الموضوع: مطلوب ملاك الجيتا

اية ياجماعة فين رجالة فولكس هو ماحدش عندة جيتا ولا اية الموضوع بقالة يومين وماحدش رد علية

بص يا باشا العربيه بينزل منها كراسى كهرباء بس فى اعلى فئه و دى ب 217 تقريبا ...و بالنسبه لموضوع ضمان و لا خليجى انا جبت خليجى بس كان ساعتها التوكيل بيسمح بصيانه الخليجى بس دلوقتى بيطلب 7500 كرسوم دخول للعربيات الخليجى ...دا غير ان العربيات الخليجى بيبقى فيها كماليات اعلى زى الجنط ال 17 و الحساسات الاماميه ....بالنسبه لاستهلاك البنزين فانا شايف انه كويس..يعنى على الطريق مثلا بتعمل 7 لتر لكل 100 كم كمتوسط على طريق زراعى ....و الثبات مفيش حد يختلف عليه العربيه بتديك ثقه غريبه ماشاء الله و دا اصلا اكبر ميزه فيها ....السحب بقى دا موضوع لوحده ...العربيه دى لو انت مش واخد عليها هتحس ان طلعه العربيه تقيله اوى و ان العربيه مش بتجرى فى الاول....بعد فتره رجلك هتاخد على الدواسه و تعرف تجريها كويس و تاخد منها اللى انت عايزه .....عاما تقدر تقول ان طلعتها تقيله سنه بس بعد كدا بتجرى جامد جدا ( غيلر اليابانى بيجرى على الاول و التانى و بيقل السحب بعد كدا ) ...انا شايف عيبها القاتل هو ان العربيه و اااااااطيه جدااااااا و دى مشكله كبيره مع مطبات مصر اللطيفه

نصيحه لوجه الله
ياباشا انا عندى جولف 5 موديل 2008 والعربيه الجيتا والباسات حتى 07 نفس الماتور والفيتيس هى والa5 والسيات ليون والابيزا
والفتيس بتاع كل العربيات دى فيها عيب صناعة وهو عقل الفتيس الvalve body وان الفتيس بتاعها مش بيستحمل الحرارة
وروح بنفسك الحرفيين وخلف حديقه بدر فى جسر السويس والتوكيل واتأكد بنفسك
انا باظ فى عربيتى العقل وهى ماشيه 37000 كم واستعمال نظيف جدا وسمعت ارقام فى التصليح 14000 الف وتسعه الاف خارج التوكيل ووانا بصلح العربيه كان فى عربيه جيتا عامله 97 كم كان بايظ فيها عقل واخرى باسات
نصيحة لوجة الله بلاش الجيتا علشان عيب الفتيس
ولو خلاص هتجيبها ابعد عن الخليجى نهائى نهائى نهائى علشان الصيانه وعيوب الصناعة
انا مش بنقد الجيتا او الجولف هما عربيات قوية جدا وامان عالى وثبات عالى بس بها عيب ف الفتيس واسأل بنفسك ومتكسلش انزل واسأل

صباح الفل

شوف يا ريس .... أنا جايب الخليجي من 2009 (علشان أنا اصلا عايش في الخليج) وناوي انزلها السنه دي إنشالله ، العربيه عامله معايا حوالي 35000 كم وبصراحه اا مش شايف فيها عيب غير يمكن موضوع الطلعه الأولى الضعيف شويه ، فيما عدا ذلك بودي زي الفل (إنسى الياباني) ، ثبات على الطرق السريعه مالوش حل وانا أكتر واحد ممكن أقولك على موضوع الثبات ده لأن السرعات هنا 160 قانوني (ناهيك عن إلي فوق القانوني) وعلى فكرة الخليجي بيكون مواصفاته أعلى في البويه والفرش والجنوط والتكييف والعزل ، أما موضوع الفتيس فانا اول مرة اسمع عنه وبقالي سنتين بأستخدمها وما حصلش مشاكل لغاية دلوقتي والحمدلله

مشاكل الفتيس حقيقيه في الفتيس الجديد dsg