الموضوع: هما كام اتلاف للثوره

المشاركة الأصلية كتبت بواسطة aminibrahim

انا كل يوم بشوف مجموعه شكل

وكل مجموعه ليها مطلب زياده عن التانيه

ان مابقتش فاهم حاجه خالص

حضرتك انا مشوفتش غير محموعة واحد بس ودى اللى بتيجى على كل الفضائيات واغلبهم شباب 6 ابريل و كلنا خالد سعيد وبعض شباب الأحزاب والقوى السياسية الأخرى

المشاركة الأصلية كتبت بواسطة mahmoud saloum

صدقنى يا أخى الفاضل الأفضل ليك انك متبقاش فاهم حاجة خالص لأنك لو فهمت اللى بيحصل هتعيش فى رعب وهيجيلك اكتئاب نفسى لأن اللى بيحصل كلام كبير قوى وفى منتهى الخطورة وربنا يستر

طب ما حضرتك توضحلنا عشان نخاف وناخد احتياطنا

المشاركة الأصلية كتبت بواسطة itsonlyme

طيب ... أنا هعتبر سؤال حضرتك جدي ومش من سبيل الاستهزاء

هما اثنين اساسيين ... وكمان واحدة شباب والتانية كبار

1)ائتلاف شباب الثورة
ودول شباب 6 ابريل وصفحة كلنا خالد سعيد وشباب الاخوان وشباب أحزاب أخرى.
دول قابلوا الجيش مرتين ... آخرهم يوم 27 فبراير
صفحتهم على الفيس بوك

بيان بمطالبهم العاجلة والآجلة

2)مجلس أمناء الثورة
ودول مجموعة من المشاهير ... بعض الكتاب والاعلاميين والمفكرين ولعيب كورة :)

وده خبر تشكيل المجلس
في رايي المجلس ده ملوش دور فعال.

في حاجة تالثة اسمها اللجنة التنسيقة للثورة بس معنديش معلومات عنها.

لو عايز تتابع ... تابع ائتلاف الثورة.

+111111111111

المشاركة الأصلية كتبت بواسطة hagan

تعليق حضرتك عاجبني اوي يا استاذ طارق
و تشبيه حضرتك للوضع بالمركب التي تسبح في وسط امواج عالية
و لو اني اري ان فعلا هذا التشبيه الدقيق
هو الذي يوصلنا (( للفوضي )) و لو اننا تفقدنا حال المركب بعد ساعة او ساعتين من المشهد الذي شرحته حضرتك سنجد الاختلاف قد دب بين الراكبين كلا له رأيه و منطقه
(( المجدفين يرون ان افضل حل هو استمرار التجديف )) و يطلبون من الكل مساعدتهم في التجديف لان ده هوه المهم الان
(( و الملاحين يرون ان عدم تحديد الاتجاه و استمرار التجديف بدون خريطة ما هو الا اضاعة للوقت و المجهود فلابد من توضيح المعالم و الاتجاهات المصاحبة للتجديف )) و عليه يطلبون من المجدفين الانتظار قليلا كي يحددو لهم الوجهة الصحيحة
(( و اللي راكبين و بس يجب علي اللي تصدرو للمسئولية انهم يوصلوهم بأمان للبر و عدم مشاركتهم في التجديف او استطلاع النجوم و الاستدلال بالبوصلة لوثوقهم المطلق في القائمين علي ذلك ))
(( المجموعة بتاعة اللطم و التشكيك و الخوف و الذين لا يجدون مخرج لمحنتهم سوي بالخوف من المجهول و بعدم وثوقهم في المجدفين و الملاحين و الساكتين هؤلاء هم قله من الراكبين و سواء وجدو علي ظهر المركب او لم يركبوها اصلا فاحتمال كبير تغرق و محدش يحس بيها و احتمال اللي بيعملوه يخليها تغرق ايضا بسبب انفعالهم و خوفهم المفرط )) و يرون ان ما هم فيه بسبب ان المجدفين و الملاحين و الساكتين مختلفين فلذا لم يجدو الا النحيب
و من ذلك اصل بحضرتك الي اني ارفض هذا التشبيه مستقبلا
اي اني لا اوافق علي ان يحدث بنا ذلك (( كي لا تكون نسب نجاحنا في المرور للبر مساوية لنسب الفشل ))
نفسي الان و علي وجه السرعة
و بأطالب كل عاقل خلال المرحلة القادمة
ان نشبه حالنا (( بالجنازة ))
تخيل حضرتك ان الجنازة تم تجمع الناس في المسجد و حينما صلينا علي المتوفي خرجنا به للسيارة ثم تجمعنا كي يعرف كل منا كيف سنذهب للمقابر الجديدة التي لا يعرفها كل الموجودين بأستثناء بعض ابناء المتوفي
لو كل واحد فينا عمل ابو العريف و حاول يسلك طرق تختلف عن طريق سيارة دفن الموتي التي يركب فيها ابن المتوفي التي تسير بشويش سنضل الطريق و لن نصل الي المقابر و لن نحضر الدفن سواء الميت (( في الجنة او لا قدر الله في النار )) فهذا يعلمه الله انما الواجب يحتم علينا جميعا ان نظل متماسكين وراء خيال السيارة حتي تصل بنا للمقبرة و بعد الدفن
بيعود كل واحد منا بأي طريق يريد و تتاح لنا وقتها الاختيارات و الاختلافات و يسمح لنا بذلك
لكن قبل ذلك بيكون الاختلاف معناه (( ضل الطريق )) و بنشوف اللي ركبو دماغهم و لم يسيرو وسط الجمع بعد الدفن و احنا ماشيين نجدهم يا عيني اللي بيزعق و اللي بيضرب كف علي كف انه كان فاكر الطريق ده اسرع و احسن و اللي بيقول اصل انا جاري من سنه جابني من هناك و غيرها من الاقاويل التي لن تفيد
و نفسي بقي نتجمع و نتفق اننا لسنا مختلفون
المواضيع اللي عمالة تضرب كل دقيقة في المنتدي ما هي الا الواقع في الشارع
الاعتصامات و الاستمرار في التظاهر ما هو الا دعوه (( لركوب المركب )) اثناء العاصفة
و لو حكمنا عقلنا شوية سنجد اننا مطالبون قبل ركوب المركب ان يتفق كل من سيركبها بأنهم مؤيدون (( لاشخاص بعينهم )) سوف يقودون هذه المركب اثناء الازمة اي وقت العاصفة
ثم حينما تهدأ العاصفة لا مانع ابدا من تنظيم المركب و طرح رؤي جديدة و يحق لمن بالمركب و قتها ان يختارو من بين الراكبين افضل قيادة لها خلال المرحلة القادمة من الرحلة
اذا اسلوب الجنازة (( هو ما اطالب به حاليا )) و ليس اسلوب المركب
و تقبل تحياتي

م.حاتم السباعي

جامد اوى التحليل ده
بس ممكن نمشى ورا العربية اللى فيه صندوق الجثمان من غير الجثمان نفسه ؟؟؟