الموضوع: الى ملاك الايفو اوتو

المشاركة الأصلية كتبت بواسطة sky_walker

نصيحة متوجعش دماغك هاتلك عربية اوتوماتيك صريحة بلاش إللي مش راسية على بر هي اوتو و لا مانيوال.... الإيفو دي مش وش بهدلة و خاصة زحمة مصر و بتتجن عليك بقى و بتطلع errors كتير و هتصدعك و لو لا قدر الله طلعلك فيها مشكلة محدش هينفعك لا في التوكيل و لا برة لأنهم مش الخبرة الواو فيها و هتلبس أسود فعلى إيه وجع الدماغ !!!

على فكرة.. الشركات الكبيرة كلها بتغير من الأوتو العادى ده .. لـAutomated Manual Transmission (سواء Cultch أو Dual-Clutch) عشان الأداء وتوفير الوقود..
وياريت ما ننساش أن فيات هى اللى نقلت التكنولوجيا دى من الفورميولا Ferrari F1 لفيررارى F355 لألفا روميو 156 Selespeed وأخير الـDualogic لفيات...! ومازالت هى الفتيسات المعتمدة فى أسرع سيارات الأرض...!
يعنى لما العربية تقولك أن فيه حاجة غلط Errors و Check Manual و Contact FIAT Dealership .. يبقى كده صداع...؟؟؟!!
ولما العربية تقولك الـErrors دى 4-5 مرات قبل ماتعملى الحادثة... وحضرتك تنفضى.. وتشدى الدواسة لفوق.. وتدورى وتمشى تانى... يبقى كده صح (ده كلام أوماترا من الـscan بتاع كمبيوتر عربيتك)

يا أستاذة sky_walker أنا مرة عربيتى أتخبطت من ورا... لمبة اللوح أتحرقت.. العربية قرفتنى Check Number Plate Light ... ودى لمبة النمر...!!!
أنت بقى بتقولى أن ماستر الفرامل كان فيه مشكلة والحادثة حصلت كده... بدون سابق أنذار حتى... طب أزاى؟؟؟!!!

المشاركة الأصلية كتبت بواسطة sky_walker

بص هي زي المانيوال بظبط بس بدون دبرياش و هي اللي بتنقل لوحدها يعني تلاقيها بتتزحلق في المطلعات و بتكركر لو مش ظابط رجلك عالبنزين أول ما تطلع و مع كل نقلة هي بتجبها إنت بتحس بسحبتها فعلا و لازم تخف رجلك من على الدواسة و كدة يعني ليها معاملة خاصة فإنت يا تجيب عربية مانيوال يا إما أوتوماتيك بلاش ستايل 2 في 1 ده.

حضرتك ممكن تتعاملى بالـHand Brake فـ المطالع... لو عربيتك مفيهاش Hill Holder... عشان كده أنا مابلزقش فـ عربية سايقاها واحدة ست... لازم ترجع عليك..!
وبتكركر دى صعبة أوى: ماهو يا حضرتك بتحطى بنزين 90, أو بتسوقى ECO وبتضغطى عـ الدواسة مرة واحدة.. بما لا يتناسب مع الـEco driving mode لأن العربية بتبقى واخدة غيار عالى طبعا... وأكيد الفتيس ليه special training وللأسف أوماترا مابتعملوش...!!!

المشاركة الأصلية كتبت بواسطة sky_walker

و كمان لما تيجي تجيب عربية هات عربية إللي بيبيعها بيفهم فيها و يوم ما يحصلها حاجة يعرفوا يعملوهالك مش تدوخ العشر دوخات و إسأل مجرب عشان أنا إتحديت رأي الناس كلها و قلت الفيات دي safety, technology, design, brand,etc..... ولا حاجة من دول نفعتني :)

btw أوماترا فعلا أقل من مستوى العربية فنيا... بس مش للدرجة اللى بتقوليها دى..!
أنا عن نفسى... مفيش حاجة فكوها فـ البرافو (ولا الألفا قبل كده) وعرفوا يرجعوها زى الأول..!!
بس برضه مش بالسوء اللى حضرتك فاهماه... عـ الأقل عشان الـTechnical Support الجامد من فيات.. مش عشان هما شاطرين.
(شوفى كده منصور عامل أيه فـ الأوبل).

المشاركة الأصلية كتبت بواسطة moh.aboelkheir

بالضبط و حتى في الاوتو الاستبترونك ... العربيه هتكيس هتسقط نققله و هتحس ان فيه اجابه بطيئه جدا ... يعني من الاخر اي عربيه مانيول اوتو ديولوجيك " جن ازرق " لازم تكون فاهما كويس علشان تعرف تأخد منها اللي انت عايزه بدون تعب ... و ده بيجي اكيد من كتر الاستخدام ... و على فكره انا شايف اختراع الديولوجيك ده حلو في فكره ان انت متحكم في العربيه مش العربيه اللي متحكمه فيك " ذي الاوتو العادي " ... و ربنا يوفقك في الشراء ان شاء الله :)

الله ينور عليك يأبو الخير... لأزم تعرف تتعامل أزاى مع الـDualogic/Selespeed لأنه معقد شوية الصراحة (كعادة الأيطالى فـ الـElectro)..