ونش شوكة ريح على الرفرف الأمامى و أنا راكن جنب الرصيف !

**ahmedsrs** · 11-10-2008 01:38 AM

النهاردة حصلى موقف خلى دمى اتحرق ركنت العربية جنب البيت ولزقت كالعادة فى الرصيف وكله تمام ومفيش مشاكل بعد عشر دقائق نزلت عشان اجيب حاجة من العربية الاقى ونش شوكة معرفش طلع منين مريح على الرفرف الأمامى يمين والناس عماله تزق فيه طبعا ان شوفت المنظر جالى زهول وطبعا ممسكتش اعصابى وهات يزعيق فى الواد الى سايق الونش والناس اتلمت والى عمال يقول بسيطة يباشا كل سنة وانت طيب والى يقول ده واد غلبان وانت مش هتقبل العوض والى عمال يقول صدقة عن صحتك وعافيتك انا كنت هتجنن مش عارف الونش جه منين فبقول للواد انت جيت منين قالى انا ميكانيكى وكنت بصلح الونش قلتله يعنى انت طالع تجرب الونش وتصلحة جنب العربيات المهم قلتله تصلح التلفيات طبعا موشح انا غلبان والونش مش بتاعى اشتغل وجوقت التطييب اشتغلت لقيت مفيش فايدة ضربت بعينى لقيت الواد شارى زيت موتور لسة متبرشم رحت شايل الجركن واخده قالى حرام عليك ده ثمنه اكتر من 100 جنيه قلتله عشان تبقى تتادب ورحت راكب ومدور وماشى وطبعا قعد يجرى ورا العربية . التلفيات عبارة عن انبعاج بالرفرف اليمين مع خدوش والأكصدام
ريح لتحت شوية هروح بكرة للسمكرى وربنا يستر .

**shanodaa** · 11-10-2008 01:44 AM

يستاهل الفروض يصلحها لك او تحجز الونش لغايه الاسطي بتاعه اما يجي علشان تربي

**OlaOsman** · 11-10-2008 01:46 AM

مش عارفة الصراحة إذا كان تصرفك ده صح و لا لأ.

**Nour_Peugeot** · 11-10-2008 01:46 AM

هو انت اخدت حقك بس برده حاول تقدر الادامك و تشوف ينفع طريقة التعامل معاه ايه

ما انا عربيتي اتخبتيط و هي وقفع برده بس كانت عربية بيبسي و سواق غلبان بس بهدلنه بهدله وحشة بس هتعمل ايه اشتري دماغك

**Hassan Khalil** · 11-10-2008 01:46 AM

ربنا يعوض عليك بالخير
و اهه صدقة عن صحتك و عافيتك :)

**shanodaa** · 11-10-2008 01:48 AM

اللي يغلط يتحمل نتيجه غلطه

**ASKAFRAWY** · 11-10-2008 01:53 AM

انا راي اننا مش لازم نيجى على واحد غلبان
بصراحة انا حصلت معايا كذا مرة بس بلاقى السايق واحد غلبان و مطحوون

بقوول ان قضى اخف من قضى لان دايما على سفر.............

انا معاك انها حاجة بتحرق الدم بس تتوقع فمصر اي حاجة

وربنا يعوض عليك يا باشا

**Ramy.Gamal** · 11-10-2008 02:10 AM

كويس اللى انت عملته لو كنت مشيت من غير ما تاخد الزيت وقولت هو انا هاخد عوض والواد غلبان والكلام الفاشل ده مش هيتعلم وكل يوم هيخبط فى عربيات الناس مادام محدش بيعمله حاجه انما لما حد يعلمه الادب ويربيه هياخد باله بعد كده ويمشى مركز وعينه وسط رأسه وكل الكلام اللى اتقال من شهود العيان امثال ده واد غلبان وانت هتقبل العوض وزكاه عن صحتك والكلام ده هو اللى جايبنا ورا ومودينا فى داهيه

**Samir Elshahawy** · 11-10-2008 02:21 AM

بصراحة الله ينور عليك, اقدر اقول انك اخدت بتارك و تار كل اللي عربياتهم اتخبطت زيك و ياريت الناس كلها تعمل كده علشان الناس دي تتربي و تعرف ان الغلطة لها تمنها

بصراحة انا مرة كنت في السعودية مع واحد صاحبي و احنا ماشيين لاقيته راح كاسر علي عربية ماشية في الاتجاه العكسي و خبطه المهم كسر له الفانوس و جرحله الرفرف

طبعا عربية صاحبي حصلها تجريح فقط في الرفرف لانها كانت جي ام سي و الراجل التاني عربيته كانت كامري

لكن شوفوا اللي حصل البوليس جه و عملوا محضر و الراجل اللي كان ماشي عكسي خدوه علي السجن و كمان التامين اجبره يصلح العربية بتاعة صاحبي

ايه رأيكم ؟؟

-

الموضوع: ونش شوكة ريح على الرفرف الأمامى و أنا راكن جنب الرصيف !

LinkBack

أدوات الموضوع

عرض

ونش شوكة ريح على الرفرف الأمامى و أنا راكن جنب الرصيف ! - انشر الموضوع فى :

-

-

المواضيع المتشابهه

حادثة وخبطة فى الرفرف الأمامى شمال

شوكة وطبق

سعر الرفرف الأمامى للماروتى

تطبيقة فى الرفرف الأمامى

ممكن أسعار (الكويل-الرفرف-الفانوس الأمامى-علبة البيئة-حساس كامة)بره التوكيل

الكلمات الدلالية لهذا الموضوع

المفضلات

المفضلات

ضوابط المشاركة