الميه بتسقط من الريداتير :s

**sherbiny** · 28-02-2011 02:23 PM

مساء الجمال على شباب الثوره يارب تكونو بالف خير انشاء الله.........
انا والحمد لله وبعد فترة 6 شهور بدور على عربيه محترمه لقيت اوبل كورسا 2005 زي الزيرو بالظبط
بس للاسف فيها مشكله وعرفتها بعد ما اشتريتها وهيا مش فيها لوحدها هيا في الالماني كلو ان العربيات دي بتسخن وكان في عندي عيب في الريداتير والحمد لله ربنا وقعني في واحد استيراد بــ 250 جنيه واصي والحمد لله بس امشكله انه بينقط ودي اول مره في حياتي اركب الماني انا كنت على طول بركب ياباني بس الحمد لله فياريت ياجماعه حد يعرفني ايه عيوب العربيه دي ايه ومين الميكانيكيه الشاطرين في العربيه دي ومين بتوع الريداتيرات الجامدين واهم حاجه تعرفوني بس ايه ممياتها وايه عيوبها .....................
وشكرا يا احلى شباب في مصر

**Mostafa.Ismail** · 28-02-2011 06:20 PM

انا بصراحة معرفش حد بتاع ردياتير بعينة, بس ممكن تجرب تروح مقار.

**فادى محمد** · 28-02-2011 06:36 PM

علي فكره انا ماكنتش باركب غير ياباني وكنت باشعر في ركوبه انما لما جربت الالماني اكتشفت اني كنت باركب عجل .الالماني مش عربيات بتسخن ..الالماني عربيات بتشتغل عند درجه حراره عاليه علشان تطلع احسن اداء وتوفر بنزين وكل الخامات المستخدمه في حوض الموتور ودوره التبريد مصممه انها تستحمل درجات حراره عاليه -لو الرادياتير بينقط معني كده ان دوره التبريد اخده هوا ولازم تسخن الموتور ..شوف حد يلحمه بالانتيمون ويظبطه ويفرغ الهوا من الدوره وهتستمتع بالعربيه دي خصوصا ان موتورها ماشاء الله 1600 ووزنها قليل علي الموتور وربنا يوفقك ..

**sherbiny** · 28-02-2011 06:53 PM

المشاركة الأصلية كتبت بواسطة hellboy

علي فكره انا ماكنتش باركب غير ياباني وكنت باشعر في ركوبه انما لما جربت الالماني اكتشفت اني كنت باركب عجل .الالماني مش عربيات بتسخن ..الالماني عربيات بتشتغل عند درجه حراره عاليه علشان تطلع احسن اداء وتوفر بنزين وكل الخامات المستخدمه في حوض الموتور ودوره التبريد مصممه انها تستحمل درجات حراره عاليه -لو الرادياتير بينقط معني كده ان دوره التبريد اخده هوا ولازم تسخن الموتور ..شوف حد يلحمه بالانتيمون ويظبطه ويفرغ الهوا من الدوره وهتستمتع بالعربيه دي خصوصا ان موتورها ماشاء الله 1600 ووزنها قليل علي الموتور وربنا يوفقك ..

هيا فعلا وزنها خفيف وفعلا الالماني غير اي حاجه في الدنيا بس الى مخوفني منها انها في الشتا بتسخن بالطريقه دي طيب في الصيف هتعمل فينا ايه

**tananybasha** · 28-02-2011 10:40 PM

السلام عليكم
المفروض ان الموتور ده مش بيسخن
و تبريده عالى
انه بيسقط ميه
يبقى فيه تهريب فى ضغط الدايرة
و لو فيه تهريب فى ضغط الدايرة
العربية هتسخن
لازم تكون الدورة مكبوسه كويس
غير كده العربية تسخن
شتا صيف
مكان حضرتك فين بالضبط