الموضوع: سقوط علامة بروتون الجزء الرابع (سلسلة مواقف كوميدية)

هههههههههه يا فندم الملك الذى وحد مصر له أكثر من أسم فهو يدعى " مينا .. نارمر .. نعرمر " أيام الرخص بقى هههههههه

اوباااااااااااااااااااااا ااااااااااااااااااااااااا اااااااا اهي الدروس الخصوصية بتبتدي بالكروتة دي ندي نص المعلومة للطالب ونسيبه يغرق في الباقي ... مش اسلوووووووووووووووووووووو وووووووب انا ضد الدروس الخصوصية التعليم مسؤولية :D :D :D
من بعد 25 كلنا قررنا محدش ها يسكت !!!!!!!!!!!!!!!!!!!!!!!! انا عندي الإثباتات الإمتحانات اللي كانت بتتعملي خارج مستوى الطالب العادي هههههههههههه ها ها انجح ولا اقدم م1كرة للشئون القانونية ان الملك شعبان عبد الرحيم هوا اللي وحد القطرين :D :D
ومحدش في الأيام اللي احنا فيها ديها ها يقولي انتا بتعمل ايه :D :D

و قولى رأيك ؟؟

رأيي بصراحة وبدون كذب بصراحة انا كنت ها ابلم شوية الأول !! (انا من الناس اللي رد فعلها بطئ للغاية عشان بفكر في كل الإحتمالات والردود بتاعت اللي قدامي نوع من انواع الشطرنج) ممكن تبقى ناظرو ثاقبة كده وصدقيني بيبان على البني آدم ولكن صدقيني انا من وجهة نظري ان كانت فعلا البنت دي محتاجة فعلا حد يوصلها او فعلا في مأزق كانت ها تبان لوعة كسر الذات يعني الزميل بيقول دي بتتكلم ببرود يعني بالنسبة لها الموضوع عادي ولكن لو بنت مثلا اخلاقها عالية صدقيني كانت ممكن تطلب طلب زي ده وهيا بتعيط مثلا !!!! لأني شفت بنت مرة في طريق الساحل كانت متخانقة مع خطيبها واصرت عليه انه ينزلها دلوقتي حالا (مش فاهم ليه تصر وبعدين ترجع تعيط زي بالضبط الثقافة المصرية اللي تفضل تقول طلقني طلقني واول ما يطلقها تقعد تعيط !!! الله مش انتي اللي طلبتي !!!!!!!!!! ) كانت البنت داخلة القرية وشكلها باين الخضة من الموقف اللي هيا فيه !!! صدقيني الإنسان مواقف !! وان لم تسمح لك المواقف بمعرفة معدن الشخص بإفترض حسن النية الا ان يثبت العكس !!!!! وبصراحة لو انا كنت ها اعتمد كثير جدا على الـ body language يعني توترها تشتيت انتباهها هذه الحركات بتبين الإنسان كويس جدا !!!! لو شايف انها فعلا محتاجة حد يوصلها والمنطقة مأهوووووووووووولة !! وفي طريقي اذا فما المانع !!!! لأني مش ها اخد خطر زي ما الإخوة الزملاء قالو لو المنطقة مثلا مش مأهولة ولا فيها مشاكل مثلا !!! وها يبقى فيه حدود طبعا لا احاديث جانبية لأنه اي انسان بجد معرض انه يوضع في موقف انه يسأل انسان غريب خدمة !!!!! وحصلت مع ناس كتير انا متأكد ينزل وينسى فلوسه !!! تخيلي يبقى باشا وبيه وواقف بيطلب فلوس من حد عشان يعرف يروح والناس تفتكره نصاب !!! انا ضد الأحكام السريعة شكلا ومضمونا !!! العقلانية دائما ما تفوز ... ولو مش عايز اوصلها بكل ذوق وبكل ادب حتى لو انا رايق المقطم ها اضطر اكذب (مع اني ضد الكذب نهائيا حتى ولو كان للخروج من مأزق لو لأي سبب من الأسباب فهو هزة للكيان ) والله مش طريقي عشان برضوا اكون لبق لأنه كسر نفس الإنسان شئ لا يمكن ان يصفه احد يعني ببساطة اهي مش طريقي وابتسامة صغيرة ولا مانع من اعتذار انه كان نفسي اخدم ولكن صعب والله وخلصت :D الدبلوماسية تحل كل الظروف :D

::: بتخاف من الكلاب زى حالاتى يبقى جهز عصاية طويلة معاك تهشهم بيها ... ممكن مسطرة الرسم حرف تى بتاعت الكلية هههههه

هههههههههه انا عايز اقول لحضرتك انا محاط بأسرة غريبة :D
انا احمدا خويا في ثانوية عامة السنادي وبيشتغل برة في الأجازات منزه كلاب :D من كثرة حبه ليهم :D وعنده حوالي كلبين هاسكي !!!!!!!!!!!!! سبحان الله لا بيتقبلوني ولا انا بتقبلهم : D :D ووالدي كذلك كنا في فترة تنقلنا في البلاد الإسكندنافية كانت لديه هذه الهواية اللي الحقيقة انا مش بحبها او مش شايف فيها متعة بالنسبالي :D
انا مش بخاف من الكلاب ولكن انا لو شفته ماشي في الشارع ممكن اغير اتجاهي لمجرد انه كلاب الشارع انا مش بآمن ليها ....

كل ما تيجى تحاسبه على حاجة غلط يقولها حاجيبلك القطة ههههههههههه و قدام الطلبة فى الفصل كمان ههههه موقفها بقى وحش خالص

الشياطين الصغار دول ببساطة هيا تعمل معاه واجب بقا ههههههههههه ماشي يا حبيبي هاتلي القطة معاك بقا السنة الجية انتا قاعد معايا :D :D
انا بحب جدا الأستاذ اللي بيستعمل اسلوب الدرجات في التهديد بحس انه بيلم الـ ..... او عيل زي ده يتهد على طول لو اتهدد بالدرجات ولو انه شكلوا بيقول العينة دي من العينة اللي مش بتفرق معاها الدرجات :D :D :D

منتظر رأي حضرتك في الفلم والخلاصة بتاعتوا ايه رأيك فيه ؟

من الي انت حكيته مش هينفع معاك لا كلاب و لا كهربا ولا الجن الازرق حتى :d

عشان عربيتي الكبوت بتاعها مفرود ف بقى يستخدم استخدامات تانيه غير القعده عليه :d
ابقى راكن العربيه قدام الجامعه و تحت شجره و الحياه حلوه
اجي مروح الاقي كميه بني ادمين واقفين قدامها !!
ايه يا جدعان فيه ايه ؟؟ هي حلوه لدرجه انكو سايبين العربيات كلها و واقفين بتتفرجو علي جمالها p:

يطلع ف الاخر قاعدين بيلفو سجاير ف اقف استنى يخلصو
دول يخلصو الاقي مجموعه تانيه جايين يشتغلو :d و الامن طبعا واقفين و الحياه حلوه !!


و بعدين سيبك من اينشتاين انا اثبت فشله في كل النظريات و اهمها تقليل ساعات النوم عشان زياده الانتاجيه :p
مره عملتها و كان عندي امتحان كيميا عملي فضلت واقف متنح و الحمدلله كان عليه 10 درجات و خدتهم معرفش ازاي :

هههههههههههههههههههههه انا مش جبان قوي ههههههه يعني انا ما يزال عندي شوية شجاعة بطلعهم على الغلابة ههههههه ربنا ما يوريك بقا :D :D
اه الـ 131 والـ 128 من وجهة نظري بصراحة افضل عربية للجلوس وتحس كأنهم مغناطيس للشباب اللي في الشارع يمكن عشان الكبوت مستوي مفيش فيه ميلان للأمام بيساعد على القعدة المريحة تماما :D :D
انما عندي فكرة جربها كده :D
متسيب العربية مثلا اسبوع من غير ما تلمعها ولا تغسلها :D ها تروقلهم البنطلونات للبهوات ههههه(افكار شيطانية ) او مثلا ايه رأيك في علكة مثلا ها تخليه يحرم برضوا :D او بما انهم من الشباب الضريبة بقا يبقى حضرتك تحط بدلة الزابط زي ما مصر كلها قالبة العربية دولاب والبلد كلها داخلية مرة واحدة هههههه يمكن يحترموا نفسهم شوية :D :D
ولكن ده امر مستبعد :D
طيب ما تجرب تبلغ عنهم ؟؟؟
منتظر الرد
وها اشوفلك حل في الموضوع ده وانا متأكد من قدراتي اني ها اخلي محدش يقرب من عربيتك تاني بس سيبلي المريض انتا وملكش دعوة بقى ههههه
منتظر رأيك في الفيلم ولو حتى مشوفتوش برضوا تقول هوا كده :D

انا لما بركن بنقي اعفن مكان
يكون في الشمس ويكون الأرض في مياه او طين كمان عشان مفيش واحد تهفه نفسه يروح يحب علي الكبوت

هههههههههههههه ده حل سلبي جدا من وجهة نظري طيب سؤال بقى لما بتركن في مياه بتنزل ازاي وبتركب ازاي من غير ما تبهدل العربية ؟ مهو يقعدوا على العربية ارحم من انك تبهدل العربية مياه وطينة والجو ده حرام يعني :D :D
بص هوا انا بالنسبالي حد يقعد على شنطة العربية ماشي الشنطة مش بتتطبق انما الكبوت لأ !!! الكبوت لما بيتطبق بيبقى شكله .... !! والمصيبة اني بركن دائما بضهري يعني الكبوت هوا اللي بيتقعد عليه :D :D :D
متيجي حضرتك نعمل الحملة القومية لمنع الجلوس على العربية ؟؟؟ :D :D :D
اهي فكرة لسة جية في دماغي طازةةةةةةةةةةة مبادرة من الشباب للحفاظ على عربيات الناس :D :D
منتظر رأي حضرتك في المبادرة وفي الفيلم كمان :D :D

ههههههههههههههه

طيب تصدق بقى هبلغ عنك إئتلاف شباب الثورة
و يعملوا مليونية في جمعة التطهير من أجل عزل سيد من منصبه

سيد .. سيد المتهم في قضايا العلاج على نفقة الاكاديمية
و لا سيد التهم بقضية امن الكلية بتحريض الطلبة انهم يجيبوا gpa أقل من 3
و كمان متهم بالتحريض على و دفع الطلاب لعمل مظاهرات

على فكرة فرغلي نخ و اللي بيقولي كدة واحد صاحبي كان هناك النهاردة بيقولي بيخلصوا اي حاجة و فرصة لأي حد عنده مشكلة ولا عايز يمشي حاجة يخلصها اليومين دول

طيب يسقط يسقط حسني مبارك

D: D:

والله يا محمد لو كنت جيت معايا فرع القاهرة النهاردة كنت شفت العجب الكلية تغيرت تماما !!! تقولش داخل الجامعة الأمريكية .. كراسي ايه وقعدات ايه وكنب ايييييييييييييييييييييييي ييييييييه
جلـــــــــــــــــــــــ ـــــــد فاخر .. ههههههههه احنا كان لينا طلبات اننا نلاقي حتى نقعد فيها انما مش قوي كده هههههههههه يعني لما قولنا ابسطها يا باسط ربنا كريم قوي الحقيقة هههه كنبة مش عندي انا في البيت هههههه انما انا خايف من اصحاب الولاعات عليها الحقيقة يشكروا بيقوموا مع الحاجة دائما بالواجب ..هههههه حضرتك كمان ترم عاشر الـ GPA بتاعك كام ههههههههههه متقلقش ها ازبطك بس انا امسك بس وها ادلع الدفعات كلها ... اصلي واخد على نفسي عهدة لو معدلي التراكمي وصل لـ 3 ها اعمل فرح واتجوز واقعد في البيت واحتمل كمان اطلب اثبات رسمي من الكلية بالكلام ده هههههههههه

سيد بلاش باشا و حضرتك و الكلام دا انا مواليد 89 يابني .. يعني في الهوا سوا
مستني الجزء الجديد يا باشا و حضرتك اتأخرت علينا كدا يا فندم

ههههههههه ماشي يا اسامة "نشيل الألقاب " وبعدين يا اسامة منا قولتلك الحل يا كبير بعد كده لما اتأخر تاني متندهش على طول خد تصرف تاني على طوووووووووووووول اخوك الصغير بقى وبتعلمه احترام المواعيد :D :D :D
بس اتوصى بقى ونبي واخد بالك ههههههه يعني على قد ما ربنا يقدرك من زعيق زعق :D :D الواحد معندوش اخ كبير وعايز يجرب الإحساس ده ههههههههههه متأسف مرة تانية على التأخير يا اسامة ولكن والله ظروف الكلية اللي انا داخلها بكرة انا بكتب الموضوع اهو الساعة 5 عشان مش جيلي نوم والله وقاعد قولت ها انظم ساعتي البيولوجية تاني بقى ولكن ان شاء الله كل يوم ها تلاقي الحلقة في نفس المعاد القديم ولكن هيا الأيام دي متشقلبة معايا بس للأسف
ومنتظر رأيك في الفيلم يا اسامة :D ولو انا عارف احنا جيل واحد واكيد نفس التفكير بس انا متوقع يكون ليك رد تاني :D

فين حلقه النهارده يا ابو السييد ايدي بتاكلني زي المدمنين انا خلاص بقيت مدمن سيد

يا فندم الحلقة متأخرتش هههههههههههههههههه حضرتك كاتب الرد الساعة 12:58 وانا حطيت الحلقة الساعة 4:18 يعني كلها فرق دقائق معدودة اللي هوا السيرفر كان بيحمل الرد بس ههههههههههه ومتأيف والله فعلا انا عارف اني قصرت ولكن ان شاء الله ها تلاقي انتظام كامل بعد كده في المواعيد تمامااااااااااااا ولو لقيت تأخير اتصرف معايا حضرتك بقا ههههه وبالنسبة للإدمان لا قدر الله اهي فكرة حلوة برضه هههههههههه كشفت المخطط ليه انا كنت ناوي اخلي المنتدى كله يقرأ الموسوعة وبعدين هب اروح لامم الموسوعة من السوق عشان احزم احسان عبد القدوس وطه حسين واحتكره انا الشعب ها يبقى مدمن ابيع شوية الكلام دول اللي بفرغ فيهم وقتي وطاقتي وبأستمتع بيهم جدا معاكم بـ 100 جنيه :D :D خلي الواحد يقلب عيشه اهو لو منفعناش في التعليم يبقى عندنا سكة تانية شريفة ههههههههههههه متشكر جدا جدا جدا جدا جدا لإهتمام حضرتك وان شاء الله ها اكون عند حسن ظن حضرتك ...
ومنتظر رأيك في الفيلم ان شاء الله ..

يا حاج سيد ماينفعش كده واللهِ
واللهِ ماينفع

الواحد يقعد يقرأ ويدخل في المود ويلاقي الكلام خلص

المرة الجاية مش أقل من 25 ألف كلمة لو سمحت

هههههههه ايه بس اللي ها يقل نفعوا يا معالي البيه ... مش انا قولت انه ها يبقى مسلسل هندي عبارة عن 4837 حلقة هههه وعلى رأي عادل امام اثارة ومتعةوتشويــــــــــــق :D لابد من خلقالجو المناسب للقارء انه يشتمني في سره عشان الحلقة قفلت مرة واحدة ههههههههه ومن عنيا يا فندم طلبات حضرتك اوامر ولكن اصلي انا حاطط لنفسي اني بكتر على الوورد فبكتب يوميا 5 صفحات كاملين وحددهم كده :D عشان مأزودش وتزهقوا من طول الموضوع وانا عايز اقول لحضرتك انك نشنت بجد الموسوعة الجزء الأول والثاني فقط عبارة عن 25 الف كلمة ههههههه يعني جايب الرقم اييييييييييييه ازاي مش عارف انا ها اعمل سكان حالا على الجهاز ...
تحياتي لك يا فندم ومرورك يشرفني ولكن برضوا مقولتش رأيك ايه في اللي حصل في الفيلم :D :D

ايه ده انا مش قادر ابطل ضحك وعايزينك تدعو صاحبك احمد للمنتدى ده قصة لوحده

متنزلنا الاجزاء الاولانية تانى ارجوك

موضوع جميل تسلم ايدك

منتظر رأي حضرتك في الفلم والخلاصة بتاعتوا ايه رأيك فيه ؟

أنا مش فاكراه قوى بصراحة لأنه ببساطة لم يكن مسموح لنا بالفرجة على الأفلام ونحن صغار سوى أفلام أسماعيل ياسين
و زينات صدقى ههههههههه كان عندنا رقابة بالسن زى بتاعت أمريكا كدا لحد.. عشرين سنة تقريبا هههههههه
و أنت عارف بقى التعليم فى الصغر كالنقش على الحجر لكن على كبر كدا مفيش حاجة بتثبت قوى

لكن لو هو الفيلم اللى كان فيه فريد الأطرش مغنى هلاس وكل يوم مع واحدة و ما إلى ذلك و الست لبنى معجبة و بتحاول تتقرب منه حتى وقع المحظور و مش فاكرة الباقى بصراحة لكن تقريبا كانت بتتصرف إنها بطلة مضحية طول الفيلم و حاجة كدا تقريبا ...

طبعا كلام فى الهلاهوطة ( على رأى الست نوارة نجم ) يمكن يكون فى فنانين منحرفين و معجبات منحرفات ..
بس هى كانت يتيمة والا إيه فى الفيلم.. مش فاكره ؟؟ يعنى كان فين أهلها .. تخرج و تروح أى مكان لوحدها و تتأخر و تبات برا البيت ..
و مافيش أى إحساس بالذنب بعد عملتها السودا ههههههههه لأ دى كانت منتهى الثقة بالنفس و التضحية و الإيثار و محط إعجاب الأخرين !!

شوف هو أنا أسمع أن اثناء الإحتلال الانجليزى كانت هناك بيوت للمارسة البغاء بتراخيص و بتدفع ضرائب عادى خالص كانت ثقافة بقى
( زى للأسف ما بنسمع حاليا فى العراق مع الجنود و الإحتلال الأمريكى) و غالبا كانت هناك طبقات منحلة على احتكاك ببعض المسئولين و رموز المملكة وقتها و دى متألف فيها كتب بغض النظر بقى إن الناس دى كانت تعمل لحساب المخابرات الانجليزية و غيرها أم لا
لكن فى المقابل ( و كما قال نيوتن لكل فعل رد فعل مساوى له فى المقدار و مضاد له فى الاتجاة ) كان هناك تشدد من طبقات المجتمع المصرى الأصيلة و خاصة الريفية فى تحديد سلوك المرأة و تصرفاتها و الحفاظ عليها و إن جار هذا التشدد على حقوقها

اللي عاجبني على فكرة في المواضيع دي اني بتكلم معاكم بصراحة بدون تكلف او رسومات ولا انا مين ولا غيروا مني ليكم على طول !!!

!!!!!!!! أنت مين يا سيد ؟؟ ههههههههه هو عشان ما أنت داخل اتحاد الطلبة بقى والا إيه ؟؟

و بعدين اسمها رسميات مش رسومات أنت هتغرمنا على الكلام كمان !!

شايفين يا جماعة المنصب بيعمل إيه فى النفوس و يقولوا صوتوا بنعم على الدستور المؤقت بصلاحياته الخرافية قال !!!

عدنــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــا

جيت ببص في العدادات قدامي لقيت التالي ..

سعاد

مالك يا حبيبتي انتي عيانة !!!!!!!!!!!!!!!!!!!!!!!!!!!!!!!!!!!!!!!!!!

مش ممكن

لا يمكن

دي وصمة عار في تاريخي القيادي كله !!!!

عربيتي متفولة !!!

والله من كم الصدمة اللي جتلي

رحت مطلع الموبايل ومصور العربية

دي عمرها ما حصلت ههههههههه هوة يمكن مرة ولا حاجة وكانت ايه اول ما استلمتها خالص ولكن من بعد كده محصلتش !!!!

انا قولت انا متأكد انه العربية من هول الصدمة مش مصدقة اللي حصل وبتخرف

اكيد بتخرف

يا ربي اكيد اتخرف اصلوا ببساطة علميا مستحيل ههههههههه

دي يطير في رقاب

ده شرف يا عالم

وفي الآخر اديتها بتاع 30 ثانية راحت العربية رجعتتاني لوضعها الحقيقي 4 شرط فقط

الحمد لله رب العالمين وربنا ستر معايا عشان مش طالبة فضايح

"على فكرة يا جماعة الساعة في العربية مش مزبوطة " (معلومة ملهاش اي علاقة بالموضوع بس اهي رخامة وخلاص )

المهم روحت الكلية تاني وركنت والحياة وردية ولزيزة والعملية ماشية ...

ركنت ووقعدت لحد ما جه معاد المحاضرة التالية وجهزت عدتي وراجعت على الخلطة بتاعتي 50 مرة وروحت داخل على المعمل وصلنا لحد المختبر الدكتور حبيبي :D

قال كل واحد يكتب طلباتوا في ورقة ليك 5 كيلو انتا تقسمهم زي ما انتا عايز عايز 2.5 اسمنت و 1 رمل و 1 سن ونص مياه التقسيمة بقا دي بتاعتك انتا

انا مجهز معلوماتي في دماغي

وخلطتي في كشكولي واديت طلباتي للعامل وصرفلي الخلطة وواقف بعجن العملية

وببص جنبي لقيت واحد من العيال اللي في الدفعة جايب معاه بودرة لونها ابيض كده !!!!

وراح هب والدكتور مش واخد بالوا راح دالق البودرة في الخلطة ..

يا نهار اسود ايه ده !!!!

مادة معلية للمقاومة من نوع الإضافات الطبيعية !!!!!!!!!!!!!!!!

ده غــــــــــــــــــــــــ ـــــــــــــــــــــــــ ـــــــــــــــــــــــــ ــــــــــش

دي من النوع مثلا فيه انواع من الإضافات بتتحط في الخلطات

زي مثلا مسرع الشك

او مثلا معلي المقاومة

او مزود المياه

بتبقى عبارة عن اضافات بتتحط للخلطة تغنيك عن حاجة في الطبيعية او بتزود خاصية للخلطة ومعنى انك بتحط بودرة دي دلوقتي يبقى ده غش علني !!!!!!

رحت منادي على سعد وحمدي الحقوا يا جدعان احنا بنتكروت ده فيه كوسة في العملية !!!!

حمدي قالي داري ياللي بتداري وكما تدين تدان اكست دلوقتي عشان لو حد شافك وانتا بتعمل حاجة قدام محدش يبلغ عنك !!!!!

يا نهار اسود الواد صايع بجد !!!

فكرة بجد جامدة جدا

ولا خلطة بقى ولا بتاع

همة شوية اسمنت على رمل على سن على مياه وشوية بودرة اعمل مكعب خرساني يشيل دبابة !!!!!

ولكن بصراحة السلبية دفعتني اني اقف واتفرج ومعملش اي حاجة :D :D

انا بصراحة فكرت امسح اسم الطالب من على المكعب ولكن قولت حرام الواد بصراحة مبدع وهوة ده العقليةالمدربة ازاي تتحايل على الظروف و الواقع هية دي الشخصية اللي احنا عايزنها :D :D

كان ممكن امسح اسموا من على المكعب ولكن قولت يالله لكل مجتهد نصيب ...

خلصت الإمتحان

وجهزت خلطتي

وصبيتها وخلعت من المعمل وانا بدعي اني اكون عامل نسب التركيز والخلط صح ..

وبعد كده خلصت امتحانيني التانيين ومش عايز اتكلم عنهم لأني مش فاكر اصلا حتى هما كانوا مواد ايه من اساسوا كل اللي فاكروا اني محلتش ولا اي حاجة في الإمتحان لإخير لأني مكنتش مهيأ عقليا للتركيز فيه بعد الخبطتين بتوع الصبح ..

خلصت كليتي الساعة 8 بليل كانت خلاص بقا آخر محاضرة وانا خلصان خالص ..

توكلت على الله دورت العربية وبدأت المعضلة التالية آخد صلاح سالم ولا آخد اوتوستراد

لا يا واد خاليك في صلاح سالم وان شاء الله ربنا بيكرم وبتبقى سالكم وميسرة والحق يقال انا من الناس اللي طول ما انا سايق بسمع موسيقى الـ The red army

ودي عينة منها عشان تعرفوها بشكل اكبر

YouTube - The Russian Revolution (Red Army Choir)

وكمان قرأن لأني عاشق لصوت الشيخ الحذيفي والشيخ السديس ولكن طالع من امتحان وقولت اسمع شوية موسيقى وانا بعشق هذا النوع من المزيكا لسبب بسيط الحماس الثوري اللي موجود فيها +الغواصات الروسية حتى يومنا هذا ما تزال تتغنى بهذه الأغاني حتى ان معاني كلماتها قوية جدا وجميلة جدا جدا

هي وسيمفونيات بيتهوفن وباخ و فان دير كلها عندي :D

(انا اي حد مصري بيركب معايا العربية حاجة من اتنين يا بيسد ودانوا يا اما يعمل نفسوا ذواقة فنية ويقولي ياااااااه فين الحاجات الجميلة دي من زمان )

(كذب X كذب ) = لا هوة فاهم حاجة ولكن الفتي المصري اشتغل

على فكرة انا كنت ومازلت معجب بفكرة اتحاد "الإتحاد السوفيتي " مع اني كنت ضد افكاره السياسية ولكن العقل المهيمن والماكينة الألمانية كانت لابد من ان تحترم في ذلك العصر وان نرضخ وننحني لها ..

يكفي مثالا ان تسمع هذا النوع من الموسيقى وان تغمض عينيك وتتخيل ويلات الحرب التي مروا بيها

(صلي على النبي يا شيخ سيد ويلات ايه ..معلش يا جماعة انجرفت قليلا :D )

المهم اتحركت وانا بسمع اغنية كانت بتقول ..

جنود جيشنا تنادي بصوتها ترعد بصوتها في السماء بحركتها على الأرض ترهب السباع خفتهم كالغزلان

وصف الجيش الحقيقة بكافة الحيوانات اللي خلقها ربنا :D

ومحدش يسأل ايه الفكرة من كده نهائيا ..

تحركت وانا ماشي بغرد مع نفسي في الطريق والجو جميل والنسيم عليل ..

لحد ما وصلت لكبري الجلاء في صلاح سالم والطريق وقف

فانا بحب انشد مع المزيكا عشان بسرح معاهم دائما ..

لحد ما وقف جنبي سواق تاكسي معاه عربية رينو 12

ومعاه مصريين ..

اقسم بالله لو تشوفوا كانوا بيبصولي ازاي وبيهمسوا لبعض تقولوا ماسكين محمد ابو تريكة في صلاح سالم ..

واللي يبرطم ويقلك ربنا يهديه

واللي يقولك الله يخربيت اللي بتبلبعوه يا شيخ ...

انا رحت بكل ادب :D

احترمت ثقافة الطرف الآخر ورحت رافع الإزاز وسكت في هدوء قولت ما بدهاش حد يقولك ده مجنون وده وده وده ... خلينا في حالنا يابا الحج

مشيت في صلاح سالم

لحد ما وصلت للكبري اللي بعد كبري الفنجري .

انا بقا بطلع الكبري ده فا ماشي في حارتي ..

وورايا عربية هوندا سيفيك ماشي مولع بقا مش زينون ماشي تقريبا مركب كشافات الإستاد عندوا في الفوانيس

ومش ممكن يجي يمين يلاقيها مقفولة يجي شمال يلاقيها مقفولة ..

الروشة اللي هوة فيها مش طبيعية ده غير الزينون اللي الحقيقة خلاني كأني ببص في الشمس الساعة 12 الظهر !!!

انا مش فاهم الكابتن اللي بيركب زينون ده !!!

لو نظروا ضعيف للدرجة دي

يا سيدي تفضل على اهالينا ومتسوقش وتعمي اللي ....

اقعد في بيتك معزز مكرم !!!

على فكرة احنا برة اللي نظروا ضعيف ممنوع يسوق بعد الساعة 8 بليل :D

ولكن لنا الله ..

المهم حارتي وقفت فجأة والحارة اللي على شمالي سالكة ..

فأنا ضد تماما تماما القفز من حارتي لمجرد انها وقفت اصل هيا مش مدينة ملاهي !! حتى وان كنت شايف الحارة اللي جنبي العربية اللي جية فيها بعيدة انا مش مقدر الظروف صح بلاش اعرض نفسي وغيري للخطر الموضوع كله مش مستاهل ..

راح الكابتن بتاع السيفيك هب ضارب الشمال المتين طبعا ولا مراية ولا اشارة ولا حتى انتم فين يا بشر

بس انا كانت فراملي اقوى من اللحظة اللي يلحق يكبس فيها عشان يطلع مني ..

رحت حاسس انه ادى الإكصدام الخلفي عندي بوسة صغيرة !!!!!!!!!!!!!!!!!

انا حسيت فيها ولكن مش قوية يعني قولت ممكن يكون تهيأ وممكن يكون لأ

وطبعا الديفيل المتين وكابـــــــــــــــــس

على فكرة انا اكثر ناس بيستفزوني بجد والله في السواقة ببقى عايز انزل اول في العربية بتاعتوا وافجره تفجير اللي يبقى ماشي في حارة وهب عشان وقفت بكول غوغائية يروح ناطط على الحارةالتانية او يحدف على اللي جنبوا لمجرد انه مكسل يدوس فرامل او عشان اللي جنبوا ساكلة ليه مش فاهم !! حاجة مستفزة جدا تبقى ماشي في حارتك سالكة واللي جنبك تقف شوية او تهدى حبة تلاقيه ناططلك قدامك !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!

المهم لاقيته راح جي شمالي

بحاول ابص مين الفهلوي الفتك اللي سابق سنو وقاعد جوة طبعا كم الفيميه اللي على العربية يقولك انها عربية اوباما مش عربية مواطن مصري !!!!

ولقيت سواق تاكسي جي جنبي وبيشاورلي انه سليمة سليمة مفيش فيها حاجة !!!

هنا انا ايقنت انه بالفعل خبطني ولكن الحمد لله انها جت سليمة ومفيش فيها حاجة !!!

نهار .... اسود !!!

مش عشان حاجة ولكن عشان خبطت الإنسان ومعندوش حتى ثقافة الإعتذار للطرف الآخر ..

والله يا جماعة لو واحد كاسرلك فانوس ونازل بيقل ادبوا ده يستهال الذبح ولكن لو واحد طبقلك الشنطة وعجنها ونازل بيطمن عليك ويقولك اجيبلك الإسعاف انتا كويس ؟ ده تنزل تقولوا روح يا شيخ ربنا يهدينا ويهديك معانا .. لأنه صدقوني ثقافة الإعتذار عند المصريين كأنك بتقولوا شيل كفنك وقدمهولوا !! يا جماعة عادي الإعتذار ده شئ عادي جدا مش حاجة بتوجع والله قوي كده !!

المهم مشيت وراه ومطلعتش الكبرى وهة راح نازل من جنب الكبري وداخل على العباسية !!!

حضراتكم عارفين طبعا الكمين المشهور اللي كان بيقام اسفل الكبري هناك على طول

انا دخلت وراه بقا ولقيته سابقني على الكمين

قولت يا مرحبا يا مرحبا

داخل وفاتح الزينون كمان في عنين الباشا الزابط ده انا ها اتفرج على مكنة النفخ للي ها تشتغل دلوقتي !!

وفيميه كمان دنتا مش مروح من هنا بقى

دخلنا على اللجنة وتعمدت اني اجي جنبوا عشان اشوفوا ..

لسة الإزاز بينزل

لقيت اللي سايق !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!

بكرة نكملها بقا :D :D

ظاااااااابط

صح

علي فكره انتا بقيت اشهر مني في اامنطقه هنا وبين اصاحبي

هههههههه يا فندم العين متعلاش عن الحاجب عيب برضوا :d :d

ومقولكش علي كم الهجوم علشان يعرفوا مين الشخصيه الي كتبت الكلام ده

متيجي يا احمد بيه نحولها لي بيزنس بقا ونعدي مع اللي عدوا لأنه نظرتي الإقتصادية في الأيام الراهنة حاليا اللي مش ها يعمل فلوس في الأيام دي عمره ما ها يعمل بعد كده :d :d

انتا تبيعلهم الحلقة بـ 5 جنيه :d :d ايه رأيك في الفكرة دي :d :d
وانتا 4 جنيه وانا جنيه واحد في الحلقة :d :d
يالله يا عم اديك معايا في المشروع بـ 90% :d عايز شغل بقا عايز انتاج :d :d

دلوقت لما يشوفوني قبل ما يسلموا عليا بيقولولي في حلقات جديده ولالا :)

اهم حاجة داري على شمعتك تبيض :d انتا متديلهومش مصدر الحلقات دي فين قولهم بتيجيني على الميل عشان لو مسكوا المصدر يبقى ساعتها فرط زمامهم من ايديك :d

ومتشكر جدا يا استاذ احمد على الكلام الجميل وتحياتي الشديدة جدا لك يا اخي ..

روح يا سيد ..... وتعالى تانى بسرعة .
بس اوعى تروح بنها تانى .
فعلاً انت اثبت ان المصرى هيفضل مصرى ... حتى لو النيل مش رواه ... خفة الدم هتفضل جواه .
الله ينــــــــور عليك .
وانا برشحك تعمل يوميات ... وسيبنى اسميهالك انا احسن أسم لكل موضوع مستقل .
ويبقى الأسم العام للموسوعة :
يوميات سيد خطاب ... قبل ما تنزل فى كتاب .
أيه رايك ...؟

أخوك الكُبـنن نوكمنت .

ههههه مين قالك انا مبلبع من مياه النيل كونتينر مياة كاملة هههههههانا مؤمن جدا بأنه والله صدقني المصري تعرف تطلعوا من وسط مليار !!!! فهلوي - ناصح - ذكي - وساعات بيبقى فيه سنة ترباس - خفيف الظل - راجل جدا ساعة الجد - قيادي جدا ... من الحاجات اللي فاتت دي كلها انا مفيش فيا غير هههههههههه خليها على الله انا مش لاقي حاجة منهم فيا هههههههه
طيب اعمل يوميات ازاي بقا لأنه فكرة مدونة بالنسبالي امر غير مرغوب لأني عامل الموضوع بينا هنا للترفيه عن بعض وكلنا بندحك وبنخرج من الجو الكئيب عشان كده قولي حضرتك بتفكر في ايه ونتناقش فيه .. وها استنى من حضرتك كل التسميات بقى وها اسيب التصرف العام كله لحضرتك ههههه ولو عايز توكيل عام بيع وشرا وحفظ حقوق الملكية الفكرية برضوا ها يتعمل لحضرتك ههههههههه خلينا نجيب اي حاجة بدال القعدة في البيت واهو الواحد يخلي الناس تتعظ من اللي بيحصل في الواحد ..
وفكرة كتاب بالنسبالي فكرة كويسة جدا ولكن فيه تفاصيل كتير جدا بقى ها تتحذف لأننا مش ها نبلي الناس بالشخصية سيد خطاب هههه + انا من رأيي نستنى لحد ما ابقى حاجة لأنه حاليا مفيش بني آدم ها يقرب من الكتاب لسبب بسيط جدا من هو اصلا سيد خطاب ده عشان نجيب كتابوا :d
احنا نستنى لحد ما ابقى حاجة في البلد وها اطلب من وزير التربية والتعليم انه الكتاب ده يفرض على الطلبة من ابتدائي لحد ثانوي يحفظوا القصص دي ويسألوا فيها ههههههههه مع اضافة بعض الأمجاد التاريخية طبعا :d :d
هههههههه بس هيا الفكرة اننا لو ها نستنى عقبال ما ابقى حاجة فشكلنا كده ولله اعلم ها نستنى العمر كله ربنا يدينا طولة العمر بقى :d :d
وانا موافق على اللي حضرتك ها تقول عليه ومتظر آرآء حضرتك ..

ايه ده انا مش قادر ابطل ضحك وعايزينك تدعو صاحبك احمد للمنتدى ده قصة لوحده

متنزلنا الاجزاء الاولانية تانى ارجوك

احمد مشترك في الممنتدى هنا بالفعل من فترة طويلة ولكن هوة من بعد الجواز مبقاش حتى بيكلمني انا او سعد وهوة كان معايا في المنتدى هنا ساعة لما كنت بعمل مقارنات بين العربيات اللي بفكر انيافاضل فيما بينها .. ومن ساعتها مدخلش تاني (هو ليس محبا للتكنولوجيا ) ولكن تحت امر حضرتك ... والأجزاء الأولانية بتكتب وتضاف حاليا يا فندم بالفعل .. وتحت امر حضرتك ... ومن غير ارجوك دي انتا تقولي بس يا سيد اعمل كذى يكون الأمر قضي ان شاء الله .. :d :d

موضوع جميل تسلم ايدك

العفو يا اخي

لكن لو هو الفيلم اللى كان فيه فريد الأطرش مغنى هلاس وكل يوم مع واحدة و ما إلى ذلك و الست لبنى معجبة و بتحاول تتقرب منه حتى وقع المحظور و مش فاكرة الباقى بصراحة لكن تقريبا كانت بتتصرف إنها بطلة مضحية طول الفيلم و حاجة كدا تقريبا ...

اي نعم هو ذاك الفيلم هههه حلوة هلاس دي خلينا نصيغها بشكل درامي (صايع ) :d
هية كانت والدتها ووالدها عايشين وبعدين راحت هيا تعيش مع عمتها في القاهرة وبالفعل زي ما حضرتك قولتي كده في كل حاجة لحد ما حملت وانجبت سفاحا طفله الى ان بلغ 3 سنوات وتعرض الى حادث صدم فكتبت رسالة للحج فريد الأطرش (سؤال خارج النص والموضوع ومعلش التوهان والتشتيت بيشتغل "هوة انا الوحيد اللي حاسس انه الكائن فريد الأطرش وشوا مستطيل !!!!!؟؟؟") بتقولوا انتا نسيت وي وي وي !!! وانا كنت غير مقتنع تماما بالنهاية الفاشلة تماما في اقفال الفلم !!!!!!!! ده لو كانت دي افلام الحقبة الزمنية دي يبقى كان عليه العوض ومنه العوض في الشعب ساعتها !!!

كان هناك تشدد من طبقات المجتمع المصرى الأصيلة و خاصة الريفية فى تحديد سلوك المرأة و تصرفاتها و الحفاظ عليها و إن جار هذا التشدد على حقوقها

بس الآية النهاردة اتعكست اشد انعكاس اصبح المجتمع الفلاحي فيه انفتاح بطريقة غريبة اشعر احيانا بانها تكاد تضر بالصالح العام للبلد تخيلي حضرتك اسرة فيها شباب مراهق مش متعلم وميعرفش حاجة عن العالم الخرجي نهائيا !!!!!! واصبح ميسر وموصل بكل شئ يتلف العقل ويسبب الإنحطاط الأخلاقي والفساد الإجتماعي (كلام كبير قوي ) والمجمتع الوحيد اللي ما زلت اعتقد بأنه الى حد كبير ما يزال بيحتفظ بعاداته بشكل قوي جدا هوة الصعيد الجواني !!!!! ولكن انا مؤمن جدا ان الإنفتاح السريع بيودي في داهية !!!! (افضل مثال استطيع ان اضربه هو الصدام الداخلي الواقع في داخل القبائل الخليجية ) !!! ولكن الإحتلال الإنجليزي لما رحل عنا مشي مرة واحدة ولكن كانت ثقافته موجودة وهوة ده اللي رءف بينا الى حد كبير جدا !!!

!!!!!!!! أنت مين يا سيد ؟؟ ههههههههه هو عشان ما أنت داخل اتحاد الطلبة بقى والا إيه ؟؟

هههههههههه حضرتك مدرستي في التاريخ وشكلك ها تحتاجي تدوري معايا على مدرس لغة عربية فصحى :d :d :d
التانية اسمى رسووووووووووووم انما دي رسومات :d :d
بمعنى تكليف او او انا اقصد اقول بدول ما اني ارسم نفسي !! هوة ده المصطلح اللي بدور عليه وبعدين يا فندم هوة انا لسة حتى رشحت نفسي عشان المعارضة تشتغل هههههه
يا اخت زينة !!!!! انجازاتي تتحدث عني هههههههه انا ماشي بمبدأ ها تديلي ايه عشان اخدمك !!! المبدأ ده هوة اللي ماشي في البلد اليومين دول هههههههه يعني المعارضة ابتديت تفسر كلامي وتقوله وتأوله بشكل يضر بصالح الأمن العام ههههه انا بعد كده لازم اوزن الكلام قبل ما اقولوا ههههههه

و بعدين اسمها رسميات مش رسومات أنت هتغرمنا على الكلام كمان !!

حضرتك معاكي حق بصراحة انا دورت عليها في المعجم وفعلا انا محتاج مأمور هدد في قسم اللغة العربية !!!

شايفين يا جماعة المنصب بيعمل إيه فى النفوس و يقولوا صوتوا بنعم على الدستور المؤقت بصلاحياته الخرافية قال !!!

هوة فين المنصب ده !!!!!!!!!!! انا جئت من الشعب يا ابناء الشعب
انا ابن فلاح من الزمالك !!!! انا ابن عامل من مصر الجديدة !!!! انا منكم واليكم والله
انا مش بيجيني نوم بالليل بفضل افكر ازاي اصحى عشان اقدر اخدمكم بطريقة تخليكم حاسيين باللي بنقدمهلكم !!! يا خواني دعوني اعمل في صمت :d :d

ظاااااااابط

صح

بصراحة لأ هههههههههههههههههههه
بس لو جبتها صح ممكن نفكر بقى في طلقتين هدية بمناسبة الأيام اللي احنا فيها دي :d :d
وبعدين عيب عليك بعد كل اللي قريتوا عني ده انا ها اطلع بخاف من اساسوا هههههههه فاندااااااااااام
هههههه وبصراحة لأ هوة مكنش زابط بس الخوف من انو حد يكون عارف الجزء يسيح بقى ههههههه جبريل اعتقد كان عارفوا .. ربنا يستر بقا .. :d