تغيير طقم الشانبر ؟؟

**saadelden** · 01-04-2011 05:18 AM

المشاركة الأصلية كتبت بواسطة a_hmed

ايه الى ممكن يكون محتاج خراطة لما اجى اعمل العمرة ؟؟

و اعرف منين انه محتاج خراطة و الميكانيكى مش بيشتغلنى ؟؟

علشان كنت رايح اعملها الاثنين الى فات و كنت هستلمها الاربع علشان عندى فرح النهاردة بس الميكانيكى قالى ممكن تاخد وقت اكتر علشان لو فيه حاجة هتتخرط !!

الى خالانى اشك انه قالى لو فيه حاجة هتتخرط بدل منوديها المخرطة و تدفع 400 جنيه هجبلك واحد يعملها ب 150 تقريبا قالى يفوورها حاجة كدة

ومعلش على المقاطعة

لو فتح الماتور و لقى الشمايز عايزه تتخرط يبقى لازم تتخرط و سيبك من كلام الميكانيكيه
انا لسه فاتح الماتور و كانت مشكلته ان الي عمله عمره قبل ما اشتري العربيه ماكنش ميكانيكي امين ف ركب البساتم غلط و كلت ف الشمايز
طبعا طالما الشمايز مش مظبوطه يبقى لازم تتخرط عشان تبقى قافله ع البستم صح

انا خرطهم ب 300 جنيه

**ahmed_h_g** · 01-04-2011 02:26 PM

بس لو الموتور قديم وهيحتاج شغل كتير يستحسن تشترى موتور أستيراد

**ahmed_h_g** · 01-04-2011 02:30 PM

المشاركة الأصلية كتبت بواسطة wael6

الكهربائي شال سلك الموبينه وقالى جرب وقولى الصوت ده اللى بتسمعه لما بتغيب ولا لا
وقولتله لا
فقالى انها كده مش الموبينه
قولتله طب المارش
قالى هو ممكن يكو نترس بس ده لو بتغيب وهى بارده
ودى تروح للميكانيكي يظبطلك المكنه

خلاص لو المارش بيلف عالفاضى يبقى المارش محتاج صيانه
فكه وأغسله ببنزين وأكشف على حاجه أسمها الهلاله وأعمل جلبتين ب20 جنيه ومأعتقدتش ان ترس البندكس محتاج يتغير لأنه مصنوع من أجود أنواع الحديد
عالعموم الترس تمنه حوالى 60 جنيه
ملحوظه
لو عملت جلب للمارش عمرهم الأفتراضى سنه أو سنه ونصف بالكتير غير الجلب الأصليه اللى كانت فى المارش

**ahmed_h_g** · 03-04-2011 09:33 PM

يعنى لسه معرفتش العيب

**a_hmed** · 14-04-2011 05:41 AM

الحمد لله عملت العمرة بس متضايق من العربية

العربية صوتها بيعلى فى الغيارات بدرى جدا

انا مشيت بيها 120 كيلو حتى الان اروح للميكانيكى يقفلى التاكيهات و يعما ال فنيش ولا استنى شوية لما امشى حبة حلويين ؟؟

كمان لما بيدوس الميكانيكى على البنزين جامد و يسيبه صوت طقطقة او فرقعة قالى ديه من الشكمان .. حد عنده خلفية عن المشكلة ديه علما بانها موجودة معايا من قبل العمرة ..

اخر حاجة وانا طالع على السلانسيه بسمع صوت رجة الى اعرفه ان ديه اسطوانة الدبرياج بس انا مغير الطقم كامل مع العمرة !؟

وشكرا و اسف للاطالة

**wael6** · 14-04-2011 02:46 PM

اصبر شوية ع التليين
معلش الصبر ع العمره وتعب الصنايعيه
ولما ان شاء الله تظبط التاكيهات الوضع هيختلف باذن الله

**wael6** · 14-04-2011 03:40 PM

السلام عليكم
بالصدفه البحته
كنت رايح اعرض الفتيس على عفشجي اخير غير العشره اللى شافوه وقالولى لازم يتغير
لقيت ده بيقولى هغيرلك البلي وباذن الله مش هيرجع تانى واخليهولك حرير
ولقيتني بقوله اعمله بس طبعا ما كررت عليه
ان مصنعيتك محفوظه ونغيره وخلاص افضل وأأمن
قالى لا
وهتتكلف 250 بالمصنعيه
وقد كان
....*والحمد لله عمله والاصوات والخشونه راحت ويبقي صوت فوووووو خفيف جدا جدا لما العربيه بتهدا اوى
قالى ده طبيعي ( وده كنة الفتيس مع المكنه ) هل هذا حقيقي ؟؟؟؟؟؟
وكشفلى ع الديسك والاسطوانه والبليه وقالى كويسين الحمد لله وجداد متغيرين قريب
وغيرت سلك الدبرياج والدبرياج الحمد لله بقا خفيف
بالنسبة لتقل العصايا بقا
فك القنصوه وزيتها وزيت السست اللى فى الفتيس من بره والعصايا ار تاحت شويه
وقولتله الوايرات اللى راحه للفتيس من العصايا متتغيرش عشان تخف شويه
قالى ب 150 ج ومش هتحس بفرق برده وصوت العصايا ده طبيعي صوت الترابيس والصواميل ان تحس بتعشيقة النقله تحت ايدك
........* ايه رايكم فى تطورات الفتيس بتاعى وايه المطلوب فيه بعد كده ( حطتله زيت موبيل 90 علبته بيضا والعفشجي قالى امشي عليه شهر ونزله وحط زيت تانى كغسيل للفتيس )) ابقا احط شل ولا اكمل على موبيل للفتيس ........*

صوت الموتور عالى شويه
السلانسيه واطى وهى بارده مابين الشرطه الثانيه والثالثه تحت 1 rpm ومظبوط وهى سخنه على 1 rpm
بستعمل زيت اسو من حوالى 700 كم
انا حاليا حاطط اسو الرصاصي كل 1000 كم
بس حاسس ان الموتور صوته عالى وخشن
بالرغم ان ايام مكنت حاطط زيت شل الاحمر الثقيل وعلبة شنبر لان كان الموتور خفيف
كان صوت الموتور هادى وناعم
دلوقتى عملت نص العمره ( غيرت شنبر وبساتم ) استاندرد والصوت عالى وخشن
اغير نوع الزيت ولا استمر عليه والمشكله فى نقظة تانيه خلاف الزيت
( موبيل xhp - شل الاصفر - التعاون الاصفر )
وشكرا جزيلا
يا ترى سبب العلو ايه
اسف جدا للاطاله
ومستني رايكم القيم بخصوص الفتيس والصوت المكنه

ولكم جزيل الشكر

-

-

-

الموضوع: تغيير طقم الشانبر ؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

تغيير زيت الفتيس الاوتوماتيك !! و تغيير طقم السيور

تغيير تيل m11

ما هى وظيفة طقم الشانبر

سؤال عن زيت الشانبر

الكلمات الدلالية لهذا الموضوع

المفضلات

المفضلات

ضوابط المشاركة