فتيس لانسر الكرستاله الاتومتك فى حاجه غريبه 99

**eng_michael85** · 09-11-2011 05:01 PM

انا عاندى مشكله غريبه العربيه احيانا بتكون تمام التمام وتجيب 180 ومفيش اى مشكله واحياناً مترداش تجيب اكتر من 120 لما ادوس جامد على البنزين تروح تجيب الغيار الاقل التالت ( تقريبا) وصوت المتور يعلى قوى وتجيب ل 140 وبعد كده تغير وتجيب الغيار الرابع وتبدى السرعه تنزل تانى لى 120 انا عايز اعرف المشكله فان . انا بسافر كتير والمشكله دى هتموتنى حد ينجدنىىىىى . شكراً

او لو حد يعرف مكيانيكى متخصيص فى الموضوع ده يقالى عاليه .

**elpasha1** · 09-11-2011 05:09 PM

يا ريت لو حد يعرف ميكانيكى فتيسات كويس يقول لان انا كمان محتاجة
العربية لانسر 98 اوتوماتيك
لما تيجى تنزل من مطب الاقيها تامرك لوحدها اول ما المس النزين ولما ابقى ماشى والطريق يقف بعد ما اقف بثانية او اثنين لاقى العربية كان حد خبطنى من الخلف
زى ما تكون هبده

**eng_michael85** · 10-11-2011 11:32 AM

ايه اجماعه محدش عانده اى مساعده ): ولا ايه ؟

**eng_michael85** · 14-11-2011 12:15 AM

يا جماعة محدش يعرف مكنيكى شاطر او حتى متخصيص فى الفتيس اوتوماتيك فى المنتدى مش معقوله

**soltanfriend** · 14-11-2011 11:28 AM

المشاركة الأصلية كتبت بواسطة elpasha1

يا ريت لو حد يعرف ميكانيكى فتيسات كويس يقول لان انا كمان محتاجة
العربية لانسر 98 اوتوماتيك
لما تيجى تنزل من مطب الاقيها تامرك لوحدها اول ما المس النزين ولما ابقى ماشى والطريق يقف بعد ما اقف بثانية او اثنين لاقى العربية كان حد خبطنى من الخلف
زى ما تكون هبده

بالنسبة ليك مشكلتك هى فى حساس اسمه tps ودا بييجى مع البوابة كاملة وسعره فى الشونة (فى بورسعيد) بيكون حوالى 250 جنيه
اما بالنسبة لصاحب الموضوع فمن المحتمل يكون رداخ لأنه بيقل الضخ مع السرعات العالية

**eng_michael85** · 15-11-2011 04:21 PM

فى البدايه احب اشكرك جدأ علشان ردت بس انا اعميل ايه فى موضوع رداخ ده ولا اروح فان انا ؟

**SASA3** · 15-11-2011 06:46 PM

هى المشكلة ان الفتيس الاوتوماتيك صيانته صعبة و متلاقيش ناس كتير تقدر تستغل فيه و يقولك غيرة على طول و ريح نفسك و كمان ان الناس الى هنا معضمهم فتيس عادى مش اوتو

فللاسف مقدرش افيدك اوى بس استن باقى الاعضاء ان شاء الله يفيدوك اكتر

**eng_michael85** · 16-11-2011 10:27 AM

شكرررررررررررا كفايه اهتمام حضرتك

**nonnos5** · 16-11-2011 11:54 AM

بص ياباشا انا اعتقد ان الفتيس سليم طالما بينقل كويس ولما بتعمل كيك دون بينقل النقلة الاقل يبقى تمام الموضوع ممكن يكون كله ضبط كهرباء او تنظيف كربيراتير وبيجوهات وفلاتر بس لو انت بتستخدم بنزين 80 ممكن يكون السبب منه على فكرة بتحط مرة من بنزنة كويسة تجيب معاك 180 وبتحط مرة تانية من بنزينة بتحط عليه ميه هبيعمل كده

**eng_michael85** · 16-11-2011 02:22 PM

انا مش بحط بنزين غير من شل وبحط بنزين 92 وغيرت فلتر الزيت بتاع الفتيس والزيت بتاع الفتيس وبرده بتعمل كده بس فى حد قالى زود الزيت اكتر من المقياس بشويه وعملت كده فعلن اللى حصل ان المرات اللى بتعلق فيها بقت اقل شويه بس هى لسه بتعلق برضه

بالنسبه للكربرتير فا مش عارف ممكن هى بتاكل بنزين كتير شويتتين بس انا مش حابب اللعب فيه

شكرأ الاهتمامك