برغم الفرق فى التصنيف هل اشترى لانسر ام افانزا ؟

**Dr.SherifMansy** · 01-06-2007 04:30 AM

[align=justify:6400176d97]اعلم ان اللانسر هى سيدان و التويوتا الأفانزا هى من فئة المينى فان و لكن انا محتار بينهما ، فانا ابحث عن سيارة عائلية و امامى لانسر 2007 1600 اوتوماتيك جميع الكماليات خليجى ب 94,250 جم و تويوتا افانزا 2007 1500 ب 109,000 و محتار جدا ، فمن ناحية العزم اللانسر 122 حصان اما الأفانزا ف 109 فقط ، و لكن الأفانزا تسع 7 راكب و بها مكيف للمقصورة الخلفية و دفع خلفى و اعلى عن الأرض من اللانسر (19سم مقابل 14.9سم) ، من ناحية الشكل فاللانسر تكسب بلا منازع ، و لكن الأمان الأفانزا تكسب (2 ايرباج ، ABS ، EBD ) . قد يقول البعض السبورت ب 107,000 و فيها نفس معامل الأمان و لكن ارد و اقول اولا بدون EBD و ثانيا انا غير مستعد لدفع فرق 13,000 جم فى عتب ابواب و تابلوه ابانوس و جنوط سبور (كماليات ليس لها معنى عندى مع احترامى للحميع ، فانا ابحث عن اشياء عملية) ، و لذلك انا محتار.
هل اطمع فى ارائكم القيمة و ردودكم السديدة و شكرا[/align:6400176d97]

:?: :? :x

**zoghrob** · 01-06-2007 05:11 AM

يا جماعة انا شايف ان مواصفات الأفانزا المكتوبة فى الكتالوج هى اقصر و اقل عرضا من الياريس و اللانسر بالطبع فازاى تبقى 7 راكب مرتاحين ؟ و كمان انا قرات انها هى انتاج مصانع دايهاتسو فى مايزيا بعد ما تويوتا اشترتها و انها هى الDaihatsu Astro بعد تعديل شكلها قليلا و بالذات شكل مقدمة السيارة.
حد عنده معلومات اكتر او حد جربها يرد علينا ؟

**Dr Ahmed** · 01-06-2007 10:06 AM

الانسر ارتفاعها عن الأرض 165 مم كما هو مكتوب فى الكتالوج وليس 145 مم

فرق العزم بين 109 و 122 لن تشعربه أبدا ، كما لن تشعر بفرق نوعية الفرامل بإذن الله

شكل السيارة أساسى، لو كان فيهم واحدة شكلها مش عاجبك تبقى تستبعدها من دلوقت وتحط عربية غيرها تقارنها مع اللى شكلها عاجبك لأنك لو اشتريت اللى شكلها مش عاجبك هتفضل متضايق طول ما هى معاك...

وربنا يهديك للصواب

**أبو عبدالله** · 01-06-2007 02:55 PM

طب ما أقول لحضرتك على حاجه الماتيريا كويسه في الحجم الداخلي وياباني 100*100

وبعدين هي مشكلة الافانزا الشكل وممكن تقول التقفيل الأندونيسي مش بيبقى بجودة الياباني ولكنه كفأ زي بالظبط العربيه المعروفه الكانشيل اللي هيا الغزالة الصغيره ما هي عباره عن الميرا بتاعت ديهاتسوا ولكن عربيه ممتازه وماشاء الله قويه وماسكه نفسها وبتستحمل ..........

الأفانزا انتاج فعلا مصانع دايهاتسوا في اندونيسيا وبتنزل هناك باسم دايهاتسوا

**Dr.SherifMansy** · 02-06-2007 03:16 PM

الماتيريا بصراحة شكلها فظيع (رأيى الشخصى مع الاعتذار لمالكيها) و بالتالى خارج النقاش و لكن لم افهم هل لأن الأفانزا اندونيسى تبقى فعلا مش حلوة زى ما قال الأخوة ولا ايه ؟ و هل معنى كده انى اتجه للانسر ؟
أنا كتبت فى اول سؤالى انى عارف انهم مش فئة واحدة علشان ابعد عن مناقشات "غلط مقارنة فئتين مختلفتين" (و هذا رأى سليم 100% و لكن مافيش اختيار من فئات مماثلة حسب ظروفى الحالية) يعنى بصراحة عايز من الآخر ، لو مافيش قدامى غير دول بس اجيب اى واحدة منهم ؟ انا عائلتى من 4 افراد و سفرى مش كتير (مثلا المصيف سنويا و رحلة او 2 غيره مثلا) ، و لكن وارد جدا ان يركب معى فى خروجاتنا المعتادة اقارب او اصقاء او جيران (مثلا احياناا عند الذهاب للمدرسة) فما رايكم ، و شكرا لكم و لكل من شارك برده الكريم

**Karim_Monir** · 02-06-2007 03:26 PM

يا اخي اهتم بعائلتك ولا تهتم لشيئ اخر
مش لازم تجيب اتوبيس عشان اللس عايز يركب معاك يركب
ده مبدأ غلط وانت راجل عملي
لكن لو هاتفكر في لانسر فكر المانيوال اللي 97 الف عند الوكيل فيها اير باج وايه بي اس
لكن الافانزا مش عاجبني شكلها ولا مساحة صالونها وبعدين لو مسافر مفيش مكان للشنط
وشكلها محسسني انها اتوبيس صغير
طب لو هامك الجيران والاصدقاء هات عربية صيني ميني فان زي الزونجو دي ولا حتي سوزوكي ال 7 راكب مكيفة ب 65 الف جنية وخلاص

طبعا بهزر خليك عملي واهتم لعائلتك في المقام الاول

**ahmad3330** · 28-07-2007 06:31 PM

مين قال ان الانسر ما فيهاش EBD ?????

-

-

الموضوع: برغم الفرق فى التصنيف هل اشترى لانسر ام افانزا ؟

LinkBack

أدوات الموضوع

عرض

-

-

-

المواضيع المتشابهه

برغم كل الافتكاسات قررت اشترى ميجان

مراعاة التصنيف

ما الفرق بين لانسر 2001 2002 2003 و بين لانسر 2004 2005 2006

ان شاء الله سوف اشترى لانسر 1300 الاسبوع الحالى اشترى خليجى ام مصرى

الكلمات الدلالية لهذا الموضوع

المفضلات

المفضلات

ضوابط المشاركة