خليتهم مايروحوش المدرسة

**mesaharaty** · 02-03-2011 10:39 AM

بمتابعة الثلاث أيام الماضية فى انتظام المدارس وصلت إلى نتيجة وهى إن الأمور لسه لم تنتظم وشايف حركات غريبة وإشاعات وناس تقول بلطجة وناس تقول تثبيت وسرقة بالإكراه وبصراحة أنا خايف على ولادى لأن أى خسارة مش ممكن تساوى ضفر عيل من عيالنا فلو لا سمح الله حد من البطجية دول روعهم ولا أذاهم مين ساعتها يجيب لى حقى ومش حيكفينى فيهم ولا القتل ولا السحل .

وبناء عليه قررنا الآتى :
عدم ذهاب الأولاد إلى المدرسة لحين إشعار آخر وذلك لحين تحسن الأوضاع الأمنية (العملية التعليمية كده كده بايظة وغير مجدية ) مع الإعتراف والإقرار بأن الأمن والأمان من عند الله وأن الحذر لا يمنع قدر .

حد جاى فى المشوار ده معايا

**MISS_MONA** · 02-03-2011 04:40 PM

احنا عندنا اتاجلت الاسبوع الجاى كمان
اصل الدنيا بايظه خالص عندنا

**AboELsoud** · 03-03-2011 07:25 PM

ان شاء الله رئيس الوزراء الجديد يعين وزير داخليه جديد او يقول للحالي ينزل الشرطه بقى و كفايه حجج غريبه و الدنيا تتظبط

**heshamzaky** · 03-03-2011 07:29 PM

أنا بودى ولادى المدرسة بس بوديهم بنفسى و عامل حسابى كويس جدا و الحمد لله لآى طوارى . و ربنا يسترها لان لو عيل أتلمس ممكن أعملها حرب

**ahmed_su** · 04-03-2011 05:20 PM

انا مدرسة الاولاد فى الدقى يعنى محافظة الجيزة

واتأجلت الاسبوع ده وبرضه ,ان شاء الله هوديهم بنفسى

- بس المشكلة حتى الان العملية التعليمية مش منتظمة

والمدارس نفسها مش منتظمة اذا كان المدرسين نفسهم خايفين امال الاطفال يعملو ايه ؟؟؟؟ ربنا يستر

**نور القمر** · 05-03-2011 09:32 PM

المشاركة الأصلية كتبت بواسطة ahmed_su

انا مدرسة الاولاد فى الدقى يعنى محافظة الجيزة

واتأجلت الاسبوع ده وبرضه ,ان شاء الله هوديهم بنفسى

- بس المشكلة حتى الان العملية التعليمية مش منتظمة

والمدارس نفسها مش منتظمة اذا كان المدرسين نفسهم خايفين امال الاطفال يعملو ايه ؟؟؟؟ ربنا يستر

تقصد الاسبوع ده ولا اللي فات؟
بكرة دراسة ولا اجازة في الجيزة
انا خايفة اوديهم بردو و في كل الاحوال باباهم هايوديهم بس انا قلقانة يحصل حاجة اثناء اليوم الدراسي
وبطمن نفسي واقول اختي مدرسة في مدرستهم
ربنا يستر

**sayed911** · 05-03-2011 10:21 PM

صدقني يا اخي انا صحيح لسة ربنا لم ينعم عليا بنعمة الأولاد والجواز من اصلوا حتة لسة :d
ولكن معنى انك تنمع اولادك يبقى الناس دي نجحت في دب الرعب في قلبك !!!! انا بصراحة لو جامعتي شغالة دلوقتي ها انزل عادي جدا اي نعم انا متربط ومتجبس :d :d :d ولكن برضوا ها انزل اهو الجبروت بقا :d :d توكل على الله وما المتوكل على الله بمحتاج يا اخي .. وقل لن يصيبنا الا ما كتب الله لنا ... علم اولادك انهم يواجه مشاكلهم لأنهم كده ها يحسوا انه اقرب شئ للإختفاء هو الجلوس في البيت والهروب من المدرسة اللي هيا اساس بالنسبة لهم :d :d بس سؤال هوة المنطقة المحيطة بالمدرسة متأمنة فيها حكومة ولا قلق ؟

**zago** · 05-03-2011 10:35 PM

طيب انا اختي الكبيره مدرسه
وقالت ان باص مدرسه من عندهم اتثبت وقلبو المدرسين اللي فيه
والمدرسه مش عامله اي حراسه طبعا يعني الباص كله اطفال ومدرسات ومشرفه الباص والسواق
طبعا الباص بتاع اختي محصلوش حاجه بس والله هي رنه واحده منها وحقفل الدائري كله لحد ما اعرف تفاصيل الباص اللي اتثبت ده
ولو المدرسه معرفتش تتصرف حولع المدرسه بأصحاب المدرسه

-

-

الموضوع: خليتهم مايروحوش المدرسة

LinkBack

أدوات الموضوع

عرض

خليتهم مايروحوش المدرسة - انشر الموضوع فى :

-

-

المواضيع المتشابهه

وديت ولادك المدرسة ؟

فاكرين كانتين المدرسة

التوصيل من المدرسة

بتوصل اولادك المدرسة

الكلمات الدلالية لهذا الموضوع

المفضلات

المفضلات

ضوابط المشاركة