساعة سابعة اليومى و الكل متابعة هههههه

على فكرة من الحلقة قبل الأخيرة أقدر أقولك إن سبب مشكلة فى الحياة إنك متغرب طول عمرك برا مصر

لما تأخد على الثقافة المصرية و تختلط بالناس هتتحل كل مشاكلك إن شاء الله :: مسألة وقت يعنى

حاول بقى تصاحب ناس ولاد بلد و تنزل أماكن مصرية صميمة و استحمل بقى كل ما ستقابلة هههههههههه

و تابع كل ما هو قديم من أعمال فنية أو ثقافية و أعمال فكرية ( دى الحاجات اللى المصريين أتربوا عليها ...)

و لو تقرأ قصص العربى بتاعت المدرسة حتى هتلاقيها عند أصحابك أكيد أو أخواتهم الصغيرين

عشان تكون حصيلة ثقافية تسهل لك التواصل مع الناس و تفهمك أزى بيفكروا و يتصرفوا و أيه مدلول كلامهم

[color="rgb(65, 105, 225)"]+1111111111
إنزل إنصهر معاهم من الآخر :))[/color]