انا حاليا مركب المقاس ده 205/60 العربيه بصراحه مرتاحه جدا جدا فى المطبات لكن عيبه انه بيحك فى الكارتيرات عند اخر اللفه فانسب مقاس لو هاتغير هايبقى 205/55 وانا لفيت عليه تقريبا مصر كلها ومالقتهوش ولسه بادور عليه والله
عرض للطباعة
الجزء الخلفى كله تم استعداله
بالنسبه للمشكله اللى عندك ده نتيجه ترييحه عربيه من الخلف بتكبس الجزء الخلفى فبيعمل فرق بين الرفارف والشنطه واى سمكرى هايقدر يستعدلها فى اقل من نص ساعه بدون اى اثر ليها
شكرا علي التواصل يا ابو اياد
لا يا باشا دي مش ترييحة دا عدد 1 فيات 131 + اوتوبيس من الاخضر الكبير + جيب شيروكي تسعينات بدفيندرات حديد
كل ده خبط العربيه من ورا وهي واقفة وهما واخدين سرعة بس كنت كل مررة بظبط الاكصدام والفوانيس والكبس مكانش تأثيره كبير لحد ما الجيب اكلت الشنطة وكسرت في الفلتو من جوه وعملتها عند العقيد خالد بس الشنطة لسة مفارقة وقالي ان ده آخرها :untitled 1:
مش عارف كدة هحتاج اغير رفارف وغطا شنطة ولا في امل حد يعدلها ؟
وعلى فكرة العربية في الصورة باين عليها اتعدلت جامد بسم الله ما شاء الله انا عندي فرق كبير بين الرفارف والشنطة والفوانيس
هى الناس ماتبحبش تخبط غير فى البومه انا كنت واقف فى البنزينه بتاعه موبيل الشيراتون وفى ادامى افيو بيحط بنزين وبعد ما خلص لقيت النور الابيض عنه فى الفوانيس الخلفيه نور (قولت فى بالى هى الافيو فيها اوتوماتيك ) وفاجاءه لقيته داس بنزين ورزعنه فى وش العربيه
على فكره اضعف مكان فى البومه هو الجزء الخلفى ركز فى الصوره شوفت مكان الاكصدام الجزء ده ضعيف جدا وبيدخل ويخرج بقوه الايد فلما عربيه تخبط فيه جامد بيدخل لجوه وبياخد معاه الكالون وبيكبس الشنطه من تحت فالعربيه تفتح الفروقات بتاعتها من فوق
وبعدين لو اخدت بالك من العربيه البيضا كل حاجه اتغيرت فيها ماعدا الرفارف الخلفيه ماخدتش بالك ؟ ليه بقا ماغيرتهمش ؟
لان دول علشان اغيرهم لازم تيجى قطعيه وتقطقع وتلحم الجزء ده وده بصراحه صعب مش زى السقف وتغيير النص والكلام ده لانك بتتعامل مع صاج خفيف
فالحل انها تتظبط مش تتغير
ركز فى الفروق وفى تقويسه الشنطه وشوفها بعد الاستعدال وعلى فكره كله شغل السمكرى مافيش اى حاجه اتغيرت ورا
مش عارف العربية دي حظها كدة ولا دي مصر بس الحمد لله على كل حال مع اني مش مأمن بس ربنا بيسترها مع الواحد
انا شفت في الحرفيين في اللانسر الامريكي والاوروبي بيبقى فيه شاسيه حديد كبير وفوم في ضهر الاكصدام زي الفورد كدة بس طبعاً كله بيبيع النص على بعضه
مش عارف ممكن اخد مقاساته وافصله ولا الموضوع مش مستاهل
بالنسبة للشنطة انا لسة شايف هيونداي كوبيه بتاعت واحد صاحبي عاملها عند سمكري فنان في صفت اللبن هروحله واشوف ايه النظام
ولو السمكري دا قريب يا ريت تقولي على مكانه
ياعنى اعمل فيك ايه
ياراجل ده انت من شبرا
اوصل لغايه كوك دور هتلاقى بعديه محل بتاع جنوط هتلاقى عنده المقاس ده 205/55 بس انا ماجبتهوش علشان كان gt وانا متعقد منه وسعر الفرده 410ج
بالنسبه لل 205/60 كان نوع تايلاندى عامل 440ج
والاتنين نقشات عاديه بس كاوتش سرعات