الموضوع: متوسط سرعتي (وردي العملي على المهندس طارق)

بس انا حقيقى متوسط السرعة عندى بيبقى فى حدود 18-24 كم/س
بس دة لأنى بمشى جوة البلد بس و كلها مشاوير قريبة نوعا ما..
لكن انت بتقول انك بتروح حلوان من مصر الجديدة و الطريق بيبقى غالبا مفتوح شوية فمتوسط السرعة عندك حيبقى عالى شوية عن باقى الناس..
بس على كدة بقى المفروض ميبقاش فى جدول صيانة.. المفروض يبقى فى جدول للكشف و كل واحد و حسب ظروفه بقى.. واحد بيسوق فى سكك سريعة على طول غير واحد بيسوق فى طرق كلها بطيئة.. ممكن دة يبقى محتاج يغير قطع غيار غير دة و متتغيرش الا بالكشف..

طب سؤال، هو انت مهتم بالضمان ليه ؟
اصل انا شايف ان الضمان دة تقريبا ولا حاجة.. لأن كل حاجة تبوظ فى خلال 3 سنين، مؤكد و بنسبة 100% انك لما تروح لهم فى اخر ال3 سنين مثلا اكيد حيقولوا لك سوء استخدام.. وللأسف مفيش حد بيقدر يثبت انه مش سوء استخدام.. لأنها حقيقى ممكن تبقى سوء استخدام، و ممكن تكون انت بتستخدمها عادى بس هى اللى مش معمولة صح..
فأنا عن نفسى حاسس ان موضوع الضمان دة مش حقيقى.. دة وهم بيربطوك بيه بس

ما بردو.. انت غيرت ايه فى خلال ال3 سنين دول تحت الضمان؟ او حتى فى خلال السنتين

اللى حايدفع مصنعية فى السنتين دول يتصلح بيه اى حاجة تحصل لا قدر الله
انا عن نفسى ناوى ان شاء الله اروح بعد بكره اروح اعمل صيانة ال 10 و العربية دلوقتى عاملة 12400 لو قالوا انت كده بره الضمان حاقولوا اشطه هات فلتر الزيت و حاخد بعضى و امشى و ملعون ابو الضمان بتاعهم

المشاركة الأصلية كتبت بواسطة ghamrawy

اللى حايدفع مصنعية فى السنتين دول يتصلح بيه اى حاجة تحصل لا قدر الله
انا عن نفسى ناوى ان شاء الله اروح بعد بكره اروح اعمل صيانة ال 10 و العربية دلوقتى عاملة 12400 لو قالوا انت كده بره الضمان حاقولوا اشطه هات فلتر الزيت و حاخد بعضى و امشى و ملعون ابو الضمان بتاعهم

المشاركة الأصلية كتبت بواسطة yoko

كلكس والمفروض هغير كاليبر وديسكات (هدفع إستهلاك بس)

ما هو دة اللى بتكلم فيه.. اولا بتدفع مصنعيات غريبة.. بالاضافة لإن الضمان يعتبر وهمى..
بردو انت يا احمد، انت غيرت الكلاكس دة بعد مدة اد ايه من شراء العربية؟ لكن تفتكر لو رحتلهم بعد سنتين من شرا العربية، تفتكر حيغيرولك الكلاكس تحت الضمان ولا حيقولوا العربية سليمة معاك بقالها سنتين؟

الديسكات دى لسة حنشوف.. بس انا شايف انهم مصرين ان دة شىء طبيعى و ان الديسكات تتغير على 40000 الف او اقل دة عادى و مناسب لظروفنا..
انت عارف، لو قالوا الضمان سنة واحدة، حيبقى كفاية اوى، لأن فى خلال السنة دى حيبان تقريبا الحاجات اللى ممكن يغيروهالك فى الضمان ، اللى هى حتكون حاجات بسيطة نوعا ما.. انما هما بيربطوك بكلمة ضمان 3 سنين، فأنت تفضل تروح تعمل الصيانة فى التوكيل و دة بيمثل نسبة كبيرة من ماكسبهم اعتقد، مع ان لو حصل حاجة بعد اكتر من سنة فى العربية، الرد الطبيعى اللى حيتقال سوء استخدام، او العربية مصممة انها تعمل كدة..
يعنى اقصد، انت لو التزمت معاهم سنة او سنتين بالكتير اوى اوى اوى و عصرت على نفسك لمونة و دفعت لك فى كل صيانة على الاقل خالص 500 او 600 جنيه ( انا عارف ان جزء كبير اوى منهم قطع غيار بس بردو المصنعيات كتير اوى على اللى بيعملوه خصوصا انهم بيعملوا حاجات مفيهاش فن فى صيانة ال10 و ال20 و ال30، حاجات تافهة بجد ما تستحقش خالص الارقام اللى بيوقولها دى، و كمان الحاجات المفروض تخلص فى وقت اقل من اللى بيعدوا يشتغلوه بكتييييييييير اوى )
تغيير زيت و فلتر هوا و فلتر بنزين.. الكلام دة يخلص فى ساعة او ساعة ونص بالكتير اوى اللى هو حيطلع لك فى لااخر مصنعية مثلا 150 جنيه ؟ القيمة نفسها كبيرة على الخدمة اللى قدموها.. تغيير فلتر و زيت دة كله كلام فاضى.. حتى البوجيهات دى تتفك و يركب الجديد فى بالكتير اوى اوى اوى نص ساعة و المفروض اقل..