الموضوع: صوت القاهرة تكذب أحمد شفيق: لم يتم تخفيض راتب محمود سعد ولا يتقاضى 9 مليون جنيه

المشاركة الأصلية كتبت بواسطة hh

أنس الفقي قال له انت كنت عايز تزود أجرك من 7 الى 9 مليون و محمود سعد رد بنوع من التريقة 15 مليون.

تاني بنقول محمود سعد مش موظف في التليفزيون المصري. محمود سعد عامل عقد سنوي مع الشركة الأعلانية اللي بترعى البرنامج, و الله لو شايفينه مايستاهلش المبلغ ده مكانوش تعاقدوا معاه. و بيتهيألي كلنا متأكدين ان محمود سعد من المذيعين المطلوبين جدا و يقدر بسهولة يتعاقد بالمبلغ ده و أكتر مع أي قناه فضائية. شغل تلقيح الكلام بتاع أنس الفقى و بعده أحمد شفيق ده أقل ما يقال عنه انه غير محترم, بغض النظر بقى عن شخص محمود سعد نفسه.

وجهات نظر ..........!
وتاني بنقول لو في ناس شايفة ان محمود سعد يستحق 9 ولا 7 مليون سواء بعقد كنسبة من الاعلانات او كأجر ففي ناس اخرين شايفة انه منافق وافاق وان فلوس الاعلانات دي من حق اتحاد الاذاعة والتليفزيون يعني بتاع الشعب
وكلنا فاهمين حوارات التعاقدات من النوع ده مع الشركات المعلنة والتليفزيون ومقدمين البرامج
كله بينفع كله من تحت الترابيزة ومن فوقها كمان
وكمان كلنا فاهمين ان مشاهير الاعلام المصري مشتهروش ونجحوا عشان هم فلتة زمانهم ومفيش في كفائتهم حد تاني وفاهمين ان مصالحهم الشخصية المرتبطة ببعضها هي اللي تخلي واحد يبقى فوق على قمة الهرم الاعلامي وواحد يفضل طول عمره تحت
اما كونه يقدر يتعاقد مع قنوات اخرى خاصة غير التليفزيون الحكومي وهياخد 7 مليار فكل صاحب مال حر فيه لكن عشان هو لوحده ياخد 7 ولا 9 من الاعلانات في التليفزيون الوطني ده شغل كوسة وفساد بدون ادنى شك
وبعدين اشمعنه يعني مش هنصدق شفيق والفقي وهنصدق محمود سعد كلهم نفس العينة ولما تضاربت المصالح وقعوا في بعض