ركبت ديسك واسطوانه وبلية دبرياج والعزم زفت

**magedtohami** · 06-03-2011 11:20 PM

شكرا جزيلا واتضح نهائيا ان فيه مشكله فالكربراتير فالباب والاكس وجاري التصليح وبالنسبه للاخ وائل الي اعرفه حليت المكنة وطلعتها بره كله هيبان الاسطوانه والديسك وكله وغالبا انت عندك مشكله فالفتيس ودي الي عامله النحرة الي بتتكلم عنها ومدام حليت المكنه كمل بقا جميلك للاخر وصلح كل الاجزاء الميكانيكيه عشان تنتهي ومترجعش تحلها تاني وخلي بالك لما يكون الاسطوانه والديسك بايظين بيخليك تحمل عالمكنه اكبر وتتعبها اكتر ووشكرا لاهتمامكم

**wael6** · 06-03-2011 11:55 PM

المشاركة الأصلية كتبت بواسطة magedtohami

شكرا جزيلا واتضح نهائيا ان فيه مشكله فالكربراتير فالباب والاكس وجاري التصليح وبالنسبه للاخ وائل الي اعرفه حليت المكنة وطلعتها بره كله هيبان الاسطوانه والديسك وكله وغالبا انت عندك مشكله فالفتيس ودي الي عامله النحرة الي بتتكلم عنها ومدام حليت المكنه كمل بقا جميلك للاخر وصلح كل الاجزاء الميكانيكيه عشان تنتهي ومترجعش تحلها تاني وخلي بالك لما يكون الاسطوانه والديسك بايظين بيخليك تحمل عالمكنه اكبر وتتعبها اكتر ووشكرا لاهتمامكم

ربنا يخليك ويحللك كل مشاكلك يارب
هو سايب عمود الكرنك وبيقول هيركب على كده وان طقم الدبرياج مش هيبان الا لما الفتيس يتحل هل ده حقيقي
ولا بيكمل عادى ويبان

**magedtohami** · 10-03-2011 09:37 AM

بص معلش انا اسف فالتأخير فالرد بس الاحسن تسأل عفشجي لان شغلته فالفتيس وفالجزئية الي انت بتتكلم فيها دي الصرراحه مقدرش افيدك :(

**wael6** · 10-03-2011 09:00 PM

المشاركة الأصلية كتبت بواسطة magedtohami

بص معلش انا اسف فالتأخير فالرد بس الاحسن تسأل عفشجي لان شغلته فالفتيس وفالجزئية الي انت بتتكلم فيها دي الصرراحه مقدرش افيدك :(

شكرا جزيلا
انا حاليا فى التليين
انا مشيت بالعربيه حوالى 240 كم وباذن الله يوم السبت هروح اغير الزيت والفلتر
1-- 240 كم اغلبهم سفر عملوا 22 لتر بنزين هل طبيعي ولا مبيبانش دلوقتى ؟
2-- الزيت النهارده لقيته ناقص حوالى نص سم عن مقاسه ( اتصلت بالميكانيكي وقالى ده طبيعي لان كارتيرة الزيت كانت محلوله وفاضيه ويمكن يكون وقع زيت منى )
انا لاحظت يا بشمهندس ان الحمد لله مفيش تسريب عندى ( ما تفسير نقصان الزيت ( زيت بترومين ابيض )
3-- فى دخان ابيض فى الشكمان خصوصا وهى بارده ؟ هل ده طبيعي ولافى مشكله
4-- وانا ع الطريق السريع لاحظت انى لما بكون على سرعة 90 او 100 فيما فوق انا مشيت مثلا على 110 للحظات
لقيت الدركسيون بيترج وبيرتعش ورعشه فى الدواسه بس مش جامده ؟ ده ايه ؟ وحله ايه ؟
الحمد لله العربيه كانت ثابته ومبتعومش او تحدف؟ لكن رعشه فوق سرعه 90
5-- (( لسه خشونة التروس وصوت الوجوجه وصوت هى هى هى هى لما بتسيب بنزين موجود )) هل مشاكل الدبرياج والفتيس تزيد الحمل ع المكنه وتتعبها ام لا .
6- العربيه ساعات بنتش ع الاول او التانى لكن مش باستمرار ؟
اسف للاطاله ومستني توضيح حضرتك نقطه نقطه وكلى آذان صاغيه
ولكم جزيل الشكر والامتنان

**mrastra** · 11-03-2011 02:00 AM

السلام عليكم
1- المعدل دة كويس اوى وهايزيد كمان ان شاء الله مع الوقت ويوصل لـ 12 كيلو فى اللتر انت دلوقتى 11 كيلو لكن اما الموتور يطبع شوية هايتحسن
2- بامر الله فى التغييرة الجاية اطمن ان المقاس مظبوط وكولة تمام عشان لو نقص نقدر نحكم من اية
3-الدخان الابيض طبيعى جدااااااا وعلامة من علامات قوة المكنة
4- العربية عاوزة ترصيص 4 فرد
5- حدد المشكلة اكتر لو سمحت

**wael6** · 11-03-2011 02:49 PM

السلام عليكم
جزاكم الله كل خير
هو بالنسبه للترصيص بيكون للجنوط ولا لايه ؟ وايه تكلفتها ؟
وهل بيضر فى حاجه لو سيبتها كده وانا ماشي ع السرعات البطيئة اقل من 90 كم مثلا داخل البلد حيث انى سفري قليل جدا ؟
بالنسبة للفتيس
هو بينقل مظبوط لكن بحس بصوت التروس وانا بنقل وكمان العصايه بتقف لمده مثلا ثانيه او اثنتين بين حارات النقل
فى 3 اصوات بسمعهم
1- والعربيه واقفه ومموره صوت زى صوت الخرطه مثلا او زى سير بيلف وبيرزع بس مش عالى وبيروح لما بدوس ع الدبرياج
2- صوت والعربيه ماشيه مثلا زى صوت وج وج وج وج وج ولما بمور العربيه بيروح وكمان لما بدوس دبرياج وهى ماشيه بيروح
3- صوت والعربيه ماشيه بس لما بسيب رجلى من ع البنزين زى صوت هى هى هى هى هى هى
يارب اكون وضحت لحضرتك الصورة
هل تصليح الغوايش والبلي والتروس مجدى ولا بيرجع العيوب ترد تانى فى وقت قصير والافضل تغييره ؟
واسف جدا لتعبك وللاطاله
ولكم جزيل الشكر والامتنان