شكر ا من كل قلبي للرجل المحترم الفريق د.أحمد شفيق
عرض للطباعة
شكر ا من كل قلبي للرجل المحترم الفريق د.أحمد شفيق
بالراحة بس و بلاش الحماس يخليك تغلط
عايز تعترض علي شفيق كرئيس وزراء ووزير طيران حققك و براحتك خالص لكن من غير المقبول السخرية ممن حارب في 73 من اصغر جندي لاكبر قائد في الميدان (مش سياسي)
و الكلام اللي بدأنا نسمعه زي " اللي حاربوا دول كانوا بيعملوا شغلتهم و مالهمش فضل علينا"
و مش عايزين فساد مبارك يكون سبب في عدم احترام رجال الجيش و من حاربوا في اكتوبر قبل ان يولد معظمنا
لو حد سخر من الحرب
اتمنى الا يشوفها يوماً
الرجل المناسب فى المكان اللى مش مناسب
والله بس انا شايف حاجة اى واحد مبيعترفش بانجازات اى شخص ويقولك لا وخلاص تعرف انه عايز يكونه زيه فى انجازاته لكن مش عارف فا بيهاجم وخلاص
تانى حاجة كل واحد بيتكلم ويقول نشكره لية انت والد حضرتك لو بيشتغل فى شركة موظف ومنغير اى انجازات ومنغير اى حاجة مجرد موظف بيعملموه حفلة ومش عارف اية ( مع انه مجرد كان بيشتغل من غير اى انجازات )
واللى بيقول ان المطار ده عملوه بفلوسنا ومش عارف اية ما هو كان ممكن ميعملش اى حاجة وياخد الفلوس دية كمان ومنغير ما يغير لمبة حتى لكن ده اكبر دليل انه راجل يستحق كل شكر وانه عمل لمصر واجهة فى انها يبقى شكلها مطارتها كدة جايز فعلا منكم كتير مش بيسافر بطايرات فا مش عارف النظام كان اية زمان
ثالث حاجة ياريت محدش يتكلم فى اية حاجة منغير ما يكون فاهم فيها مش رغى وخلاص كل واحد عنده تخصص يعرف يتكلم فيه
رابع حاجة هنشوف الدكتور شرف هيعمل اية مع انى متاكد انه مش هيعمل اى حاجة اولا ده لضعف شخصيته وده باين طبعا هو وبيتكلم فى ميدان التحرير وكله بيسحب منه المايك
واظن ان رد الاستاذ otefa كفيل انه يرد على كل حاجة وبشكره جدا لانه ذو شخصية رائعة
مش بيتكلم وخلاص
وشكرا
1000 شكر للدكتور أحمد شفيق اللى طلع علينا أول ما اتعين و قال إن فيه أسماء وزراء اتفرضوا عليه و اللى لما مشى الدكتاتور الأعظم ما شالهومش و اتلكك بإن كل الوزراء اللى بيعرض عليهم الوزارة بيرفضوا و على الحصانة اللى كان مديها لرجالة وزارته الأوفياء و ما كانش حد فيهم بيتحاسب إلا لما يسيب الوزارة الأول و 1000 شكر ليه على الشريف العفيف محمود وجدى و أبو الغيط صاحب مصيبة حوض النيل و المنافق الأكبر و على تريقته على الثورة و على شبابها من أول يوم و على كل مجهوداته الطيبة اللى احنا حسينا بيها و حاليا بشكره أكتر إنه سابها و مشى و الحمد لله
الله يخليك أنا وأعضاء كثيرين نحاول ننظر للأمور بحيادية وبمبدأ الثورة نجحت في أهم أهدافها أزالة مبارك ورموز الفساد من الحكم ويتم حاليا عمليات تطهير واسعة بقطاعات الدولة المختلفة فيه رأين للأسلوب الواجب أتباعه في الفترة القادمة
1- أستكمال الثورة بأسلوبها ومعناها الحرفي فورا وده هايؤدي الى توقف أقتصاد البلد وأحتمال المفاجأت السلبية كل ماطالت التظاهرات والأعتصامات أكبر
2-التحرك بدهاء وهدؤ وخطوة خطوة ونبدأ بالأرضية الجيدة جدا ألي وصلنا لها ونطور عملية الديمقراطية على مراحل حتى لو هاتأخذ سنوات وده ألي برجحه
الموضوع مفاضلة بين طريقين واحد عايزنا نبدأ من نقطة الصفر تقريبا والتاني نقول مجازا نبدأ من 50:60%
بمعنى الدنيا تمشي عجلة الأقتصاد تتحرك بدل مانلاقي نفسنا بدل ما الفلوس ألي هاترجع للشعب والمفروض أستثمارها في مشاريع تنموية مش مكفية ترجع البلد لقبل يوم 25 ونقعدلنا 10 سنين ولا حاجة علشان الأمور تظبط
وشكرا لذوقك أستاذ مينا
تقبل تحياتي
أعصابي ............ حلوه أعصابي دي
واضح ان حضرتك مفهتمش انا بتكلم في ايه
وياريت اللي مش فاهم يقول مش فاهم بدل ما يتكلم بدون فهم يوتهم من امامه بذلك
حضرتك دخلت حاجتين في بعض
أولا قبل لما اقولك ايه الحاجتين دول
أحب بس اقولك اني لا يشرفني اني ابقى شخص متعجرف متكبر على من أمامي والحمد لله
ثانيا الححاجتين اللي دخلتهم في بعض ان حضرتك مفرقتش بين واحد عمل واجبه واحنا بنشكره عليه بدون ما يذكره او بتكابر به
وبين واحد بيقولي انا عملت وانا سويت أكن مفيش حد في البلد دي بيعمل غيره او ان ده بيعطيه الحق انه يفهمني شئ او يبقى وطني اكتر مني علشان له اي انجاز حتى لو صغير
فياريت تحاسب على كلامك شويه
لأن لما تقولي اني عاوز ابقى زيه علشان بهاجمه او مبعترفشي بإنجازاته
دي مرحله اخرى في الحوار لأنك اولا قولتني مالم اقله لأني لم انكر انجازات الراجل ولكن ما انكره هل ده يعطيه انه يتعالي على اي مواطن هل ده يخليه مفيش منه اتنين في البلد امال الشعب اللي حارب كان ايه
يا أخي كلنا مصريين وكلنا بنعمل للبلد يبقى ده ليس حكرا على واحد طلع بطيارة ولا واحد بيشيل الزبالة
يارب تكون وصلت
طيب شوف الفيدي ده كده وشوف راي الأسواني نفس الكلام اللي قلناه امبارح عنه
انه متكبر في كلامه وهو بيفهم والتانيين لأ وبيتكلم بنفس اسلوب استاذه الأكبر مبارك
[youtube]http://www.youtube.com/watch?v=BBCE0EUdK34&feature=player_embedded#at=847[/youtube]