اقتباس المشاركة الأصلية كتبت بواسطة tarek gen 2 مشاهدة المشاركة
دى مقول منقولة من فيس بوكى توصف الوضع الحالى

الوضع الحالى عامل زى ما نكون فى مركب، شوية مننا بيأدفوا، وشوية مننا ماسكين خرايط وبيحاولوا يوجّهوا، وشوية بيشجعوا، وشوية راكبين وبس... فى شوية منا بقى راكبين يلطموا ويولولوا "مش هنوصَل.. مش هيحصَل.. احنا تُهنا.. الدنيا هتلييل .. انتو مابتعرفوش تأدفوا.. المركب دى مخروومة .. الخريطة دى شكلها مضروب .... الشراع ده مش مصرى ده شراع من برة و مش هيستحمل الهوا هنا و هيتقطع و هتيغرقنا.. المركب لونها مش عاجبنى لو كان بينك كان يبقى احلى.. البلاك بيرى بتاعى مش لاقط ... الواد اللى على اول مركب ده يجنن يخربيت ضحكته ... الخ الخ الخ

هي فعلا مقولة معبرة جدا عن الوضع الحالي و اتعمل عنها موضوع امبارح و ده كان ردي فيه

هو كلام معبر فعلا بس ممكن يتفسر بطريقتين

الشوية الي بيأدفوا: اللي هما ينزلوا المظاهرات و يعملوا اعتصامات و بيتصرفوا علي انهم بس اللي فاهمين البلد ازاي تمشي
الشوية الي بيلطموا و يولولوا: اللي بيقولوا كفاية مظاهرات...البلد خربت...الخال واقف...الاقتصاد انهار...مفيش أمن

و في التفسير التاني

الشوية الي بيأدفوا: اللي عايزين ينزلوا اشغالهم و يبنوا بلادهم تاني و يضعوا حد للفوضي و انعدام الامن و يشوفوا البلد بتتقدم مش بتنهار
الشوية الي بيلطموا و يولولوا: اللي بيقولوا الثورة مطالبها ماتحققتش...مبارك هو اللي بيحكم في السر...الحزب الوطني عمل و سوي...الثورة بتتسرق...الحقوا الثورة المضادة...يسقط شفيق و يسقط كل من شغل اي منصب في عهد مبارك

شفت الكلام ممكن يتفسر بطريقتين ازاي
انا مع التفسير التاني !