الموضوع: تغيير طقم الشانبر ؟؟

المشاركة الأصلية كتبت بواسطة wael6

السلام عليكم
انا حاليا فى التليين ( اكسيل 1500 مو 95
انا مشيت بالعربيه حوالى 240 كم وباذن الله يوم السبت هروح اغير الزيت والفلتر
1-- 240 كم اغلبهم سفر عملوا 22 لتر بنزين هل طبيعي ولا مبيبانش دلوقتى ؟
لسه متستعجلش
2-- الزيت النهارده لقيته ناقص حوالى نص سم عن مقاسه ( اتصلت بالميكانيكي وقالى ده طبيعي لان كارتيرة الزيت كانت محلوله وفاضيه ويمكن يكون وقع زيت منى ) زيت بترومين الابيض
انا لاحظت يا بشمهندس ان الحمد لله مفيش تسريب عندى ( ما تفسير نقصان الزيت ( زيت بترومين ابيض )
طبيعى
لأنه لما فك الموتور غسله وفضى كل الزيت اللى فيه
3-- فى دخان ابيض فى الشكمان خصوصا وهى بارده ؟ هل ده طبيعي ولافى مشكله
ده مش دخان
ده تعريق
4-- وانا ع الطريق السريع لاحظت انى لما بكون على سرعة 90 او 100 فيما فوق انا مشيت مثلا على 110 للحظات
متعملهاش تانى لغاية لما طقم الشمبر ينشف على وضعه الحالى من الحراره
لقيت الدركسيون بيترج وبيرتعش ورعشه فى الدواسه بس مش جامده ؟ ده ايه ؟ وحله ايه ؟
لما بتدوس بنزين والعربيه ماشيه ولا مع الفرامل ولا على طول ؟
الحمد لله العربيه كانت ثابته ومبتعومش او تحدف؟ لكن رعشه فوق سرعه 90
5-- (( لسه خشونة التروس وصوت الوجوجه وصوت هى هى هى هى لما بتسيب بنزين موجود )) هل مشاكل الدبرياج والفتيس تزيد الحمل ع المكنه وتتعبها ام لا
لا متقلقش
بس أهم حاجه متحرقش عالغيار وأبعد عن الكبارى والمطالع ومتزودش عن 2000 أو 2500 لفه لكل دقيقة والسرعه متعديش ال90
أصبر شويه متستعجلش عالجرى وخد بالك من الحراره وأبقى ركب ترموستات الكوعه بعد التليين لو كان الميكانيكى شايله.
اسف للاطاله ومستني توضيح حضرتك نقطه نقطه وكلى آذان صاغيه
ولكم جزيل الشكر والامتنان

المشاركة الأصلية كتبت بواسطة wael6

السلام عليكم
انا اصلا اول مره اجرب العربيه على السرعات العالية
والميكانيكي محلش الكبالن
ومجربتش امور العربيه وان افوق سرعة 90 بس لما سيبت رجلى من ع البنزين والعربيه نزلت عن 90 الرعشه راحت
كده يبقى ترصيص فقط
الميكانيكي قالى ان اصلا مكنش عندى ترموستات الكوعه
ياريت تشتريها وتركبها بعد التليين
مهمه جدا"
والتكيهات كان ظابطها قبل ما امشي بيها وانه هيحتاج يظبط تاكيهات لظبطة الصيف هل ده صحيح تختلف عن الشتا ولا ايه النظام؟
أظبطها مره واحده
عربيتك كام صباب ؟
انا حطيت زيت اسو الرصاصي ؟
اروح لعفشجي يفحص موضوع الدبرياج والفتيس
ولا اغير الزيت الاول ؟
سيبك من موضوع الفتيس والدبرياج دلوقتى
خليك فى موضوع التليين وتغيير الزيت فى معاده
أمسك حاجه حاجه
ولكم جزيل الشكر والامتنان