و ده ايه ده كمان...؟!

**Raul_7** · 28-02-2011 11:05 AM

يا رجالة باب العربية اليمين قدام بيفتح لوحده....أه و الله بيفتح لوحده! أنا كنت فاكر اني بهيس في الأول. أول مرة كنت ماشي علي المحور واللوك مقفول و كله تمام و فجأة لقيت الباب اليمين قدام قام مفتوح نص تكة, ده و الباب لوكد!

تاني مرة انهاردة واحد صاحبي راكب معايا و فجأة لقيتو بيقوللي ايه ده! الباب فتح لوحده!

الفكرة ان بعد ما تقفل الباب و تقعد تخبط و تحاول تفتحو مايفتحش, فالسؤال بقي الباب بيفتح نص تكة ازاي و هو لوكد؟؟

**Mohab.Nabil** · 28-02-2011 12:39 PM

انا كان عندى مشكلة شبيهة حضرتك فى الباب اليمين برضو بس كان مش بيرضى يفتح فى كثير من الاوقات و لما يتفتح بعد عناء تحس ان فيه صوت تكسير فى القفل بتاع الباب و قلت للتوكيل على المشكلة ديه فى صيانة الـ 10 الاف و الحمد لله الموضوع اتحل

اعتقد ان المشكلة اكيد فى القفل و ان شاء الله الأمر بسيط و التوكيل يحل المشكلة فى اقرب زيارة

معلش بقى لازم نستحمل بعض المشاكل البسيطة ديه فى سبيل الاستمتاع بالجينا و لو ان الموضوع فى ساعات بيبقى رخم شوية

**Nistelrooy** · 28-02-2011 01:25 PM

اية ده .. راكب معاك عفريت ؟!

اطلع ع التوكيل علطول يا محمود تكون ماشي تلاقي الباب اليمين فتح لوحدة ويجي حد ماشي علي يمينك يطيرة كله وتحصل مشاكل ..

**Raul_7** · 28-02-2011 02:15 PM

المشاركة الأصلية كتبت بواسطة rs12

انا كان عندى مشكلة شبيهة حضرتك فى الباب اليمين برضو :_alshmokh08[1]:بس كان مش بيرضى يفتح فى كثير من الاوقات و لما يتفتح بعد عناء تحس ان فيه صوت تكسير فى القفل بتاع الباب و قلت للتوكيل على المشكلة ديه فى صيانة الـ 10 الاف و الحمد لله الموضوع اتحل :b4_388:

اعتقد ان المشكلة اكيد فى القفل و ان شاء الله الأمر بسيط و التوكيل يحل المشكلة فى اقرب زيارة

معلش بقى لازم نستحمل بعض المشاكل البسيطة ديه فى سبيل الاستمتاع بالجينا و لو ان الموضوع فى ساعات بيبقى رخم شوية

تمام يا باشا هو الباب ده مش عاجبني كنت اشتكيت من الأكرة قبل كده انها مبتفتحش بسهولة بس هي دلوقتي كويسة, المشكلة في ان الباب بيفتح نص تكة و اللوك مقفول, حاجة غريبة.

المشاركة الأصلية كتبت بواسطة nistelrooy

اية ده .. راكب معاك عفريت ؟!

اطلع ع التوكيل علطول يا محمود تكون ماشي تلاقي الباب اليمين فتح لوحدة ويجي حد ماشي علي يمينك يطيرة كله وتحصل مشاكل ..

حجزت يا سامح بكرة ان شاء الله, ربنا يسهل.

**mememsaid** · 28-02-2011 04:20 PM

ابقي قولنا عملت ايه

**mangere90** · 28-02-2011 04:43 PM

السلام عليكم ورحمة الله وبركاته

علي اثاث انك راكب ترامكو هههههههههه
انا عندي بقي لازم انزل افتح للجانبي زي الشوفير
بس انا عارف العيب من ايه عندي وهي اربة السنتر
عند حضرتك هتلاقي العيب في كالون الباب نفسه
روح التوكيل وكل حاجه هتبقي تمام ان شاء الله
وربنا يباركلك في جيجي ويكفيك شر طريقها

**Mo.khalaf** · 28-02-2011 05:55 PM

أبقى طمنا ياحودا وقلنا عملت أيه

**Raul_7** · 01-03-2011 02:18 PM

لسة راجع من التوكيل من شوية, قالولي تم مراجعة الأبواب و كله تمام, طبعاً انا معنديش فكرة المشكلة اتحلت و لا لأ, بس كله هيبان. :)

**م.محمد مختار** · 01-03-2011 10:50 PM

توكيل مين يا عم!! ده شغل بسم الله الرحمن الرحيم.... اطلع على شيخ يقراألك عليها سورة البقرة... :)

سؤال: هو انت من اللي ربنا ابتلاهم بناس تركب معاهم ويرزعوا الباب؟؟؟

**Raul_7** · 01-03-2011 11:46 PM

المشاركة الأصلية كتبت بواسطة م.محمد مختار

سؤال: هو انت من اللي ربنا ابتلاهم بناس تركب معاهم ويرزعوا الباب؟؟؟

آه طبعا يا باشمهندس, العائلة الكريمة.

الموضوع: و ده ايه ده كمان...؟!

LinkBack

أدوات الموضوع

عرض

-

-

-

-

-

المواضيع المتشابهه

ايه ال Pin ده كمان؟

حد عنده كدة كمان ؟!!!!

قول يا عمار قول .. ربنا ينور لك بصيرتك كمان و كمان يا رب

أنا نازل كمان شوية "أنت كمان لازم تنزل" + متصدقوش أى حاجة بتتقال فيه جواسيس من النظام

الكلمات الدلالية لهذا الموضوع

المفضلات

المفضلات

ضوابط المشاركة