اى استفسار عن البومه بالصور

**أبو إياد** · 27-02-2011 07:42 PM

السلام عليكم ورحمة الله وبركاته

عندى عربيه بومه متفككه تماما واى حد عاوز اى استفسار او صوره لاى قطعه فى السياره انا جاهز

مبدئيا العربيه سوبر اكشن هايتم تغيير الرفرفين الامامى والاربع ابواب والسقف والاكصدام الامامى والكابوت وبعض اجزاء فى العفشه

علما بان الحوض والشنطه والقوايم مافيهومش خربوش علشان الناس اللى بتيجى تشترى وبتكتفى بالنظر عليهم

هابداء من بكره فى تنزيل الصور قبل ما يتفك فيها حاجه واول حاجه هاتم طبعا هو فك الموتور والفتيس والعفشه وبعد كده الصالون

يتبع الى ان تنتهى السياره

**أبو إياد** · 27-02-2011 08:02 PM

..[/URL]

**ahmed_eng2001** · 28-02-2011 11:09 AM

متابع

**eldell** · 28-02-2011 01:20 PM

ازيك يابو اياد هو ايه الى حصلها ده اتقلبتت ديه والا ايه ؟؟؟؟

**أبو إياد** · 28-02-2011 01:52 PM

صاحبها بخير الحمد لله والعربيه ماتقلبتش بس هى لفه كام لفه كده واتخبطت من الجوانب

**sharaf_eldeen1** · 28-02-2011 03:20 PM

أنا أشعر أن إكصطدامات البومه ضعيفه جدا وأعتقد أنه لا يوجد وراء الإكصدام الخافى أي شاسيه إكصدام أو حتى فوم مضغوط
وغالبا معظم السيارات البومه تجد الأكصطدامات مفارقه ليس بسبب حوادث لكن فقط من الترييح أثناء الركن
اذا أرجو منك أ/أ بو إياد و من باقى الأخوه تاكيد هذه المعلومه بالصور إن أمكن
وكيف يمكننى أنأخلع الإكصطدام بنفسى وإعاده تركيبه(الأمامى والخافى)
وهل هناك إمكانيه تفصىل شاسيه اكصطدام و فوم مضغوط فانا أرى كل المكروباصات تعمل اكصطدامات تتفصيل(مع فرق الجوده وأناأقصد شاسيه خلف الكصطدام وليس أمامه)
وسؤال أخر من فضلك:
هل قطع الغيار فى بورسعيدأرخص أم القاهره
وجزاك الله وجميع الاخوه خيرا

**أبو إياد** · 28-02-2011 05:34 PM

بالنسبه للاكصدام الخلفى
فعلا لا يوجد اى شاسيه بين الاكصدام وبين جسم السياره وفعلا فى فرق كبير بين الاكصدام وجسم السياره ومن الممكن وضع قطعه من الفلين كبيره وبالنسبه لفك الاكصدام الخلفى بيكون كله من خلال الشنطه عباره عن مسمارين مقاس 10 فى الجوانب وثلاثه فى الخلف بالاضافه لمسمارين موجودين فى الخارج فى دوران الرفرف

اما الاكصدام الامامى جميع المسامير باينه ادامك بالاضافه لكليبسات الكارتيرات من تحت

اما قطع الغيار ففالقاهره ارخص من بور سعيد

دى اسعار قطع غيار تم الاتفاق على سعرهم

4 ابواب كاملين 2500ج
رفرفين امامى 500ج
كابوت 1500ج
سقف بفتحه بالفرش 2500ج