بخصوص سرقة العربيات ... ارجو الدخول لكل من يعنيه الامر

**Ahmod** · 04-03-2011 12:28 AM

السلام عليكم ورحمة الله وبركاته

طبعا كلنا شايفين حال البلد اليومين دول من اسوا الى اسوا

الفوضى في كل حتة -- مافيش شرطة -- مافيش مرور

البلطجة والسرقة بقت علني ومش محتاج اتكلم عن حوادث لان الكل متابع الاخبار وعارف الدنيا فيها ايه

من كم يوم اتسرقت عربية قريبي (عربية نص نقل ) ودخلت هنا المنتدى لقيت حوادث سرقة العربيات بالهبل فحسيت اني حتى لو كتبت موضوع هيبقى صعب اني اوصل لحاجة في ظل الفوضى اللى احنا فيها

الواحد يا جماعة بقى بيروح كل مشاويره مواصلات وسايب العربية في الجراش خوفا انه في مرة يركنها في حتة ويرجع مايلقيهاش

ودي تحويشة العمر يعني لو راحت مافيش غيرها تاني ربنا يستر علينا كلنا

فعايز اتاكد من حاجة اعتقد ممكن يكون سؤال في بال ناس كتير لان لحد دلوقتي مش لاقي ليه اجابة معينة

هل فعلا ممكن سرقة العربيات الحديثة ؟ ؟ اقصد زي الكورولا واللانسر واليارس (اهم حاجة اليارس لانها عربيتي -- هههههههه ) وبقية العربيات من فئتها ؟ طبعا مش هتكلم عن المرسيدس والبي ام لان اعتقد التكنولوجيا فيها عالية جدا فافتكر صعب جدا موضوع سرقتها

لان ناس كتير بتقول السرقة بتكون للعربيات القديمة بس زي الشاهين وال 128 - 127 .. الخ

وناس تانية قالت لاء كل العربيات ممكن تتسرق حتى لو مسوجر الدركسيون ممكن يفتحها ويدورها

والواحد بقى مش عارف الكلام الاكيد فين ومش عارف يصدق ده ولا يصدق ده

فياريت من اصحاب الخبرات يقلنا ويطمنا هل فعلا يمكن سرقة اي عربية ؟ حتى لو مسوجر الدركسيون وقافل العربية تمام ؟

**Rerii** · 04-03-2011 12:49 AM

ربنا يسترها مش عارفة الحرامية بيحبوا اللانسر ليه :(

**MBhead** · 04-03-2011 01:52 AM

المشاركة الأصلية كتبت بواسطة Ahmod

طبعا مش هتكلم عن المرسيدس والبي ام لان اعتقد التكنولوجيا فيها عالية جدا فافتكر صعب جدا موضوع سرقتها

مش كل الي بيسرق عارف اهو بيسرق و خلاص انا اعرف واحد كان معاه jaguar Coupe و اتسرقت بس الكلام دا من سنين .....بجد صاحبها صعب عليا كان هيموت عليها و العربية جميلة و نادرة في مصر يعني ولا تنفع قطع غيار مستعمل و لا حيعرف يمشي بيها هوا سرقها و خلاص
ربنا يسترها معنا كلنا