الموضوع: خطير جدا وللنقاش.. من مذكرات الشاذلى : الرئيس القادم جمال او شفيق

المشاركة الأصلية كتبت بواسطة col. Eng. Khaled

رأيي المتواضع

ممكن أكون مع بقاءه كرئيس حكومة مؤقتة لكن كرئيس الجمهورية لأ .

مبدأيا مش قادر أنسى له السقطة اللفظية بتاعة البنبوني مهما كانت نيته سليمه .......... يبقى على الأقل يتكلم إزّاي على كافة المستويات داخليا و خارجيا في مصير دولة ؟

المشاركة الأصلية كتبت بواسطة human12

سياده العقيد

لو اتساب رئيس حكومه هيبقى الريس بنسبه 80%

البلد ديه احنا عارفينها و عارفين بتشتغل ازاى و حضرتك عارف

كام مصيبه هيحلها و الاهرام و التليفزيون يشتغلوا على انجازات و ارقام عجيبه و نسبه نمو و رفع البورصه و عوده السياحه (شفيق منقذ السياحه) واستثمارات هتدفق (كده كده عشان اوربا قالت هتساعد) و هيبقى هو البطل المغوار اللى حمى مصر من ويلات الخراب (زى مبارك ما حمى مصر من ويلات الحروب)
و اخترناه اخترناه

شفنا الفيلم ده قبل كده فين؟؟

كلام حضرتك ممكن برضه ليه لأ

المشاركة الأصلية كتبت بواسطة tlrsiap

حضرة العقيد خالد , انا متوقع ان حضرتك بتعتبرني مهيج الجماهير , بس عايزك تفكر فيها , ما تعتبرش سقطة تانية انه يتصل على برنامج يقطع فيه الحديث بخصوص الدستور عشان يرد على واحد هاجمه (قال انه رافض وجوده في المنصب ده و رافض يعمل معاه لقاء بس دي نقطة فرعية نمشيها هاجمه و خلاص) , يا ترى حضرتك ممكن تقف لصنايعي في الورشة (مش هاقول موظف في شركة حضرتك مديرها) و تعايره بمرتبه قدام الناس كلها ؟
انا تخيلتها على مديري في الشغل , ما قدرتش اتخيلهااصلا



متفق معاك و السيطرة على الاعلام (عام و خاص , تليفزيون و جرايد) عمليا بدأت و شفناها خلاص

يا راجل يا طيب ما عاذ الله ، و لا عشت (أنا) و لا كنت لأزايد على وطنية حد ........ كلنا بدون إستثناء هدفنا الصالح العام

لما يحبه الله و يرضاه .......... مش معنى تصادم وجهات النظر إني أسيء ظنّي في وطنية حد .

موضوع قطع البرنامج (مع إني ما شوفتهوش) دي سقطة أخرى فاتت عليا حتى لو توفر حسن النية لكن الأسلوب خطأ .

مع احترامي لكل الآراء وكل الردود
انا شايف ان الامر محسوم بنسبة كبيرة جدا جدا
الرئيس القادم هو عمرو موسى ....... اعتقد ان اي متابع شايف كدة بوضوح ..... بوضوح تام
شفيق لو كمل الوزارة للفترة الانتقالية يبقى كدة فاق التوقعات ...... ويبقى كتر خيره جدا ..... ويبقى متشكرين أوي خالص

المشاركة الأصلية كتبت بواسطة human12

عزيزى
عمرو موسى هيتم حرقه شعبيا اكتر من حرق النظام للبرادعى سياسيا

و ده بدأ فعلا

ازاااااي ؟؟؟؟؟