اقتباس المشاركة الأصلية كتبت بواسطة ahmed4000 مشاهدة المشاركة
طالما انك مش عارف تتكلم ازاى يبقى ياريت تشيل مشاركتك دى لانها مش مقبولة ومش حتعب نفسي وارد على شخص بيتكلم بالاسلوب بتاعك ده

البلد دى عمرها محتتطور ولا حتتقدم خطوة لقدام طالما ان هو ده اسلوب المناقشة والاختلاف فى الراى
يا أستاذ احمد
ان شاء الله البلد هاتتطور و هاتتقدم مهما كان أسلوب الناس اللي فيها طالما ان الفساد هايقل
لأن اللي كان مأخرنا هو الفساد والمحسوبية مش أسلوبنا
وبعدين أعتقد ان الأستاذ طلعت كل اللي يقصده ان حضرتك تكون ملم بجوانب الموضوع كله قبل ما تعمل الموضوع وثانيا لو هاتعمل استطلاع مفروض رأي حضرتك ما يكونش موجه
ولو حضرتك تاخد بالك هاتعرف ان ميدان التحرير ما هو الا وسيلة ضغط على المسئولين عن البلد دلوقت
واحمد شفيق مع كامل احترامي ليه ما ينفعش يستنى لحد دلوقت بعد ما وعد ان برقبته لو حد من المعتصمين في التحرير حصل له حاجة يوم موقعة الجمل
والشباب يترمي عليها كور نار يومها بالليل لحد الفجر لمجرد انهم قالوا رأيهم
والتليفزيون المصري يومها يحذر قبلها بساعات ان فيه كتل نار هاتترمي عليهم فلازم يخلوا الميدان فورا
ويطلع هو الصبح يقول والله ما كنت اعرف
وأنا مصدقه انه ما كانش يعرف
بس بصراحة نزل من نظري لأنه ماقدمش استقالته احتراما لتاريخه
الخلاصة ان احمد شفيق شارك في المهازل دي ولو بجزء بسيط بس برضه شارك فيها
وبعدين المحافظين اللي خاربينها ليه لسة موجودين لحد دلوقت وهما نصهم قرايب مبارك ومراته
يا رب كمل الثورة على خير وساعدنا ننضف البلد