عرض للطباعة
انا مش عارف الhorse power بتدل على قوة ايه بالظبط في المحرك والعزم بيدل على ايه ؟
يعني مين فيهم اهم ؟ او بمعنى اخر ايه تأثير كل رقم فيهم في أداء المحرك والسيارة ؟
وهل العلاقه بينهم طردية ؟ ولا ممكن يبقى فيه عربية بهورس باور متواضع ولكن عزمها شديد او العكس هورس باور عالي ولكن العزم ضعيف ؟
ارجو شرح الموضوع ده
وشكراااا جزيلا
العزم .. هو قدرة العربية على التحرك و بلوغها سرعات عالية فى وقت قصير
عدد الاحصنة ... هى قدرة العربية على الوصول لسرعات عالية بعد وقت معين و القدرة على الاحتفاظ بهذة السرعة
العزم اهم : اذا كانت متطلباتك بصفة عامة داخل المدينة مع نمط قيادة يميل الى الرياضيةاقتباس:
يعني مين فيهم اهم ؟
عدد الاحصنة اهم : اذا كانت متطلباتك بصفة عامة خارج المدينة و فى طرق مفتوحة و نمط قيادة يميل الى السرعات العالية
قوة العزم : تريح المحرك داخل المدينة فى نوبات الاسراع و التوقف وتشعرك بعدم بذل مجهود من السيارة فى التحرك و التوقفاقتباس:
ايه تأثير كل رقم فيهم في أداء المحرك والسيارة ؟
عدد الاحصنة العالى : تريح المحرك خارج المدينة فى السفر لمسافات طويلة بسرعات عالية
وتشعرك بأن السيارة ما زال لديها المزيد لتعطية
لا يشترط ان يكون بينهما علاقة فى معظم الاحوال ...يعنى ذى ما انت قلت ممكن سيارة ذات عدد احصنة عالى يوجد سيارة اخرى اصغر منها فى عدد الاحصنة و لكنها تزيد عليها بقوة العزم الاكبر .اقتباس:
وهل العلاقه بينهم طردية ؟ ولا ممكن يبقى فيه عربية بهورس باور متواضع ولكن عزمها شديد او العكس هورس باور عالي ولكن العزم ضعيف ؟
جري ايه يا عمرو هو انت سباق كده دايما ههههه كلام عمرو باشا 100 100 تمام كده.....
Ibiiiiiiiiiiiiiiiiiiiiiiiiiiiiiiiiiiiiiiizzzzzzzzz zzzzzzzzzzzzzaaaaaaaaaaaaaaaaaaaa For Ever
الف شكر يا عمرو باشا على اجابتك ربنا يكرمك
يعني نقدر نقول ان العزم يديك acceleration احسن ؟
والهورس باور يديك speed احسن ؟
يعني العزم اهم لينا في مصر ... طيب المفروض العزم يكون كام عشان نقول عليه كويس ؟ مايقلش عن كام ؟
وشكرااا
مش بالظبط كدة يا دكتور ..عشان الناس متفهمناش غلط ..لكن العزم تقدر تقول علية ...سهولة التحريك من الثبات و اعطاء سرعة معقولة فى وقت قصيراقتباس:
المشاركة الأصلية كتبت بواسطة Dr_Smart
والهورس ...تقدر تقول علية فتح العربية لسرعات و المحافظة على السرعة
وفى رأيى اة ..بالنسبة لمعظم الاحتياجات هنا ..انت محتاج عزم كويس
-و هو ملوش رقم معين لآنة مرتبط بحاجات كتير ذى حجم العربية وزنها عدد الافراد المتوقع يبقوا دايماً فيها واعلى عزم مع بيحصل RPM كام ... يعنى عشان تعرف انة كويس او لآ
تقارنة بعربية تانية نفس الحجم و الوزن تقريباً ولهم نفس ال RPM اللى فية اكبر عزم ..و تشوف مين عزمها اكبر .. كدة بيبان
وهو بيتقاس ..بالنيوتين على المتر
مثال : عربيتين متشابهين مثلاً
الاولى - 120 نيوتن / 4000 RPM
التانية - 110 نيوتن / 4000 RPM
يبقى الاولى تكسب .. وصلت يا دكتور
بص ياسيدى انا هؤلك الاول مثل بسيط جدا ...لوفهمتو..هتفهم ايه الفرق بين الاتنين
hores power=how fast you get the wall
torque=how far you take the wall with you
...............................
by paladin
.................................................. ..................
ثانيا:احنا معرفناش ايه هو التورك او العزم بالظبط.
التورك او العزم: هو القوه الاساسيه للمحرك الناتجه عن لفات الكرنك...وفى حاجات بتأثر فيه طبعا.....
زى وزن الكرنك نفسو والبساتم....دا غير انو بيتأثر بردو بتنفس الموتور او ال engine respiration ..او من الآخر بالair intake system
وبالتالى ال ignation system هيأثر بردو....وبالتالى ال exhaust system بردو ليه دخل...
طب كده لاحظتو حاجه....؟؟؟؟؟؟؟؟؟؟؟؟؟؟؟؟
ان كل العوامل الى انا ؤلت عليها دى..هى تقريبا مضمون الهورس باور!!!!
يعنى نفهم من كده ان العزم والهورس باور مرتبطين ببعض ......بدليل المعادله الصغيره دى...
horse power =عزم الدوران..مضروب فى عدد لفات المحرك على 5252
ومحدش يسألنى ال 5252 دى جت منين عشان مش عارف يا حسنين :D:D
..يعنى كده انت ممكن وبكل بساطه تعرف عربيتك بتولد كام حصان عند rpm معين
بس تكون عارف التورك بتاعك كام بالظبط :eek:
يعنى لو موتورك بيولد عزم 200 رطل مثلا وعايز تحسب عربيتك بتطلع كام هورس باور لما ال rpm يجى عند 4000 مثلا
يبقى 200 فى 4000 على 5252 =الهورس باور عند عدد اللفات دى ;)
طب لو عايز تحسب اجمالى القدره الحصانيه اللى بيطلعها موتورك !!؟؟؟
يبقى هتضرب ال200 اللى هى العزم..فى اقصى عدد للفات المحرك بتاعك..وليكن 6000 على 5252 =عربيتك كام حصان!!!
وشكرا
:cool:يا معلم بيجو حرام عليك ..كدة الراجل مش هايجى على التعليمى بعد كدة نوهائى
كل دة وشايلة فى قلبك يا مفترى:eek: هههههه :D:D:D
ايه الجمال ده
متشكرين يا معلم
nice post
احب اضيف تشبية كدة كان جة فى دماغى زمان... العزم اشبة بلاعب رفع الاثقال... بيشيل وزن محترم و يرفعة لاعلى نقطة... راجل قوى و "عزمة شديد"
القدرة اسبة بالعداء بتاع ال100 متر... سريع جدا و لو فتح فى السرعة "الراجل يحصلة"
و من هنا يبان القدرة و العزم بيقرفوا فى ايه و طبعا مفيش حد فيهم بديل للتانى لنا العداء مينفش يشيل حديد ولا بتاع رفع الاثقال يجرى 100 متر... صحيح ممكن يحاولوا لكن النتيجة حتبقى فى الضياع... زى ما تجيب موتور ديزل عزمة جبار تحاول تحطة فة عربية سباق... عمرها ما حتبقى سريعة و لو جبت موتور عربية F1 و حطيطة فى تريللا مش حيعمل اى حاجة
السواقة فى المدينة بتحتاج العزم اكتر من القدرة لانك بتقف و تمشى كتير و بالتالى بتحتاج عزم عشان تتحرك من الثبات مرة و اتنين و عشرة... على الطرق السريعة القدرة اهم عشان توصل لسرعة عالية
و فى النهاية لا القدرة و لا العزم مقياس لاداء العربية... المياس الصح هو زمن التسارع من 0 الى 100 و السرعة القصوى لان وزن العربية عنصر مهم فى المعادلة و ارقام العزم و القدرة مبتاخدش وزن العربية و بالتالى مبتبقاش اساس مقارنة دقيق او صحيح
MMamdouh
اقتباس:
المشاركة الأصلية كتبت بواسطة MMamdouh
با شمهندس ممدوح ..... تحياتي لك
أنا بس عندي تعليق صغير على كلام حضرتك الجميل
حضرتك بتقول إن لا القدرة و لا العزم مقياس لأداء العربية
طيب إزاي
مع إنك علشان توصل لسرعة 100 من الثبات اللي هو صفر بتحتاج عزم عالي
و لك مثال
البونتو مثلا .......... عربية بتطلع عزمها كله عند سرعة 3000 RPM
تمام
و الجين 2 بتطلع عزمها كله عند سرعة 4000 RPM
لذلك أنا أشعر إن البونتو في الطلوع أنعم و أسرع من غير ما أقرص على الموتور
لكن على السرعات العالية و بعد 100 ..... بيبدأ المحرك يخمل و بيبقى الطلوع من 100 لسرعات أعلى معذب شوية
على العكس الجين 2
اللي بتحتفظ بقوتها لغاية 180 و لو أني لا أزود السرعة عن 100 بأي حال من الأحاول و لكني كنت قد جربت قوة السيارة من قبل و كان الطريق خالي تماما عند الفجر تقريبا ........... ( أحسن الناس تفتكر إن أنا من هواة الجري و الشقلبظات )
يبقى أنا في رأيي أداء العربية الأفضل يقاس حسب نوعية القيادة
داخل المدينة البونتو و الجين 2 مع بعض حلوين
و لكن على الطرق السريعة .......... العربيات ذات القدرة الحصانية العالية بتكسب و تجعلك تشعر و أن السيارة مازال لديها المزيد و المزيد
و خصوصا لما الواحد يكون محمل
يبقى الأهم مش الوصول من 0 إلى 100 في سرعة قصيرة و لكن الأهم الأحتفاظ بالقوة و السرعة لمدة طويلة
و هذا كان رأيي البسيط و عن تجربة مع سيارات كثيرة ذات نوعية محركات مختلفة
و شكرا مقدما لسعة صدرك
انا قصدى ان رقم القدرة او العزم اللى مكتوب فى الكاتلوج مش هو المقياس... المقياس الحقيقى هو زمن التسارع من 0 الى 100 و السرعة القصوى لان ببساطة ممكن عربية مكتوب ان عزمها عالى لكن العربية تقيلة و بالتالى تسارعها اقل من عربية عزمها اقل لكن اخف بكتير
نفس القصة تنطبق على القدرة الحصانية و السرعة القصوى... الوزن عنصر مهم لاكتمال منظومة الاداء (جامد البق دة :D)
اكيد برضة اللى انت قولته مضبوط و بالتالى حنلاقى ال test drive افضل حكم على العربية بعيدا عن ارقام الكتالوج لان كل واحد بيسوق بطريقة مختلفة و له متطلبات قيادة محتلفة
MMamdouh
>>>>>>>>>>>>>>>>>>>>>>>>>>>>>>>>>>>>>>>اقتباس:
المشاركة الأصلية كتبت بواسطة FLYINGPEUGEOT
دا يا جماعه الكلام اللى انا ؤلتو قبل كده....وبيتفق معاكو كلكو
..............
يعنى كل واحد قال وجهة نظرو....وهى صحيحه طبعا بس بطريقه مختلفه
................................
.
وحبيبى توت....هو اخونا ممدوح ما يقصدش ان العزم والقدره الحصانيه ملهمش دعوه باداء الموتور....!!!
هو اللى حبيبى ممدوح يقصدو كاالتالى:
.................................................. ....
ان الارقام الفعليه الناتجه عن معادلة العزم والهورس باور......مش مقيااااااااااااس
لان من عوامل المعادل...هنلاحظ انها بتشتمل على عزم الدوران وعلى عدد لفات المحرك....
بمعنى ان احنا كده بنقيس كفاءة موتور محطوط على الارض...وليست اداءه بداخل السياره...
........
بمعنى ان احنا لو جبنا موتور 200 حصان مثلا...وحطينا نفس الموتور....فى عربيتين...واحده
127 والتانيه 504 .....ايه النتيجه؟؟؟؟.....127 هتسبها وتسافر.......
...........
يمعنى آخر الهورس باور او العزم ....بيأثر فيه العوامل الاتيه :
1-وزن السياره نفسها
2-وزن القطع الميكانيكيه نفسها...زى الكرنك...والبساتم
3-عامل ال aerodynamics
4-ال engine respiration
5-ignation system
6- exhaust system
8-fuel injection system
9-وحدة التعشيق
..............................
وكل العوامل التسعه دول...مش من ضمن...او خارج حسابات المعادله!!!!!!!!
.....
ودا كان تفسير كلمة ممدوح لما قال..العزم والهورس باور مش مقياس
وشكرا
ياباشا العوامل التسعه دول ممكن ان انا اجيبهم اخف من البيركبو اورجينال حيزود قدره الماتور الكلام ده صح ولا خطاءاقتباس:
المشاركة الأصلية كتبت بواسطة FLYINGPEUGEOT
هو انا بكلم غلط ولا ايه طب حد يفهمني انت فين يا هاني
رد عليا ممكن اجيبلك السندويتش :D
كلامك صح ...طبعب طبعا
عشان كده احنا لما بنعددل.لحد عربيتو على الموتور الاصلى بتاعو..
اول حاجه بنعملها...بنعمل على تخفيف وزن السياره والاجزاء
الميكانيكيه قدر الامكان والمستطاع والمتاح
طب يا هاني باشا المكونات الخفيفه دى بتجاب منين
دا بيرجع ياباشا لنوع العربيه.....وهل ليها قطع معدله...بتباع هنا ولا لأ
بس غالبا بتتجاب من برا.....ودى مش مشكله بتيجى عادى خالص.....
بس بتكون مكلفه طبعا...
.......................
وكمان ياباشا انت بتسأل عن القطع المعدله...اللى بيتم استبدالها بقطع فى السياره او الموتور....لتخفيف الوزن فقط
.............
ولا التعديل لزيادة الاداء والقدره الحصانيه عموما ؟؟؟؟؟؟؟؟؟؟؟؟؟؟
لتعديل القدرة الحصانيه والاداء