الموضوع: ربنا يسهل : المشير اجتمع مع الجنزوري و عمرو موسي و البرادعي و صيام و سويرس و اخرين

انا كل اللى خايف منه ان تاخير القرارات بيبقى انعكاساته سيئة ولا تؤدى لاستقرارولا تهدئة للامور

يا مسهل يا رب . الواحد بيسمع الأخبار الحلوه اليومين دول بالقطاره .

خطوة اجابية جدا ... ومطمئنه الى حد ما

هو ممكن حد يوضحلى ايه هى الخبر الحلوه فى كده ؟

يمكن انا مش فاهم

اصل الى انا شايفه انهم بياخدو اراء الناس فى حال البلد

نجيب ساويرس رجل وطني مصري بامتياز ظهر موقفه من اول ايام الثورة وكان حاسس ان الموضوع بجد مش هزار وكان عضو لجنة الحكماء اللي طالبت بحماية الثوار من البلطجة وطالبت بتنحى مبارك جانبا واللي كانت تضم بالاضافة لساويرس الدكتور كمال ابو المجد وعمرو موسي وعمرو حمزاوي وسلامة احمد سلامة ويحيى الجمل وغيرهم من الناس المشهود ليهم بالوطنية
ولولا قناته on tv وبعض القنوات الخاصه التى ادت خدمة اعلامية متميزة في نقل الحقيقية اثناء الثورة وحتى الان كانت بقت فضيحة الاعلام المصري بجلاجل في كل دول العالم
ومعنى انه يتخذ هذا الموقف يعني انه رجل ايده نظيفة وبيحب بلده ويقدر المسئولية وياريت نعرف ان رجال الاعمال الاصل فيهم انهم شرفاء والفاسدين هم الاستثناء
تحية اعزاز ومحبة للمهنس نجيب ساويرس

المشاركة الأصلية كتبت بواسطة som3aa

مين قال الكلام دا؟
اولا كل واحد عنده قناة خاصة , يعنى احمد بهجت عنده قناة خاصة و ساعدت الثورة يبقى كدا نظيف ماليا؟؟؟؟

بعدين طيب سؤال لحضرتك اتصالات اشترت رخصة ب 17 مليار مصرى , رخصة بس مش شبكة كاملة!!!! ممكن حضرتك تقولى موبينيل اتباعت لساويرس ازاى و بكام و طريقة الدفع ايه؟؟؟؟؟؟ للعلم كانت شبكة حكومية و هو اشترى الشبكة كاملة مش رخصة بس.

و عائلته خدت اراضى الجونة ازاى و بكام و مصنع الاسمنت ازاى و بكام؟ (حسب الفجر ب 2 مليار و باعوه ب 70 مليار )
حاجات كتير اوى و خصوصا قطاع الاسمنت و كلنا عارفين الكلام عن ممرساته الحتكارية فى الفترة اللى فاتت , ازاى مفيش كلام عليه؟؟ بالذمة دا كلام


صدقنى غلطة عز انه دخل فى السياسة , لو كان ابتعد و بالتبرع لابنى بيتك و حاجات كدا كانوا قالوا دا راجل وطنى محب للبلد مخلص جميل , دى اكبر غلطة عملها عز

المجلس العسكري مش هيجتمع مع انسان مشبوه
اما قيمة الرخص والاراضي فلو فيها اهدار يبقى من الحكومة السابقة وليس من ساويرس واللي عنده مستندات يقدمها وصدقني لو يوجد اي شئ ضده كان ظهر بدري لان الطائفيين موجودين على الساحة ولن يتأخروا عن القيام بــ"الواجب"