اقتباس المشاركة الأصلية كتبت بواسطة kh_talaat مشاهدة المشاركة
+111111111111

وآدي كمان صوره للمطالب اللي كانت متعلقة من اول يوم في ميدان التحرير بعد 25 يناير ومن تصويري الخاص
خالد بيه الصورة دي مكانتش موجودة لغاية يوم 28 مش من اول يوم زي ما حضرتك قلت وانا واثق من كلامي مليون في المية واتحدي لو واحد يقول انه شافها في التحرير لغاية يوم 28 وحضرتك قلت انك صورتها بعد كدة
لغاية يوم 28 دخول التحرير كان عملية انتحارية وانت عارف ده كويس لانك كنت هناك فما بالنا ان تتعلق يافطة بالحجم ده كله وتترك مكانها
يعني حضرتك مشوفتش المطالب (المنشورة من اول يوم للثورة ) قبل كدة !!!! وعامل موضوع !!! وعامل استطلاع رأي للأعضاء !!!
طيب هو حضرتك عارف ان فيه ثورة ؟؟؟؟
اهدا شوية يا باشا فيه ايه ؟ مش انت بردو خالد طلعت ؟ هدي شوية وطبعا ده كلام شخصي مش كعضو بيكلم عضو ده اخ بيكلم اخ
على العموم انا آسف على كلامي لكن بصراحه الكلام بقى مستفز بشكل كبير
ايوة كدة ده خالد طللعت.
وبعدين ما التلكيك ولازم كله يتعمل يا اما نقعد في التحرير بردو مستفز اكتر يا خالد باشا
القعدة المستمرة في التحرير بتشجع الكل يعمل اللى هو عايزه ماهو مبقاشفيه قانون ولا التزام ولا احترام في اي مكان ولا لاي حد في البلد وكله ده بيدمر في البلد وانا عارف انك متوافقش على ده

يا جماعة ارجوكم احنا بنحاول نبني بلدنا وكل من قام بالثورة لن يرضى بأنصاف الحلول والا ضاعت البلد وضاعت دماء الشهداء هدر
صح بنبنيها لكن كلنا سوا زي ما خرجنا كلنا سوا مش بان كل مجموعة تقول يا اما يتعمل اللى انا عايزه يا اما هفركش اللعب
دي بلد شم لعبة
وانت لو عندك شركة وعندك طقم العمال والموظفين اكتشفت فجاة ان ربعهم حرامية هاتمشي كل اللى شغالين في الشركة ؟ ولا هاتتاكد الاول مين الفاسد الحرامي تجيب بداله وتمشيه ؟

واصحاب الثورة المضادة في البلد بيحاولوا بيبثوا الرعب في نفوس الناس على المستقبل وبيثيروا الناس من الناحيه الأمنية عشان الناس يقولوا فين ايام مبارك كانت امن وسلام ويرضوا باي حل للبلد
لا بقة يا خالد باشا اللى عامل فوضي هو خوف الامن من ناحية واحتمال تخاذله وعدم خوف البلطجية والحرامية وبتوع الميكروباس والتكتك وكل اصحاب المطالب الفئوية وكل واحد عايز مطالبه تتنفذ يا اما يعطل الشغل حتي لو مطالبه غير مشروعة
موظف بنك بياخد 8 اللاف يعمل مظاهرة ويوقف البنوك اسبوع علشان ياخد 38 في نفس الوقت فيه الاحسن منه بياخد اقل من ربع مرتبه وشغال وطبعا البنوك تقف يبقي الالتزامات المالية لللشركات والمصانع تقف وكمان التحقيق في الفساد يقف لان فيه بيانات كتيرة جدا لازم تيجي من البنوك
بتوع النقل في قناة السويس يعملوا اضراب لما يتنفذ مطالبهم المادية ويبعتوا لكل الشركات على مستوي العالم مش شغالين ولاجل غير مسمي يعني لا استيراد ولا تصدير تخيل لو حصل عجز في اي سلعة غذائية تبقي ايه النتيجة وسمعة الشركات المصرية في التصدير بقت فين ؟
عمال الاتصالات يعملوا اضراب علشان يتنفذ لهم 22 طلب منها رفع المرتبات وتعيين اولادهم ؟؟؟؟؟؟
ايه اللى بيشجع كل دول ؟
ان الجيش مش قادر ياخد موقف لان اللى في التحرير مصممين يبيتوا هناك يوقعدوا هناك يعني خرق لحظر التجول ولو الجيش حاول يفض اي اضراب فئوي بالقوة هيروحوا يقعدوا في التحرير ومتقوليشبتوع التحرير دلوقت هيرفضوا لان بتوع التحرير دلوقت مجموعات كل مجموعة مع نفسها وليها كلام غير التانية ومطالب غير التانية
ارجوكم اللي ميعرفش يحاول يعرف ولا يردد اي كلام بدون وعي
كلامك موجه للجميع وليس لاصحاب وجهة نظر معينة
وبعدين يا ريت تعمل اللي قلنا عليه امبارح علشان انت كمان تعرف كويس دلوقت
بقول دلوقت
مش ايام زمان

اقتباس المشاركة الأصلية كتبت بواسطة ahmed4000 مشاهدة المشاركة
طالما انك مش عارف تتكلم ازاى يبقى ياريت تشيل مشاركتك دى لانها مش مقبولة ومش حتعب نفسي وارد على شخص بيتكلم بالاسلوب بتاعك ده
البلد دى عمرها محتتطور ولا حتتقدم خطوة لقدام طالما ان هو ده اسلوب المناقشة والاختلاف فى الراى
استاذ احمد
الاستاذ خالد طلعت من احسن الناس اللى ممكن تعرفها في حياتك كلها ومن اكثر الناس علما وادبا واخلاقا وهو الكلمة خرجت منه بشكل عصبي شوية لكن عمره ما يقصد اهانة حد وانا واثق من ده بدليل ان الجملة اللى بعدها مباشرة اعتذر

اقتباس المشاركة الأصلية كتبت بواسطة kh_talaat مشاهدة المشاركة
لا تعليق كلامك ولن اتخذه كإهانه شخصية
ما يهمني الآن هو بلدي وبلدنا جميعا .... فداكي يامصر
بردو استاذ احمد ميقصدش يوجه لك انت اهانة يا خالد وهو بردو من الناس المحترمة واكيد لا يقصد اهانتك
وحقكم عليا انتم الاتنين
وفعلا المهم بلدنا مش مين يمسك الحكم وناجل الانتخابات علشان مين يجهز نفسه