رابطة مالكى الفليشيا

**x_john** · 07-04-2011 05:09 AM

المشاركة الأصلية كتبت بواسطة crazydeepman

انا احمد و معايا فليشيا كومبي 97 مظبطانييييييييييي اوي لدرجه اني فكرت اولع في روحي يمكن اريحها

لابجد موضوع السخونيه كل من هوا عنده فليشيا بيشتكي عارفين يا شباب الحمه الموسميه هيا كده اول مره لففتني السبع دوخات لدرجه رجعتني من القاهره لاسندريه على كل 5 كيلو ازود ميه الميه بتختفي اوووه و في الاخر توصلنا انه جوان وش سلندر طيب الكلام ده من سنه و نص
و اليومين دول شكلها الحمه جت تاني و العفشه فعلا شديده شويه مع اني غيرتها كلها و مظبوط صوت العربيه عالي انا بفكر اريحها مني و اطلقها بالعشره و اشوف معاقين

قلبى معاك أنا عارف لما تكون العربية فيها مشكلة بتقلب المزاج بس أنا عندى تحفظ بس على موضوع السخونية لأنى بجد أنا تعاملت مع أكثر من عشر عربيات فليشيا بموديلات مختلفة أكترهم 97 لم أجد موضوع السخونيه إلا على السرعات العالية فى قلة من العربيات يعنى فوق 130 تلاقى مؤشر الحرارة بدا يعدى النص .
أنا هأولك على الحل:
1- تغسل دورة التبريد كويس وتتأكد ان مفيش أى تسريب
2- شوف المروحة شغالة بكفائة يعنى وهى شغالة تحط أيدك وراها بمسافة 80 مثلا هل هتلاقى قوة الهواء شديدة لو المروحة ضعيفة أشترى واحدة أستيراد 6 ريشة ولو الرادياتير معهوش قميص أشترى قميص أستيراد
3- راجع ثرموثتات الحرارة ولو بايظ هات الأصلى التشيكى والألمانى
4- هط ميه خضرا علشان تمنع الصدا وترفع درجة غليان الميه الى110
* بكده دورة التبريد تبقى سليمة وأستحالة تسخن عن تجربة
بالنسبة لموضوع العفشة أنا عندى العفشة بقلها خمس سنين خدمة شاقة أنا بس بروح أربطه كل 4 أو 5 شهور
* صوت العربية العالى ممكن يكون سير الكتينة مرخى شويه أبقى شوف مكنينيكى يبص علية هو سعرة جديد 110 تشيكى
وربنا يبركلك فى العربيه

**amrsoudy** · 07-04-2011 10:33 AM

يا جماعه دي اول مشاركه ليه حد يرد عليا ارجوكم
انا امبارح دوست علي البنزين دوسه ثم دورت وانا شايل رجلي من علي البنزين وفضلت دايره لكن بعد حولي 3 دقائق بطلت لوحدها

جيت ادور تاني مش عايزه ابدا

دوست بنزين تاني وادور لا مش عايزه كذا مره

روحت جبت الميكانيكي قالي الكهربا 100 100 وتقريبا العربيه شرقت مني طلع بنزين ببقه وحاطه في العمه مدارتش برده

راح جابلي بوجيهات مستعمله من قبل وحطهم بعد كده دارت عادي لاكن برده صوتها بقا هاديي اكنها هتقف المهم وفصلي كمان باب كده في العمه بحتة خشبه قالي عشان متعملش معاك تاني كده

مشيت بيها بقت تنتش مني علي الهادي اوي بس اول وتاني الهادي بتاعهم بس اتعكننت وادايقت وخفت اوي والله لربنا يستر ناس اصحابي بيقوللي دا كان البنزين بيخلص وبدا يسحب من الوساخه

لاكن انا مشيت بيها حبه حلوين قبل ما احط بنزين تاني

وناس تانيه قالوا لا البوجيهات اللي ركبها مش حلوه هاتلها بوجيهات 3 شمعه

انتوا رايكوا ايه ؟

وكمان حسيت بحاجه تانيه ان العربيه بقت خفيفه اوي يعني الدوسه علي الدوسات بقت خفيفه حسيت كمان ان الدريكسيون بقا خفيف اوي اكنه بور مش عارف ليه ؟

ارجوكم الحقوني وردو عليا

**amrsoudy** · 07-04-2011 02:02 PM

انا هروح لميكاني جنب البيت بكره انشاء الله الجمعه بالاسكندريه

في شارع القاهره

ولا بلاش واروح لواحد متخصص اوي وهوه فين طيب المتخصص اوي ده ؟

وشكرا لكم

**x_john** · 08-04-2011 02:52 AM

المشاركة الأصلية كتبت بواسطة amrsoudy

انا هروح لميكاني جنب البيت بكره ان شاء الله الجمعه بالاسكندريه

في شارع القاهره

ولا بلاش واروح لواحد متخصص اوي وهوه فين طيب المتخصص اوي ده ؟

وشكرا لكم

الى حصل عندك ده نتيجة أن التنك كان فاضى وبدأ يسحب من الرواسب لازم تنضف الكربياتير ومعتش تسيب التانك لغاية ميفضى

**hmadaalnoopey** · 09-04-2011 12:43 AM

انا قمت بتعديل من كربراتير انجكتور الى كربراتير عادي من حوالى شهرين فاكتشفت بان سحب السيارة ضعيف وعندما ادير السيارة فى الصباح بتتاخر الدوارة وعندما تدور بحس انها عايزه تبطل لكنى بدوس بنزين جامد حتى لا تبطل لحد ما تسخن بتبقى كويسة فهل كل ده له علاقه بلتعديل ام لا

**x_john** · 09-04-2011 01:31 AM

المشاركة الأصلية كتبت بواسطة hmadaalnoopey

انا قمت بتعديل من كربراتير انجكتور الى كربراتير عادي من حوالى شهرين فاكتشفت بان سحب السيارة ضعيف وعندما ادير السيارة فى الصباح بتتاخر الدوارة وعندما تدور بحس انها عايزه تبطل لكنى بدوس بنزين جامد حتى لا تبطل لحد ما تسخن بتبقى كويسة فهل كل ده له علاقه بلتعديل ام لا

طبعا بدون نقاش دا أنا نفسى أغير الكربراتير الى عندى بواحد أنجكتور

**a_hmed** · 09-04-2011 05:31 AM

المشاركة الأصلية كتبت بواسطة hmadaalnoopey

انا قمت بتعديل من كربراتير انجكتور الى كربراتير عادي من حوالى شهرين فاكتشفت بان سحب السيارة ضعيف وعندما ادير السيارة فى الصباح بتتاخر الدوارة وعندما تدور بحس انها عايزه تبطل لكنى بدوس بنزين جامد حتى لا تبطل لحد ما تسخن بتبقى كويسة فهل كل ده له علاقه بلتعديل ام لا

مش عارف موضوع السحب ده اما الدوارة ممكن يكون ليها علاقة بترس فى المارش او الكربرتير عايز يتنضف او البوجيهات مش كويسة

و بالنسبة لدوسة البنزين علشان متبطلش ديه ملهاش علاقة بالتعديل انا عندى كاربرتير و تمام ممكن الكهربا بتاعت العربية عايزة تتظبط او السلانسيه عايز يتظبت

**hmadaalnoopey** · 09-04-2011 07:11 PM

متشكر على اهتمامك وانا حاراجع على كل اللى قولتو جزاك الله خيرا

**x_john** · 11-04-2011 01:02 AM

الموضوع شكلة نام

**tejani** · 11-04-2011 02:18 AM

طيب محدش عنده حلول للعفشه الناشفه

الموضوع: رابطة مالكى الفليشيا

LinkBack

أدوات الموضوع

عرض

-

-

-

-

-

المواضيع المتشابهه

رابطة مالكى الـ c4

رابطة مالكى كيا سيراتو

رابطة مالكى الماتريكس

الكلمات الدلالية لهذا الموضوع

المفضلات

المفضلات

ضوابط المشاركة