الموضوع دا انا عامله الغرض منه ان احنا نفتكر جو اللجان الشعبيه

اي نعم كان ساعات فيها شد اعصاب بس عرفتنا على جيرانا وقربتنا

من بعض كتير

بالنسبه للمنطقه عندنا مفيش مواقف حصلت تذكر غير ان واحد جيه

شكله مبرشم قالنا في 2000 واحد هيجوا المنظقه و بتاع طبعا كله اتشد

و بعديها بنص ساعه سمعت صوت زعيق وهيصه في الشارع لقيتهم ماسكين واحد

عاجنينه ضرب اتاريه هربان من السجن و جاي عشان اهله .... دا غير طبعا الدوريات

بالموتسيكلات و كميه السلاح الرهيبه و الشارات اللي كنا معلقينها و النقطه اللي

عندنا على اول الشارع شالوا من عليها اسمها و سموها مركز المقاومه الشعبيه

دا غير طبعا حملات عشان الاسعار اللي عليت ولله على اد ما كانت ايام صعبه

بس الواحد عرف ان الشعب دا ولله ما فيه زيه


والاغنيه دي بقى لكل اللي و قفوا في عز التلج بليل وياريت نسمع حكاويكوا برده


[youtube]http://www.youtube.com/watch?v=eTnKSTBO6eY&feature=player_embedded[/youtube]