للترفيه فقط .... ذكريات مع اللجان الشعبيه

**ahmadmidop** · 06-03-2011 12:56 AM

واحنا اصلا جنب الطريق الدولي على طوووول فكان في مجموعة على الدولي في الظلاااااااااااااااااااام وكان في عربيات بتعدي عليهم كل شوية تشوف عاوزين اكل اي حاااجة بيدوهم وكنت ساعات بروح اققف بس بصراحة رررررررررعب وفجأة لقينا عربية نص نقل ومحملة ناااااس كتييير ماسكين خشب وسكاكين قلنا خلاااااااص طلعو عساكر الامن المركزي محملنهم في عربيات ومهربنهم من دمياط على جمصة على اسكندرية كل واحد على بلده ,,,,, وكان في عربية تمن عليها 4 برشاشات اتجاابت بردوووو ايييييييييييييام .... وربنا يعدي الفترة دي على خير وفعلا الصور دي هتبقى تااااريخ هههه

**OmaR_FekrY** · 06-03-2011 01:03 AM

ههههههه كانت ايام
بس الحو عندنا كان اكشن قوى قوى
يعنى العبد لله كان هيتقتل مرتين و الله
الاولى كانت تهويش فى الهوا علشان كنا كتير واقفين
بس التانيه انا اللى كنت مقصود علشان انا اللى شوفت العربيه و فضلت ازعق العربيه اهى العربيه اهى
كان طالع منها 2 فى الكنبه اللى ورا و معاهم الى و انا عامل فيها الشجاع و اول واحد بجرى عليهم و هوب رصاصه من جمبى ب 3 سم و ديب فى ازاز العربيه اللى راكنه ورايا علطول ( كنا حاطينها درع دفاعهى :) )
و بعد كده بقى بدوا العيال ولاد البوابين يزاولونا و الساعه 5 الفجر تلاقى تصفير و زعيق انزلواااااااااااااااااااا ااا
ننزل نجرى بالشوم يقعدوا يضحكوا :(
بس اجمل حاجه بقى عجبتنى و كل م افتكرها اموت من الضحك
انا ساكن فى حدايق الاهرام ف احنا اول محطه لمساجين الفيوم و مسكنا فعلا 17 واحد و الجيش حطهم فى ميكروباص و الراجل السواق بيجرى بيهم فى الشارع الرئيسى علشان يسلمهم فى النقطه اللى فى ميدان الرمايه و الناس بقى اللى فى الرئيسى شافوا الميكروباص و بيجرى و جواه مساجين ... امسك امسك ووقفوا يا عينى الراجل و المساجين و كلوا علقه هههههههه والهى صعبوا عليا و احنا نروحلوهم يا عم دول ممسوكين يقولك وحيات ..... ابدا
ي عم عيب يقولىى لآ ... ييييييييى
بس والهى صعبوا عليا ههههههه

**ahmed_mido1889** · 06-03-2011 01:05 AM

انا بقي اللي كان بيضحكني مره واحد بيقول جايين

وفجاه الستات بقو في البلكونات والرجاله في الشارع

والاقي واحده ست واقفه في البلكونه

كان ولادها عملين ازايز مولتوف

قامت ماسكه ولاعه ومولعه وراميه علينا

لاقيتت كل واحد بيستخبي في حته من الازازه

بس حظنا انها فرقعت في الجو

و كان في واحد معانا دماغه رايحه في داهيه

مولعين النار وقاعدين وده مش شايف النار وقام دايس فيها وواقف مش حاسس بحاجه

احنا اللي حرقناه كان عباره عن ترابيزه سفره

وطقم انتريه

وحبه خشب باركيه

وكل واحد من اللي معانا كان بيحكي علي مواقف حصلتله ف الجيش

وكان في واحد عندنا متشائم كل لما يشوفنا

يقولك هما هيجو يقتلو 6 شباب عالصبح

بس كانت ايام

وكان دوري اللجان الشعبيه

وقهوه اللجان الشعبيه

**TA2EB** · 06-03-2011 01:24 AM

عيل بطلجي في المنطقة مسجل خطر واقف في لجنة اسمة ابو شفة :d
معدي بوكس في رئيس المباحث و مامور القسم و الاتنين عرفينة 100% و هو عارفهم طبعاً
راسه و الف جزمة لازم يشوف بطايقهم و رخصهم .... و رافع عليهم سلاح و ممشاهمش فعلاً غير لما طلعو البطايق
منظرهم بصراحة كان كوميدي جداً و هما هايموتو من الغيظ :)

**Mahmoudyoussif** · 06-03-2011 01:48 AM

و لله مواضيع تفطس من الضحك المفروض

يرجعو اللجان الشعبيه خميس وجمعه بقا

عشان الناس تتسلى

**minicooper20** · 06-03-2011 02:05 AM

انتو مشفتوش الكلب البلدى البيدخلوه يشم فى العربيه
و لاب توب البكشفو فيه على الرخصه
اجمل ايام حياتى مسكنا 6 فى المدرسه كانو باسلاح ضربنا عليهم نار اكتر من الضربها الخيش و الله العظيم الظابط مش مصدق كميه السلاح المعا الناس
ربنا يحمى مصر
المواقف كتير اوى

**E30power** · 06-03-2011 02:22 AM

ابااااااااااااااام بقى كنت حاسس انى ساكن فى شيكاغو ...

انا منطقتى كلها تقريبا من نفس السن كلنا وكنا كتير جدا وكل واحد معروف هناك بالاسامى ..المهم كنا من كتر الملل ومفيش حاجة الحمد لله وهرجلة غير طبيعية ...فانا واربعة لمينا نفسنا ورحنا شقة واحد صاحبى فاضية وجبنا بلاى ستيشن نلعب ساعتين وننزل تانى :(...المهم سمعنا صفير جامد فصاحبى بيبص من الشباك بيسال فى حاجة ...قام واحد رد باعلى صوت انزل بدل ما انتا قاعد فى بيتكو زى النسوان ههههههههه نزلنا يا عينى نزلناة لوحدو واحنا نزلنا وراة علشان الشبهة ....

وفى يوم واحد غلبااان من الارياف رايح لقرايبة جوة وعلى ضهرة شنطة مدرسة فيها هدومة ...فعدى على كل الكماين ومفيش مشاكل وفجاءة صوت حد يعرفو يا رجالة لا ..امسكوووة بص وراة لقى المنطقة كلها بتجرى وراة قام من الخضة اتمسمر فى مكانة ورمى الشنطة ..فبنسالة رايح فين وانتا منين قعد حوالى دقيقة مش عارف يتكلم من الخضة ههههههههههههههه

**hazemhassan** · 06-03-2011 10:23 PM

المشاركة الأصلية كتبت بواسطة TA2EB

عيل بطلجي في المنطقة مسجل خطر واقف في لجنة اسمة ابو شفة :d
معدي بوكس في رئيس المباحث و مامور القسم و الاتنين عرفينة 100% و هو عارفهم طبعاً
راسه و الف جزمة لازم يشوف بطايقهم و رخصهم .... و رافع عليهم سلاح و ممشاهمش فعلاً غير لما طلعو البطايق
منظرهم بصراحة كان كوميدي جداً و هما هايموتو من الغيظ :)

فعلا الموقف دة حصل عندنا كتيرررررررررررررررررررر حتى ظباط الجيش اللى لابس ميرى كان لازم الكارنية والظابط الشرطة مكنش بيقول انة ظابط ولما يعرفو انو ظابط يخلو يفتح الشنطة ويقدرو شوية وطبعا هوة فى حلم اللى عمرو ما وقف فى كمين

المشاركة الأصلية كتبت بواسطة E30power

وفى يوم واحد غلبااان من الارياف رايح لقرايبة جوة وعلى ضهرة شنطة مدرسة فيها هدومة ...فعدى على كل الكماين ومفيش مشاكل وفجاءة صوت حد يعرفو يا رجالة لا ..امسكوووة بص وراة لقى المنطقة كلها بتجرى وراة قام من الخضة اتمسمر فى مكانة ورمى الشنطة ..فبنسالة رايح فين وانتا منين قعد حوالى دقيقة مش عارف يتكلم من الخضة ههههههههههههههه

ههههههههههههههههههههههههه ههههههههههههههههههههههههه ههههههههههههههههههههههههه هه دة مش اتخض دة قطع الخلف

**Xander2010_Evo** · 07-03-2011 06:01 AM

ههههههه كانت أيام روووعة
إتعرفت علي ناس كتييير مع إني مش إجتماعي أووي فالعادي
كنا بنسهر للصبح وشاي ولب وسوداني وتلفزيون وواحد جاب سجادة ومخدتين وكنا بننام تحت البيت ساعات كده
ونضحك ونهزر وصوتنا كان يسمع بلد لدرجة واحد طلع يزعق "الله يخربيت إللي عمل كده" هههههههه
وكان سلاحي مسدس رش مش لاقينلوا ذخيرة وعصاية مقشة :)) وكانت الأسلحة معظمها سواطير وسنج لأن جنبا حتة لبش أصلآ
وفاليوم إللي هروا فيه المساجين كان فيه واحد معروف فالحتة اللبش إللي جنبنا هرب من السجن
أخد أول يومين مختفي وإذ فجاءة ظهر فاليوم التالت وبدل مايحمي منطقته جاي يقف معانا
يخربيييييييت هوا أنا ناقصك
المهم كان فيه واحد من أصحاب الحشيش والبرشام قاام بدور عاااالي جدآ الصراحة
قائد الثورة العبورية علاء
ف يوم علاء ده هوا و2 تانيين مشهورين بالحشيش
قعد 3 أيام صاحي متوااااااااصل معرفش إزااااي هل ده بتأثير الحشيش والبرشام؟؟
المهم أول يوم نقعد واحد كده منعرفهوش أول مرة نشوفوا أصلآ قعد يرغي معانا ويقول
"الله يخربيت الثورة أنا مش عارف الناس دووول عاوزين إيه"
وبعدها بيوجهلي أنا وواحد جنبي الكلام ده
"ينفع كده يعني ياكباتن؟؟ شريط الترامادول يبقي ب30 جنيه؟؟ ولاد ال..... بيستغلوا الظروف"
وأنا ماسك نفسي بالعافية من الضحك ومرعوب منه ف نفس الوقت
وف يوم علاء قائد الثورة العبورية ده شغال رااااااايح جاااااااي بيلف المنطقة كلها
"مالك ياعم علاء فيه إيه؟؟"
علاء: "مش عارف الواد سيد إتأخر ليه؟؟"
"الغايب حجته معاه ياعم الحاج"
وبعدها جه سيد ده وعلاء طالع يجري عليه
"إتأخرت ليييييييييه يا حيو..........؟؟"
سيد: أهوه يا عم علاء الراجل بتاع السادات غللي الحشيش إتفضل ياعم وشريط أهوه كمان"
ههههههههههههههههههههههههه ه
يخرم جيوبكم ههههههههههههه وأنا بقولوا الغايب حجته معاه؟؟؟!!!! دانا بقيت مشارك فالجريمة
موقف تاني كوميدي
أول يوم واحد عرباوي داخل المنطقة من شارع ضلمة جدآآ عيل صغير زعق بصوت عاااالي "حرااااااااامي"
الراجل ذات نفسو إتفزع وطلع يجري وأمة لا إله الإ الله وراه
وهوووووب الراجل إتدعك
بعد ماالناس الكبيرة جت وبيسألوه
الراجل وهوا بيبكي "والله العظيم أنا ما حرامي أنا جاي أزور فلان ساكن هنا"
الراجل صعب عليا وأنا فطسان من الضحك
موقف تالت وأخير
عاملين لجان كل 10 متر
ميكروباظ تيويوتا داخل من نفس الحتة الضلمة "أصل هي دي المدخل الوحيد علشان مانعين الدخول أصلآ من كل المداخل التانية"
المهم عمنا الحاج كان عابر سبيل داخل وشوية شباب من اللجنة الشعبية بيشاورلوا بيحاولوا يوقفوه
هووووب الرااااجل إفتكرهم بلطجية راح زوود وداس بنزين ودخل شمال
هووووب هما كمان إفتكروه "حراااااااااامي"
أمة لا إله الإ الله مع أطفال المنطقة أصحاب المهارات القناصة بالطوب
وعينك ماتشوف الإ النور
الراجل طيران بالميكروباظ مع تكسير كااااااامل للإزاز كللللللله والله صعب عليا
المشكلة كنا مجهزين مولوتوف صندوق كاااامل مفرقعتش ولا إزازة حاجة تخنق بجد
والمشكلة كمان أنا ساكن ف آخر المنطقة المدججة دي فلما بيمسكوا حرامي أو بلطجي أو واحد من عساكر الأمن المركزي إللي بيحاولوا يهربوا بالسلاح علشان يبيعوه -"علي فكرة نسيت أقول إني ساكن بالقرب من الأمن المركزي يفصلني شارع بس"-
بيمكسوه البني آدم ده علي أول الشارع يدعكوه تمام ويسلموه للجيش
إحنا مبنخدش حقنا بنقعد سهرانين للصبح ومحدش بيجي
يا أخوانا حد يقول للبلطجية ييجوا بدري شوية وياريت يدخلوا من كذا حتة علشان كل الناس تأخد حقها فالضرب
وآدي الصور بتاعت المسدس الفشنك ده
http://img839.imageshack.us/i/image1008.jpg/

http://img263.imageshack.us/i/image1009.jpg/

**khaled_sabry** · 14-11-2013 09:29 AM

المشاركة الأصلية كتبت بواسطة hazemhassan

ولا تزعل ياباشا الصور اهية

بس يارب الصور تكون باينة
دى صور كدة خفيفة كانت ايام جميلة بس ربنا مايرجعها تانى
اناساكن فى النعام فى عين شمس يوم الجمعة الغضب باليل كان فى كمية حرامية اللى جايين من المطرية وعزبة النخل بيقلبو مخزن البلادية هوة قريب منى كنت ببص من البلاكونة الاقى ناس شايلة حاجات ومن الطريف ان فى واحد وقع منة حاجات لانة كان معاه حاجات كتير راح واحدد عندنا فى الشارع قالو استنا اساعدك وراح ساعدة وشيلو الحاجات تانى وهوة مش عارف انو حرامى المهم دة مكنتش عندنا فى الشارع السرقة كاتنو بيعدو علينا بس بالحاجات خلصو المخزن بتاع البلادية راحو جاييين عندنا الشارع لان عندنا مركز بحوث الصحراء هوة قصر كبيييررررررررر ومليان من خيرات ربنا للى مايعرفهوش المهم ورحانا سمعت قريبى اللى تحتينا يزعق لواحد سارق كرسى كمبيوتر من المرطكز دة ورحنا كلنا نزلنا بتاع 30 فرد كدة او ازيد شوية الكلام دة الساعة 12 باليل وكل واحد نازل بماسورة او عصاية مقشة اللى بيقدر علية رحنا المركز لقناهم ضاربين الحراس ومكسرين مكنة الصرف الالى عشان يسرقوها طبعا معرفوش يفتحو الصندوق الحديد وناس عمالة تخرج بحاجات حاجات اية بقى .اجهزة كمبيوتر تيلسكوبات مكاتب برنت كراسى لاب توب تمام بقينا كل اللى يخرج ناخد الجاة منة ونركنها فى حجرة الامن بعدين بساعة جات عربيات نقل ومحمله ناسسسسس بتاع 100 فرد دة غير اللى جوة وبيسرقو ومش دريانين باللى بيحصل برة فجا جمعو نفسهم ضرب ناااار طوب واحنا بنرد بالطوب وجريو علينا ببص حوليا انا وكذا واحد لقينا كل اللى كانو معانا جريو واحنا لوحدنا كان ابن خالى الصغير كان واقف ورايا لقة الحرامية دخل استخبى فى مدخل عمارة واعد يعيط انا جريت رجعت وراة مع الناس ومقدينها انتفاضة بالحجارة على كام طلقة من ضمن كان من عندنا واحد معاه فرد حى كان بيضرب بية بس فى الهوا مش على حد احنا طبعا كنا بعدنا عن الباب دخلو يخلصو شغلهم وبيحملو على العربيات وحبة جرية علينا عشان منهجمش عليهم تانى وطوب وازايز ومقدينا حرب وعربيات اتكسرت فى الشارع المهم اعدت ادور على الواد الصغير رحت راجع ادور علية مكان مكناه واقفين لقيتة فى مدخل العمارة وهوة ميت من الخوف وطبعا الحرامية مش سيبن اى حد يقرب منهم والكلمة اللى على لسانهم (احنا مابنسرقش حد فيكو احنا بنسرق الحكومة) والكلام دة لحد الصبح خدو كل حاجة من ضمن فى جهاز بتاع التربة تمنة مليون جنية اتاخد دة غير التكيفات اللى راكبة خلعوها والعربيات معرفش ازاى دوروها واخدوها كان بيحملها ويمشى بيها لحد ما الجيش جة الصبح الساعة 7 كان عمال بيتسرق
ومن يوم السبت من ساعة الحظر مابندخلش نملة الشارع ومن حسن حظنا كان قبل الثورة بيغيرو عمدان النور وكانو فكينها ومرمية على الرصيف كنا بنقفل بيها الشارع
والقصة خلصت
المضحك بقى فى الايام اللى بعد كدة كنا نسمع جاييييييييييييييييييييييي يييييييييييييييين والناس كلها تستعد فى كل الشوارع وتتطلع اشتغالة ومش مرة ولا اتنين دة على طول حتى الساعة 6 صباحا وعندنا الناس ماكنتش بتطلع غير الصبح الساعة 8 دول الشاب اما الناس الكبيرة كان اخرهم الفجررررررررررر
والكل اتعرف على بعض والطوالى نزلت والشاى والكيك والله ولاب توب ونلعب كورة ونشغل موسيقة
اياااااااااام الواحد عمرة مكان يتخيل ان دة يحصل

انتا طلعت جارى بقى
انا بقى ساكن فى نفس الشارع اللى كان فيه مخزن البلديه بيتسرق

الموضوع: للترفيه فقط .... ذكريات مع اللجان الشعبيه

LinkBack

أدوات الموضوع

عرض

-

-

-

-

-

المواضيع المتشابهه

دعوه للترفيه عن الاعضاء

عايز فيديوهات تصنيع العربيات الشعبيه الى فى مصر

نكت للترفيه

مسابقة الامثال الشعبيه

الكلمات الدلالية لهذا الموضوع

المفضلات

المفضلات

ضوابط المشاركة