شوكة وطبق

**mesaharaty** · 03-03-2011 03:13 PM

موضوع بقالى فيه حوالى شهر ونص

الموضوع يتلخص فى إنى اشتريت لمبتين فيليبس night guide وفيه ناس كتير بتشكر فيهم جدا (اللمبة بيطلع منها 3 ألوان) .
المهم أنا رحت للكهربائى علشان أركبهم فقال لى ماينفعوش مع عربيتك لأن دول ( شوكة ) وفانوس عربيتك (طبق ) فلو ركبتهم مش حيبقوا ثابتين وممكن جدا يقعو ويبوظو فأحسن اشترى بدالهم بس يكونو طبق .

السؤال بقى : إيه أفضل نوع لمبات ينفع معايا ومع استعداد عربيتى ويتركبوا بسهولة وبكفاءة عالية علشان الرؤية الليلية عندى الحقيقة ضعيفة جدا
هل فيه رد على المعضلة دى اللى بقالها شهر ونص وسألت فى سبير كار والإبيارى والهوارى وكله مش عارف يفيدنى .

أنا لجأت للإخوة الخبراء هنا فى نايل موتورز علشان يفيدونى بأنسب نوع للموضوع ده .

ألف ألف شكر للجميع

**FunnyMickey** · 03-03-2011 03:19 PM

ريح نفسك وصور اللمبه القديمه اللي كانت راكبه في العربيه
وحطها هنا في الموضوع
واحنا نقولك تركب ايه بالظبط

لان غالبا انتا عندك كده لمبه h4
اللي هيا العالي والواطي لمبه واحده

ودي فيه منها نوعين علي ما سمعت

طبق دي اللي هيا ال3 ريشه
ودي اللي انا اعرفها والموجوده في عربيات كتير

انما الريشه دي اول مره اسمع عنها

فانتا بس صور اللمبات القديمه وان شاء الله خير

**mesaharaty** · 03-03-2011 03:33 PM

لأ هى مش ريشة
هى عبارة عن شوكة لها 3 أظافر (هى دى اللى انا اشتريتها) وهى ليها موضوع هنا فى المنتدى أعتقد إن حضرتك كنت مشترك فيه وفى غيره عن موضوع اللمبات وممكن حضرتك تشوف صورة النايت جايد وتلاحظ الثلاث أظافر اللى باقول لحضرتك عليهم

**FunnyMickey** · 03-03-2011 10:36 PM

تمام
بص عالصوره دي بقي
وانتا شوف القديمه عندك شكلها ايه ؟
شايف الدوران اللي فيه التلات سنون اللي في الصوره اللي عالشمال
حتلاقي اللمبه ال3 شوكه الدوران بتاعها فيه 3 سنون
والطبق حتلاقي الدوران كامل