الموضوع: ايه انسب زيت للبيتلز

المشاركة الأصلية كتبت بواسطة ihab

اول مرة اسمع عن زيت التعاون الاسود ده ( كوب فاكت ) يا ترى ده ايه مميزاته

انا جربته ياايهاب باشا
لزوجته 50 وتقيل جدا جدا
وبيتغير فى الشتاء على 2000 والصيف 1500 وبصراحه كان بيخلى صوت الموتور هادى جدا

المشاركة الأصلية كتبت بواسطة El.Hossieny

هاشم باشا ...انت ليه تاعب نفسك و لسة بتدور ... استخدم (عن تجربة في السفر و الجو شديدة الحرارة ) زيت شل X100 هاااااايــــــــــل جدا .... و علي فكرة انا لسة مغيرة من 10 ايام تقريبا من بنزينة شل اللي في شارع دمشق ب 55 جنيه و مصنعية تغيير 3 جنيه !!!!
يعني اجمالي 58 جنيه ..اعتقد يا بلااااااااااش بالنسبة لعربياتنا في الصيف طالما هيحميها من السخونة

و كان الله في العون

والله ياحسينى انا عندى حب استطلاع وتجارب وكل مره او مرتين تغيير بغير النوع نفسه وده مش معناه انى مالقيتش نوع كويس
ابدا والله فى كام نوع كويسين جربتهم بس انا بحب التغيير:k45:

المشكلة إن موضوع زيت البيتلز بيعتمد على مدى راحة الماتور للزيت و رضا صاحب العربية عن صوت الماتور و الآداء.

بمعنى آخر فيه مواتير ممكن تستريح لزيت التعاون أو الوطنية العادى و مواتير تانية لأ , و لكن الأفضل إننا ندور على الزيت صاحب المواصفات الجيدة و المفيدة للماتور و ليس السعر فقط.
و نظراً لأنى كنت بسافر كتير جداً بالعربية سنة 2008 لطبيعة عملى و اللى كانت بتخلينى أغير زيت كتير , عشان كده هاقولكم تجربتى المتواضعة مع غالبية أنواع الزيوت : ( المسألة نسبية من ماتور لآخر و من شخص لآخر حسب طبيعة سواقته و حسب درجة حرارة الجو )

- التعاون و الوطنية العادى الأحمر و البرتقالى : كويس فى الشتاء و لكنه سريع البخر و لزوجته بتفك بسرعة و أوقات قبل 1000 كيلو ( جودة ضعيفة ).
- التعاون الإسود كوب فاكت : مش كويس خالص للبيتلز و خاصة فى الصيف.
- كالتكس ديلو الفضى الجركن الأزرق : نفس جوده التعاون الإسود كوب فاكت .
- شيل X100 ممتاز و خاصة فى الصيف و ده أكتر زيت إستريحتله فى جميع الظروف و تقدر تعتمد عليه و ميزته كمان إنك ممكن تغيره على 1500 فى الصيف و 2000 فى الشتاء و كمان بيعمل على تنظيف الماتور من الرواسب و الشوائب الضارة لكن بالنسبة للمواتير القديمة زى البيتلز يفضل تغيير الزيت على 1500 بالكتير فى الشتاء و 1200 بالكتير فى الصيف.
- الزيت السايب اللى بيتباع فى البنزينة أو بتوع الزيت و الكيلو ب 6 جنية ممتاز فى الشتاء جداً لو هاتغيره على 1000 كيلو بالكتير أما فى الصيف مانصحش بيه خالص لأنه هايفك بعد 800 كيلو بالكتير و هايخلى صوت الماتور عالى جداً.

- و إن شاء الله بفكر أجرب إمارات مصر اللى درجة لزوجته 50 لأنى سمعت إنه ممتاز و جودته عالية .

انت متأكد يااحمد ان فى زيت امارات مصر درجته 50 وسعره كام
انا روحت سألت هناك فى امارات مصر اللى عند كار فور
قاللى فى زيت 40/15 ده 5ك ب65 جنيه
والتانى درجته 40 ثابته 4ك ب39 جنيه

يمكنكم زيارة هذه اللينكات لمعرفة المزيد عن الزيوت

http://www.reluctantmechanic.com/ste...oil_change.php

http://www.thesamba.com/vw/forum/viewtopic.php?t=55412

جزاك الله خيرا
فعلاً مواضيع هامة و مفيدة جداً لكل مالكى البيتلز
لكن المشكلة إن ظروف التشغيل عندهم تختلف تماماً عن بلدنا مصر يعنى تراب و حرارة مرتفعة و إشارات و زيوت مضروبة و غيره

ياجماعه فى حاجه مهمه جدا البعض مش واخد باله منها
فى بعض الزيوت مجرد ماتغيرها تلاقى صوت الموتور
كويس جدا وهادى وتحكم عليه انه كويس للبيتلز
وده مش حقيقى والعبره بالنهايه
انا جربت زيوت كتير جدا فى البدايه تكون فوق الوصف
واول ماتعمل 500ك يفك الزيت مع الاحتفاظ بالسعه اللتريه
وعدم البخر
وطبعا بيبتدى صوت الموتور يعلى والعربيه تسخن معاك
وبعد كل التجارب مش لاقى احسن من التعاون الاسود بالتحديد
اكثر زيت بيقعد لمسافات طويله مع الاحتفاظ باللزوجه

انا رحت غيرت الزيت ولقيت الراجل رشحلى زيت التعاون جركن لونه
برتقالى مش الاحمر هو ب37 وقاللى انه هيقعد معايا لمسافات اطول
وانا دلوقتى تقريبا عملت بيه 300ك ولحد دلوقتى زى الفل
بس طبعا العبره بالنهايه وهقولكم ان شاء الله على التفاصيل
هو اسمه التعاون سوبريكس 10000 (supr ex )
بس الشئ الملفت للانتباه مبدئيا انه مخلى صوت الموتور ناعم جدا