بسم الله الرحمن الرحيم
السلام عليكم ورحمة الله وبركاته
امممم صراحة أنا هقولكم إللي ف دماغي يعني من وجهة نظري بما إن الكل بيتكلم دلوقتي مع إحترامي لكل الناس طبعآ
أنا يمكن بدأت أفهم إللي في دماغ الراجل ده ويارب يكون صح
الراجل ده عااارف ومتأكد إن جهاز الشرطة غرقان فساد ومسئول عن الناس إللي ماتت فالمظاهرات
هوا دلوقتي بيدور علي حل للمشكلتين
__________________________________________________ _______
المشكلة الأولي في نزول نفس الظباط لنفس الأماكن في نفس المحافظات تاني وده بيستفز أهل الشهداء
خصوصآ إن معظم أهل الشهداء رافضين يأخدوا العزاء في أولادهم الإ لما يأخدوا حقهم من قاتل إبنهم الظابط بعينه
ومعظمهم بيفكر في قتل الظابط بعينه زي ماشايفين في شمال سيناء مثلآ
__________________________________________________ _______
المشكلة التانية : فكرة النزول نفسها حتي الناس إللي معندهاش حالات وفاة ناتجة من الشرطة
إتعرضوا مثلآ لظلم منهم في يوم أو بيحاولوا يأخدوا حقهم بالتهزيق مثلآ وتحقير الظباط فالشارع
وده بردو هايؤدي لإحتكاكات ومشاحانات

الحل بقي إيه؟؟؟
هما حلين في حل واحد
عاوز يقضي ع الفساد وعاوز الشرطة تنزل بأمان بين الناس
__________________________________________________ __________
الحل الأول : إنه يعمل تبديل لكافة الظباط بين المحافظات المختلفة وده هيمنع إلتقاء أهل شهيد مثلآ مع قاتل إبنهم
والشرطة هاتنزل في أمان شوية لأنهم يعتبروا وجوه جديدة
__________________________________________________ __________
الحل التاني : علشان يقضي ع الفساد بيعتمد علي نقل الظباط سواء الفاسد أو الكويس
لمنطقة جديدة ومستني غلطة ليهم بحيث أهالي المنطقة إللي إتنقل ليها هما إللي يبلغوا عنه
وبكده يقفش الفاسد من وسط الكويسين ويجيبلوا بقي القديم والجديد ويحاكمه
__________________________________________________ ___________
طريقة تنفيذه بقي غلط
هوا دلوقتي بيجبر الناس إنها تحب الشرطة غصب عنها من خلال تواجدهم بس بصورة شكليه بس
بحيث يستفز المواطن ويخليه يحس إنه في حاجة لرجل الشرطة
ربنا يستر بس ويارب يطلع تفسيري ده صح