الموضوع شكله عاوز ثوره تانيه

**Ahmed Anwer** · 28-02-2011 12:02 AM

عامة أنا شايف تهويل شوية في أخبار إنعدام الأمن

بس يمكن عشان متعرضتش لحاجة شخصيا

كحل مؤقت بدلا من حكاية الأسلحة و الحلول الخطيرة

عندنا في الشارع ،،،

سكان الشارع مأجرين تلاته غفرة ،،، بدلا من اللجان الشعبية

منها نساعد الناس الغلابة بحاجة يسترزقوا بيها و منها أمن

بس معندهمشي الصراحة الالتزام بتاع اللجان الشعبية هههههه

يعني مفيش وريني رخصك و داخل هنا تعمل ايه و رفع المساحات و الحاجات دي ،،،

بخصوص عودة الشرطة ،،،

فالواضح إنهم عايزين يرجعوا بشروطهم

و الشعب عايزهم يرجعوا بشروطه

بس لو فيه نية سليمة ممكن يرجعوا باسرع وقت ممكن

و حكاية الناس بتبهدلهم دي ليها مليون حل ،،،

أولا ،،، يحترم الناس و ميتكلمشي غير بالقانون

ثانيا ،،، زي ما الأخ قال ممكن في شكل لجان ،، في شكل حملات ،، ميبقوش أفراد

معتقدشي الشعب عنده الجرأة إنه يهاجم لوحده كده بدون داعي لجنة أو حملة فيها عدد كبير من افراد الشرطة

بس برده يكلموا الناس كويس

**wael17** · 28-02-2011 12:26 AM

المشاركة الأصلية كتبت بواسطة a.saad

زمان كان فيه تنظيم واللى كان بيتأذى فيهم كان زمايله بيجيبوا اللى اتعدى عليه
دلوقت لا خلاص مفيش كدة
كمان الشعب نفسه زى ما enas75 قالت هو اللى بيتعدى عليهم
يعنى واقعة تانية اكتبت فى المنتدى
ظابط بيكلم سواق ميكروباص بادب انه ميقفش فى نص الشارع
الركاب نزلت ضربت الظابط
انا لو مكانه
هانزل ليه ؟؟؟؟؟؟؟؟

مش عارف الناس تقول الشرطة فين و سايبانا من غير حماية ليه و لما ينزلوا الناس تشتمهم و كل واحد يشوف ظابط يشتمه و يروح يحكي لاصحابه دانا عملت و سويت...و لو ظابط مسك بلطجي الناس تنزل تضرب في الظابط...مش فاهم الناس عايزة ايه بالظبط!

**misoalex** · 28-02-2011 12:47 AM

المشاركة الأصلية كتبت بواسطة wael17

مش عارف الناس تقول الشرطة فين و سايبانا من غير حماية ليه و لما ينزلوا الناس تشتمهم و كل واحد يشوف ظابط يشتمه و يروح يحكي لاصحابه دانا عملت و سويت...و لو ظابط مسك بلطجي الناس تنزل تضرب في الظابط...مش فاهم الناس عايزة ايه بالظبط!

مين الناس الى حضرتك بتتكلم عنهم

ياريت حضرتك تفسر كلامك
الناس دى هى انا وانت والى هنا فى المنتدى

انت ضربت او شتمت ظابط بصفتك واحد من الناس ؟

حضرتك لو بتتكلم عن الى حصل للظابط الصايع الى طلع سلاحه الميرى وموت بيه واحد فده يستاهل اكتر من كده
والناس مضربتش الظابط غير لما شافوه بيموت الراجل بالرصاص
انت لو اتضربت بالرصاص من ظابط عاوز الناس تسكت

احنا بنقول الشرطه ترجع فى صفتها الرسميه لحمايه الناس مش لقتل الناس
والظابط الى اتضرب ده مكانش بيأدى عمله ولا واجبه على فكره

بس برضه لو الشرطه رجعت على الطريقه والوضع الاولانى من ظلم وقهر وقله ادب يبقى حتاخد على دماغها

والشرطه لو عاوزه تلم البلطجيه حتلمهم على فكره مش مستنيانا نتكلم

**Abo_Lina** · 28-02-2011 12:47 AM

أغرب حاجة إن كل المناشدات في التلفزيون هي موجهة للمواطنين بضرورة الترحيب بالشرطة و التعامل معهم بإحترام إلخ

مع إن الكلام ده هو اللي مفروض يتوجه للشرطة و إنهم قبل ما يرجعوا يتعهدوا للناس إنهم إتغيروا و إنهم تابوا توبة نصوح و إن زمن الرشاوي و الإتحاد مع البلطجية و المسجلين قد إنتهى ..

مافيش حد مش عاوز شرطة .. بس شرطة عادلة و محترمة

**nevozaky** · 28-02-2011 01:07 AM

المشاركة الأصلية كتبت بواسطة misoalex

مين الناس الى حضرتك بتتكلم عنهم

ياريت حضرتك تفسر كلامك
الناس دى هى انا وانت والى هنا فى المنتدى

انت ضربت او شتمت ظابط بصفتك واحد من الناس ؟

حضرتك لو بتتكلم عن الى حصل للظابط الصايع الى طلع سلاحه الميرى وموت بيه واحد فده يستاهل اكتر من كده
والناس مضربتش الظابط غير لما شافوه بيموت الراجل بالرصاص
انت لو اتضربت بالرصاص من ظابط عاوز الناس تسكت

احنا بنقول الشرطه ترجع فى صفتها الرسميه لحمايه الناس مش لقتل الناس
والظابط الى اتضرب ده مكانش بيأدى عمله ولا واجبه على فكره

بس برضه لو الشرطه رجعت على الطريقه والوضع الاولانى من ظلم وقهر وقله ادب يبقى حتاخد على دماغها

والشرطه لو عاوزه تلم البلطجيه حتلمهم على فكره مش مستنيانا نتكلم

على فكرة الراجل ما ماتش لسه كانوا قايلين فى برنامج مصر النهاردة من شوية . بس فعلا لازم يبقى فى حل انا مش عارفة اقول ايه اكتر من اللى قالوه الزملاء .بس فعلا ايه اخر عدم الشعور بالامن والامان ده ؟

**misoalex** · 28-02-2011 01:18 AM

المشاركة الأصلية كتبت بواسطة nevozaky

على فكرة الراجل ما ماتش لسه كانوا قايلين فى برنامج مصر النهاردة من شوية . بس فعلا لازم يبقى فى حل انا مش عارفة اقول ايه اكتر من اللى قالوه الزملاء .بس فعلا ايه اخر عدم الشعور بالامن والامان ده ؟

مماتش بس بين الحياه والموت
وشوفت امبارح الظابط وهو فى المستشفى فى العاشره مساء

**dr-mohamed** · 28-02-2011 01:29 AM

المشاركة الأصلية كتبت بواسطة shnory

طيب طالما قاعدين يقشروا بصل وسايبينها والعه
يبقي الحكومه تفتحلنا تراخيص السلاح بالفيش والتشبيه
وان اللي حيرخص ميكونش عليه اي احكام جنائيه

حلو وتبقي حرب اهلية
حل مش مصمون ابدا يا شنر وخطره اكتر من فايدته مابي ن ناس مش بتعرف تستخدم سلاح اصلا وناس تهرج بيه وناس متاخدش احتياطات الامان لوجوده في البيت وبلطجية ملفاتهم اتحرقت في الاقسام وووووووووو

المشاركة الأصلية كتبت بواسطة muslim_nsb

الحل هو :-
احنا عندنا ما لا يقل عن مليوم جندي امن مركزي والبركة في مبارك كان عاملهم ظهره لاكن طلعوا اول من هرب

كلمة امن مركزي دلوقت يبقي هاينضربوا في الشوارع علني ويتسحلوا كمان

المشاركة الأصلية كتبت بواسطة misoalex

الكلام ده صح طبعا
وزود عليه ان 50% من السلاح والزخيره الى مع البلطجيه دلوقتى هيا الى ادهالهم من الاقسام عشان يطلقوهم على الشعب يوم 25 و28
هما اللى ادوها لهم ازاي يا ميزو اذا كانت الاقسام اتحرقت واتسرقت ؟
الحل الجزرى من وجهه نظرى هو ان وزير الداخليه لازم يتغير ويجى واحد يشهد له بالاحترام والضمير وليس الكفأه فقط
مهو العادلى كان كفأه بس كان ظالم
لازم الوزير يتغير لان بقالنا شهر والموضوع بيزيد كل يوم عن التانى

يعنيهو تغيير وزير لاداخلية هو الى هايخلي الناستعامل الشرطة كويس ويشتغلوا تاني صح ؟

المشاركة الأصلية كتبت بواسطة smartchoice

الحل الوحيد ان الجيش يبطل مياعة و مسخرة و طبطبة و يعلن الأحكام العرفية و يشد البلد شدة محترمة لحد ما يلموا ال 11,000 سجين الهاربانيين و الأمن يرجع للشارع تانى و أى حد ينزل بعض الساعة 12 يتاخد علطول محاكمة عسكرية و يشوفوا الناس دى بتنيل أية
بدل حظر التجول المايع اللى ملوش أى معنى و الناس كلها مالية الشوارع عادى
و كمان الجيش يمنع منعا باتا لأى مظاهرات فئوية بالقوة
و ده الحل الوحيد اللى هيرجع سيادة القانون و بعدين لما يبقوا يتنيلوا يعملوا أنتخابات رئاسية و شعب و شورى و الأمن يستتب الناس تبقى تنزل بقى تتظاهر و تعمل أعتصامات و يتفسحوا فى التحرير براحتهم

+++++++++++++1

المشاركة الأصلية كتبت بواسطة wael17

مش عارف الناس تقول الشرطة فين و سايبانا من غير حماية ليه و لما ينزلوا الناس تشتمهم و كل واحد يشوف ظابط يشتمه و يروح يحكي لاصحابه دانا عملت و سويت...و لو ظابط مسك بلطجي الناس تنزل تضرب في الظابط...مش فاهم الناس عايزة ايه بالظبط!

++++++++++++++++1

المشاركة الأصلية كتبت بواسطة mohamed_rashad

من هو وزير الداخليه الجديد؟؟ بقلم عمر عفيفي
المصدر/ عمر عفيفى

عمر عفيفي كان في امن الدولة واترقي لغاية ما وصل عقيد وهرب لامريكا واخد لجوء سياسي
تصدق كلمة واحد استمر لغاية رتبة عقيد في امن الدولة ؟

المشاركة الأصلية كتبت بواسطة misoalex

مماتش بس بين الحياه والموت
وشوفت امبارح الظابط وهو فى المستشفى فى العاشره مساء

الاتنين حالتهم معقولة ومفيش حد منهم بين الحياة والموت

**zeyad1810** · 28-02-2011 02:05 AM

راى الشخصى فى اللى بيحصل
حكومة الحزب الوطنى لسة بتحكم مصر والجيش لية ايد فى الموضوع لان سكوتة حتى الان غير مطمئن ابدا ويعنى انة شريك
لانة لو فعلا خايف ع البلد كان غير حكومة الحزب فورا بس هو بيدافع عنها مش عارف لية وكل شوية اصبروا علينا يعنى اللى غير رئيس مصر مش قادر يغير حكومة ؟؟؟؟ ازاى دى؟؟
الداخلية بتنفذ اللى الحزب مخططة وهو اثارة الفوضى فى الشارع ودة واضح لكل الناس بعد ما طلعوا الحرامية من السجون وبعدين يقولك احنا خايفين نتدخل ومخلين الناس تعيش فى رعب طب ما يقعدوا فى بيوتهم احسن دة ايام اللجان الشعبية الحرامية كانت متلجمة ومش بتعرف تعمل حاجة لما الناس وقفت تحرس بيوتها

احساسى ان شفيق هو الوجة القادم للحزب فى انتخابات الرئاسة وبكدة يركبوا ويدلدلوا رجليهم تانى