الموضوع: للترفيه فقط .... ذكريات مع اللجان الشعبيه

والله كاانت اياااااااااام جميلة

كانوا بيعملوا حاجات غريبة عشان يعرفوا بعض وكل واحد كان بيبقي معاه ورقة لتعريف نفسه عندنا الشباب مكنوش بيكتبوا اسمهم كانوا بيكتبوا الشهيد كذا كانت حاجات رغم الرعب الفظيع فعلا تضحك اوي كل شوية نسمع جم جم الحقوا ونسمع ضرب نار وبعدين ارجع مشيو واغلبها اصلا اشتغالات لدرجة اننا مبقناش نعرف ننام الا علي صوت الرصاص .
وناس بتحكيلي في مناطق اللجان الشعبية هي كانت مصدر الرعب اصلا للناس وكانوا بيعملوا تجارب للقبض علي البلطجية وهما نفسهم اللي كانوا بيتعوروا

انا بقى مش حقول انى اول كلمت الناس اللى اعرفها علشان يكلموا الناس اللي يعرفوهم

وانا عندى سكينه كبيره كده كنت نازل بيها وبماسوره مياه واحد اتزنق فيها اخدها المهم فى غفير جنبنا كده لقيته ماسك شومه بس تمام

فا بسأله معندكش واحده تانيه قالى عندي يا باشا وراح داخل وخرجلى بحلق باب

اه والله حلق باب اللى بيكون فى الحيطه وبيركب عليه الباب

نسيت اقولكم اصلى طويل حبتين فا جابلى حاجة تنفع معايه
وقالى بص ياباشا دى متنفعش لحد تانى غير سعادتك
هههههههههههههههههه
بس كانت تمام وعملت الواجب اللى كان بيشوفها كان بيقف لوحده من غير ما حد يكلمه

وبالنسبه للى حصل كثير وده عاوز موضوع لوحده

المشاركة الأصلية كتبت بواسطة mtak

تقريبا نفس الظروف
بس اكتر حاجه مضحكانى الى الان
انا ساكن فى مكان زى كمبزند محاط بسور سلك
و عمارات فاضيه كتير و متنطورة
يعنى ماينفعش نقعد على باب بين او ناصيه شارع
فكنا بنلف حول السور و من الداخل فى مجموعات كل مجموعه مكونه من نفرين
نسيت اقولكوا ان حولنا صحراء من كل جانب يعنى الرعب كله

المهم كنت بلف انا و واحد صاحبى و كل واحد معاه شومه محترمه و بنمشى نخبط فى الارض
كان ناقص نقول
هراس جاااااااااااى
و اذ فجأه و اتنين طلعولنا من تحت عماره فى الظلام و صاحبى لم يكن يعرفهم
و اذ بى اراه يتوتر توتر شديد و يقولى و هم جايين ناحيتنا
دووول معانا
قولتله اه

قالى اصل كنت لسه هاجرى

والله هلكتنى من الضحك

اول يوم طبعا نزلنا كلنا وبالنسبالى كان معايا اليكتريك اتشوك وخنجر مشرشر
فى نص الليل واحد دخل اول الشارع بألى قام الميكانيكى اللى فى شارعنا معاه طبنجه استخبى واول ما عداه ضرب نار فى الهوى اللى داخل اتربك
واتعمل فى وشه خريطه الهرم واتاخد منو الألى واتسلم للجيش
وبعد كده مكنش فى احداث تذكر غير اننا سلمنا خمس مساجين شكلهم غلط لكن اللى كنا بنحس انو راجع لأهل بيته يشوفهم كنا بنسيبه يمشى وهو ونصيبه مع الباقى
المربع اللى انا ساكن فيه يبقى ابن مجنونه اللى يفكر يدخل يعمل فيه حاجه بعد كده لأنى شفت كميه سلاح نارى وابيض ومولوتوف تكفى للأستيلاء على المعادى بحالها هههههههههههه

عارفين جاروف الرملة

فكيت الراس واخد العصاية اللي مسكاة ( بنت لزينة )

بس الدخان بتاع النار بوظلي صدري

اول يوم كان قلق جاااااامد وفي حتت ظلمة الناس كانت بتخش فيها

مرة لسة بقولهم هطلع اشحن التليفون وانزل وانا بفتح باب البيت اسمع ضرب نار وصويت

واذ فجاءة الاقي 35 : 45 واحد في المنطقة دي باسلحة نارية و كولو جه يطلع ايه في الاخر

واحد بواب بيتخانق مع مراتة وواحد شاف كده فضرب نار علشان الناس تيجي تحوش

تييييييييييييت

مسكنا مرة لانسر ذهبي مسروقة
بس اول يوم في ناس ماتت و في ناس طلعت من القطامية والجيش نفخهم صح

عين شمس ... وما ادراك ماعين شمس ... محمية طبيعية .. كنت بشفق على اللى هتكون داعيه عليه امه اللى كان هيفكر يعمل قلق فيها .... كمية سلاح تحرر فلسطين وطبعا نفس السيناريو السابق ... دول جايين من هنا .. اضرب ياجدع ... طاخ طاخ ... لاء جاين من هناك ... اضرب يا جدع ... طاخ طاخ ... ضرب نار في الهواء من آلي وطبنجات وبنادق والله صعب على الهواء من كتر ضرب النار فيه وكمية مطاوي وسيوف وسنج لاء وكل شارع فيه 350 لجنة تفتيش بين كل لجنة ولجنة 5 امتار بعد يومين عملنا دوري اللجان الشعبية لكرة القدم كل لجنة كانت عمله فريق كورة واجمل حاجة ان شباب المنطقة كانت بتمر على كل فرن للعيش تجبر كل فرن على خبز حصة الدقيق كلها وتحسين العيش وسوق الخضار وتراقب الاسعار كانت حاجة حلوه على الرغم ان اللى كان بيعمل كده الشباب اللى كنا بنقول عليهم شمامين

المشاركة الأصلية كتبت بواسطة abogogo

عين شمس ... وما ادراك ماعين شمس ... محمية طبيعية .. كنت بشفق على اللى هتكون داعيه عليه امه اللى كان هيفكر يعمل قلق فيها .... كمية سلاح تحرر فلسطين وطبعا نفس السيناريو السابق ... دول جايين من هنا .. اضرب ياجدع ... طاخ طاخ ... لاء جاين من هناك ... اضرب يا جدع ... طاخ طاخ ... ضرب نار في الهواء من آلي وطبنجات وبنادق والله صعب على الهواء من كتر ضرب النار فيه وكمية مطاوي وسيوف وسنج لاء وكل شارع فيه 350 لجنة تفتيش بين كل لجنة ولجنة 5 امتار بعد يومين عملنا دوري اللجان الشعبية لكرة القدم كل لجنة كانت عمله فريق كورة واجمل حاجة ان شباب المنطقة كانت بتمر على كل فرن للعيش تجبر كل فرن على خبز حصة الدقيق كلها وتحسين العيش وسوق الخضار وتراقب الاسعار كانت حاجة حلوه على الرغم ان اللى كان بيعمل كده الشباب اللى كنا بنقول عليهم شمامين

نفس الي كنت بقول عليه
الشباب دي كنا بنقول عليها بلطجية و شمامين
دول اول ناس حمونا
ووقفو قدام البلطجية و ظبطو الاسعارمنعاً للاستغلال